رواية حياة قلبى الفصل الرابع 4 - بقلم شهد مصطفى

حياة محمدالجزء ٤مهاب: فيه وسط الذئاب كائن غريب غريب اوى. اضخم واكبر منهم مش باين له ملامحصفيه: وحش ازاى..مش فاهمه؟!!! مهاب: كنا بنطارد الديابه وبنضرب عليهم نار وفجأة لقينا واحد منهم بيقف على اقدامه الخلفيه وبيجرى.جرى غريب فطلبت منهم يوقفوا العربية سيبت عبد الكريم يراقبهم.وجيت اخدك لأنى حسيت ان فيه شيء غلطصفيه: بس فهمنى ازاى بيجرى على رجليه الخلفيتين ده مستحيل الوصف التشريحى للحيوانات

بيقول لك مستحيلمهاب: احنا مش في وقت ارائك العلميه اجرى بسرعه وتعالى نلحقه قبل ما يختفى في الصحراء.جريت صفيه بسرعه للخيمه واخدت (( السلاح او بالأصح بندقية إطلاق الحقن المخدره الخاصة بالحيوانات) ) واخدت بعض الحقن المخدره وراحت معاه وركبت في صندوق عربيه الدفع الرباعي واتحركت العربيه بسرعه لحد ما وصلو للبركه لقو عبد الكريم بيشاور لهم

فوقفت العربيةعبد الكريم: فيه مجموعة كهوف قريبه من هنا واظن ان دى الديابه بتعيش فيها لأنى شفت الديابه بتتجه لها وشفت فيها ديابه صغيرين.صفيه: فين ؟ عبد الكريم: تعالوا معايا بس براحه ومن غير اى صوت.واتجه بهم لمكان الكهوف وهناك شافت الجراء الصغيرين وكمان زمرة الديابه كانوا حوالى ٢٠ ديب.همست صفيه: مين فيهم الوحش انا مش شايفه حاجه غريبهمهاب بنفس الهمس: احنا بعيد عنهم والوحش مش باين مابينهم.صفيه: طب هنعرفه ازاى؟!

مهاب: انا هخوفهم وساعتها هنقدر نشوف الوحش.انتى مستعدههزت صفيه راسها بأهفي نفس الوقت ضرب مهاب رصاصه في الهواء ففزعت الديابه من الصوت وبدأت في الجرى والتحرك.اما فركبوا في صندوق العربية بسرعه وبدأوا في مطاردة الديابه.كان الوضع طبيعى لحد ما لمحت صفيه فعلا واحد من الديابه وقف على رجليه الخلفيتين وبدأ يجري ف... قاطعها القاضي: اوصفى لى الوحش ازاى شفتيه لأول مره؟!

صفيه: شيء غريب ومرعب مافيش عندى اى وصف احنا كنا تقريبا وقت المغرب الرؤية مش واضحه لكنى شفت شيئ مش طبيعي اكبر من كل الديابه حتى لما وقف على رجليه الخلفيتين كان اطول بكتير من الطول الطبيعي للحيوان.كان كتله من الشعر مختلطه بالطين والميه مش باين له اى ملامح حتى الجرى كان بطريقة غريبة مخيفه تلاقيه بيقفظ وينط ويجرى ويرجع تانى يستخدم القوائم الاربعه وشويه ويقف على اتنينالقاضي: وده شيئ طبيعي!؟

صفيه: لأ مستحيل الصفه التشريحيه للحيوان تجعله يستخدم قوائمه الأربعه في الجرى والحركه واستخدام اتنين ده صعب ومش طبيعى حتى حضرتك لو شفت عروض السيرك اللى بيستخدموا فيها الحيوانات هتلاقى الحيوان بيمشى عدد بسيط من الخطوات وبيكون بطيء لأن ده مخالف لطبيعته اما الوحش لأ كان استخدام القوائم الخلفيه بيزيده سرعه وقوه.القاضي: كملى وبعدين.رجعت صفيه بعقلها لفتره مش بعيده كانت راكبه في صندوق العربيه هى ومهاب في حين كان عبد الكريم

وزميلهم بيسوقوا العربيه بسرعه عشان يواكبوا سرعه الديابه ومايهربوش منهم.اما صفيه فجهزي بسرعه الحقنه المخدره في البندقيه ووجهتها على الكائن اللى بيحرى وهو بيعوى وينبح بصوت عالي قدام منها وضربته اول حقنه ولما لقته لسه بيجرى فضربته بالحقنه التانيه وبعدها جرى حوالى عشرة متر وبدأ يترنح في حركته وشويه شويه وفجأة وقع مكانه.في اللحظه دى وقفت العربيه قريبه من مكانه بس الكل كان خايف يقرب منه لحد ما اتشجعوا وخاصه ان الكائن ده

كان ساكن جدا فتجرأ مهاب هو وزمايله ونزلوا شالوا الكائن الغريب بعد ما ربطوه بالحبال وبعدها حطوه في صندوق العربيه واتحركوا بسرعه راجعين ناحية المخيموصلت العربية لقوا المكان مزدحم بسيارات الإسعاف والشرطة وسيارات تانيه والمخيم تقريبا مهدود.وبمجرد ماوصلوا اخدوا الوحش في واحده من العربيات والباقى ركبوا استعداد للرجوع بعد ما اتوصفت رحلتهم بالكارثة.&&&&&&&&&&&&&&&&بعد مرور أربعة ايام كانت صفيه ماشيه في طريقها لمكتبها

فقابلها زميلها حمديحمدي: صفيه فينك مختفيه من ساعة ما رجعتوا من المخيم.صفيه: يعنى بالعقل هنكون فين اكيد يعنى في جنازه أحمد وبعديه مازن الله يرحمهم.فأكيد حالتنا النفسية مش احسن حاجه يعنىحمدي: الله يرحمهم.على العموم كويس انك جيتى النهاردهصفيه: الدنيا مش بتقف على حد وبعدين أنا عندى شغل مهمحمدى: بالنسبه للشغل احنا عرفنا نوع الكائن

اللى اصطادتوهصفيه بدهشه: والله بالسرعه دى.ها فرحنى اكتشفت نوع جديد من الكائنات الحية اجهز نفسي للمجلات العلمية.حمدي: لأصفيه: طلع كلب عادى يعنى بس بيرقص باليه! حمدى: لأ كمانصفيه: حيرتنى يا حمدى طب هو نوعه ايهحمدي: مفاجأة الكائن اللى انتوا اصطادتوه من فصيله البنى ادمين.صفيه بسخريه: لا واللهحمدي: والله الكائن اللى قعد يعوى وينبح لحد ما صدعنا

يبقى بشرصفيه بنفس السخريه: بشر بس زهق من حياتنا فقرر يقضى الويك اند في الصحرا.لأ حلوه وجديدهحمدي: انتوا اكتشفتوا اكتشاف كبير يعنى المفروض تفخرى بنفسك وخاصة ان كل الصحف والمجلات العلمية هتتكلم عن اكتشافكم انتى مش مصدقانىصفيه: أصدق ايه اننا مسكنا بنى ادم زي وزيكحمدي: لأ هو زيي مش زيكصفيه: ياسلام اشمعنى زيكحمدي: عشان هو مذكر يعنى راجل زيى فهمتى.صفيه

بعدم تصديق: وياترى لقيتوا معاه بطاقته الشخصية.انت اكيد مجنون راجل ايه وهبل ايه انا شفت الوحش كان كتله كبير من الشعر مش باين له ملامح ولا شكل تقولى بشر بنى ادم.حمدي: يا صفيه اسمعينى احنا خدرنا الكائن ده عشان نفحصه كان واخد وضعيه الكلب يعنى وصعيه حيوانية خالصه بس احنا بدانا نفحصه لقينا ملامح وصفات بشريه مغطاه بطبقه كثيفة من الشعر.صفيه: اديك قلتها طبقه كثيفه من الشعر

وده مش من صفات البشرحمدي: طبقة الشعر دى تبقى رحمة ربنا الكبيرة لأن من غيرها كان ما*ت من البرد فى الشتا وجلده اتحرق من الحر في الصيف.صفيه بلخبطه: بعنى قصدك انه انسان بشرحمدي: ايوهصفيه: انا عايزه اشوفهحمدي: تشوفى ايه ماينفعش لأنه عاريان ورافض اى لبسصفيه: عريان خالص طب ماهو موغلى وطرزان كانوا لابسين كوافيل وساترين نفسهم احنا رجل الصحرا بتاعنا يبقى عارى ويكسفنا عند الغرب يقولوا علينا ايع عندنا ازمه في الكوافيل..ضحك

حمدى بصوت عالى وقال: يخرب عقلك يا شيخه انتى راحه فين دلوقتي ؟ صفيه ' انا راحه عند طرزان بتاعنا اشوفه واعرف التفاصيل.حمدي: انصحك ماترحيش دلوقتيصفيه: خليك في حالك!

&&&&&&&&&&&&&&&&&اتجهت لغرفه الملاحظه وكان اللى خارج منها اصوات كتير عاليه مختلط فيها صوت نباح وعواء الكلاب مع صوت رجاله بتحاول معاهفاتحركت بسرعه لغرفة المراقبه اللى جنبها ودى بتسجل كل حاجه في غرفة الملاحظه بدقه.اول ما دخلت وبصت على الشاشات ودورت وشها بسرعه لانها شافت راجل عارى.فانتبه لها الاستاذ طاهر وقال: بتعملى هنا ايه يا صفيه ارجعى على شغلك.صفيه وهى بتبص الناحية التانيه: هو الكلام بجد يا دكتور طاهر.احنا

مسكنا انسانطاهر: ايوه انسان اسم وصفه تشريحية لكنه حيوان في كل تصرفاتهصفيه: انا عايزه ابدأ ابحاثى معاه وبعدين ليه هو بيصرخ

وبيعوى بالصورة دىطاهر: هو من أول ما فاق وهو بالعنف الشديد ده وعمال يأذى نفسه ويأذى الأخرين فاضطرينا نجيب له قميص من اللى بيلبسوه المرضى النفسيين عشان نحاول نسيطر عليه وعشان ما يأذيش نفسه.واهو ثلاثه من العلماء بتحاول معاه ومش قادره تسيطر عليه كلهم انضربوا منه واتعضوا كمان.فياريت ترجعى لمكتبك لان انتى مش هينفع تتعاملى معاهصفيه:

بس ده الحاله بتاعتىطاهر: وليكن لكنه خطر وانا مش هسمح لك انك تعرضى نفسك للخطر فارجعى على مكتبك لو سمحتى.صفيه: ماشى حضرتك عندك حق يا دكتور انا مش لازم اعرض نفسى للخطر حضرتك صحدكتور طاهر:صفيه طرقتك في الكلام مش عجبانى

انتى ناويه على إيهصفيه: ولا حاجه يا دكتور ده انا مطيعه وبسمع الكلام عن اذنك.واول ما خرجت اتجهت لغرفة الملاحظه وبحركه متهوره فتحت الباب ودخلت جوه كان العلماء الثلاثه بيربطوا القميص بقوه وهم بيحاولوا يشلوا حركته.رفعت صفيه عينيها وشافت الوحش ده وفجأة دارت الدنيا بها وفقدت وعيها.قاطعها القاضي: بتقولى اغمى عليك لما شفتى الديب! طيب ليه؟

صفيه: اول مره شفت الديب قلبى ارتعش.القاضي: قلبك ارتعش.اسلوب غريب اول مره اسمعه يعنى إيه وضحى؟ صفيه: قلبى ارتعش يعنى اتنفض يعنى اتضاعفت دقات قلبى لدرجه ان جسمى ماستحملش فحسيت ببروده في اطرافى وصعوبة في التنفس وانهار جسمى كله كل ده في اقل من ٥ثوانى يا حضرة القاضي انا قلبي ارتعش بجد.رد واحد من الموجودين: اكيد ده حب من أول عضه.فانفجرت القاعة بالضحكالقاضي: باااااس الهدوء لو سمحتوا.مين اللى قال حب من أول عضهفشاور

الكل على شخص بينهمالرجل: انا اقصد بس.... القاضي: حبس لمدة ٢٤ساعه بتهمة الإساءة إلى المحكمه. (( وفعلا اخد الضابط الرجل لتنفيذ الحكم ويتحبس يوم) )القاضي: فيه حد تانى عايز يعلق بكلمهالكل حط ايده على فمه وهزوا رأسهم بلأالقاضي: كملى يا صفيهصفيه: انتبه الموجودين بى من وقعتى في الارض ودخل الدكتور طاهر اللى كان مراقبنى في

غرفة المراقبه والكل نادى: الحق يا دكتور مهاب شوف مراتككان الدكتور مهاب من ضمن العلماء اللى فى الغرفه فجرى بسرعه وشال صفيه واخدها غرفة المراقبه وبدأ يفوقهامهاب: فوقى يا صفيه.مالك جسمك ساقع كده ليه ؟ بدات صفيه تفوق وبعدها قالت بصوت مهزوز مرتعش: م... مين ..اللى جوه... ده.... مهابمهاب: انتى شفتى الديب وبعدين شكله مش بيخوف اوى.صح انتى ازاى يا مجنونه تخشى جوه ده ممكن يعضك ده بهدلنا كلنا وعضته قويه جداصفيه:

مين اللى جوه يا مهابمهاب: مالك يا صفيه بقولك الديبصفيه بدموع: انا عايزه اشوفه يا مهاب انا عايزه اشوفهمهاب: مالك يا صفيه انتى غريبه اوى كده ليه وبعدين أهو عندك على الشاشات اتفرجى عليه زى مانتى عايزهصفيه ببكا ودموع: لأ يا مهاب انا مش عايزه اشوفه على الشاشة انا عايزه اشوفه بجد ابقى معاه اشوفه وجه لوجهمهاب: طبعا لأ ده خطر عليكى وبعدين احنا بنتعامل معاه كحيوان مفترس وبناخد احتياطناصفيه: عشان خاطري ابوس ايدك لو ليا غلاوه

في قلبك دخلنى لهمهاب: انتى ليه مصره انك تدخلى عندهصفيه: عايزه اشوفه عشان خاطر عايزه اشوفه.مهاب: ماشى بس ليهصفيه: ادخل بس الاول وبعدها هاقولك ليهمسكها مهاب وسندها ودخلوا غرفه الملاحظه كان الديب جالس على الارض متكتف بالقميص لكنه كان بيعوى وبينبح بصوت عالىبصت له صفيه وعيونها مليانه بالدموعالقاضي: ليه يا صفيه شفتى في الديب ايه خلاكى بالحاله دىصفيه بصوت مهزوز: شفت عيون أمىالقاضي: نعم بتقولى إيهصفيه: شفت

عيون امى ووش شوقيالقاضي: مين شوقي ده كمانرد عليه والد صفيه: شوقى ده ابنى اللى اخده السيل.كان شاب عنده ١٨يملى العين ويفرح القلب.القاضي: قاصدك انك الديب يبقى .صفيه: اخويا الديب يبقى اخويا.&&&&&&&&&&&&&&&&يمكن تقولوا مستحيل ومش منطقى الأحداث دى بس هقول لكم جايز والأجزاء الجايه هتفسر لكم سر الديب وسر الحكايه.مستنيه اسمع تعليقاتكم وأعرف رايكم في القصه وهل حد قرأ قصه او روايه زى دى