رواية حياة مراهقة الفصل السابع 7 - بقلم اسماء السرسي

اسلام بغضب وهو يخبط يده على سرير المستشفى: تمام يبنت عمي هعدي الكلمتين دول ومش هعمل حاجة بس عاوزك تعرفي كلمة واحدة بس انتي بتاعتي ومش هتبقي لصالح ولو مش هتبقي ليا مش هتبقي لحد تاني تمام يا هه بنت عمي قال آخر كلامه بسخرية وخرج. أسماء بخوف: يا رب عدي اليوم بسرعة. أخذوا قرار إذن خروج وانهارده معاد خروجها من المستشفى. داليا: يلا يروحي البسي دي على ما يجي آخدك. أسماء بحزن: حاضر يماما. أسماء قعدت على السرير بحزن:

كده يا صالح يومين متسألش عليا فيهم. وأخذت نفس عميق ولسه هتشيل الشنطة. لقت اللي بيمد إيده عشان ياخدها منها. أسماء من غير ما تبص: صالح. ولسه بتبص لقت إسلام. إسلام بسخرية: صالح؟ والله يبنتي انتي صعبانة عليا أوي. صالح ده إنسان واطي وندل وانتي الصراحة مخدوعة فيه أوي والمصيبة الأكبر إنك مفكراه بيحبك... صعبانة عليا أوي يعني. أسماء بقوة: ميصعبش عليك غالي يبن عمي. وبعدين انت مالك؟

أنا يا سيدي بحب الناس اللي بتخدع فيهم، ملكش دعوة بيا، دي حياتي أنا. وياريت تبعد عنها عشان أنا مش هبقى ليك. إسلام: اممم بخسارة كان نفسي أسمع كلامك وأبعد بس أعمل إيه يبنت القلب. أسماء: امم أنصحك يا إسلام اعمل الشوية دول على واحدة غيري لأني أكتر واحدة عارفاك. امم. وخدت الشنطة من إيده وطلعت. كان في حد بيسمع حوارهم، ولما أسماء طلعت دخل هو. صالح بثقة: سمعت يبن عمي مبتحبش إلا صالح، ها ياريت تبعد عشان أسماء مش ليك. إسلام

بثقة لا تقل عن ثقة صالح: هتحبني أنا يا صالح وهكسر قلبك زي ما كسرت قلبي زمان على واحدة خاينة زيك. صالح بنرفزة: إنت مش راضي تفهم ليه يا إسلام إني معملتش حاجة واني لو أعرف إنك بتحبها مكنتش جيت يمتها؟ وبعدين البت هي اللي شمال واختياراتك كلها غلط في غلط يا إسلام. إسلام بغضب ودموع: غلط؟ إنت كنت عارف إني بحبها وبعشقها كمان وكنت أقرب واحد ليا؟ وفعلاً البت شمال عشان مشيت مع واحد وسخ زيك يا صالح.

وزقه وطلع، بس قبل ما يطلع بص له. إسلام بخبث: واحدة بواحدة يبن عمي، زي ما حرقت قلبي هقطع قلبك حتة وأنت عارف إني أقدر أعملها.