رواية حياة ظابطة الفصل السابع والثلاثون 37 - بقلم سما الحملاوي

فاكره لما قولتيلي نفسك تركبي اسكوتر ونمشي في طريق مافيهوش حد. انت بتتكلم جدددد. طبعا يلااا نروووح. اتحرك بعربيته بسرعه وهي فرحانه جدا وراحوا على مكان مافيهوش ناس فعلا. يامن لواحد من الامن بتوعه: خلاص سيبوا وروح اركب العربيه واتحرك معانا بس من بعيد شوية. مشي الامن وساره قالت: ها هنعمل ايه. يامن بحب: يلا اركبي واللبسي الخوذه. لبست ويامن لبسها وركب وقال: جااااهزه. ساره بحماااس: جاااااهزههه يلاااا.

بدأو يتحركوا بسرعه كبيرة وساره فرحانه جدا. ساره بفرحه: ااااعاااااااااااا فرحااااااانه. يامن بحب: بحباااااااااااااك. ساره بصتله بحب وقالت: وانا كمااااان. طلعت تجري بالأسكوتر وهو وراها وكانوا مبسوطين اويييي. في بيت احمد الدمنهوري. في اوضة حياه. شخص اتصل بيها وقال: الوو. حياه بأستغراب: مييين. شخص بخبث: الي هيدمركوا. حياه بأستغراب وتوتر: انت ميييين.

شخص بخبث: متستعجليش على قدرك كدا كدا هيجي اااه قبل ما اقفل سلميلي على التعلب وقوليلو اني هنتقم منه خافي عليه. وقفل بسرعه وهي مسكت الفون وبصت فيه بصدمه. حياه الكرسي كان برا عشان مراد شالها دخلها ونورا نزلت تجيب حاجة ومراد في اوضته واحمد وايه فوق عند نعمه. حاولت تقوم وهي خايفه على اخوها. بقت تسند على قد ما تقدر بس هي لسه عامله العمليه ومش بتمشي غير لو حد ماسكها. حياه بوجع: مرااااد. مراد في اوضته واوضة بعيد عن حياه.

شقتين مفتوحين على بعض وقولتلكم قبل كدا في البارت الاول واوضة مراد في الشقة التانيه جوا. حياه بقت تحاول تتحرك وحركتها بسيطه بتسند على اي حاجه تقابلها. التوتر بيزيد وفضلت تزود من حركتها وهي بتبتوجع. خرجت برا ولسه بتسند على طرابيزة صغيرة عليها فازة وقعت اتكسرت وهي وقعت وصرخت. مرااااااااد ااااااه. عند ساره ويامن. خلصوا جري بالاسكوتر ورجعوا ركبوا العربية وكان امن يامن مشي وقتها.

فتح يامن كاميرا ووصلها بفونه وشغل فيديو ليهم وهما بيلعبوا وكان حلو اوييي. ساره بفرحه وحب: الله حلووو اوييي شكرا انك ديما بتحاول تفرحني يا يامن. يامن بحب: المهم انك سعيدة ودا الي يهمني. ساره بصتله بأبتسامه جميله وهو اتحرك بالعربيه وراحوا على مطعم شيك. عند حيااه. مراد خرج جري على صوتها وشافها واقعه مغمي عليها. مراد: حياااه فوقي ياحبيبتي. بسرعه جاب مايه وحاول يفوقها وهي لقت وقعدت تعيط كتير.

مراد حضنها: احكيلي مالك وايه وقعك كدا. حياه بشهقات: انا عاجزه ومقدرتش اتحرك. مراد بحنيه: لا ياقلبي خلاص قربتي تمشي تاني كنتي كلميني فون كنت جتلك. حياه بدموع: مفكرتش بعد مكالمه الراجل الي كلمني. وحاكتله كل حاجه. حياه بدموع حضنته: خد بالك على نفسك مش مستعده اخسرك انت كمان تنا مفكرتش غير اني اجيلك وحتى مفكرتش اتصل بيك. مراد بهدوء: هاتي الرقم وانا هتصرف في الموضوع دا ومتقلقيش هفضل جمبك اخوكي التعلب يابت 😂.

حياه بضحك وسط دموعها: خد بالك على نفسك حبيبي. مراد شالها: عيوني بس ارتاحي انتي وانا هلم الازاز ومتحكيش لماما حاجه ولا بابا ماشي. حياه: ماشي. مراد لم الازاز ونضف مكانه ونورا جت وقتها وفتحلها وهي دخلت على حياه لاقتها بتعيط. نورا بخضه: مالك يا قلبي بتعيطي لييه. حياه قعدت تحكيلها ونورا قلبها اتقبض بس هدتها وخرجت تشوف مراد. نورا: احم مراد ممكن اتكلم معاك. مراد بأنتباه: طبعا طبعا اتفضلي اقعدي.

نورا بهدوء: انا عرفت من حياه الي حصل هو انت مش قلقان. مراد: طبعا قلقان بس لازم ابين لها اني تمام احنا شغلنا فيه اعداء كتير. نورا: اه طبعا طيب خد بالك من نفسك. مراد بأبتسامه وحب: حاضر تسلميلي. نورا ابتسمتله بحب واضح ودخلت. اليوم خلص وجه تاني يوم. في شركة ياسين. طلب هدير ودخلتله. ياسين بأبتسامه: تقبلي نخرج نتغدا سوا انهاردة. هدير لنفسها: عاااأاااااا عاوز يتغدا معاياااا. هدير بأنتباه: احم وايه سر العزومه.

ياسين بأبتسامه: ممكن نقول صداقة اتمنى توافقيي. هدير: احم تمام ماشي. وخرجت بسرعه وياسين ابتسم. وهي كلمت اهلها وقالت ليهم وهما وافقوا. في مبنى المخابرات. مراد جرب الرقم لاكن اتقفل ومعرفش يتصرف فيه. حمزه دخل المكتب بتاع مراد. مراد: حمزه. مراد بأنتباه: كويس انك جيت استنى هخلي العسكري ينادي يونس. جه يونس ومراد قال الي حصل امبارح. حمزه بخوف ويحاول يداريه: طيب وهو مالو بحيااه. يونس: وعاوز منك ايه.

مراد بعصبيه: داااا الي بحااااول افهمه. حمزه: انت ليك اعداء. يونس: اه مثلا. مراد بتذكر: لا مليش عداء مع حد. حمزه: طيب استنى يمكن يتصل بحياه تاني. يونس: وخلي الرقم متسجل عندك واول ما يفتح تتبع الرقم. مراد: تمام ماشي. في جامعة عائشه. ياسمين مش موجوده انهاردة وهي راحت تقعد في الكافيه بعد المحاضرة. شافت ادهم قاعد راحتله. عائشه بسرعه: ادهم انا بحاول اكلمك بقالي يومين وانت مش بترد هو في ايه انت بعدت عني لييه.

ادهم ببرود: لقيت انا علاقتنا ملهاش لازم وكمان انتي مش بتحبي ولا ايه. عائشه بحزن: علاقتنا ملهاش لازمه وصداقتنا بالنسبالك ايه. ادهم بحزن داخلي: عاديه اصلا كنا بنتخانق كتير فااكره ولا ايه هسيبك بئا ورايا محاضرة سلام. عائشه واقفه دموعها نازلة وباصه عليه بصدمه وخدت شنطتها وجريت على برا الجامعة. دموعها مخليها مش شايفه حد وفجأة خبطت في شاب ووقع وهي وقعت. الشاب بغضب: انتي غبييييه ايييه مش بتشوووفي.

عائشه بصتله بدموع: انا انا اس اسفه مقصدش. الشاب بغمزه: مين مزعلك ياقطه بئا العيون دي تبكي. عائشه بغضب: ملكش دعوة وسع. وجت تمشي مسك ايدها وهي ضربته بالقلم. الشاب: لاااااا دا انتي شكلك اتجننتي ومتعرفيش انتي عملتي اييييه. عائشه بغضب: وسع ايدك دي انت ازاااااي اصلا تمسكنييي هااااااا. الصوت علي وكلو اتجمع وادهم كان رايح المحاضرة وشاف عائشه وهي بتتخانق. ادهم راح بغضب: في ايه ياكااابتن انتتت.

الشاب بعصبيه: وانت ميييين انت ولا ماشيه معاك. ادهم ضربه بالبوكس واتخانق معاه. ادهم بغضب: ابئا اشوووفك تقرب منهاااا سااامع. الشاب مشي بخوف ولحسن حظ ادهم ان الخناقة برا الجامعة. ادهم بغضب: انتي ايه وقفك معاااه. عائشه بعصبيه: متتكلمششش معاااايا كدا وشكرا انك تدخلت. وسابته ومشيت بغضب. في المطعم عند ياسين. هدير: احم شكرا على العزومه دي. ياسين بأبتسامه: العفو على ايه. الاكل جه وفي طبق كان متغطي قدام هدير.

ياسين بحب: ارفعي الغطا. هدير رفعت الغطا بأستغراب واتصدمت من الي فيه. خاتم من الماس شكله حلو اوي وجنيه ورقه مكتوب فيها تقبلي تكوني شريكة حياتي ياهدير قلبي. هدير دموعها نزلت من الفرحه وقالت: انت بتهزر صححح. ياسين بحب: تقبلي يا هدير. هدير بسرعه وفرحه: اقبل اقبلللل. ولبست الخاتم بسرعه. ياسين بحب: بحبك. هدير بكسوف: وانا كمان. بعد مرور شهرين. حياه وقفت على رجلها وانهاردة اخر جلسه.

علاقة ونس ويونس بقت قوية وعرف انها بتحبه من عائشه وقرر انه يعترفلها. يامن وساره حياتهم كلها سعاده وحب. حمزه وحياه كل يوم بيتكلموا وبئوا اكتر من اصدقاء وحمزه اتأكد من عشقه ليها وحياه كذلك وقرر يعترفلها لما تخف. مراد ونورا ديما بيتكلموا سوا ومراد بعد ما حياه تخف هيتقدم لها وهي رجعت البيت من شهر ونص. عائشه وادهم بعدوا عن بعض وكل واحد فيهم موجوع لاكن هل للقدر رأي اخر.

هدير وياسين بيحبوا بعض حب مش عادي قرأو فاتحه والخطوبه بعد لما حياه تخف. خرجت حياه من اخر جلسه وهي رفضت ان حد يجي معاها. نزلت من على السلالم بتجري وفرحانه جدا وشافت حمزه واقف قدام العربيه بتاعته. حمزه بحب: حمدلله على سلاااامتك. حياه بحب: الله يسلمك يلااا نروح الادااارة عاوزه ارجع شغلييي. حمزه ابتسمهلها وركبت وهو ركب واتحركوا على مبنى المخابرات. يوسف: حمدلله على سلامتك ياحيااه. حياه بفرحه: الله يسلمك يابااشا.

يوسف بابتسامه: جهزي نفسك بكره هتعملي مؤتمر في الكلية الحربيه. حياه بصدمه: لا لا بتهزر حضرتك صححح. وبصت على مراد: هو حقيقي ها. يوسف بضحك: ايوه طيعا حقيقي. حياه قامت بفرحه: اللللله اااااااه انا فرحااااانه. يونس بضحك: هما ادولك ايه خلاكي كدا😂. مراد بضحك: اقعدي يابنتي واعقلي😂. يوسف: بس بئااا روحي جهزي نفسك للمؤتمر😂. حمزه واقف مبستم على فرحتها. تاني يوم. في الكلية الحربية. مؤتمر حياه.

حياه بثقة بالنفس: انا لما طلبوني اعمل مؤتمر في الكلية الحربية للطلبه فرحت اوي وقالولي تعالي عرفي على نفسك خليهم ياخدو حاجة من شجاعتك. انا حياه احمد الدمنهوري اخويا مراد الدمنهوري او زي ما بيلقبوه "التعلب" واخت احمد الدمنهوري الشهيد في الدفاع عن البلد. انا دخلت الكليه الحربيه وبعدها اتأهلت مخابرات كان حلمي وانا صغيرة ولما كبرت واحمد استشهد صممت على حلمي دا.

عملت اول مهمة لما قبضت على مافيا الصقر الاسود من مصر بس خدت رصاصة في ضهري. اه رصاصة.. وجالي شلل نصفي بس الحمدلله كنت مع صراع مع نفسي ويئست وقولت خلاص مش هينفع اكمل.

بس رجعت واستغفر ربنا ومن ٣شهور اتصا*بت بس بعدها بشهر عملت العمليه و بدأت العلاج مع شغلي من البيت لحد من يوم واحد روحت اخر جلسة علاج طبيعي والدكتور قالي اني همشي على رجلي تاني جربت وفعلا مشيت الفرحه مكنتش سايعاني وسجدت شكر لربنا عشان هو كان جنبي طول الفترة دي. واحب اشكر لأهلي واصحابي واقدم كمان شكرا خاص لصديقي العزيز حمزه. حقيقي هو شجعني جامد وكان جمبي على طول الفترة دي شكرا انك جمبي وشكرا ليكو كلكم.

اي سؤال هجاوبكم عليه اتفضلوا. طالب: ازاي مكنتيش خايفه. حياه بأتزان: بص هقولك طلاما انت في الكلية دي لازم ٣حاجات تسيطر عليهم مشاعرك الرهيفه يعني شيل قلبك وحط حجر وتاني حاجه توترك خليك متزن علشان عدوك ميستغلش دا تالت حاجه غضبك عشان تعرف توقع الي قدامك مقدرتش متكملش واقف قدرت يبئا تستحق مكانتك الي هتبئا فيها. طالب اخر: شعورك ايه وانتي قدمتي حاجه زي كدا لبلدك.

حياه: عارف شعور لما تقدم هدية لوالدتك وتفرح بيها اوي وتشكرك هو هو نفس شعور لما تقدم حاجه لبلدك وتديك مكانه فيها ومركز. حياه في عقلها: اسئله كتيرة اجابات كتيرة واقفه في مؤتمر في مئات من الناس بتكلم بثقه بحكي قصتي اصوات همسات كتيرة شعور جميل اوي انك تحس بكيانك وسط المئات دي من الناس اللللله. طالب: انتي خلاص كدا قصتك انتهت وهتفضلي على كدا. حياه بثقه: قصتي كل يوم بتبدأ من جديد والله اعلم هبئا فين بكره.

وانتم كمان قصتكم لسه بتبدأ وكل يوم قصة جديدة حياتك بتنتهي قصتها لما انت نفسك تنتهي احلم ونفذ حقق الاحلام متخليهاش خيال عوزاكم وانتم خارجين من هنا تبصوا على الكلية وتخطوا خطوة برا وتقولو قصة جديدة بتبدأ في حياتنا. الحياه حكايات وقصص وكل واحد لي قصة وحكاية. بتنزل حياه من على سلم منصة المؤتمر وبتقابل اهلها بيسلموا عليها وبتشوف حمزه بتروحلو. حياه: شكرا ليك ياحمزه على كل حاجه انت صديق حقيقي.

حمزه بحب: شكرا ليكي انتي انك في حياتي. بيجي عليها يوسف باشا وحازم باشا. يوسف: حياه البطله. حياه بأبتسامه: شكرا لحضرتك يافندم. حازم: ليكي مفاجأة. حياه: ايه هي حضرتكي. يوسف: تعالي. وخدها وطلع على المنصه. يوسف في المايك: احب اسلم حياه البطله قدامكوا كلكم وسام الشرف وشهادة تكريم ليها على شجاعتها وقوتها. حياه بدموع: مش مصدقه حقيقي. قاطع المشهد الجميل دخول لشخص مفاجأ.