رواية حياتي ابتدت بيك الفصل الرابع 4 - بقلم جاسمين محمد

حنان… ادخلي حطي شوي ميكب علي وشك. مرهف… ماما عاجبك كدا ولا ادخل ومطلعش؟ حنان… هوف خدي الصينيه بتاعت العصير ودخليها لهم. مرهف… هوف هاتي. وخدت الصينيه ودخلت. مرهف… سلام عليكم. وعينها في الارض. محمد… ادخلي ياحبيبتي سلمي علي عريسك. مرهف… ازيك هو؟ انتَ؟ محمد… معتز! أي جابك هنا؟ معتز… جابه كيف؟ أي في أي يارهف يابنتي؟ هو ده العريس؟ بس هو انتي تعرفيه؟ مرهف… معتز! يبقا وقطع كلامها معتز. معتز… أنا ابقا زميلها في الكلية يا عمو.

محمد… بجد؟ انتوا زمايل؟ طيب كويس اقعدوا انكلموا مع بعض وأنا شوي وآجي. وشوفي أي رايك يا بنتي. مرهف… تمام يا بابا. بعد ما محمد طلع. مرهف… معتز اطلع من بيتي يلا. معتز… هس هس. الصوت العالي وحش عليكي ومش هتستفادي حاجة منه. مرهف… انت عايز أي يامعتز مني؟ معتز… مش عايز حاجة غير… مرهف… وأنا قلتلك مليون مرة إني مش عايزة. معتز… ليه طيب؟ ماهو انتي كنتي بتحبيني. مرهف… مش فاكرة عشان أنا محبتكش. معتز… حبيبتيني يارهف وبطلي كدب بقا.

مرهف… أنا مش كدابة ويلا اطلع بره. معتز… آخر كلام عندك يعني؟ مرهف… أهم. معتز… تمام يا حلوة. بصي بقا لو موافقتش أنا هوري لباباكي ومامتك الشات بتاعنا بتاع زمان، لما كنتي بتكلميني وتقوليلي إنك بتحبيني ومش عايزة حد غيري. مرهف… انت انسان زبالة! انت كيف تعمل كدا؟ معتز… مالكيش فيه. فكري توافقي بالاحترام ولا أوري لأبوكي العيالة اللي شايفاكي الشيخة في نظره. مرهف… وربنا لندمك يامعتز!

معتز… ههههه. انتي عاملة زي القطط وجبانة يا عسل. يلا اطلعي نادمي بابا محمد وقوليلو إنك موافقة. يلا يا حلوة. مرهف بصتله بقرف وطلعت بره. وهو قعد مكانه. محمد… ها يابنتي موافقة؟ مرهف… اه موافقة. محمد… ألف مبروك ياحبيبتي. وهو شاب كويس. حنان… لولولولولوي! ألف مبروك يا قلبي. وحضنتها والكل قعد يباركلها. مرهف… بعد إذنكم. وسابتهم ودخلت أوضتها وقفلت الباب. حنان… مالها دي؟

محمد… أكيد فرحانة. يلا أنا هدخل أتفق مع الشاب عشان يجيب أهله ونخلص الكلام. حنان… تمام روح. مرهف في أوضتها اترمت على السرير وقعدت تعيط. سهيلة عمالة ترن وهي تكنسل. وفضلت تعيط لحد ما نامت. الصبح رهف صحت على التليفون وهو بيرن وصوت مامتها وهي بتخبط على الباب. حنان… يابت قومي شوفي تليفونك اللي عمال يرن وعندك جامعة ولا لأ. مرهف… خلاص قومت ياماما. أهو. حنان… طيب قومي. مرهف… حاضر. ومسكت التليفون. مرهف… الو أيوا ياسهيلة.

سهيلة… وحياة أمك مش راضية تردي عليا ليه يا زبالة من امبارح؟ وربنا لما أقابلك لنفخك يا رهف يا بنت محمد. مرهف… بطلي كلام صداع لوحدي. سهيلة… لا والله لما نتقابل. بس المهم اخلصي قومي البسي ويلا عشان الجامعة. مرهف… مش هروح النهارده. سهيلة… وحياة أمك قومي. مرهف… بجد مش قادرة. سهيلة… رهف أنا عارفة إن العريس كان معتز. قومي ويلا تعالي. مرهف… عرفتي كيف؟

سهيلة… لما انتي مكنتيش بتردي عليا قلقت عليكي ورنيت على مامتك وعرفتني كل حاجة. مرهف… اممم تمام. شوفتي اللي حصل؟ والدمعة نزلت من عينها. سهيلة… حبيبتي البسي وتعالي نتكلم. بطلي عياط عشان خاطري. مرهف… حاضر هقوم أغير وأجي. سهيلة… تمام يا حبيبتي سلام دلوقتي. مرهف… سلام. وقفت مع سهيلة وقامت تلبس. عند فهد. سمر… في أي ياماما؟ مانا بحاول أهو. إيمان… فين المحاولة دي؟ انتي هتفضلي هبلة لحد إمتى؟

سمر… أنا مش هبلة. أعمل أي مادام هو مش معبرني؟ إيمان… حاولي تقربي زي أي اتنين بيحبوا بعض. سمر… طيب هحاول. فهد دخل عليهم من بره وهم في الصالة. فهد… صباح الخير. إيمان… صباح النور. كنت فين يا فهد على الصبح؟ فهد… كنت بجري شوي. الجو كان حلو الصبح وأنا بحب أطلع أجري شوية. إيمان… تمام ياحبيبي. وخبطت سمر في كتفها عشان تتكلم. سمر… أعملك فطار يا فهد؟ فهد… ياريت والله عشان شوي كدا هروح مع جدي المزرعة.

سمر… من عيوني. الفطار شوي وهيكون جاهز. فهد… تسلميلي. يلا سلام. وسابهم وطلع على أوضته. عند رهف. خلصت وراحت الكلية. سهيلة أول ما شافتها خدتها في حضنها. مرهف… عاملة أي؟ سهيلة… متزعليش. مرهف… شوفتي اللي حصل؟ سهيلة… أهدي بس متعيطيش وتعالي نقعد وحكيني. مرهف… شوفتي الحيوان خلاني وافقت غصب عني عشان لو رفضت كان هيوري بابا الشات اللي بينا القديم وقت ما كنت بحبه. سهيلة… يابن ال… وانتي وفقتي؟ مرهف… يعني أعمل أي؟

بابا لوحدي عرف باللي حصل كان موتني وماما كانت هتزعل جامد مني. سهيلة… أهدي طيب ياروحي. وخدتها في حضنها. سهيلة… أهدي بس ونفكر نعمل أي. مرهف… تعبت. ليه الدنيا كلها جي ضدي ومش حباني أتبسط شوية؟ سهيلة… أهدي بس دانتي اللي دايماً مؤمنة وبتقولي إن أي حاجة بتحصلنا خير، بس إحنا نرضى وربنا هيعدي كل حاجة وهنشوف الخير اللي بعده. مرهف… تعبت بجد يا سهيلة. سهيلة… وعسى أن تكرهوا شيئاً وهو خير لكم، صح ولا غلط؟ مرهف… ونعم بالله.

ومسحت دموعها. مرهف… يلا نروح المحاضرة. سهيلة… يلا ياروحي. وخير إن شاء الله. مرهف… يارب. يلا. عند فهد. قاعدين الكل ومتجمعين يفطروا. الجد… إيمان يابنتي ابقي رني على خالد ابني قوليلو ينزل النهاردة عشان هننزل مصر بكرة أنا وهو. إيمان… بستغراب. ليه يا عمي؟ في حاجة؟ الجد… معتز في بنت عجبتهم وهنروح نشوفها أنا وخالد أبوها ونشوف هنعمل أي. الجده… بجد يا حج؟ بس كيف؟ هو يتجوز قبل فهد؟ فهد… أنا مش هتجوز يا جدتي دلوقتي. جوزه هو.

الجد… فهد شد حيلك بقا عايز أفرح بيك. فهد… إن شاء الله قريب يا جدي. الجد… إن شاء الله. متيجي معانا بكرة مصر؟ فهد… مينفعش. عندي شغل. لو خليكم بعد بكرة تمام عشان أنا هخلص بكرة شغلي وهنزل بعد بكرة. الجد… مينفعش. هو حدد مع أبوها إننا نروح بكرة. فهد… خلاص روح أنت وعمي خالد. الجد… تمام. يلا دلوقتي نروح المزرعة. فهد… يلا يا جدي. عند رهف. سهيلة… الحمد لله خلصنا. يلا نطلع بقا نتمشى شوية قبل ما نروح عشان لسه بدري. مرهف… يلا.

سهيلة… يلا يا قمري. وهم ماشيين معتز قابلهم. معتز… رايحين فين كدا؟ مرهف بصت الجنب التاني. سهيلة… ليه؟ وانت مالك؟ معتز… مالي؟ كيف؟ لازم أعرف كل حاجة. ما دي هتبقى مراتي قريب. مرهف… أنا مش هبقى مرات حد. معتز… اعدلي كلامك معايا واتكلمي عدل يا حلوة. انتي سامعة؟ سهيلة… انت واحد زبالة. معتز… رهف قولي لصحبتك تتلم عشان انتي اللي هتضري. رايحين فين؟ اخلصوا. مرهف… رايحين نتمشى شوية قبل ما نروح.

معتز… تروحي عليه البيت طول. مفيش حاجة اسمها أتمشى. انتي سامعة؟ مرهف… حاضر. سلام. وسابته ومشت. سهيلة… انتي أي الهبل ده؟ فين رهف الشجاعة؟ مرهف… رهف الشجاعة تعبت وماتت خلاص. يلا نروح ارجوكِ. سهيلة بحزن على صحبتها… ماشي يا رهف. روحت دخلت أوضتها وقفلت الباب وفضلت قاعدة في أوضتها. عند فهد. خلص وروح هو وجده من المزرعة. في البيت. سمر… حمدالله على السلامة يا فهد يا حبيبي. الجده بصتلها… أي اللي بتقوليها ده يابت؟

سمر… بخوف. في أي يا جدتي؟ فهد… بتهزر يا جدتي. مفهاش حاجة. الله يسلمك يا قمر. فين الأكل؟ سمر… هدخل أجيبهولك دلوقتي. فهد… تمام. روحي. بعد ما سمر مشت. فهد… براحة. هي صغيرة وبتتهزر وأنا زي أخوها وعادي. الجده… مينفعش برضه. فهد… جدتي اهدي عليها. الجده… حاضر. سمر جابت الأكل وجت. سمر… الأكل أهو. فهد… حطيها وتسلم إيدك. سمر… على أي ده حاجة خفيفة. فهد… تسلمي بجد. وقعد ياكل. الجده… أمك فين يا سمر؟ سمر… معرفش يا جدتي. طلعت.

الجده… استغفر الله العظيم. طيب. فهد… الحمد لله. أنا شبعت. الجده… انت لحقت؟ فهد… اه. كدا فل. يلا هطلع أنام عشان تعبان. الجده… تمام يا حبيبي. روح. فهد… يلا نصبحوا على خير. الجده وسمر… وانت من أهل الخير. وفهد طلع على أوضته ونام. تاني يوم. رهف صحت ولبست وجت تطلع من البيت. حنان… رايحة فين؟ مرهف… رايحة الجامعة. حنان… اقعدي عشان أهل العريس جاين النهاردة ومينفعش تطلعي. مرهف… هف. طيب. ورجعت دخلت غيرت عشان تساعد أمها في البيت.

عند فهد. صحي ونزل فطر. فهد… انتوا لسه مأمشيتوش؟ الجد… ماشيين أهو. يلا سلام يا ولدي. فهد… سلام يا جدي. خلي بالكم من نفسكم. الجد… حاضر يا ولدي. سلام. وسابهم وركب العربية ومشي. سمر… فهد خدني معاك المزرعة بقا مدام جدي مش هيكون هنا. الجده… مينفعش. هتعملي أي هناك؟ فهد… سيبيها تيجي معايا. الجده… دايماً مدلعها كدا. فهد… زي بعضه. يلا نمشي يا سمر. سمر بفرحة… يلا. عند رهف. خلصت مع مامتها. مرهف… أنا تعبت. كفاية بقا.

حنان… تمام. يلا روحي البسي وجهزي نفسك. مرهف… حاضر. ودخلت الأوضة تلبس والضيوف جت. وهي بتلبس سهيلة رنت عليها. مرهف… نعم. سهيلة… مالك؟ مرهف… جو بر. وماما هتناديني دلوقتي أطلع ليهم حاجة يشربوها. سهيلة… اممم طيب. روحي يا عروسة. مرهف… اتلمي عشان مش طالبة. سهيلة… طيب روحي وابقى كلميني بعد ما يمشوا. مرهف… حاضر. سلام. حنان… يارهف تعالي. مرهف طلعت… نعم يا ماما. حنان… يلا خدي دول واطلعي روحي عند الضيوف. مرهف… هوف. حاضر.

واخدت العصير وطلعت. مرهف وهي داخلة. مرهف… سلام عليكم. الكل… وعليكم السلام ورحمة الله وبركاته. الجد… تبارك الرحمن. بسم الله. قمر. مرهف… تسلم. الجد… تعالي اقعدي جنبي. مرهف… حاضر يا جدي. الجد… أول مرة تختار حاجة كويس يا معتز. والله أنا موافق. خالد… وأنا كمان موافق. الجد… طيب يبقا على البركة. الخطوبة أي رأيكم نخليها بكرة بدل ما نرجع ونيجي تاني؟ محمد… معنديش مشكلة. موافق. الجد… طيب على البركة. نقرا الفاتحة كدا.

الكل قعد يقرأ الفاتحة ورهف قاعدة زعلانة وحزينة. الكل… ولا صدق الله العظيم. الجد… يلا هنمشي دلوقتي وبكرة نتقابل في الخطوبة إن شاء الله. محمد… إن شاء الله. الجد… يلا سلام عليكم. ومشي. مرهف بعد ما مشوا دخلت الأوضة وترمت على السرير وبدأت تعيط.