رواية حياتي ابتدت بيك الفصل الخامس 5 - بقلم جاسمين محمد

محمد… معنديش مشكلة، موافق. الجد… طيب، على البركة. نقرا الفاتحة كدا. الكل قعد يقرأ الفاتحة، ورهف قاعدة زعلانة وحزينة. الكل…. ولا صدق الله العظيم. الجد… يلا، هنمشي دلوقتي، وبكرة نتقابل في الخطوبة إن شاء الله. محمد… إن شاء الله. الجد… يلا، سلام عليكم. ومشي. رهف بعد ما مشيوا، دخلت الأوضة وترمت على السرير وبدأت تعيط. الصبح. سهيلة عمالة ترن. رهف صحيت، مسكت التليفون وفتحت. رهف… أيوه. سهيلة… انتي لسه نايمة؟

قومي ياهانم، في محاضرة. رهف… مش رايحة. سهيلة… انتي اتجننتي ليه؟ اخلصي قومي. رهف… في واحدة تروح يوم خطوبتها الجامعة؟ سهيلة بستغراب… يوم إيه؟ عشان شكلي سمعت غلط. رهف بحزن… لا، مسمعتيش غلط، سمعتي صح. سهيلة… النهاردة كيف؟ رهف… جدو وأبوها جو وحددوا المعاد مع بابا، وأنا كنت قاعدة ومش قادرة أتكلم. سهيلة… هتفضلي هبلة لحد إمتى؟ رهف… لحد ما أموت. سهيلة… رهف، انتي اتغيرتي أوي. رهف… الدنيا كلها اتغيرت ناحيتي، اشمعنى أنا متغيرش؟

يلا، هسيبك دلوقتي عشان أشوف ماما وأبقى سجليلي المحاضرات. سهيلة… انتي هبلة؟ أروح أحضر كيف وأسيبك؟ أنا جي أهو ليكي. رهف… روحي المحاضرات وابقي تعالي بليلة. سهيلة…. قلت جي، يلا سلام. وقفل. رهف… استغفر الله العظيم. لما أقوم أصلي وأشوف أمي هتعوز إيه مني. وقامت. عند فهد. فهد… أيوه يا جدتي، يلا عشان نلحق نوصل وترتاحوا شوية قبل الخطوبة. الجده… جاين أهو يا حبيبي، يلا يا سمر. سمر جت تجري وهي بتظبط الطرحة.

سمر… خلصت أهو، يلا فين ماما؟ الجده…. أكيد واقفة قدام المراية. وبصوت عالي… يلا يا إيمان، آخرنا. إيمان وهي نازلة من على السلم… خلاص خلصت أهو، يلا. فهد… يلا. وطلعوا ركبوا العربية. سهيلة…. سلام عليكم. رهف… وعليكم السلام ورحمة الله وبركاته. وجرت حضنتها. سهيلة بصوت واطي… اهدى دلوقتي، وتعالي ندخل الأوضة. رهف… يلا. سهيلة.. بعد إذنك يا طنط حنان، هاخد رهف وندخل الأوضة. حنان.. ماشي ياحبيبتي، روحي. في الأوضة.

سهيلة ورهف قعدوا على السرير، ورهف حضنت سهيلة وقعدت تعيط. سهيلة…. ياحبيبتي، اهدى. هيفيد بإيه العياط طيب؟ فهميني. رهف… تعبانة أوي وزهقت. سهيلة… بطلي خوف، وانتي تقدري تعيشي. رهف… خايفة على ماما أكتر، وانتي عارفة مقدرش أكون سبب في حاجة تزعلها. سهيلة… اهدى طيب، وربنا إن شاء الله هيخرجك من اللي انتي فيه ده. يلا بس اجهزي عشان المعازيم قربت تيجي أكيد. رهف بعياط.. حاضر، تعالي ساعديني. وبدأت تساعدها سهيلة وتلبس. عند فهد.

فهد وهو دخل أوضة معتز. فهد… اش اش، ياعريس، ألف ألف ألف مبروك يابن عمي. معتز حضنه. معتز…. الله يبارك فيك يابن عمي، آخرتو ليه كدا؟ فهد… انت عارف أمك بقا وتجهيزها، المهم خلصت. معتز… اه، أي رايك؟ فهد… مززز مززز ياباشا، يلا اطلع بقا عشان أجهز. معتز… متروح أوضتك دي أوضتي. فهد… معلش، نسيت إن دي أوضتك مدام انت هنا في الفلة بتاعتنا. معتز… شاطر، يلا طير بقا من هنا وخلص والبس بسرعة. فهد… حاضر، سلام دلوقتي. معتز…. سلام.

فهد روح أوضته ودخل، طلع البدلة ولبس، وواقف يظبط نفسه قدام المراية وهو لابس بدلة كحلي وجزمة كحلي، قميص أبيض، وكان قمر. فهد… كان نفسي تبقي دلوقتي جمبي وأنا رايح، بس إن شاء الله قريب أفضى بس وهتكوني معايا طول عمري. وراح. الجده وهي واقفة تحت. الجده… يافهد، يامعتز، خلصوا، آخرنا. فهد وهو نازل من على السلم… أنا خلصت، فين العريس؟ معتز وهو نازل…. وأنا كمان. لبس سمر فستان طويل لونه أحمر وفيه لؤلؤ أسود وحاطة طرحة سودة.

سمر… يلا طيب بسرعة. فهد بهزار…. اش اش، مين المزة دي ياض يامعتز؟ تعرفها؟ معتز… لا، دي مززز وقمر كمان. سمر… بس انت وهو عشان بتكسف. الجده… بس ياعيال، يلا عشان نمشي. فهد… ههههه، يلا. عند رهف. رهف وهي طالعة. رهف… أي رايك؟ (كانت لابسة فستان ضيق من فوق ونازل بواسع لحد تحت، وكان لونه وردي وفي ورد أبيض، وكانت لابسة خمار لونه أبيض) سهيلة فتحت بقها وسكتت. رهف… بت إيه؟ في إيه؟

سهيلة…. قمر، يخربيتك، أمال لم تحطي ميك أب هتكوني عاملة كيف. رهف… مين قالك إني هحط ميك أب؟ اخلصي يلا كملي لبس انتي، أنا كدا عسل. سهيلة… مينفعش متحطيش ميك أب. رهف… وأنا مش بحبه، واسكتي عشان على آخري بجد. سهيلة… ماشي، استني أخلص أنا وأحط ميك أب. رهف… ماشي. حطت. فهد ومعتز والكل جه. الجده…. سلام عليكم. حنان… وعليكم السلام، اتفضلوا اتفضلوا. لولولولولوي، يامحمد، يامحمد، تعال، العريس جه. وبدأت تزغرط. محمد جه جري وسلم عليهم.

محمد… اتفضلوا اتفضلوا. الجد… حاضر. ودخلوا وقعدوا. محمد… هاتوا شربات هنا بسرعة. معتز… أمال فين العروسة؟ محمد… هتيجي أهي. روحي نادمي العروسة ياحنان. حنان… حاضر، ثانية. فهد قاعد والتليفون رن. فهد بصوت واطي لمعتز… شوية وجاي. معتز… مينفعش تمشي، العروسة جي وهتشوفها. فهد… هخلص المكالمة الضرورية دي وأجي. معتز… تمام، بسرعة وتعالى. فهد…. حاضر. وطلع هو بره. من هنا. ورهف دخلت. الكل أول ما هي دخلت اشتغلوا زغاريت.

الجده…. بسم الله ما شاء الله، قمر، ألف مبروك ياحبيبتي، ربنا يتمملكم على خير يا رب. رهف…. الله يبارك فيكي يا جدتي. الجده… تعالي اقعدي هنا جمب عريسك وجمبي. رهف قعدت. الجد… يلا يامعتز، خد لبس عروستك الشبكة. معتز.. حاضر يا جدي. هاتي ايدك يارهف. رهف مدت إيدها وبصتله بقرف وحزن. راح هو ابتسم ولبسها الدبلة والخاتم. الجده… يلا دورك ياعروسة، لبسي العريس الدبلة. رهف… حاضر. وخدت الدبلة منها ولبستها لمعتز من غير ما تسك إيده.

وآخر ما خلصت الكل بدأ يزغرط. حنان خدت رهف في حضنها. حنان… ألف ألف مبروك ياحبيبتي. والكل بدأ يبارك ليها. وتليفونها رن. رهف سهيلة… أروح أرد على التليفون وأجي، لو حصل حاجة نادمي. سهيلة… فكك من التليفون دلوقتي. رهف… لأ، يلا خليكي هنا. سهيلة… تمام. رهف طلعت بره وبتتكلم في نفس المكان اللي فهد بيتكلم فيه، بس بينها وبينه مسافة، ومدين ضهرهم لبعض. رهف… أيوه ياحبيبتي.

صوت… حبيبتي، ألف ألف مبروك ياروحي، حبيت أبارك ليكي دلوقتي في وقته. رهف… قلبي ياناس، والله. وبدأت تهزر. فهد… أيوه، تمام كدا، ماشي، خلص دلوقتي ورد عليا بسرعة. وبيتلف لاقي رهف. فهد… رهف. رهف لفت وشها. رهف… نعم. فهد…. رهف شاورت بإيدها قدامه. رهف… في حاجة؟ انت تعرفني؟ فهد… يخربيت جمالك، إيه القمر ده؟ وهو سرحان في جماله. رهف… نعم. فهد… احم احم، آسف، مش قصدي. انتي مش فكراني؟ رهف… معلش، مش واخدة بالي.

فهد… أنا فهد اللي أخدت منك رقم باباكِ فيه الجامعة. رهف…. اه افتكرت. وبصت في عيونه وسرحت. فهد… كويس. عاملة إيه؟ فهد… رهف، روحتي فين؟ رهف… ها، ولا حاجة. آسفة، بعد إذنك. وسابته ومشيت. فهد… رهف، رهف. سمر جت عنده. سمر… يلا كلم جدك عشان عايز يمشي في موضوع مهم. فين الشغل؟ وعايزك تروح معاه. فهد… حاضر، يلا. وراح أخد جده ومشي. والفرح فضل شغال والناس عمالة تهيص وترقص.

بعد ما خلص، رهف دخلت أوضتها غيرت ورقدت على السرير وقعدت تفتكر فهد. رهف.. مش عارفة ليه بفكر فيك، وليه شاغلني، بس اللي أعرفه إنه مينفعش. لازم أنساك. وراحت طفت النور ونامت. عند فهد. راقد وباصص للسقف الأوضة وعمال يفتكر رهف. فهد… أخيرًا شوفتك. هانت وتكوني معايا. بكرة إن شاء الله هروح آخد منك رقم باباكِ وهطلب إيده منك. بحبك أوي يارفيقتي في الجنة. ونام.