رواية حين تقع في الحب الجزء الثالث الفصل الحادي والثلاثون 31 - بقلم ندى علي

بعد وقت كبير يمني بنوم: بنات الساعة كام؟ أنا مش قادرة أفتح عيني. نور بضحك: مش قادرة إيه بقى! دا إحنا شربنا علبة قهوة كاملة وعايزة تنامي. نورهان: جوزي الحبيب لسه ما رجعش، بالله لينام في الصالة النهاردة. نسمة شالت بنتها بنوم: تصبحوا على خير، مش قادرة أقاوم خلاص. آسر، آسر. نور: زمانه نام، سيبيه بلاش تقلقيه. نسمة: خلاص ماشي.

نسمة قامت طلعت شقتها، ونورهان ويمني أخذوا بعضهم وراحوا على بيتهم. نور ودّت حبيبة في سريرها ورتبت المكان ودخلت أخذت شاور وطلعت لبست قميص نوم قطن وسابت شعرها. نور بتوعد: الساعة واحدة وربع، والبه جوزي لسه بره. خليك، دا يوم الهنا. وراحت نامت على السرير. ************** في الكافيه عند الشباب غسان ماسك الشيشة في يده وبيشيش: شباب، الساعة كام؟ قاسم بلا مبالاة: باين واحدة ونصف. محمد كان بيشرب شاي شرق فضل يكح: كاام!

واحدة ونصف ومراتي العروسة لوحدها في البيت! أنتم ناوين على خراب بيتي؟ عمر: اهدى يا بني كدا كدا هننام النهاردة سوا. غسان بضحك: شكلها كدا. محمد طلب الشيك ودفعوا وركبوا العربية واتجهوا إلى الجمالية. *********** في شقة محمد محمد دخل الشقة بهدوء لقي يمني قاعدة في الصالة لابسة قميص نوم أحمر وقافلة الروب كويس. يمني: ما بدري يا محمد بيه. كنت كملت اليوم في حضن واحد من أصحابك، غلطان إنك رجعت.

محمد قلع قميصه ورماه جنبه، ويمني بصت ناحية القميص وهو دخل الحمام ويمني قامت وراه. محمد: القعدة أخدتنا وما حسيناش بالوقت، وعارف إنك مش هتصدقي بس دا اللي حصل. يمني: سايبني يوم صباحيتي وخارج مع أصحابك، وقلت تمام مش مشكلة زمانهم وحشوك، لكن ترجع لي وش الصبح يبقى مش هسكت. محمد نشف وشه وربع يده ووقف: خلصتي؟ يمني بعدم فهم: خلصت إيه؟ مش فاهمة أنا. محمد: خلصتي كلام؟

أنا قلت الوقت أخدنا ولما عرفت إن الوقت اتأخر جيت الطريق في نص ساعة. يمني بدموع: ما كانش ينفع تخرج أصلاً النهاردة، الصباحية بتاعتي يعني لازم تكون معايا مش مع أصحابك. محمد قرب منها بحب وحضنها: خلاص يا روحي، أنا آسف، وعد مش هخرج تاني وأتأخر. يمني مسكت في حضنه بقوة: وعد؟ محمد باس خدها: وعد. بس إيه، مش وحشك ولا حاجة؟ يمني بكسوف: وحشتني أوي.

محمد اشتالها وهي دفنت وشها في رقبته بحب ودخل لغرفتهم وحطها على السرير، وظل يبث اشتياقه لها بطريقته. .............................. في شقة نسمة قاسم بعصبية: يا نسمة نزلي السلاح، اخلصي هيفلت من يدك، اخللللصي ما بهزرش. نسمة وهي مصوبة السلاح عليه: برا على الصالة وأنا هنزله. قاسم: يا بنتي هطلع أعمل إيه في الصالة دلوقتي؟ نسمة ببرود: تنام، وكأنك لسه ما جيتش. راجل متجوز سايب مراته للساعة اثنين لوحدها وسهران بره البيت...

أوعى تقرب، بأقولك آه برا! قاسم خرج براحة بره، ونسمة قفلت الباب بالمفتاح: يا بنت افتحي، هنادي جدتي ليكي وأنتي عارفة الباقي. نسمة: روح يا حبيبي ناديها هأقول لها لسه راجع من بره يا جدتي، وأنت عارف عندها العادات أحسن منكم. وراحت على السرير نامت براحة: يلا تصبح على خير يا حبيبي، ياااه النومة مريحة أوي. قاسم بغيظ: بقى حتة عيلة تعمل فيا كدا! ماااشي ماااشي. وراح عمل الكنبة

سرير ونام عليه بغيظ: الصباح رباح يا نسمة، صبرك عليا بس. ........................ في شقة غسان نور نايمة على السرير لكن بطريقة مغرية جداً بشعرها الطويل الناعم وبشرتها البيضاء الجميلة. غسان واقف قدام المراية بيلبس لبس البيتي وبيسرح شعره وهو شايف منظرها وبيبلع ريقه بالعافية. نور دلع: إيه دا، رجعت أمتى يا عمري؟ ما حستش بيك خالص. غسان بعدم السيطرة على نفسه: أحم أحم... رجعت من شوية. وبيبعد عينه عنها بقوة.

نور راحت وقفت قدامه ولصقت فيه وماسكة وشه بدلع بخبث: في إيه مالك يا روحي؟ حاساك مش كويس كدا. غسان بنفاذ صبر: نوررر بطلي حركاتك دي، بتتعبني. نور ببراءة: أنا عملت إيه يا حبيبي؟ غسان قرب وشه منها أوي: صدقيني هتندمي ندم كبير وعقاب أصعب على حركاتك دي. وبيقرب عليها. نور بخوف: أنت هتعمل إيه؟ غسان والله كنت بأعاقبك يا روحي وو.. فجأة اشتالها ونور صوتت. غسان بخبث وهو فوقها ونور تحته: صوتي يا حبيبتي، عارفة جدتي هتقول إيه؟

فرحان بمراته. وانقض عليها بقبلات عنيفة مدامية وبعدين..... ........................... في شقة عمر عمر نام على جنب من السرير بغيظ: قال حاطة فرق قال. نورهان بتحذير: والله يا عمر لو الحاجز دا اتشال لتنام عند حد من أصحابك النهاردة. عمر بغيظ: نورهان نامي يا روحي علشان مش قادر أقول أكسرك، اتخمدي. نورهان بغيظ فيه: مخمودة، اتخمد أنت كمان. عمر: بكرة أنا هأعرفك يا نورهان، النهار يطلع بس. ...................... في الصباح

الجدة صحت صلت الصبح وقعدت على الكنبة اللي في الصالة تسبح وتشوف الأخبار في التلفزيون. نفين: صباح الخير يا حجة. الجدة: صباح النور يا نفين، الساعة كام دلوقتي؟ نفين: الساعة عشرة أهي. الجدة: وابنك عمل اللي في دماغه وما نزلش مراته برضه؟ نفين: يا حجة سيبيهم يعيشوا يومهم وهما هينزلوا، والله دا لو على البنات بيحبوا تحت أوي لكن الرجالة عايزين يفضلوا فوق. الجدة: مش همشي من هنا غير لما أغير عاداتكم الغلط دي كلها.

......................... في شقة نور غسان قام أخذ دش وغير هدومه: نورررر يا بنت اصحي يلا، هاموت من الجوع اخلصي. نور بتعب شديد: مش قادرة أتحرك من مكاني. غسان قرب عليها بخبث: ليه يا حبيبي؟ إيه اللي حصل لدا كله؟ نور بغضب: لو سمحت يا غسان ابعد وما تتكلمش معايا علشان مش هأرد عليك. غسان ببراءة: طيب زعلانة مني ليه؟ عملت إيه أنا؟

نور بغضب: ما عملتش، بتبلى عليك. سوري، جسمي مش قادرة ألمسه، ولفت الغطا عليها وقامت بصت في المراية وشفايفي وجعني ورقبتي وما عملتش حاجة. كنت بتنتقم مني امبارح صح؟ قول. غسان قرب منها وحضنها: يا روحي علشان وحشاني شوية تقولي بتنتقم مني؟ نور دفعته عنها: ابعد واتجنبني خاالص النهاردة، ما تتكلمش معايا علشان أنت واحد زبالة. غسان بغضب مسك يدها جامد: علشان أنا واحد زبالة صح؟

اسمعييي يا نوررر لو هتفهمي الحب اللي بأحبه ليكي غلط يبقى بلاش منه خاالص، بأحبك ااااه لكن تتعدي حدودك هأكسر رجلك. نور بدموع: صحيح، أنت اعمل فيا ما بدالك لكن أنا ممنوع وممنوع علشان أنت الراجل. غسان نفض يدها من يده: ودا اللي عندي، الحب اللي من غير احترام دا سيبك منه. نور بدموع: برافو عليك، قلت كلمتين صح. وبصت في عينه أوي: الحب اللي من غير احترام دا سيبك منه. ودخلت على الحمام. غسان مسح وشه: أستغفر الله العظيم يا رب.

وطلع بره، رزع الباب دليل على غضبه ونزل تحت لقي الكل متجمع. غسان بغضب: صباح الخير... محمد ويمني فين؟ قاسم: عريس بقى مش الكل زيك بيروح الشغل تالت يوم. نورهان: أبو عاصي فين يا نور؟ غسان بغضب: زمانها نازلة. الجدة: غسان تعالى يا حبيبي مالك؟ في حد مضايقك؟ شكلك مش طبيعي. غسان بمحاولة للهدوء: لأ يا حبيبتي مفيش حاجة، أنا بس جعان. الجدة بغموض: أتمنى ما يكونش حد مزعلك. غسان راح قعد جنب أبوها وبدأ يتكلم في الشغل في الشركة.

منير: لازم تروح يا غسان يومين في الأسبوع، أنا يا ابني ما بقدرش أروح، قعدة المكتب صعبة، فروح أنت وقاسم. غسان: رايح النهاردة، هقضي الأسبوع كله في شغل الشركة، وقاسم خليه في المركز علشان لو حاجة حصلت برضه. قاسم: خلاص تمام يا كبير. عاصي نزل: ولا يا أسر، خد يلا. غسان بص على السلم لقى نور نازلة، شال عينه من عليها وبص لعاصي. نور بتعب: صباح الخير يا جماعة.

الجدة بصرامة: صباح النور، ياريت نلتزم شوية بوقت الفطار، أنتم دلوقتي هتفطروا، الظهر هتتغدوا امتى بقى؟ نور غمضت عينها: حاضر يا جدة، أنا آسفة على التأخير، وراحت حطت حبيبة قدام غسان بغضب وبدون ولا كلمة، لاحظت الجدة ده. الجدة: وتصرفك مع جوزك مش كويس، تديله بنتك باحترام وأدب مش بالطريقة دي.

نور بغضب: لو سمحتي ده جوزي ومحدش يدخل بينا، زي ما أنا بعمل كل اللي حضرتك بتقوليه، ياريت تسيبيني أتعامل مع جوزي وولادي بالطريقة اللي أنا عاوزاها. غسان بيتابع الحديث. الجدة وقفت بغضب: أنتي طريقة كلامك مش كويسة، اتكلمي بأدب مع اللي أكبر منك، ولا ده أهلك ما علموهوش ليكي؟ نور بصوت عالي: أنا أهلي معلميني كويس أوي، وياريت تخلي بالك من كلامك. غسان وقف بغضب شديد وصوت عالي: نوووور! نور بصت ليه بدموع وغضب وما اتكلمتش.

غسان بغضب: اعتذري على كلامك، اخلصي. نور بقهر بصت لغسان وسكتت. غسان بغضب: مش هكرر اللي قلته، اخلصي. نور بقهر: أنا آسفة يا جدتي وحقك عليا. الجدة بغضب: نيفين، اتصلي على والدتها تيجي ليا تشوف تربية بنتها. غسان بغضب: جدتي، زي ما خليت مراتي تعتذر منك، بس إهانتها من إهانتي، وأنا ما أقبلش حد يهيني مهما كان مين. نور بدموع دخلت على المطبخ، نورهان حضنتها بقوة ونيفين معاها. نور بعياط: أنا عاوزة أروح لماما، أنا عاوزة أمشي.

نيفين: يا حبيبتي أنا ماما، تعالى وحضنتها، وبعدين أنتي عارفاها يا نور، ده أنا ما بعرفش أقف قدامها حتى. نور بعياط: أنتي شايفة طريقتها معايا يا ماما؟ شايفة بتغلط في تربيتي؟ أنا عمري زعلت حد مني هنا؟ نيفين: لأ يا روحي. نور بعياط: يبقى هي بتعمل كده ليه معايا بقى؟ وابنك بيعاملني وحش، هو أنا جاية من الشارع علشان يعملوا فيا كده؟ نيفين: لأ ده أنتي ست الستات، وأنا هعلم جوزك ده الأدب النهاردة.

نور مسحت دموعها بإيدها: لأ ولا تتكلمي معاه، يلا علشان نفطر. نسمة: معلش يا روحي، أنا آسفة ليكي بالنيابة عنها. نور: وأنتي تتأسفي ليه يا نسوم؟ هي مش في دماغي أصلاً. نسمة: وبعدين أنا عاوزاكي تيجي معايا نروح عند سوسو النهاردة، صد رد مش هنتأخر. نور باستغراب: ليه اشمعنى؟ نسمة: جايبة عسل كده بتقول بينزل البن، أكل منه وعاوزاني أروح آخده، تيجي معايا؟ نور بتفكير: أيوه هاجي، هنخلي الولاد هنا ونروح ونرجع على طول.

نورهان بحب: أنا كده كده قاعدة، روحوا والولاد معايا. طلعوا الكل على السفرة والكل بدأ يأكل بس نور في المطبخ. غسان استنى تيجي بس هي ما جتش: أم زهرة، نور فين؟ نسمة: نور في المطبخ بتعمل شاي. نور إيجت وفي إيدها الشاي، حطيته وراحت قعدت مكانها جنب غسان لكن ما ادتلوش أي اهتمام. حبيبة: ممممم مممم. نور أخذتها منه من غير ما تبص عليه وبدأت تأكلها زبادي وعملت لعاصي سندوتش واديته ليه. عاصي: يا ماما أنا عاوز آكل لوحدي.

نور: كل ده وبعدين كل لوحدك. عاصي أخده بغيظ وفضل يأكل فيه. الكل فطر وشربوا الشاي والرجالة لبسوا ورايحين على شغلهم. غسان بيلفت الانتباه علشان نور تعرف إنه ماشي: أما أنا ماشي، عاوزة حاجة؟ نيفين: في رعاية الله يا حبيبي. غسان بهمس ليها: ما تخليش جدتي تكلم نور. نيفين: حاضر. الرجالة كلهم نزلوا راحوا شغلهم والبنات بدأوا يرتبوا في البيت وبعد ما خلصوا. نسمة: ماما نيفين، أنا ونور هنروح عند ماما نجيب الطلب اللي قلتلك عليه.

نيفين: ماشي يا حبايبي، السواق تحت، روحوا معاه وخلوا بالكم على نفسكم. نور ونسمة طلعوا لبسوا ونزلوا براحة من ورا العيال وركبوا العربية ومشوا. *** في الشركة: دخل غسان والكل مش مصدق إنه رجع الشركة وفرحانين أوي. غادة السكرتيرة بفرحة: غسان بيه، نورت الشركة يا فندم. غسان بغضب: بنورك، هاتي كل حاجة متأخرة وورايا على المكتب.

غسان دخل وغادة رتبت شكلها ودخلت وراه وفضلت تبص على ملامحه الرجولية وشفايفه اللي بتقرأ بهمس الورق اللي قدامه وعضلات إيده البارزة بتوهان. غسان: لو خلصتي تأمل فيا يا آنسة غادة ياريت تجيبي الورق علشان أخلصه، وبص ليها. غادة بإخراج اديته الورق وطلعت برا وغسان بدأ يشوف الورق ويشتغل على اللاب. *** نور راكبة في العربية مع نسمة وهي جواها زعلان وحزين.

نور: عرفة يا نسوم، أنا طول عمري بتمنى غسان في بيت صغير أنا وهو وولادنا ولا حد يدخل فيا ولا حد ليه كلام عليا، أصحى الصبح أعمله فطاره وألبسه وكل حاجة أكون أنا المسؤولة عنها بس.. الحقيقة غير كده خالص. نسمة نامت على كتفها: شوفي رغم كل حاجة والمشاكل وأي حاجة بينكم، غسان بيحبك وبيعشقك. نور بحزن: ما بقتش عرفة إن كان بيحبني ولا مجبور عليا علشان ولاده. نسمة: ما تقوليش كده يا نور، صدقيني بيحبك.

نور بحزن: عشت كل طفولتي أحارب في أهل بابا وهما يحاربوا فيا، ومصدقت إن خلصت منهم وضحكت وطلعت الجدة في الحظ ليا. نسمة بضحك: كله كوم وموال الجدة ده كوم تاني خالص. *** قاسم قاعد بيشوف السجلات وتسجيلات القضايا اللي معاه، فتح دوسيه شاف صورة وكانت الصدمة على قاسم. قاسم بصدمة: ياسمين!