رواية حين تقع في الحب الفصل السادس والثلاثون 36 - بقلم ندى علي حبيب

قاسم علي وشك البكاء: عمر بالله متسبني. عمر اصحي يلا. ولسه هيطلع علشان يعرفهم. عمر بضحك شديد: اقسم بالله أنا خلاص كنت هصدق نفسي. قاسم بصدمة وغيظ مسك المخدات رماها عليه: اقسم بالله أنت أرخم واحد شوفته في العالم، حيوان. والله يا عم الله يحرقك والله. عمر بدلال: خوفت عليا يا سومي؟ قاسم: مالك يا يلا اجمد كده بس. خوفت يا ابن... وضربة بالمخدة في وشه.

عمر قام حضنه: أنا مبسوط إن عندي أخ زيك يا قاسم. حاسس إن عندي ضهر وسند بيكم والله. قاسم: قوم بقى علشان مش طالبة حزن، خلينا ننزل نشوف هنعمل إيه في أم الجوازة دي. كفاية قطعتني الخلف من شوية. عمر: أشطا هغير وأجي وراك. قاسم: تمام، أنا مستنيك في المخزن تحت. *** في شقة غسان. أسر وافق على الباب بيخبط بقوة: يوووه يا بابا اصحي. صحي غسان بنوم: نعم يا أسر. أسر: يا بابا عاصي بيعيط وأنا مش عارف أخليه يسكت ومش عارف أشيله عشان تقيل.

غسان: حاضر يا حبيبي روح وأنا جاي أخده أهو. وبص على نور اللي نايمة جنبه، عارية الضهر وشعرها منسدل على ضهرها، ابتسم بتلقائية. غسان: نور نور اصحي يا روحي، عاصي جعان. نور قامت بسرعة تفرك في عينها: الولاد فين؟ نايمين فين؟ غسان بذهول: الولاد في أوضتهم يا حبيبتي. مالك اتفزعتي كده ليه؟ نور بحب: صباح الخير يا حبيبي. أصل كنت متعودة أصحى على صوت سي عاصي، المنبه بتاعي. غسان بضحك: يعني ابني على آخر الزمن بقى منبه؟

نور: والله يا غسان لو تسمع صوته لو ميت يصحي. يلا قوم خليني أقوم أكله. غسان بخبث: طب ما تقومي أنا ماسكك. نور بكسوف: غسان قوم علشان أنا مش لابسة حاجة وعاصي هيفضل يعيط مش هيسكت. غسان قرب منها: بالله العظيم ما قايم. نور بكسوف: عشان خاطري. غسان: خلاص خليكي كده، إن شاء الله شهر. نور بكسوف وغيظ قامت جري ولبست روب ودخلت على الحمام تاخد شور. غسان: البت دي بتحلو ليه كده. *** في منزل سكينة. نسمة بصت من الشباك لقت قاسم.

نورهان: في إيه؟ نسمة: هاتي بس الشبشب. نورهان: أهدي يا بنتي توقعيني، مالك؟ نسمة: هنزل لقاسم يا نورهان وأجي على طول. نورهان: انزلي، الهي سوسو تقابلك بإيد المقشة في الشارع يا رب. نسمة نزلت جري. قاسم بحب: إيه الصباح اللي زي العسل ده يا عالم؟ نسمة بخجل: صباح النور، عامل إيه؟ قاسم: دام شوفت القمر النهاردة أكيد هكون بخير. المهم نازلة ليه خير؟ نسمة بتوتر: راحة راحة ال... قاسم فهم: نازلة تشوفينا صح؟ نسمة: بصراحة أيوه.

قاسم: على فكرة الفرح اتحدد واحنا جايين عندكوا النهاردة علشان نعرفكوا. نسمة بفرحة: بجد؟ يعني هنتجوز؟ قاسم: خلاص الطريق لسه فيه شوية قليلين. نسمة بحب: مسيرة يخلص يا حبيبي. قاسم بغمزة: يلا قوام على فوق يا بطة. نسمة طلعت على البيت جري وبفرحة. *** في شقة سكينة. سكينة: انتي كنتي فين يا نسمة؟ نورهان وهي قاعدة قدام التليفزيون: كانت بتشوف حبيب القلب يا سوسو، أوعدنا يا رب. نسمة بغيظ: وانتي مالك يا وحيد القرن انتي.

نورهان: أنا وحيد القرن يا أبو قردان انتي. سكينة: أنا عاوزاكوا تقوموا تشدوا شعر بعض كده، غلط يا بت. نسمة: يعني مش شايفة طريقتها. سكينة: أنا بسألّها بتردي ليه يا دكتورة نورهان؟ ها؟ نسمة: والله معرف. ودخلت أوضتها. نورهان: عيلة بتحب المسخرة. يعني إيه تنزل تشوف خاطبها في نص الشارع؟ طب ما أنا كمان شبه مخطوبة ولا حتى بكلمة. بت مايعة. سكينة: يابت انتي مسترجلة كده ليه؟ يا حظك يا عمر يا ابن انتصار هتجوز أخوك.

نورهان بهمس: لازم أغض البصر عن سي عمر الأيام دي، أنا مش ضمنة نفسي. يااه، الواد مز بشكل. *** في منزل منير الألفي. كانت العيلة كلها قاعدة يتناولون طعام الفطور بسعادة وحب. وغسان سرحان فيهم.

غسان بحب في نفسه: كل يوم عيلتي بتكبر يوم عن يوم. أحسن حاجة إن الإنسان يعيش مع ناس بيحبها وتحبه، بعيد عن الغدر والخيانه، عن الوجع. وينظر لنور اللي بتداعب عاصي. وأجمل ما في الدنيا إن أنا ربنا حبني وجوزني البنت اللي طول حياتي مستنيها. وبص عليها بهيام. نور باستغراب: مالك يا غسان؟ غسان بهمس: بحبك مش أكتر يا روح غسان. نور: وأنا عاوزاك تشيل عاصي شوية. غسان بتهرب: عمر قاسم، ده احنا ورانا شغل ولا إيه؟

قاسم فهم: أيوا طبعًا. وبعدين إيه يا حج مش هنروح نعرفهم بكتب الكتاب؟ منير: النهاردة بليل. اجهزوا عشان هنروح كلنا. قاسم بخضة: ونور جاية؟ لأ مش هيحصل. غسان: ومالها نور بقى يا سي زفت؟ قاسم: إحنا نقدر نقول حاجة. وكمل بهمس: بس كويس إنها مش حامل وعلى وشك الولادة. أسر بهمس: بابا قوم اضربه، أنا سمعته بيشتم ماما. قاسم بضحك: بتحرّش عليا يا سي أسر. نور: غسان هو عاصي مش ابنك ولا إيه؟ غسان: ابني حبيبي، بس مش هشيله برضه.

عمر: تعالي يا حبيب عمو. واخد عاصي. ونور بدأت تلم في السفرة مع انتصار ونفين بحب. والرجالة نزلوا يعدوا على القهوة في صحبة ولادهم والأطفال. *** على القهوة. عمر شايل عاصي وعاصي مش بيبطل عياط: غسان، ابنك رخم ومبطلش عياط وأنا صحتي على قدي. غسان ببرود: والله ما شايله أبداً. ده ذلني لما كان مولود. قاسم: وعامل فيها سبع رجالة. واخدته من نور. شيله بقى يا معلم. منير: المهم هنروح النهاردة نطلب البنات. وحياة أمكم مش عاوزين فضايح.

قاسم: عيب يا حج الكلام ده. أنا هروح أجيب بوكيه ورد حلو كده وأجي. غسان بسرعة: أوعى تتحرك وتجيب أنت ورد. إحنا مش عاوزين نفضح نفسنا. أنا هجيب الورد تمام. عمر بضحك: كنت بتفكر في إيه وأنت بتجيب البوكيه اللي فات ده؟ غسان: يا جدع، ده كان نخلة مش بوكيه أبداً. واحد جه جري: يا حضرت الظابط، يا حضرت الظابط. غسان: إيه يا ابني في إيه؟ الراجل: أسر ابنك كان معايا بس اختفى فجأة. وأنا قلبت الدنيا عليه ومش لاقيه.

غسان اتنفض من على الكرسي وهو والجميع بصدمة.