رواية حين تقع في الحب الفصل التاسع والثلاثون 39 - بقلم ندى علي حبيب

في منزل سكينه كانوا متجمعين نور ونورهان ونسمه واسر وسكينه اللي شاله اسر ورفضه حد يشيله في الصاله في سعاده. نورهان بغيظ: ها ياسوسو مش ناويه تسيبي عاصي شويه لينا؟ سكينه: ارتاحي يا نورهان، هينام معايا. نور بضحك: عاصي ابني هيطلع عينك. سكينه بغرور: خدته ودخلت اوضتها تنام. نورهان: نور احكي يلا. نسمه: ايوا يلا. نور بعدم فهم: احكي ايه؟ نورهان: لا حول الله، اخبارك مع جوزك يعني لسه بيزعلك؟

نور: بس يا ماما انتي وهي، استني لما ادخل انيم اسر واجي. وحملت اسر ودخلت الاوضة. في الأوضة اسر بنوم: ماما خليكي جنبي. نور: انا جنبك اهو يا روحي، نام يلا. بعد وقت، اسر نام في ثبات تام. نور نورت لمه نورها بسيط وربتت الباب وطلعت بهدوء. ...................... في منزل منير الألفي كان عمر وغسان وقاسم قاعدين في المخزن. غسان: المهم، دا الأساس، القاعة هتكون في أجمل فندق فيكي يا مصر، وعلى حسابي. قاسم: أصيل يا أخويا.

عمر: طيب أشطا، كدا هتجوز أخيرًا يا نااااس. غسان بضحك: هيفرج الناس علينا النهارده، المهم عاوزين أي خبرة كدا ولا كدا ياض منك ليه؟ عمر وقاسم بثقه: عيب عليك، أخواتك أسود يا جدع. غسان بضحك: طب يلا، أنا طالع أنام، تصبحوا على خير. عمر: وانت من أهله يا حبيبي. .................... منزل سكينه نور بابتسامه: ورغم حنيته أحيانًا، بخاف منه جدًا، بس أنا اتعودت على طبعه، على غضبه عليا وغيرته، حتى شكله لما بيكون رومانسي.

نورهان بتوهان: ياااه، كان نفسي أقول في اللي بحبه أشعار كدا. نسمه بضحك: نورهان وأشعار؟ دا حتى مش طلعه على بعضها. نور: المهم يا بنات، انتو حجزتو الكوافير؟ نسمه: الكوافير والفساتين أكيد هيكونوا عند... نور: كنت لسه هقولك، بتعمل ميكب سيمبل وجميل. نورهان: المهم، أنا داخلة أنام، الساعة داخلة على 3 أهي. نور: خديني معاكي. وقامت دخلت أوضة أمها. .................. في غرفة سكينه نور بهمس: ماما، هاخد عاصي علشان أكيد هيصحي جعان.

سكينه: ماشي يا حببتي، تصبحي على خير. نور وهي تحمل عاصي: وانتي من أهله يا حببتي. وطلعت من الأوضة. .................. في غرفة نورهان ونسمه نورهان بتبعت مسج لعمر. نورهان: الو عمر، ممكن ترد عليا؟ صدقني أنا مكنش قصدي أقول ليك كدا، بس أنا اتصدمت، وخصوصًا إنك أول حد يلمسني. وبعتت المسج. عمر كان لسه داخل ينام، لقي المسج، مسك فونة وشاف المسج. عمر بابتسامه: بس لازم تتعلمي إن هبقى جوزك ولازم تتعودي على كدا.

وقال في نفسه ودخل نام على طول. نورهان بغيظ: يعني غلطانة إن بعتت يشوف الرسالة وميردش؟ ماشي. وقفل فونها ودخلت نامت، وكانت نسمه نامت. ..................... في غرفة نور نور كانت ماشية في الأوضة تنيم عاصي بتعب، لقت فونها بيرن. نور: الو، نعم يا غسان. غسان: نور، فين التيشرت الأبيض في أحمر بتاعي ياهانم؟ نور: غسان، هتلاقيه في دولابك أكيد، هيروح فين يعني؟ غسان بعصبيه: نور، يعني أنا مودريتش في الزفت، وخبط الدولاب.

نور اتخضت: اهدي بس يا حبيبي، البس أي تيشرت عندك لحد ما أجي أشوفه فين. غسان بعصبيه: نور، أقسم بالله لو عادت تتكرر وتباتي بره البيت مهما كان عند مين، لكون كسر دماغك دي. نور بدموع: حاضر. غسان بغيظ: غلطانة وبتعيط؟ يا ربي. نور: غلطانة في إيه؟ مش فاهمة أنا، عليا كل حاجة، حتى إن التيشرت ضاع أبقى السبب، دا كفاية عليا عاصي مسهرني لبعد الفجر أهو. غسان بهدوء: انتي اللي بتغسلي، وبخصوص عاصي، انتي أمه، ودا شيء أي أم بتعمله.

نور بغيظ: غسان، انت متصل تحرق دمي. غسان: نور، روحي نامي يا روحي، الله يهديكي. وقفل السكة في وشها. نور بصدمه وبصت على الفون: بيقفل السكة في وشي؟ وربنا لأوريك. وبصت لعاصي: وانت ياسي غسان الصغير مش ناوي تنام النهارده؟ أيوا طبعًا، بدون على اللي يتعبني، فين تعمله أنت وأبوك؟ طبق الأصل، أوووف. ..................... في الصباح في منزل سكينه نور صحيت ملقتش عاصي جنبها ولا اسر.

نور بخضة طلعت برا جري، كانت لابسة بجامة عبارة عن برمودا وتيشرت كت. لقت عاصي مع أمها واسر بيفطر. نور: إيه دا، الساعة كام؟ سكينه: عصر الخير، الساعة 3. نور بتعب وهي بتعد على السفرة: عاصي مطلع عيني، منمش غير الساعة 6 الصبح. سكينه: معلش يا حببتي، هي المسئولية كدا، اعدي كلي. نور بدأت في الطعام: اسر خد كل السندوتش دا. اسر: يا ماما مش عاوز، أنا أكلت. نور: مين أكلك؟ سكينه: أكلت أنا وهو الصبح، حبيب قلبي دا بيصحي بدري.

نور بابتسامه: متعود يصحي مع أبوه الصبح بدري. نورهان: صباح الخير. سكينه: عصر الخير ياختي، دي طول الليل صاحية وطول النهار نايمة، دا قيمة بدري علشان انتي هنا بس، هي والدكتورة التانية. نسمه: يادي أم الدرس اللي حفظته، كل يوم يا نور نفس الموضوع ونفس الخناقة. نورهان وهي بتاكل: نوليني المربة يا سوسو. نور: وبرود رباني، الله أكبر. نورهان: شكرًا يا عم الخفيف. سكينه: خليكي باتي معايا الأسبوع دا يا نور.

اسر: أيوا يا ماما، أنا عاوز أفضل هنا، الجمالية بقت وحشة، خلينا هنا، هنا في بحر عند البلكونة. نسمه: خليكي بقي. نور: دا غسان اداني مرشح طوييييل علشان فضلت يوم، مبالك بقي لو قلت أسبوع، هيطلقني فيها. ضحك الجميع على كلامها. ............................ في منزل منير الألفي كانوا متجمعين على السفرة يتغدوا. منير: مش ناوي تشوف المناقصة اللي الشركة هتبدأ فيها دي ولا إيه يا غسان؟

غسان: والله يابا، أنا متأكد إن شركتنا هي اللي هتكسب، أنا شايف الورق، متقلقش من الموضوع دا. قاسم: الفرح خلاص قرب، مش ناويين نعمل توديع عزوبية ولا إيه؟ غسان: هجيب نور من عند أمها ونروح نسهر، وأحلى مكان على ذوقي، يا شباب، جمعوا الشباب انتو بس. عمر: عليا الطلاق برنس. نفين: هتجيب نور إمتى؟ غسان: هتصل بيها أعرفها تجهز، على ما أوصل أجيبها وأجي. نفين: ماشي يا حبيبي. غسان قام ودخل أوضته القديمة. ...................

في غرفة غسان غسان: الو، عاملة إيه النهارده؟ نور: بخير يا حبيبي، عامل إيه أنت؟ غسان: هعمل إيه؟ معرفتش أنام، نايم صاحي طول الليل. نور: وحشتك. غسان: وحشتيني، ووحشني حضنك، وحشني كل حاجة. نور بكسوف: وانت كمان، هتعمل إيه النهارده؟ غسان: آه، علشان تكوني عرفة، هسهر النهارده حفلة توديع العزوبية للشباب، ولابد أكون معاهم. نور: طب انت هتسهر، وأكيد مش هتيجي غير وش الفجر، خليني عند ماما النهارده، كدا كدا انت مش موجود معايا.

غسان بعصبيه: وحتي لو مش موجود، مراتي تنام بره بيتها بولادي ليه؟ نور بدلع: يا عمري، انت كدا هتتأخر، خليني مع البنات النهارده، وبكرا هاجي والله. غسان بضيق: والحلفة اللي حلفتها دي أعمل فيها إيه؟ نور بدلع: بتحلف عليا يا روحي؟ خلاص بقي يا سونه. غسان بغضب: هتيجي ليا تاني، وأعلمك تنامي بره البيت تاني عقابه إيه؟ سلام. نور بفرحه: سلام يا روحي. وقفل السكة. نورهان اللي كانت على ودن ونسمه على ودن. نورهان: إيه المحن دا بقي.

نسمه بفرحه: بلا محن بلا بتاع، المهم وافق؟ هاااااا. نور بفرحه: أيوااااااا. سكينه: وطّي الصوت يا دكتورة منك ليها. نور ونورهان ونسمه بضحك.