رواية حين يروي الغرام الفصل الخامس 5 - بقلم نجلاء عبد الظاهر

نور بسخرية: قليلة الأدب دي هي اللي اتجوزت راجل متجوز عرفي من ورا الناس، ودلوقتي جاية تلف على أخوه. سلمى بخبث: كل ده كذب، أنا هوريكي. سلمى قربت من نور ولسه هتضربها، لكن نور مسكت إيديها ببرود وقالت: أي الحقيقة بتوجع أوي كده؟ سلمى بغضب: احترمي نفسك، أنا هنا ستك وست البيت. عزة دخلت ببرود: لأ يا عنيا، أنا هنا اللي ست البيت، ومن بعدي مرات ابني الكبير نور. كنت عايزة أساوي بينكم، بس انتي متستاهليش.

سلمى بحقد: بقا كده يا حماتي؟ طيب أنا لما ينزل أحمد، هخليه يوريكم شغلكم. طلعت بغضب. نور بهدوء بصت على يزن وطلعت. عزة بعدم فهم: هو حصل إيه؟ يزن بهدوء: هقولك يا ماما. أنا دخلت المطبخ أحضر قهوة للكل، لقيت سلمى دخلت ورايا وبتقول: "شكلك حلو وأنت بتعمل القهوة زي ماما الله يرحمها." قولتلها بهدوء: الله يرحمها. لقيتها فجأة بتعيط وبتقول: "وحشتيني أوي يا ماما، بقيت لوحدي، وأبويا خلاص اتبرا مني وسابني، ومعتش ليا حد غيركم يا يزن."

قولتلها بهدوء: اهدي يا سلمى، وملحقتش أكمل كلامي. عزة بفرح: أخيرًا بدأت تغير عليها يا يزن. يزن بتوتر: ها ماما، غيري الموضوع، أنا خارج. عزة بضحك: بيتغير والله بيتغير. وكملت ضحك. عند أحمد. سلمى بغضب: بقولك انزل خد حقي، تقولي إنهم معاهم حق. أحمد ببرود: إيه سبب الخناقة؟ سلمى بتوتر وتمثيل: معرفش، نور حطاني في دماغها، دخلت أشرب، جت وعملت الجو ده كله. أحمد بعدم تصديق: خلاص اللي حصل حصل، وأمي أنا مقدرش أقولها حرف، انتي فاهمة.

سلمى بحقد: ماشي يا أحمد، تمام. أنا هاخد حقي بنفسي. مسكها أحمد بغضب: لو فكرتي تزعلي حد منهم، سواء أمي أو نور، أنا اللي هقفلك. سلمى بغضب: أوعى كده.