رواية حين يروي الغرام الفصل الرابع 4 - بقلم نجلاء عبد الظاهر

نور بغضب زقته: اطلع بره يزن الحقني يا يزن. يزن سمعها طلع جري. أحمد بغضب كان فاكر إنها هتخاف منه. يزن بيدخل بغضب: إنت بتعمل إيه هنا. عزة وسلمى بيطلعوا. نور هتتكلم. أحمد سابقها بخبث: كنت نازل أعتذر ليها عشان كلام امبارح، بس شكلها فهمتني غلط. يزن بجمود: وإنت دخلت وقفلت باب الشقة ليه. نور بغضب: أقولك أنا ليه، المحترم جاي وبيطلب مني إني أطلق منك عشان أرجع له و بيهددني. عزة بصدمة: نهار أسود يا أحمد، هي حصلت.

سلمى واقفة ببرود وباصة لأحمد اللي وشه قالب ألوان. يزن مسكه من القميص بغضب: أنا حذرتك مرة، ابعد عن مراتي يا أحمد أحسن لك، فاهم. أحمد بتوتر: بس هي اللي... يزن بغضب مقاطعاً: فااااهم ولا لاااا. أحمد خاف وخرج وسلمى راحت وراه بجمود. عزة بعصبية: بابك بعد كدا ميتفتحش غير لما تعرفي مين بره. نزلت بغضب. أول مرة الأخوات يتخانقوا مع بعض كدا. نور دموعها نزلت: والله يا يزن أنا معملتش حاجة. نور ابتسمت بحب إنه واقف معاها ومصدقها.

عند أحمد. سلمى قاعدة ببرود وهو متوتر منها. سلمي ببرود: أنا قولت لك إيه امبارح. أحمد بتوتر: دي بتكدب، أنا... سلمى بسخرية: لا مبتكدبش يا أحمد، بص يا حبيبي عشان أنا فاضلي تكة منك، لو مبعدتش عن نور اعتبر نفسك برا الشغل نهائي، لأنه صاحبه يبقى قريب أبويا، ها، وهخليك تشحت كدا، أوك يا حبيبي. سابته ونزلت. وهو بقرف: أما أوريك يا يزن إنت وسلمى، وارجع لنور تاني مبقاش أحمد. بعد شوية. عزة قاعدة زعلانة. سلمى بخبث: مالك يا حماتي.

عزة بحزن: أول مرة أحمد ويزن يتخانقوا كدا. سلمى بمكر: عشان نور، كله بسببها، وشوية شوية هتخليه يسيب البيت، أو لا قدر الله يعمل حاجة في أخوه. عزة ببرود: سلمى ملكيش دعوة تمام، أنا اللي جبت نور هنا، فكل اللي بتعمليه دا مش هيدخل دماغي ومش هيجيب نتيجة. سلمى بخبث: أنا قصدي خير، واديكي شوفتي أهو. عزة تجاهلتها ودخلت أوضتها. سلمى بمكر: أنا هعرف إزاي أخرجها من هنا. بليل. نور بابتسامة: الأكل جهز. يزن بحنان: مكنش له لازمة تعبك.

سلمى بسخرية: عادي يعني، عملت إيه جديد. يزن بهدوء: كلامي واضح لمراتي. سلمى اتغاظت، ونور ضحكت هي وعزة. يزن: هروح أغسل إيدي وأعملكم قهوة. نور بسعادة: بجد، أنا بحب القهوة بتاعتك أوي. يزن بابتسامة: عيوني ليكي. بيدخل أحمد بتوتر: ازيكم يا جماعة. محدش رد. أحمد بهدوء بص ليزن: أنا آسف يا يزن على كل اللي حصل مني، وأوعدك إني مش هتعرض لنور تاني، حقك عليا. يزن بهدوء: الاعتذار يبقى لنور مش ليا. بص أحمد لنور: أنا آسف.

نور بجمود هزت راسها بـ تمام. سلمى بخبث: اطلع غير يا حبيبي وتعالى نقعد كلنا مع بعض. أحمد: ماشي. يزن قام دخل المطبخ. سلمى بخبث اتسحبت وراه. نور بتدخل المطبخ وبتنصدم. سلمى بتمثيل التوتر: شكراً يا يزن. نور بغضب: إيه بيحصل هناااا. يزن بهدوء: مفيش. سلمى كانت هتقع، سندتها. نور بغضب: ما تتجوزها زي ما لفت على أحمد جاية تلف عليك مش كدا. سلمى بغضب: اخرسي يا قليلة الأدب.

نور بسخرية: لا والله قليلة الأدب اللي اتجوزت راجل متجوز عرفي، ها، عرفي، وجاية بتلف على أخوه. سلمى رفعت إيديها عشان تضربها و...