رواية كاسري الفصل الخامس 5 - بقلم فاطمة وجيه

بدأت روح تغمض عينيها وتفتحها. "أنا فين؟ قاسم قرب منها. "مانتي زي القرده أهو، امال إيه اتخبطي دي؟ وكل مرة تجرجريني على ملهوش." روح بدأت تدمع. "يا الله." قاسم بص لها باستغراب. "هي مالها دي؟ روح نظرها متعلق عليه وعمالة تعيط. قاسم قلبه دق. "هو انتي شايفاني؟ روح تعيط وتبص حواليها، وبعدين نظرها يثبت على قاسم. قاسم قاعد قدامها. "شايفاني صح؟ روح. "يا الله، وكأنك زي ما انت متغيرتش، نفس ملامحك البريئة ونظرتك الحنينة." قاسم.

"انتي يا بومة بكلمك." روح بتعيط ومبتردش عليه. قاسم بيبص عليها بقلق. "انتي يا خرا، أوعي تكوني اتخرست؟ روح تبتسم وهي بتعيط. قاسم يلتفت ليوسف. "أوعي تقول الخبطة خلتها عبيطة." روح بصت ليوسف بخوف. "لا لا، أنا كويسة، بس عيني وجعتني من الوقعة وافتكرت إني هشوف." قاسم برفع حاجب. "شفتك قرده أنا، ماشية." روح غمضت عينيها. "أنا عايزة أرتاح." يوسف. "ماشي، أنا همشي، بس لازم تيجي في معادك." ريماس. "استني، وصلني في سكتك."

كلهم طلعوا وراء بعض. فتحت روح عينيها وقامت قاعدة. "وفي سره: هو ده واقف بيبص كده لي؟ قاسم وقف بيبص بنص عين وحط إيده في جيوبه. روح تبلع ريقها وتحرك عينيها بتوتر. "وفي سره: أنا مينفعش أبين إني شايفه." قاسم يقرب منها ويقعد على حرف السرير. روح. "مين؟ مين قاعد؟ قاسم ساكت ومبيردش. روح. "مين هنا؟ قاسم مش عارف ليه حاسس إنها شيفاني، حاسس بلمعة عيونها من تاني. قلبه دق أول ما فتحت عيونها. "لازم أتأكد الأول." روح بلعت ريقها.

"أكيد شك فيا، أعمل إني مش شايفة أحسن." قاسم يقرب أوي منها، وشه قصاد وشها وبيصلها بحدة. روح تتوتر. "مين؟ قاسم بنص عين. "وفي سره: مانا هتاكد يعني هتاكد." قرب من خد روح وباسه وبعد عنها. روح. "وفي سره: بقا كده؟ بتعمل زي زمان." فلاش باك. روح بزعيق. "متتكلمش معايا تاني." قاسم يبوس خدها فجأة ويبتسم. "وكده." روح بزعيق. "تاني يا قاسم." وتمسح خدها. قاسم بضحك ويمسك خدودها. "مانتي الي خدودك حلوة أوي يا روح." روح ضحكت. باااك.

قاسم ببرود. "انتي أي حد يبوسك عادي كده؟ روح بضيق. "انت لسه مبتبطلش الحركات دي." قاسم ببرود. "بس انتي خدودك مبقتش حلوة." روح. "اتجوزتني لي؟ لسه بتحبني؟ قاسم ببرود. "في اليوم نفسه كرهتك." روح توطي راسها. "أنا كنت صغيرة." قاسم قاطعها. "وجرحتيني. الا صحيح، خالد هو الراجل المناسب اللي كنتي بتتكلمي عنه في اليوم إياه؟ روح تدمع ومش عارفة تقول إيه. قاسم يقوم ببرود. "حاسة بالقرف، مش كده؟ وسابها ومشي. روح تمسح دموعها.

"أنا آسفة." فلاش باك. قاسم. "إزيك يا طنط؟ أم روح. "ها، لا يا ابني، هي راحت الجامعة." قاسم. "طيب يا طنط، لما تيجي قوليلها إني عديت." أم روح قفلت الباب. روح. "مشي خلاص." أم روح اتنهدت. "لي كده يا بنتي؟ روح. "يا ماما زهقت، كنت فاكرة شوية وهيمل، لكن لا بقاله 10 سنين لازق فيا، أنا اتخنقت." أم روح. "الواد طيب وشكله بيحبك، وشريك." روح تقعد على الكرسي باهمال. "أنا عايزة ألغي الخطوبة دي من غير ما أجرح." أم روح بصدمة. "تلغي؟

روح بضيق. "مش حباه، اتخنقت، لحقني في كل حاجة، عايز مساحتي الخاصة، حريتي، وكمان حالته المادية مضيقاني." باااك. روح بعياط. "كنت غبية، أنا آسفة." قاسم. "دادة، ابقي طلعي لروح الأكل." عفاف. "انت ماشية؟ قاسم. "عندي شغل مهم." روح نازلة على السلم، وقفت وعقدت حاجبه وهي بتسمع روزي. روزي. "وأنا إيه عرفني؟ عامل اجتماع لـ... معتز بغيظ. "أما أنا مدخلك القصر تهبب إيه؟ روزي بضيق. "بقولك إيه، متقرفنيش، هعرف منين؟

أنا مالي بشغل الزفت ده. اصل طيب، هتزفت أشوف." روح. "أه يا بنت الـ... ونزلت وعدت من جنبه. روزي بتوتر. "انتي هنا من إمتى؟ روح. "لسه نازلة، في حاجة ولا إيه؟ روزي. "في سره: يبقا مسمعتش." روح ماشية وسابها. روزي سحبتها من إيديها. "انتي يا عمية، راحة فين؟ روح بصت لإيديها اللي ماسكة دراعها، وبصت لروزي ونفضت إيديها. "اسمي روح، افتكري كويس. أنا أتحرك براحتي. أه، أنا عمية مش طرشة، حطيها حلقة في ودنك." وسبتها ومشت. روزي بغل.

"أنا بتكلمني كده؟ لو مطلعيتكيش بفضيحة مبقاش روز." قاسم دخل أوضة الاجتماعات وقاعد على كرسي. "طبعًا عايز تعرف، انت هنا لوحدك." لمعتز بص لـ ريماس وبصله. "هو أنا عملت حاجة يا فندم؟ قاسم يحط إيده على كتفه. "وبتسال؟ يا بجاحتك." ريماس شغلت جهاز العرض، وظهر معتز وهو بياخد رشاوي، وهو بيسلم ملفات. قاسم. "مش ده ملف المناقصة الجديدة يا ميزو؟ معتز بيبص بصدمة. "ده، ده... قاسم يقوم وهو معاه ملف ويحطه قدامه ويحط القلم. "أمضي."

معتز بلع ريقه. "على إيه؟ قاسم ببرود. "حق." معتز فتح الملف وبدأ يقراه، وفتح عينيه على الآخر. "خمسة مليون أجبهملك منين؟ قاسم. "مش شغلي، أمضي." معتز. "ولو ما مضتش؟ قاسم ببرود. "بسيط، هحبسك بتسجيل." معتز. "همضي، بس بشرط آخد التسجيل." قاسم. "بتتشرط كمان؟ لما تمضي." معتز مسك القلم بخوف ومضى. قاسم. "هات قلمي بقا." معتز أداله القلم. قاسم ببرود. "انت مفصول، ملكش مرتب عندي. وأه، الخمسة مليون يجولك." معتز بص له بصدمة. "إيه؟

قاسم. "زي ما سمعت. ودلوقتي بره." معتز بحقد. "وتسجيل؟ قاسم. "التسجيل بح." معتز بغضب. "ده مش اتفاقنا، هات التسجيل." قاسم. "هتطلع كده، ولا هتطلع على رجلك." معتز باستفزاز. "هي روح بقت كويسة؟ قاسم. "بره." معتز بضحك. "ابقى سلملي عليها." ريماس بخوف. "مكنت حبسته وخلصنا." قاسم بغموض. "الموضوع لسه فيه ديل، لازم أخلص منه الأول. التسجيل ده خلي معاك." ريماس. "طيب، وهمشي أنا بقا." روح. "هقوله ولا لا؟ لا، مش هيصدقني. ياترى مين دي؟

أنا لازم أعرف." قاسم داخل وهو بيفكر في معتز وشارد. روح. "ماله ده؟ إيه اللي جابه بدري؟ وبصوت عالي. "يا داده عفاف." قاسم التفت ليها وقرب منها. "انتي مين سمحلك تقعدي على المرجيحة دي؟ روح بستعبط. "هو أنا قاعدة على مرجيحة؟ قاسم ببرود. "إيه رأيك في اسم معتز؟ روح. "معتز مين؟ قاسم. "أنا بقول الاسم مش الشخص." روح تقوم تقف. "حاسة في لهجتك اتهام. أنا هعرفه منين؟ قاسم. "يعني انتي متعرفيهوش؟ روح بغضب. "لو هعرف هكدب لي؟

أنا مش عارفة مين ده." قاسم بص لها من فوق لتحت وكأنه ماشي. روح سحبت إيده وقفت قدامه. "انت بتبص كده لي؟ انت مش مصدقني؟ قاسم برفع حاجب. "وعرفتي منين إني ببصلك؟ هو انت بتشوفي؟ روح تسيب إيده بتوتر. "ها، لا، بس حسيت كده." قاسم بسخرية. "وانتي بتحسي أوي؟ متحسيش تاني." وسابها ومشي. روح بضيق. "هو إيه اللي حصل ده؟ دخلت وراه وقفت متسمرة. روزي حضنه. "حبيبي، انت جيت؟ قاسم برفع حاجب. "حبيبك؟ روزي تحاوط رقبته. "وقلبي كمان."

قاسم ابتسم. "إيه الدلع ده." روزي مسكه زراير قميصه. "أصلي أنا... قاسم. "انتي إيه؟ قولي مكشوفة." روزي تضرب كتفه. "انت بارد أوي." قاسم يحاوط خصرها. "اخص عليكي، زعلت." روزي تبوس خده. "خلاص، متزعلش." قاسم. "ممم، خلاص مش زعلان. فوفا عملت الأكل." روزي بدلع وهي بتشده. "أيو، يلا هاكلك بإيدي." قاسم وقف قدام روح. "هتيجي تتفطحي يا عمية؟ روح ماسكة دموعها. روزي نايمة على كتف قاسم. "يلا بقا." قاسم بيشاور لها تسكر. روزي بهمس.

"مهي مش شايفة." روح تكور إيديها وتمشي. قاسم. "استني أوريكي الطريق، ليكي تقعي على وشك." روح ضغطت على رجليها اللي وجعتها. كنت هتقع. قاسم بسرعة ميل وسندها. "انتي كويسة؟ روح حاضناه وبصت في عينيه. "وفي سره: اما انت لسه بتحبني؟ بتعمل كده لي؟ معقولة عايز تردلي نفس الجرح؟ أنا مش هستحمل." روزي اللي كنت ساندة على كتفه وقعدت في الأرض وبصت لروح بغلق. قاسم عدلها. "هتفضلي في حضني كتير؟ أوعي يكون وحشك." روح بصت له ومبتردش. قاسم.

"اما انتي مش قادرة تتحركي لي؟ وميل شالها. "انتي مش جايبالي غير قسمت الوسط." روح بصت له وهو ماشي بيها وبصص قدامو. روح قربت لا إراديا وبوست خد. قاسم وقف فجأة وسمع قلبه اللي بيدق. "ومن غير ما يلف ليها: متعمليش كده تاني." روح دمعة. "نزلني." قاسم بسخرية. "إيه؟ وجعتك؟ روح مش بترد عليه. قاسم ببرود. "معلش، نسيت إنك مبتحسيش." وحطها على السفرة. روزي جت وقفت جنب قاسم اللي حاوط خصرها. روح بغيظ. "انت مش هتاكل؟ قاسم.

"لا، أنا هستريح شوية. يلا يا روزي." روزي. "يلا يا بيبي." روح بغيظ. "ماشي يا قاسم، والله لربيك من أول وجديد." قامت روح فتحت الدولاب وطلعت فستان كب أحمر ولبسته وفردت شعرها وحطت ميك آب، وبصت في المرايا بغيظ. "لما نشوف هتفضل مع الحرباية دي ولا لأ." روزي. "مش هتدخلي الحمام ولا إيه؟ قاسم يقرب منها ويحضنها. "انتي عايزة توزعييني ولا إيه؟ روزي تقرب منه. "تؤ، لا، بس عايزك تفوق." روح تفتح الباب. "دادة عفاف." قاسم وقف سرحان.

"انتي مين؟ روح تكتم ضحكتها. "آسفة، غلط في الأوضة. مش لقيت داده عفاف." قاسم يقرب منها وزراير قميصه مفتوحة. "انتي." روح ترفع عينيها. "احم، أنا." قاسم يرجع خصلاتها لورا ودانها. "إيه؟ روح ضحكت. "إيه؟ قاسم. "مالي؟ في إيه؟ متمسك نفسك شوية؟ انت بتكرهه؟ انت إيه؟ أنا ميت فيها. إيه الخدود دي؟ بس أنا بكرهه يا جماعة." روح. "ممكن توديني لـ داده عفاف؟ قاسم وقف مبيتحركش. روزي بغيظ في سره. "شكله موتك قرب." بصت لشنطة قاسم.

"دي فرصتي." قربت من الشنطة وبدأت تفتش فيها، وطلعت فلاشة وخبتها، وخدت الورق اللي معتز مضى عليه وخبيته. قاسم. "ثواني، هجيب حاجة." وراح ناحية الدولاب. روح بصت على روزي، لقيتها بتقفل الشنطة. جريت مسكت إيديها. "انتي بتعملي إيه؟ روزي اتخضت وبصت لـ قاسم اللي مديهم ضهره. "انتي بتفتحي الشنطة لي؟ قاسم قرب من الشنطة بسرعة وفتحها. "فين الورق اللي هنا؟ روح. "هي اللي خدته." وقاسم مسكها من دراعها. "خدي عشان تدهوله صح."

روح تبلع ريقها. "أدي لمين؟ أنا مش فاهمة." قاسم. "مش فاهمة إيه؟ إن معتز صاحب خالد حبيب القلب." روح بصدمة. "خالد؟ قاسم. "انتي الملف؟ روح. "أنا مخدتش حاجة والله." قاسم بزعيق. "كفاية كدب بقا، كفاية. انتي مبزهقيش؟ روح بعياط. "مش أنا." روزي تقاطعه. "دي إيه؟ أنا شوفتك وانتي بتسرقي الورق، وقبل كده سمعتك بتتكلمي مع حد في الفون وبتقولي ورق وتسجيل ومش عارف إيه." روح بصتلها بذهول. "أنا أصلاً مش... قاسم شدها من إيديها وطلع بيها.

روح بألم. "قاسم، براحة. رجلي." قاسم. "معملتش حاجة، دي كدابة." قاسم بيجرها ومش مهتم ليه. روح. "انت متخلف، سبني. قولتلك مش أنا." وشدت إيديها جامد ورجعت لورا. قاسم بصدمة. "روووح." كنت روح بتلف على السلم، وصلت لحد تحت، ورأسها اتخبطت في السلم. قاسم نزل جري وراها. "روح." روزي ساندة على التربيزة. "وبكده خلصت منك." وخدت. روح مسكت راسها بألم. "آه." قاسم شالها وطلع بيها بسرعة ودخل أوضة وحطها على السرير. "انتي كويسة؟

روح بصوت مبحوح. "أنا مخدتش حاجة." قاسم قام من مكانه ولسه ماشي. روح مسكت إيده. "قاسم، صدقني، أنا معملتش كده." قاسم ببرود. "مبقتش أصدقك." روح. "لي؟ قاسم. "لي؟ روح بدموع. "مش مصدقني؟ قاسم يميل عليها ويهمس ليها. "أنا سمعتك." روح بعدم فهم. "سمعت إيه؟ قاسم قاعد قدامها. "مش حباه، اتخنقت، لحقني في كل حاجة، عايز مساحتي الخاصة، حريتي، وكمان حالته المادية مضيقاني." روح بعياط. "أنا مكنتش... قاسم يقاطعها بعصبية.

"متقوليش مكنتش أقصد. حتة من سبع سنين مكنتيش تقصدي." فلاش باك. قاسم وقف مستني روح، اللي أول ما شافته قام ابتسم. روح. "إزيك؟ قاسم بص في عينيها. "حلو لما شوفتك." روح. "إيه اللي في وشك ده؟ أبوك لسه بيضربك؟ قاسم حط إيده على العلامة اللي في خده وابتسم. "أكيد هيتغير." روح بضيق. "كنت عايزة أقولك إن... قاسم بخوف. "مش عايز أسمع." روح تقرب منها وتمسك إيده. "انت مرتبك كام؟ قاسم ضحك. "قولي إنك عايزة تخرجي." روح.

"تالت آلاف ومتين، مش كده؟ قاسم ابتسم. "لو عايزة، كله عاد." روح. "هنتجوز بعد قد إيه؟ تسع أو عشر سنين؟ قاسم ابتسامته اختفت. "أنا... روح تقاطعه. "عمرك 22، ولسه بتضرب من أبوك، شخصيتك ضعيفة، معندكش مستقبل، معندكش طموح، ومش متعلم، وعايز تربطني بيك؟ قاسم بص لها بذهول. "أنا؟ ويقرب منها. روح ترجع خطوة لورا وتدمع.

"قاسم، اسمعني، إحنا غير بعض، مختلفين. كنت بقول مع الأيام هحبك، لكن لا، محصلش. انت مش الراجل المناسب اللي بحلم بيه. انت وقفت جنبي زمان وسعدتني وأنا ممنونة ليك، بس صدقني مش قادرة أحبك." وخلعت الدبلة، ومسكت إيد قاسم وحطتها فيها، ولفت وادت له ضهرها. قاسم. "استني." وقفت روح مكانه. تخونه دموعه وتنزل. "بعد كل السنين دي بتقول مش بحبك؟ مقولتهاش لي زمان؟ لي سبتيني أتعلق بيكي كل ده؟ لي سبتي حبي ليكي يكبر؟

أنا استنيتك 11 سنة، مش قادرة تستني سبع، تمن سنين زي ما بتقولي؟ يقرب قاسم منها. قاسم بدموع. "أنا صحيح مش متعلم، مش بإيدي مستقبلي، كنت بتمنى ابني معاكي، طموحي كان إنك تبقي على اسمي وأسعدك. بس انتي متستهليش." روح رفعت عينيها له. "مستاهل؟ قاسم عينه احمرت وبدمع. "إيه؟ وجعت؟ ورفع الدبلة قصد روح.

"وحيات حرقت قلبي اللي محب حد قدك ولا هيحب، لتتمني تلبسيها تاني ومش هتلاقيها. وزي ما طلبتي، أمشي من قدامك، هدور عليا وتتمني أحبك من تاني، وساعتها هتحسي بالكسرة اللي كسرتيها لي." ولف إيده ضهره ولف ليها. "واه، مفيش حد عمره 23 سنة بيضرب من أبوه، مش ضعف مني، بس عمر ما استقوى على اللي من دمي، حتى لو قطعني ديب." باااك. روح بتعيط. "أنا كنت صغيرة وحسبتها غلط." قاسم ببرود.

"الزمن لف، وأنا بقيت قاسم الجندي، وانتي بقيتي مكسورة. منتهى العدل. لو فكرة إني ممكن أحبك تاني تبقي عبيطة، وده منتهى الحزم." ويقرب وشه منها. "لو فكرة، هغفرك ولا هسمحك على اللي عملتيه، لو بعد ميت سنة، تبقي معرفتنيش كويس." روح تمسك إيده بعياط. "انت رجعت تاني وجوزتني، يبقا بتحبني." قاسم ببرود. "ده مش حب، أنا شفقان عليكي." ويطلع الخاتم. "فكرة؟ روح تبص للخاتم وتسرح. فلاش باك. روح بضحك. "إيه يا عم انت؟ هتموتني ضحك."

قاسم ابتسم. وقف فجأة في الشارع بصوت عالي. "اسمعوني." روح تشهق. "بسم الله، انت اتجننت؟ قاسم بصوت عالي. "اتجننت يوم ما خبطي فيا وبعزم مفيكي حضنتيني، واتجننت بحبك يوم ما طفلة لمست إيدي." ويقعد على ركبته ويطلع خاتم. "كلمة بسيطة، كبيرة عليه، بس كان وراه حب عظيم. وتجننت بحبك، تتجوزيني؟ روح بضحك. "آه يا ابن المجانين." قاسم ضحك لضحكتها. "على فكرة، ركبتي وجعتني." روح بضحك. "خلاص، عفوت عنك. موافقة." باااك. قاسم ببرود.

"لو كنت بحبك، كنت لبستهولك. أنا بشمئز لما أشوفك." روح بعياط. "أنا آسفة." قاسم. "واو، المفروض أكون كده. أنا اتحسنت." روح تقوم من السرير، رجليها بتوجعها وتقع. يقعد قاسم قدامها على ركبته. "تعرفي، حتة الخاتم ده، رغم بساطته، كتير عليكي." وقام. روح قبل ما يطلع. "اتجوزتني لي؟ قاسم وقف وهو مديها ضهره.

"مكنش خياري، اتجوزتك إجباري. اعتبري نفسك زيك زي السرير اللي انتي نايمة عليه. أنا عمري ما بصيت لك، حتى لو لبستي إيه. انتي مش بتحركي جوايا أي حاجة." لو كانت الكلمات بتقتل، لقتل قاسم روح بكلماته. روح ضمت رجليها وقاعدة تعيط. روزي. "خدي." معتز شاف الحاجة وابتسم. "الله عليك." وحضنه. روزي تحضنه. "امتى أخلص منه؟ أنا بحبك أوي." معتز بخبث. "قريب قوي." "جبتي دول؟ أزاير. روزي بدأت تحكيله. معتز بخبث. "يعني شاكك فيها؟ روزي ضحكت.

"شكلك ناوي على حاجة." معتز. "هنخلص من روح." روزي بضحك. "إزاي؟ معتز. "مش بتقولي إنها عمية؟ روزي. "أيو، ومبتقدرش تمشي." حلومعتز. "طب اسمع." روزي عينيه تلمع. "انت دماغك دي؟ ريماس تتصل بـ قاسم. "إيه الفيديو اللي نازل ده؟ قاسم عقد حاجبه. "فيديو؟ ريماس. "افتح الزفت فونك وشوف." قاسم قفل وفتح الفيديو بصدمة. "مستحيل ده." ريماس رجعت اتصلت. "إيه القرف ده؟ من امتى وانت بتروح أماكن زي دي؟ قاسم.

"أنا مش عارف مين البت دي ولا جت جنبي إزاي. أنا فعلًا كنت بسكر." ريماس بنفعال. "من امتى وانت طايش كده؟ انت كده هتخسر كل حاجة." قاسم ببرود. "إيه؟ أوعي تكوني ميتة فيا؟ ريماس بعصبية. "قاسم." قاسم بضحك. "خلاص، أنا هتصرف." ريماس تتنهد. "طيب، لما نشوف." قاسم قفل. "وفي سره: اشمعنى دلوقتي؟ معقول روح؟ روزي تدخل عليه وهي مبهدلة وكأنها مضروبة. قاسم. "إيه ده؟ روزي بعياط.

"الحقني، روح خدت واحد اسمه معتز يحاول يعتدي عليا، وهي كانت مع... قاسم ببرود. "واحدة واحدة واحكي لي." روزي بعياط. "بقولك كان هيعتدي عليا." قاسم يجز على سنانه. "روح فين؟ روزي. "مشيت مع خالد. جي خدها، وأنا هربت منهم." قاسم. "مشيت؟ روزي بعياط. "بس سمعتهم رايحين... قاسم يطلع زي الإعصار. روزي بضحك وهي بتمسح دموعه. "اللي عليا خلص، ودلوقتي وريني شطارتك يا ميزو." قاسم فتح تبلون العربية وطلع مسدس. "هنسي وعدي لأمي وحبي ليكي."

ونزل لـ البواب. "خالد في الدور الكام؟ البواب. "السابع يا بيه، هو في حاجة؟ قاسم سابه وحط المسدس في جيبه. وبص للساعة. "أنا بقول اطلع السلم أحسن." طلع بكل برود، سلمها سلمها، لحد ما وصل للدور ولقى الباب مفتوح. دخل وقفل الباب ودخل أول أوضة، لقيها فضية. تاني أوضة، لسه هيدخل، سمع صوت صريخ. فتح الباب. روح تبص جنبها وتبص لـ قاسم. "أنا مش هو، محصلش حاجة." قاسم يطلع المسدس ويصوب عليها.