رواية كاسري الفصل السادس 6 - بقلم فاطمة وجيه

سبت المسدس في جيبه وبص للساعة: أنا بقول أطلع السلم أحسن. طلع بكل برود، سلمها سلمها لحد ما وصل للدور، ولقى الباب مفتوح. دخل وقفل الباب، ودخل أول أوضة لقي فضية. تاني أوضة لسه هيدخل سمع صوت صريخ. فتح الباب. روح: أنا مش هو، محصلش حاجة. قاسم طلع المسدس وصوب عليها: زي ما أنتِ كده. خالد بخوف: أنت بتعمل إيه؟ قاسم جاب كرسي وقعد عليه وحط رجل على رجل: شايف إنكم بتجددوا حبكم، هايل. روح بعياط: والله أنا مش عارفة جيت هنا إزاي.

قاسم بص لخالد: وأنت كمان متعرفش جيت هنا إزاي؟ خالد بتوتر: هي بتحبني وأنا بحبها. قاسم ضغط على المسدس وحاول يكون بارد: هايل، إيه كمان؟ خالد: يا برود، هو أنت مبتغرقش؟ قاسم قام وبحرف المسدس بعد الغطا. روح بعياط: بقولك أنا مش عارفة جيت هنا إزاي، حتى أنا وهو بهدومنا. قاسم: بجد؟ وأنتِ عرفتي إزاي إنه بهدوم؟ روح بتعيط وسكتت. قاسم قرب وشه منها: الهانم بتشوف، مش كده؟ روح بتعيط وسكتت. قاسم

حط المسدس على دماغ روح: الواضح إنك شايفني حمار، مش كده؟ خالد بص له بخوف: أنت بتعمل إيه؟ قاسم صوب على رجله وضربه: واحد فيكم هيطلع من هنا ميتروح. روح انتفضت: قاسم، أنا والله ما عملت حاجة. قاسم بص لخالد برفع حاجب. خالد ماسك رجليه بألم: أنت مش قادر تلم مراتك، بتتشطر عليا. روح بصت له بقرف: أنا ندمانة إني حبيت واحد زيك. قاسم حد المسدس على صدره: التانية في قلبك، وصدقني مش بهزر. إيه جاب روح هنا؟ خالد بخوف: هي اللي.

قاسم: من غير كذب، لتلاقي نفسك متروح. روح بخوف: قاسم، متتهورش. قاسم ببرود: إيه، خايفة عليه ولا عليا؟ روح بصت له بحزن وسكتت. قاسم: شكلك مش عايز تقول، حافظ الفاتحة ولا أملهالك؟ خالد بخوف: خلاص هقول، معتز هو اللي جابها هنا، هو و. قاسم: روز، مش كده؟ خالد بص له بصدمة: أنت عرفت منين؟ قاسم يوطي لي ويهمس له: بتلعبوا مع الشخص الغلط. والتسجيل اللي صورته وأنت كنت معاه.

خالد بألم: ده لما كنت في البار، كنت سكران وهو كان عايز يستغلك، بس أنت سبت القاعدة ومشيت. قاسم صوب عليه من تاني: فين معتز؟ خالد بخوف: والله معرف، بس روز ممكن تعرف. قاسم يشد إيد روح: الكلام اللي بينا ده تنسيه. لو روز عرفت يبقى أنت ميت. وشد روح وطلع. روح أول ما رفع المسدس قولت هيقتلني، ملامحه كانت باردة، معقول مبقاش يحبني؟ بس كل موقف بيحصل بحبه أكتر من اللي قبله، وعرفت قد إيه إنه خسارة فيا.

قاسم فتح الباب بهدوء ونزل: طبعًا تعرفي تخشي أوضتك، وأه مش عايز أشوف وشك. روح قاعدة مذهولة، نزلت من العربية وبتبص له لحد ما اختفى. روز: حبيبي خوفتني عليك. قاسم قرب منها وضمه لي: متخفيش، في حاجات جاية هتخوفك أكتر. روز حاولت تطلع من حضنه. قاسم: تؤ، خليكِ. روح دخلت لقتهم حضنين بعض، وقفت تبص عليهم بدموع. قاسم شافها شد روز لحضنه أكتر. روح جريت على فوق وهي حاطة إيديها على بقها. روز بصدمة: هي لسه عايشة؟

قاسم ببرود: هي، كنتِ متتِ وأنا معرفش؟ روز: قصدي أنت مرحتش شفتها هناك؟ قاسم: لا، لي الأسف. روز فتحت عينيه بذهول: إزاي؟ أنا حطيتها. قاسم بخبث: حطيتِ إيه يا روحي؟ مالك متأكدة كده؟ روز: ها، لا يا حبيبي، أنا مستغربة بس. قاسم شدها لي: طب تعالي عشان أنتِ وحشتيني. روح قاعدة في أوضتها بتعيط، حبتُه متنكرش، ده مش من النهارده، من 18 سنة فاتوا. فون في الأوضة رن.

روح بتبص حواليها وهي عاقدة حاجبها، لقت الفون على الكرسي اللي جنب الترابيزة، قامت خدته وبصت للاسم. روح عقدت حاجبها: معتز؟ مين ده؟ وبدأت تفتكر. فلاش باك. قاسم صوب عليه من تاني: فين معتز؟ خالد بخوف: والله معرف، بس روز ممكن تكون عارفة. باااك. روح إيديها بتترعش، وفتحت ومردتش. معتز: إيه يا بنتي، حصل إيه؟ أنا بتصل بخالد مبيردش، أكيد قتلوه هو واللي اسمها روح دي، فاضل الخطوة الجاية نقتله ونقول إنك حامل، وبكده كل حاجة.

روح حطت إيديها على بوقها عشان ما تطلعش صوت وهي بتترعش. معتز بغل: قاسم لازم يموت النهاردة، أنتِ السم جاهز زي ما اتفقنا، على ستة يكون مات. بصت روح للساعة اللي في الفون، ووقع منها على الأرض وهي بتهز راسها: مستحيل. وجريت على بره. فتحت الأوضة، كنت روز نايمة في حضن قاسم وبتشربه عصير. روح بصراخ: متشربش! بخ قاسم البؤق اللي شربه، وبص ل روز. روز في سرها: إيه جابها دلوقتي؟ كنت هخلص. قاسم ببرود: إيه جابك هنا، ومخبطيش؟

لتروح بتترعش وبصت له بدموع. قاسم محبتهاش تشوفني كده، المنظر وجعني أكتر من كونه وجعها، أنا اللي وجعني وجعاها، أنت فاهمين إزاي؟ قاسم من غير ما يبصلها: اطلعي بره. روح عارفة. إحساس إنك حبيت حاجة أو حابب حاجة أنت مش قادر تغير، تدفع عن حقك فيها، تصرخ إن الحاجة دي ملك ليك، بيوجع أوي. قاسم لف الغطي عليه وقام: روح، قولتلك اطلعي برا، وبزعيق، أنتِ مبتفهميش. روح انهارت مع زعيق قاسم، ووقعت في الأرض. قاسم بص لها بخوف: فيه إيه؟

روح بصت له بدموع: ليه؟ قاسم مش فاهم: ليه إيه؟ روح بعياط: ليه تعمل كده؟ كلكم كدابين. قولت إنك مبتحبش ولا هتحب قد إيه. قاسم: وقولتي إنك مبتحبنيش ومستنية الراجل المناسب. روح بصراخ: أنت الراجل المناسب، وكنت غلطانة أنا. قاسم رفع عينيه لي: أنتِ إيه؟ روح بصوت ضعيف: أنا بحبك. قاسم: قولتيها زمان، وتخليتي عني بعد ما علقتيني بيك.

روح بعياط: لا، أنا حبيتك بجد، في الوقت اللي الكل اتخلى عني، تمسك إيدو، كنت أنت جنبي، وعلطول بحسك حواليا، أنا مش بكذب، أنا. قاسم حط إيده على بوقها: اهدي، وبطلي عياط. أنتِ قولتيلي مشربش. لتروح بتذكر: الكوبية. الكوبية كان فيها سم. قاسم بص ل روز اللي مبرقة: سم؟ روز: أنتِ كدابة، بتقولي كده عشان هو بيحبني أنا، وأنتِ لأ.

روح: أنا مش كدابة، أنا رديت على فونك اللي نسيتيه في أوضتي، ومعتز بيقولك تحطي سم، وإنكم هتاخدوا كل حاجة لما تقولي إنك حامل من قاسم. قاسم قام من جنب روح: حامل إزاي يعني؟ روز: إزاي إيه؟ أنت مش جوزي. قاسم ببرود: بس مجتش جنبك. روز بصدمة: نعم. قاسم ببرود: إيه مالك مصدومة؟ ليروز: أنت صدقتها؟ مش دي اللي ضحكت عليك وحبت خالد؟ قاسم برفع حاجب: وأنتِ عرفتي منين؟ روز: أنا. قاسم: أنتِ هتشربي من الكوبية اللي كنتِ هتشربيني منها.

روز بصت للكوبية بخوف: بس. قاسم: مابش يا بيبي، يلا. روز مسكت الكوبية وهي إيديها بتترعش، ورفعتها لبوقها، وراحت وقعها منها. روز بخوف: من غير قصد. قاسم: عادي، بتحصل. روز: قاسم، أنا. قاسم شال روح من الأرض: أنتِ طالق. روز: أنت بتطلقني يا قاسم؟ قاسم ببرود: احمدي ربنا إنك لسه عايشة. وسابها وخرج. روح بصت له: أنت هتسبها عادي كده؟ قاسم بصص قدامه: اللي كسرتني زمان، سبتها عادي كده برضه. روح ترفع إيديها وتلف وشه ناحيتها: بتحبني؟

قاسم وقف وهو بصص ليها. روح تدمع: فرصة، اديني فرصة واحدة بس. قاسم يبصلها بحيرة. روح بدموع: افتكر أي حاجة حلوة بينا. فلاش باااك. قاسم بضحك: وبعدين معاكِ أنتِ، معطلاني عن شغلي. روح بضحك: وأنا جيت جنبك، أنت اللي بتلف وترجع تقف عند ترابيزتي تاني. قاسم يميل عليها: عشان أنا قلبي هنا على الترابيزة. روح بكسوف: طب امشي من هنا بقا، الناس بتبص علينا. قاسم يبعد عنها: تشربي إيه يا فندم؟ روح: دلوقتي بقيت فندم يعني مش قلبك يا غدار؟

قاسم بضحك: أنا غدار يا روح. روح: لا، أنت قلبي. باااك. قاسم ببرود: يلا عشان تنامي، عشان بكرة هتروحي عند الدكتورة. روح: دكتورة إيه؟ قاسم: نامي بقول. وحطها على السرير وكان طالع. روح مسكت إيده: أنت رايح فين؟ قاسم: يعني إيه رايح فين؟ روح بحده: أنا مراتك، وليا عليك حقوق على فكرة. قاسم ينفض إيديها: تصبحي على خير. معتز خبط الحاجة اللي على الترابيزة بعصبية: غبي. خالد بضيق: بقولك ضرب نار على رجلي، كنت مستني يموتني مثلاً.

روح: لو مش هو اللي هيجي، أنا اللي هروح له. وطلعت فستان من الدولاب، أبيض وطويل ومفتوح من الجانبين. روح لبست الفستان ورفعت شعرها. قاسم بزعيق: اطلعي من دماغي بقا. روح تفتح الباب: مين تطلع من دماغك؟ قاسم بص لها وتنح. روح قربت منه بابتسامة وقعدت جنبه: هيي، بكلمك. قاسم فاق من سرحانه: أنتِ إيه اللي جابك هنا؟ روح بتفكر: اه، بخاف أنام لوحدي. قاسم برفع حاجب: شوف إزاي. وبص لرقبتها: إيه ده؟ روح بخبث: إيه؟

قاسم يمشي إيده على رقبتها: ده. روح تنتفض بين إيديه. قاسم إيده ماشية على الشامات اللي في رقبة روح اللي تحت بعض. روح تمسك إيده: إيدك يا بابا. قاسم بطفولة: إيه الرخامة دي؟ إيه ده؟ روح ابتسمت: دي شامة. قاسم بوز: طي. روح طلعت قاعدة على السرير. قاسم: أنتِ وفخادك دي، اطلعوا برا. روح ضحكت: الفستان مفتوح، سوري. قاسم بنص عين: روح، أنتِ عايزة إيه؟ روح ببراءة: فرصة أخيرة. قاسم مردش عليها. روح قامت قاعدة

قدامه في الأرض ومسكت إيده: آخر فرصة. قاسم ودي وشه الناحية التانية. روح مسكت وشه ولفته ليها: واحدة بس. قاسم ببرود: لو فكرة إني هديكي فرصة تبقي متخلفة، ولو فكرة إني اتجوزتك عشان بحبك تبقي عبيطة. روح دمعت: أمال اتجوزتني لي؟ قاسم ببرود: عشان والدتك الله يرحمه. فلاش باك. ريماس: في واحدة برا وعايزة تقابلك. قاسم بيبص للورق اللي قدامه: في معاد سابق؟ ريماس: تؤ، بس بتقول إنها أم روح.

قاسم رفع عينيه ليها: خليها تدخل، ومدخليش حد علينا. قاسم قام من مكانه وابتسم: كده تقطعي بيا؟ أم روح بحزن: والله معرفش أوريلك وشي إزاي. قاسم: كل شي نصيب. أم روح: عايزك في خدمة جميل، مش هنسالك العمر كله. قاسم: عيب تقولي كده، عيوني ليكِ. أم روح: عايزك تتجوز روح وتخلي بالك منها. وقاسم يقوم من مكانه: آسف، مقدرش أعمل كده. أم روح بحزن: ولو قولتلك إني عندي كانسر في المخ وأيام معدودة؟ قاسم يقعد مكانه بصدمة: ومقولتليش لي؟

أم روح: مش وقته الكلام ده، أوعدني. قاسم دموع خانته: مش هقدر. أم روح برجاء: عارفة إنها جرحتك، وإن واحد غيرك مكنش شاف وشي، أصل بس أنا مش هأمن لحد غيرك، أنت هتخلي بالك منها، خليني أموت وأنا مرتاحة. قاسم يشد على إيديها: إنشاء الله هتبقى كويسة، وهسفرك برا. أم روح بتعب: أوعدني. قاسم: أوعدك. باااك. روح: أنت سرحت في إيه؟ قاسم يفوق على صوت روح: مفيش، سبيني لوحدي. روح تمسح دموعه: مش هسيبك. قاسم يقوم يتغطي ويديها ضهره.

روح تروح تتغطي جنبه، يبعد عنها، وروح تقرب، كل ما يبعد يقع قاسم من على السرير وبيغيظ: يا رب تكوني استريحتِ. تقع روح فوقه: كنت بتقول حاجة؟ قاسم بغيظ: متغرينيش وتسيبيني في حالي. روح بابتسامة: أنت حالي. قاسم سرح في ابتسامتها وقرب من خد روح. روح غمضت عينيه وفجأة. قاسم عضها بغل. روح فتحت عينيه بصدمة: آآه، يا ابن العضاضة. قاسم بغيظ: تستهلي، عشان أنتِ عضتيني قبل كده. روح حضنته: بحبك. قاسم سامع قلبه بيدق: قلبي ده مهزق أو.

روح ضحكت: متقولش عليه كده. قاسم: هنام هنا، ضهري هيوجعني. روح تدوس على رجليه وتطلع على السرير. قاسم بنص عين: أنتِ قد الحركة دي؟ طي. روح بخوف: اثبت، بص من غير قصد. قاسم يقرب منها بنص عين وقاعد يزغزغها. روح بضحك: خلاص، ونبي، ونبي خلاص. قاسم: ولو أنتِ بدوسي على رجلي، طي. روح شدت إيده، راح ميل عليها وشعره نزل على عينيه. روح بعدت شعره وبهمس: شكلك حلو عن قرب. قاسم ميل أكتر عليها: ها. روح هتشيب تبوس خده وتبتسم.

قاسم بخبث: أنتِ قولتيلي عندك كام شامة؟ روح بضحك: معدتهمش، عديهم. قاسم حط إيده على دقنه يفكر: ماش. روح تخرج شعرها عن رقبتها. قاسم قرب وشه من رقبتها لحد ما أنفاسه كنت بتخبط فيها. روح بخوف: أنت هتعضني ولا إيه؟ قاسم بضحك: لا، هعد. روح ابتسمت. قاسم يحط شفايفه على الشامة: واحد. روح ضربات قلبها تزيد: أنت بتعمل إيه؟ قاسم رفع راسه ببراءة: بعدهم. روح بضحك: بيعدوا كده بردوا؟ قاسم بوز: أنت مالك، أنا قولتلك أنتِ لبسة كده.

ليروح بضحك: آه، معاك حق، كمل. قاسم وبعد وقت من العد. ههه، بهزر معاكم، من القبلات، أنا عارف أصلن هو كام، بس هي وحشتني، تفتكروا ممكن تجرح قلبي من تاني؟ روح: طلعوا كام؟ قاسم بعفوية: مانا عارف من زمان إنهم 18. روح برفع حاجب: قولتي لي؟ قاسم بستعباط: قولت. إيه: إنك عارف من زمان. روح بضحك: طب نام يا بريء. قاسم: طيب، روحي أوضتك. روح: طيب، تصبحي على خير. قاسم شد الغطي عليه بغيظ: كدابة، قال نبدأ من جديد قال.

روح تكتم ضحكتها وتطفي النور وتفتح الباب وتقفله. قاسم قام بغيظ: خرجت كدابة، أم قلب بلاستك. روح تهمس له: بقا أنا قلبي بلاستك؟ قاسم لف وشه فجأة: أنتِ هنا؟ روح بضحك: اممم. قاسم بغيظ: يعني بتضحكي عليا؟ روح شدته ونامت على صدره: هشششش، نام. قاسم ابتسم وغمض عينيه. قاسم وروح بصوت واحد: قلبك بيدق. ليروح ضحكت: أنا بقول ننام أحسن. قاسم نزل راس روح براحة وقام: روح بنعاس: رايح فين؟ قاسم: لازم أروح الشركة. روح قامت مفزوعة: لازم لي؟

قاسم جي قاعد جنبها: متخفيش، مش هتأخر. روح: جي معاك. قاسم: لا، أنتِ ارتاحي هنا، هخلي دادة عفاف تخلي بالك منك. روح تقوم: ماشي، بس هحضرلك الفطار ومش عايزة اعتراض. قاسم: أمري لله، اتفضل. روح بابتسامة: شكله حلو، مش كده؟ قاسم بياكل بهدوء. روح: طعمه حلو. قاسم: خلينا متفقين إنه مش بطعم الأكل بالمحبة اللي بتتعمل بيه. روح تدوق الأكل وتف: يعععع، لا بجد يععع، أنت بتاكل لي، سيبه. قاسم خلص طبق: عادي، طعمه حلو.

روح بتعلق: لا مش حلو، طعمه وحش خالص، وممكن بطنك توجعك. قاسم بابتسامة: فداكي يا روحي. روح ضحكت: بجد؟ قاسم: بس لازم تتعلمي الطبخ كده، أنا هموت. روح تكشر: أنت مدب كده لي؟ قاسم: أنا مدب، بس أتحب. قاسم: عملتي إيه؟ ريماس: الفيديو سلمته زي ما طلبت، للرائد عمر، بس لي مشلتهوش معاك؟ قاسم: لأني عارف إن روز كانت هتاخده وتديهوله، هو والورق اللي فكر إنه مضي عليه. ريماس تقعد قدامه: إيه خلاك تشك في روز دي؟ قاسم بضحك: لأني هي غبية.

فلاش باك. قاسم: أنا، إيه اللي جابني هنا؟ روزي تتكسف: الله بقا يا قاسم. قاسم برفع حاجب: الله إيه؟ أنا مش فاهم. روزي تتصدم: مش أنت كنت سكران وجيت هنا وقولتلي إنك بتحبني؟ باااك. قاسم: وبما إني لما فقت افتكرت كل اللي حصل في النايت كلوب، ولما شدتني لي الأوضة، بس اللي بتقول عليه ده مفتكرتهوش، عرفت إنها كدابة، وقولت خليني وراه. وفي يوم. فلاش باك.

قاسم دخل أوضة روز وسمع صوت الدش، عرف إنها جوه، قاعد يستناها، لقي الفون بتاعها بيرن برقم معتز. قاسم عقد حاجبه: معتز مين؟ وبدأ يدور في الفون ويقرأ المحادثات، هي بقت كده طيب. باااك. ريماس بصدمة: وسيبتها عادي كده؟ قاسم بخبث: مين قال؟ أنتِ سبتيها، رجعتها لأبوها من تاني مع ورق طلاقها، وأظن مش هتخرج من هناك سليمة. ريماس بخوف: طب بعد ما الفيديو ده بقا مع البوليس، مش خايف من معتز؟

قاسم: ولا يقدر يعمل حاجة. المهم، إيه اللي لي اجتماعات الأسبوع ده؟ ريماس: لي؟ قاسم ياخد الجاكت بتاعه: ريماس، اعملي اللي بقولك عليه، وأنتِ ساكتة. روح وشها كله دقيق: وبعد كده يا دادة، أحطها في النار؟ عفاف بيأس: الفرن يا حبيبتي، نار دي لما تكوني عايزة تحرقيه. روح سمعت صوت عربية. بصت لنفسها وشهقت: أيييي، إيه اللي جابه؟ هيشوفني كده إزاي؟ بس عفاف بضحك: اجري غيري. روح جريت لفوق، فجأة حد شدها ووقعت في حضنه وخبت وشها في صدره.

قاسم يمشي إيده على الشامات اللي في رقبتها: جارية على فين؟ روح بتوتر: ها، مين؟ قاسم: ونكشة شعرك ومبهدلة نفسك كده؟ ليروح بحزن: كنت بعمل بيتزا. قاسم برفع حاجب: هما بقوا يبهدلوا نفسهم كده عشان يعملوا بيتزا؟ روح بغيظ: بتتريق؟ تصدق أنا غلطانة. قاسم قرب منها: بحبك. روح بغيظ: تصدق إن أنا غلطانة، وأنت قلت إيه؟ قاسم بابتسامة: بحبك. روح حضنته وبتعيط: وأنا بحبك. قاسم يخرجها

من حضنه ويبص في عينيه: دي آخر فرصة ممكن أديها لك، قلبي مش هيستحمل تكسريه تاني. روح ابتسمت: مش هيحصل تاني. قاسم يطلع علبة من وراه: ده ليكِ. روح بضحك: إيه ده؟ شوكولاتة؟ قاسم: لا. روح: بسكوت، مش كده؟ قاسم: هي، أي حاجة بتتاكل وخلاص. لا. روح بغيظ: خلاص، مش عايزة. وتحدفه بالعلبة. قاسم: يلا، ملكيش في الطيب نصيب. ده آيفون. روح تشهق وتشد العلبة تاني: بجد؟ قاسم: بت، هاتي العلبة دي. روح تقوم تجري: لا، دي بتاعتي.

قاسم يجري ورها: أنتِ قولتي مش عايزة، هاتي. روح بضحك: غيرت رايي يا جدع. وتجري على المطبخ، البيتزا في النار. قاسم بيأس: معدتي في ذمة الله. روح بخوف: إيه، وحشة؟ قاسم: للأسف، حلوة. روح: بجد؟ وتاخد حتة: إيده دي بجد حلوة؟ أيييي، حلوة، طلعت حلوة. قاسم بضحك: ولا اللي خدت جايزة نوبل. قاسم: اطلعي غيري، هخرجك. روح جريت: هوا. ورجعت خدت حتة بيتزا وجريت تاني. قاسم ضحك: عبيطة أو.

روح الفون رن في إيديها: إيه العبيط ده، بيرن واحنا في بيت واحد؟ وتبص للفون، ده معلهوش رقم. ترد روح: ألو. روح يقع الفون منها بصدمة: يستحيل.