رواية كاسري الفصل الرابع 4 - بقلم فاطمة وجيه

روح بصريخ: نفسي أعرف عملت أي! أنا بتحاسب على إيه! قاسم بوجع: على إيه؟ عايزة تعرفي؟ أنا هقولك. روز بتقاطعه: بيبي، انت هنا! قاسم: أيوه، عايزة حاجة؟ روزي وهي بتبص لروح: لا، انت اتأخرت. وقاسم ببرود: وخوفتي تكون قالتلي إنك دستي عليه. روزي بلعت ريقها: أنا. قاسم يقوم ويشدها برا الأوضة ويلفها بغضب: روح دي متجيش جنبه تاني، انتي فاهمة! روزي بألم: قاسم، دراعي! قاسم يضغط

أكتر على دراعها وببرود: حركة زي اللي عملتيها دي، تضر أو سمعت إنك عملتلها حاجة، ومتلميش إلا نفسك، انتي فاهمة! روزي بزعيق: لا مش فاهمة! مطلقيها، مترميها برا حياتنا، أنا من حقي أعيش حياة هادية. قاسم ببرود: حقك؟ يبقى هرجعك عند عمك، يلا. روزي انتفضت: لا، ونبي! هيموتني لو رجعت. قاسم يقرب منها بحدة: يبقى تقعدي هنا وتنسي حاجة اسمها روح. روزي تقرب منه بدلع: آسفة، مش هعمل كده تاني. قاسم

يشيل إيديها من على صدره: روحي نامي يا روزي. روزي بابتسامة: وانت؟ قاسم وهو بيديها ظهره: هنام عند روح. خالد بضيق: متنجز، بقالي ساعة بسأل تعرف قاسم منين. معتز ساب السيجارة اللي كان بيلفها وطبق وبصله بتافف: أصل قاسم يبقى مدير الشركة اللي أنا شغال فيها، ومش كده وبس، عنده فلوس مش عند حد. وحصلت حاجة غريبة انهارده. خالد: إيه؟ معتز: مسكني الحسابات بتاعت الشركة. خالد: يعني روح اتجوزت واحد غني؟

معتز: وشكله بيحبها، لأن أسمع إن عمرو مسهر ولا يعرف بنات. خالد سرح: يعني عشيتها بقت كويسة. معتز بخبث: وممكن تفتح من تاني. خالد بص له: تفتح؟ معتز: ممم، عملية بفلوس، وتفتح. خالد اضايق: يعني ممكن تعيش معاه وهي طبيعية؟ معتز بمكر: وانت تبقى ولا طلت بلح الشام ولا عنب اليمن. خالد بضيق: يعني انت اللي طولت. معتز بخبث: أنا طولت ولسه هطول. فجأة فون رن. خالد بص في الفون: مين؟ روزي دي. معتز: استنى، وفتح الو.

روزي بعصبية: حببتي انت! مش عارف حصلي إيه! معتز ابتسم بخبث: عارف. البيه طلع متجوز واحدة عمية. روزي بصدمة: عارف! ومتقوليش؟ معتز ضحك: عرفت بالصدفة يا بيبي. إيه حصل؟ روزي بدأت تحكيله من ساعة ما جت لحد دلوقتي. معتز بمكر عشان يغيظ خالد: يعني مقربش منك عشان ست روح بتاعته. خالد متابع باهتمام عايز يفهم. روزي بشر: لا، مش هيفضل الوضع ده كتير. أما أكرهته فيها وخلّيته يطردها، مبقاش روزي. معتز بخبث: أنا عارف إزاي.

عفاف داخلة بالأكل: يلا يابنتي كلي لقمة، بقالك تلت أيام ما كليتيش. روح بتعيط ومش بترد عليها. عفاف بصت لقاسم اللي قاعد في الزاوية وبيبصلها ببرود. عفاف: يا بي... قاسم قاطعها قبل ما تتكلم وتقول إنه هنا، وشاور لها تخرج. قام، قفل الباب وقرب من روح: مبتتطفحيش لي؟ أكلنا مش عاجبك؟ روح عيطت زيادة ومردتش عليه. أرد أقول إيه؟ حاسة إن قلبي كل مرة حتى بضلم منه من البرود بتاعه.

قاسم قاعد جنبها: لو مش عايزة تسمعي كلام يضايقك، كلي وإنتي ساكتة، واتجنبيني. روح بعياط: لحد إمتى؟ قاسم ساكت وباصص لها. روح بصريخ: لحد إمتى هقعد أتجنبك وتتجنبيني؟ شهر؟ شهرين؟ سنة؟ أنا عايزة أعرف الحقيقة. قاسم ببرود: أوسكار بيقول إن الحقيقة دائمًا نسبية. روح بعصبية: ما يولع أوسكار على الكرتون كله. قاسم ببرود: لا، كله إلا الكرتون يا روح. إنتي إيه؟ قلبك ده بلاستيك؟ روح بغضب: تصدق إنك بارد. قاسم: لا جعان؟ تيجي ناكل.

روح بغضب: يا شيخ، إنت إيه! قاسم حط حتة فرخة في بوق روح: أنا قاسم، هكون إيه يعني؟ روح بتاكل بغيظ: مين قال إنك جعانة؟ قاسم بص لها برفع حاجب: ممكن كنتِ فتفتيها. بلعتيها لي؟ تفي يلا. روح عيطت: مش عايزة أكل، ولا عايزة منك حاجة. قاسم ببرود: براحتك، آكل أنا. روح حاسة بالجوع بس كرامتها مانعها إنها تاكل. قاسم ببرود: فوفا دي أكلها يجنن. روح ضمت رجليها وحطت راسها عليها وبتعيط في صمت. قاسم ساب الأكل وقرب منها وحضنها. زي ما هي.

روح كنت هتزقه. قاسم شد عليها جامد وحط راسه على راسها. روح بطلت عياط وحاسة إن مشاعرها متشتتة. قاسم مش عارف لي وإزاي، مش مهم. بس تقريبًا أنا اللي كنت محتاج الحضن ده أكتر من كوني أنا اللي حضنتها. والغريبة إنها سكتت وبقت هادية. قاسم: مش هناكل بقا. روح بتعيط: ما انت كلت الأكل كله ومسبتليش، وأنا جعانة. قاسم: بس إنتي صدقتي بلعة وفتحتِ. هو إنتِ قلتي مش جعانة. روح سكتت ومردتش. قاسم قرب الصينية: يلا، كلي. روح أكلت إزاي؟

أنا حتى مش شايفة مكان الصينية. وبدأت تدمع. قاسم مسك المعلقة وإيده التانية مسك دقنها وبدأ ياكلها. روح معترضتش لأني كنت جعانة، غير كده مكنتش أكلت من إيده. قاسم: شبعتِ. روح هزت راسها. قاسم: ملازم تشبعي وإنتي طفحتي الصينية كلها لوحدك يا طفسة. روح بضيق: هتطفحني اللقمة اللي أكلتها. قاسم بسخرية وهو بيشيل الصينية: آه، أكلتها. إنتي هتقوليلي. روح بصوت واطي: عيل بارد. قاسم بصوت عالي: دادا، ابعتي حد ياخد الصينية.

روح عقدت حاجبه: إنت لسه هنا لي؟ قاسم يقرب منها: هنا إزاي؟ دي أوضتي. روح تبلع ريقها: إنت بتعمل إيه؟ قاسم: مش إنتي مراتي، قرة عيني. أعمل اللي أنا عايزه. روح ترجع لورا: فقع عينك. إنت لو قربت مني هقتلك. قاسم يمسك رجلها السليمة: تقتليني؟ بحبك صح؟ روح بخوف: قاسم، سيب رجلي أحسن. قاسم يسيب رجله ويمسك وسطها بإيديه الاتنين: اديني سبتهالك. روح تفتح عينها: بقولك ابعد عني خالص. قاسم يقربها أكتر وببرود: في واحدة تقول لجوزها كده.

روح بغضب: إنت جوزي على الورق وبس. قاسم: بجد؟ روح: بجد. قاسم يبعد عنها: ماشي، متجيش تقولي عكس كده. روح اتصدمت إنه بعد: ها؟ قاسم فتح الدولاب وهو كاتم ضحكته وخد هدوم ودخل الحمام. روح بغضب: ده مش ممكن. ده عنده انفصام، وربنا. قاسم خرج وخد مخدة من على السرير وغطى. روح حست بيه: إنت بتعمل إيه؟ قاسم: اتخمدي. روح: هتنام على الكنبة؟ قاسم مردش عليها وحط الحاجة على الأرض ونام. روح: إنت على الكنبة؟ قاسم ببرود: لا، أنا على الأرض.

روح قامت قاعدة: لي منمتش على الكنبة بقا؟ واحد غني زيك معندوش كنبة؟ قاسم بسخرية: وعرفتِ منين إني غني بقا؟ روح: عندك جنينة ودادة وعربية وبيت كبير، تبقى غني. قاسم يحط إيده على عينيه: طب نامي. روح بتصميم: لا، إلا لما تقولي إنت لي بتعمل كده. قاسم انتفض من مكانه: روح، لو عايزة تنامي سليمة، اقفلي على الموضوع. روح بعصبية: لا، أنا مش سليمة، أنا مدمرة. بقيت عمية وقريبًا هبقى عاجزة. قلبي وجعني، إنت إيه!

وجت تنزل من على السرير، داست على بطن قاسم ووقعت عليه. روح بعياط: رجلي. قاسم بألم: بتقعي عليا وبتعيطي؟ منك لله يا بعيدة. روح تحضن قاسم وتقعد تعيط وتشهق: أنا تعبت والله، تعبت. قاسم انصدم وبيص للي ماسكه في حضنه وقلبه بيدق. روح بعياط: إنت لي بتعمل كده؟ أنا عملتلك إيه؟ قاسم يبعدها عنه: خلصتي تمثيل؟ ممكن تطلعي من حضني. روح تزقه بغضب: إنت بتعمل كده لي؟ لي؟ يشده قاسم لي فجأة ويهمس لها: عشان بحبك. روح تبصله بصدمة وقلبها يدق.

قاسم يبص لملامحه اللي اتغيرت ببرود: متصدقيش نفسك، أنا بكرهك. روح بحنق: إيه؟ لي؟ قاسم: عشان إنتي متستاهليش حد يحبك. روح بعياط وانفعال: أنا عملتلك إيه؟ لي كل ده؟ قاسم: الأسوأ من الغلط إنك شايفة نفسك مش غلطانة. روح: مش فاهمة. قاسم بوجع: ولا مش فاكرة؟ تفرق! ... فاكر لما 18 سنة، بنت صغيرة سبع سنين بتجري وشباب بيجروا وراها، وفجأة تخبط في حد وتحضنه جامد وهي واقفة على رجليها عشان ترفع نفسها لحضنه. روح بعياط تتشبث فيه.

قاسم قلبه دق: إنتي يا حلوة. شاب من اللي بيجروا شَدّها منه: تعالي هنا بقا، بتجري منين. روح بتعيط وماسكة في قاسم. قاسم شدها لي: إنت بتشدها كده لي؟ الشاب: متدخلش ياض إنت، وخليك في نفسك، وإنتي امشي. روح تهز راسها وهي بتمد إيديها عشان تمسك إيد قاسم وصوابعهم تتلامس. قاسم بضيق وبيشدها ليه: بقولك سيبها. الشاب: اجري يا شاطر، العب بعيد. قاسم يشد روح ويخبيها وراه: العب بعيد. الشاب يطلع مطوة: هات البنت دي، أحسن ليك.

قاسم يبص لروح اللي بتعيط: لا، هي مش عايزة تروح معاك. الشاب يشد قاسم من لياقة التيشيرت: إنت متدخلش لموتك ياض. رغم إن قاسم كان 13 سنة وطفل بالنسبة ليهم: متقوليش ياض. الشاب بغل: طب اهو. وضرب قاسم بالمطوة في جنبه. قاسم بألم: آآآه. شاب تاني: الله يخربيتك، هروح في داهية. يلا. الشب اللي ماسك المطوة شد روح: يلا يا بت. قاسم شدها لي وحضنها عشان ميخدوهاش. الشاب قرب يشدها منه. الشاب التاني يشده: يا عم خلاص، سيبها يلا.

خدوا بعضهم وجروا. قاسم حط إيده على جنبه: إنتي كويسة؟ روح هزت راسها بخوف وتبص للدم اللي نزل منه. قاسم يتغطى على جنبه: متخفيش. إنتي بيتك فين؟ روح مبتتكلمش وعمالة تعيط. قاسم مسك إيديها: طب تعالي معايا. وخد روح عنده. مكنتش بتتكلم. وبدأ يربيها. هو وفريد بعصبية: إيه البلوة اللي إنت جايبها دي؟ قاسم بيبص لروح: دي بنت تايهة، وخوفت أسيبها في الشارع. وكف من فريد وقع قاسم في الأرض: وطبعًا بروح أمك مشتغلتش. روح خافت ورجعت لورا.

قاسم حط إيده على خده: الفلوس أهي. فريد خد الفلوس ودخل أوضة وقفل الباب. قاسم بص للباب وهو مدمع. روح قربت منه مسحت دموعه وحضنته. قاسم حضنها وقعد يعيط. بعد شوية شاله ودخل أوضة. حط روح على السرير اللي مفيش غيره في الأوضة. قاسم: إنتي نامي هنا، وأنا هنا على الأرض. روح بتشاور على جرح. قاسم ابتسم: متخفيش، أنا هبقى كويس. هو إنتي مبتتكلميش؟ روح بصت له بحزن. 3 سنين قعدت روح فيها عند قاسم، مزهقش، مملش فيهم. مسبهاش وتخلى عنها.

وفي يوم قاسم راجع من الشغل. فريد بعصبية: إنت إيه؟ آخرك؟ قاسم بضيق: الشغل. فريد بعصبية: وإنت هتقعد تصرف على الهانم اللي جوه لحد إمتى؟ قاسم: هو إنت مش ليك فلوسك اللي بتاخدها؟ فريد قلع الحزام وبدأ يضرب قاسم اللي واقف مبيتحركش. روح بصريخ: قاسم! وجريت عليه. قاسم خاف الحزام يجي على روح، مسكه بإيده. روح حضنته وهي بتعيط: هو بيضربك لي؟ قاسم ابتسم: إنتي بتتكلمي؟ روح حضنته بعياط. فريد زقه بقرف ودخل جوه.

روح بعياط: هو بيضربك بسببى؟ قاسم يبوس خدها: فداكي يا روح. روح تبتسم: إنت عرفت اسمي منين؟ قاسم: لي اسمك إيه؟ روح تضحك: روح. قاسم ضحك: اسمك حلو. فين أهلك بقا؟ روح بتعيط: مش عارفة. أنا ضعت من ماما وناس كانوا بيجروا ورايه وعايزين ياخدوني. بعدين طلعت. قاسم يطبطب عليها: هش، متخفيش، أنا معاك. روح بعياط بتبص لخد قاسم الأحمر: بيوجعك؟ قاسم لف راسه. كان هيعض صباع روح. صرخت وشدت إيديها وهي بتضحك.

قاسم يشيلها بضحك: تعالي أحكيلك حدوتة. وحطها على السرير وقعد على الأرض. روح ببراءة: إنت قاعد تحت لي؟ متنام معايا؟ السرير كبير. قاسم: مينفعش أنام جنبك، ولا ينفع تنيمي ولد جنبك، فاهمة. روح هزت راسها وهي مبوزة. قاسم: إنتي زعلتي؟ روح مردتش عليه. قاسم: متزعليش، حقك عليا. روح مكشرة. قاسم: طب آخدك أفسحك؟ طيّب. روح ابتسمت: بجد؟ قاسم بضحك: بجد. روح حضنته: أنا بحبك أوي. قاسم حضنها: وأنا كمان بحبك أوي.

روح تصحي قاسم الصبح: قوم يا كسلان، قوم. قاسم بضحك: أقوم لي؟ روح تكشر: إنت مش هتخرجني؟ قاسم يقوم وينزل روح من على ضهره: طيب يا ستي، هجبلك حاجة حلوة وروحك عشان الشغل. روح ابتسمت: ماشي. قاسم ماسك إيد روح اللي ماشية تضحك، وكل شوية يوطي يبوس خدها. است شدتها فجأة وهي بتعيط: روح يا حبيبتي. وحضنته. روح حضنتها بعياط: ماما. قاسم حس بنغزة في قلبه: دي أمك. روح هزت راسها وهي بتحضنها: أيوه.

أم روح طلعت فلوس من الكيس وكانت عايزة تديها لقاسم. قاسم بص لروح بوجع: بس أنا مش عايز فلوس. بااااك. قاسم مسح دموع اللي خانته ونزلت، وقام خرج ورزع الباب وراه. روح قاعدة مصدومة. إزاي نسيت كل ده؟ مفتكرتش غير وهو بيحكي. حست صوته مألوف دلوقتي. عرفت لي حست لما وقفت على رجليها كأنها وقفت قبل كده. وبدأت تفتكر كل اللي عملته بعد كده. حطت إيديها على بوقها وقعدت تعيط. قاسم قاعد في العربية

وحاطط راسه على الدركسيون: آه يا قلبي، يا مهزق. بتوجعني لي؟ بتحبها؟ لا، إنت مبتحبهاش. نسيت اللي عملته فيك ده. إنت من الوجع مقدرتش تكمل. وبصراخ: بتحبها لي! وشغل العربية ورح نايت كلوب وبدأ يشرب. خالد: بص مين هنا. معتز يبص يلقي قاسم قاعد وعينيه حمرا. وابتسم: تعالي نروح له. قاسم ماسك الكاس وحاطط إيده تحت خده: أنا بكرهها. ورمى الكاس في الأرض. من إمتى وأنا بشرب؟ جي يقوم وقع على الكرسي. معتز ابتسم: أهلاً قاسم بيه. إنت بتسهر؟

قاسم قام وهو بيطوح: بيه مين؟ معتز: إنت قاعد لوحدك لي؟ قاسم بيشاور على نفسه: لا، أنا قاعد مع نفسي. معتز يشده: تعالي بس. قاسم يسند عليه: إيه؟ براحتك. معتز قاعدو وشاور لبنت. جت قاعدة جنب قاسم وهي بتفك قميصه. قاسم مرجع راسه لورا وهو مش فايق. معتز وقف بعيد وبيصورهم وهو مبتسم بخبث. قاسم عقد حاجبه: إنتي بتعملي إيه؟ البنت تضحك ضحكة مايعة. يزق قاسم إيدها ويقوم وكان هيقع. معتز: إيه يا بشا؟ قاسم سابه وراح للعربية وساق.

معتز اتصل على روز: بقولك قاسم جي سكران. روزي بخبث: فهمتك. اقفل. إنتروح قاعد تعيط وضامة رجليها. قاسم طالع وهو بيطوح: أنا جيت. صح؟ روزي طلعت وهي لابسة فستان قصير جدا وقربت من قاسم: حبيبي، إنت جيت. قاسم يبص لورا: إيده؟ مفيش حد. روزي تسحبه وتقفل الباب. روح تقوم من النوم: هو جي ولا لسه؟ قاسم يفتح عينيه حاسس في حد نايم على صدره. قاسم: إيده، هي روح نزلت نامت جنبه. بص لتحت وقام مفزوع: إيه ده؟

روزي تقوم بابتسامة: حبيبي، إنت صحيت. قاسم: أنا إيه جبني هنا؟ روزي تتكسف: الله بقا يا قاسم. قاسم برفع حاجب: الله إيه؟ أنا مش فاهم. روزي تتصدم: مش إنت كنت سكران وجيت هنا، وقولتلي إنك بتحبني؟ قاسم بصدمة: أنا؟ روزي بعياط: أيوه. أنا هكدب لي؟ قاسم قاعد وحط إيده على راسه وهو مش فاهم حاجة. روزي بخوف: قاسم، أنا. قاسم يقوم فجأة ويبصلها بغموض وخرج. روزي قاعدة تلطم وتتصل بمعتز وحكتله اللي حصل. معتز

وهو حاطط رجله على المكتب: وإنتي مالك خايفة كده لي؟ هو مصدوم مش أكتر. فتح الباب ودخل خد هدوم. روح: قاسم، ده انتقام؟ قاسم بيخد هدومه ودخل الحمام ورزع الباب وراه. روح سمعت صوت المية. استنته لما طلع: قاسم، أنا بكلمك. قاسم ببرود: لسه عايزة تتكلمي؟ يا بجاحتك. عمومًا، أنا مش فاضي. وخرج. روح: لا بقا، ده زودها. قامت ورجلها اتلوت، وقعت اتخبطت في سن التربيزة. راسها اتفتحت، وقعت فقدت الوعي. كله حصل في دقيقة.

قاسم وصل ودخل مكتبه: ريماس، ورايا. ريماس دخلت وراه: أجيبلك قهوتك؟ قاسم يفرك جبينه: يا ريت. إلا قوليلي، أرباح الشركة نزلت 5% مش كده؟ ريماس بصدمة: ثواني، إنت عرفت منين؟ أنا كنت جي أقولك. قاسم ابتسم وهو بيحط إيده ورا راسه: قهوتي لو سمحتي. ريماس بغيظ: متعجرف. قاسم يوقفها: إلا صحيح. ريماس: ممم. قاسم بتردد: إنتي بنت وكده صح؟ ريماس بعصبية: متحترم نفسك ياض. قاسم: يخربيتك، مش قصد. أنا. وبدأ يحكيلها اللي حصل مع روزي.

ريماس: ممم. وإنت إيه رأيك في الكلام ده؟ قاسم: يا بنت، إنتي جاموسة. مانا بسالك بس. أنا متأكد مجتش جنبه. ريماس بخبث: طب اسمع كويس. إنت. قاسم بصدمة: أنا هعمل كده. ريماس تضرب المكتب: لا، إمي. يقطعهم الفون اللي رن. قاسم: الو. إيه؟ طيب أنا جي. ريماس: في إيه؟ قاسم ببرود: كالعادة يعني. بطحت نفسها. متجوز كارثة. ريماس: يا برودك يا أخي. نروح نشوفها. قاسم بيقوم: ماشي، يلا. ريماس: ونبي! ريماس بصويت: يخربيتك، وطي السرعة.

قاسم مبيردش عليها وبيسوق. ريماس اتصلت: الو، كنت. يوسف يقاطعه: روح اتأذت تاني مش كده؟ ريماس تضحك: مش ممكن يا دوك. إنت ذكي. تعالي على فيلا القاسم. قاسم كشر: ملقتيش غير ده. قاسم دخل جري على فوق. ريماس برفع حاجب: لا، الواضح بتكرهها. قاسم دخل وقرب من السرير وقلبه بيدق: هي كويسة؟ يوسف يدخل بضيق: طول ما هي عايشة معاك، مضنش. قاسم: بطل فلسفة وشوفها أحسن. يوسف قرب من روح: ده جرح سطحي. قاسم: أمال مفقتش لي؟ روح

بدأت تغمض عينيه وتفتحه: أنا فين؟ قاسم قرب منها: ما إنتي زي القرَدة أهو. أمال إيه اتخبطي دي، وكل مرة تجرجريني على مله وشي. روح تدمع: يا الله. قاسم بصلها باستغراب: هي مالها دي؟ روح نظرها متعلق عليه وعمالة تعيط. قاسم قلبه دق: هو إنتِ شايفة؟ روح تعيط وتبص حواليها، وبعدين نظرها يثبت على قاسم وتتبع: الفصل الخامس.