رواية كاسري الفصل الثالث 3 - بقلم فاطمة وجيه

قاسم يبص لها: هو أنا لي كل ما أكلمك يغم عليكي؟ المفروض اتعودي. ويلتفت لعفاف: بصي، شليها، طلعيها فوق. ويرجع يبص لروح ويحط إيده تحت دقنه: لو معرفتيش تشليها، جريها أو دحرجيه. عفاف بحزن: ليه يا ابني تبهدل بنت الناس؟ قاسم: أهلها ناس، بس هي تستاهل. عفاف: طب شلها معايا. قاسم: اللي بيشيل ربنا يا دادة. عفاف: يا ابني، تف من بؤقك وتعالى ساعدني.

قاسم: المساعد ربنا، أنتي لها يا فوفا، شليها وأنا طالع أستريح. معرفتيش، جريها على ضمنتي. قاسم طالع ببرود ولا كان عمل حاجة. روزي: بيبي، استني. قاسم كمل طريقه ولا كأنه سامع. روزي طلعت وراه. قاسم ساب عفاف بتفوق في روح. عفاف جابت ميه ورشتها على وش روح: قومي يا بنت. روح بدأت تفتح عينيها وتفتكر وترجع ع الواقع، وقاعدة تعيط بشكل هستيري. روح بوجع: ليه؟ ليه أنا يحصل كده معايا؟ كل ده. عفاف تربت على كتفها: يا كبدي عليكي يا بنت.

روح بعياط: آه يا أمي، سبتيني ليه؟ مليش حد من بعدكم، كلهم بيجرحوا بنتك. عفاف بصتلها بدموع وخدتها في حضنها: ربنا يخفف عنك يا ضنايا. روح اترمت في حضنها وقاعدة تعيط بحرقة، تعيط على سوء اختيار قلبها، تعيط على حبها اللي ضاع في لحظة، على كسرت قلبها، وعلى أمها اللي سبتها من غير ما تحضنها من تاني. قاسم قاعد على حرف السرير وبيفك الكرافتة بضيق ويرميها على السرير. روزي بدلع: إيه يا كوكي، مش هتفتحلي سوستة الفستان؟

قاسم برفع حاجب: أفتحلك السوستة ليه؟ أنتي اتشليتي؟ روزي تقرب منه بدلع: لا، بس أنا مراتك وكده. مالك قاعد متصلب كده؟ خد عليا. قاسم ببرود: خدتي انتي على المكان، وخشّي خدي دش عشان راحتك قلبت بطني. روزي بصتله بصدمة: راحتي أنا؟ قاسم: إيه، أكذب؟ روزي جزت على سنانها وراحت الحمام. قاسم قعد تاني مكانه: أنا اتغبيت، وما كانش ينفع أقولها كده. ويتنهد، يا ترى فوفا قدرت تشلها؟

خرجت روزي من الحمام وهي لافة فوطة عليها وقاعدة تسرح شعرها. قاسم بيبص من الباب، لقي عفاف طالعة وساندة روح. قام وشد روزي له وبصوت عالي: بتعملي إيه؟ روزي: بسرح يا قاسم، مش أنت قلت. حط قاسم إيده على شفايفه: قلت إيه؟ عفاف بصت لروح بحزن: تعالي يلا أوديكي أوضك. روح بعياط: استني يا دادة. روزي تلف إيديها حولين رقبته: إيه؟ مش فكرة؟ قاسم: أنا هفكرك. وسمعت روح صوت بوس. روح حطت إيديها على ودانها.

عفاف قربت منها بحزن: تعالي يا بنت. روح حاسة إنها ماشية معاه من غير روح. عفاف بحزن: مش هتاكلي لقمة؟ روح بصوت مبحوح: لا، هنام. متشكره يا دادة. عفاف اتنهدت وخرجت. قاسم زق روزي: أنتي غسلتي سنانك؟ روزي بغضب: قصدك إني معفنة يا قاسم؟ قاسم: أنا مقصدتش. أنا بقولك كده. روزي بدموع: أما أنت مش طايقني، جوزتني ليه؟ قاسم وهو خارج من الأوضة: أكيد مش حب فيكي، وما تخفيش، مش هاجي جنبك. أنتي مش نوعي المفضل. روزي بعياط: هو أنا وحشة كده؟

أنت رايح فين؟ قاسم: اتخمدي يا روزي، وخلي ليلتك تعدي. نزل قاسم تحت لقي دادة عفاف قاعدة على السلم وشكلها حزين. قعد جنبها. قاسم: فوفا. عفاف مردتش عليه ولا لفت له. قاسم ميل راسه على كتف عفاف: قلة أدب لما أكلمك ومترديش عليا. عفاف بعتاب: ليه كده يا ابني؟ البنت باين عليها غلبانة. قاسم لف لعفاف وهو عاقد حاجبه: غلبانة دي لما كانت قادرة، دست وبغباء. أنتي مش عارفة حاجة.

عفاف بحزن: بس دي يحبت عيني، مش شايفة. نبقى احنا والزمن عليها. قاسم يقوم بحزن: ده عقاب ليها. لما كنت شايفة، اختارت تبقى عميلة لحد ما اتعمت فعلًا. عفاف: يا ابني، مبفهمش الكلام المعقد بتاعك ده. قاسم بصلها بحزن وراح ناحية البيانو وهو بيمشي إيده عليه. روح يا جماعة، أنا ما حبيتهوش ومش بحبه ولا هحبه، بس ليه مش عارفة؟ قلبي وجعني كده؟ يمكن عشان اتجوز عليا؟ لا لا، مانا مش بحبه. يمكن عشان بص غيري، وقولت مش بتزفت أحبه؟

بس كرامتي بس مجروحة. ههه، بهزر معاكم، أنا كلي مجروح، مش كرامتي بس. روح قاعدة في أوضتها، حضنة المخدة وبتعيط: ليه كل اللي بحبهم سابوني؟ خالد اتخلى عني، وأنتم كمان سبتوني؟ ليه مع واحد معندوش قلب وبيجرحني؟ أنا مش فاهمة، هو ليه بيعمل كده؟ فجأة روح سمعت معزوفة بيانو، ألحانها مألوفة. سكتت عن العياط وقعدت تسمع.

أما قاسم قاعد على البيانو بيعزف لحن حزين، وفجأة يفتكر مشهد، يبتسم، ويتبدل اللحن للحن جميل، وبعمل مكث في الألحان، تتمنى إنك تسمع. روزي نزلت على السلم بقميص النوم وقربت من البيانو وقاعدة قدامه: هتفضل هنا كتير؟ قاسم: أنتي مالك. روزي بزعل وهي بتقرب منه: أنت ليه بتكلمني كده؟ قاسم ببرود: عشان أنتي بتجيبي التهزيق لنفسك. بعدين إيه القرف اللي أنتي نازلة بيه ده؟ روزي بدموع: أنت ليه بتعملني كده؟

قاسم وهو خارج من الأوضة: تصبحي على خير. وطلع السلم. فتحت بابا أوضة روح، كنت ضمة المخدة ونايمة وهي قاعدة. قاسم بص لها بهدوء وقعد قدامه على رجليه: واحد غيري بعد كل السنين دي، كان خدك في حضنه وأنتي نايمة ومش حاسة بحاجة. بس اللي عملتيه فيا أكبر من إني أسمحك عليه. أنتي قتلتيني بالحياة، ورجعتي من تاني تدخلي حياتي. مش هسمح لنفسي أتعلق بيكي من تاني. رفع إيده، كان هيعدها، كور إيده وانسحب من الأوضة ورزع الباب.

روح فتحت عينيها، مش من الرزعها، من الصدمة. أنا قتلته إزاي؟ كنت بسمع له وحاسة الوجع في كلامه. طب أنا مش فاكرة، ليه؟ لازم أعرف حصل إيه. طلع الصبح، وروح قاعدة زي ما هي، مش عارفة تنام. قام قاسم دخل الحمام وخرج وهو لافف فوطة وسطه وصدره عريان. قاسم: أنتي إيه جابك هنا؟ روزي تقرب منه بدلع وتحط إيديها على صدره: عشان أقولك صباح الخير. وتبوس خده. قاسم: خلصتِ؟ روزي بدلع: لأ. قاسم فتح عينيه على آخرها وبصوت عالي: احسبي.

روح اتفزعت وهي بتحرك راسها، رجليها فلتت، وكانت هتقع من السلم. ولكن قاسم شدها من دراعها فجأة، ودخلت في حضنه. قلبه دق، غمض عينيه بحسرة. وفي سره: أنتي بتدقي ليه دلوقتي؟ روح دخلت حضنه: آه، مانا حافظة كويس من كتر وقوعي فيه. دافي بطريقة غبية. كنت برجف من الخضة. إحساس إني هقع وأتوجع وأنا جسمي مش ناقص، يخوف بشكل. بس لحظة، أنا قلبي بيدق ليه؟ قاسم: أنتي قافشاني كده ليه؟ سيبيني.

روح مشبكة إيديها من ورا ضهره جامد ومخبية وشهه في صدره. قاسم بتوتر: روح، طلعي. روح بعياط: لا، أنا هقع. خليني، ونبقى. قاسم: متخفيش، مش هتقعي. روح بعياط: لا، أنت كداب. أنا مش هتحرك من هنا. أنت ممكن ترميني من فوق السلم. قاسم ببرود: وأرميكي ليه؟ ممكن كنت سبتك تقعي تدشدشي، وهبقى مبسوط برضه. روح بعياط ونفعلان: آه، ما أنت واحد حيوانة، مش بعيد عليك. أنا بكرهك. قاسم: من امتى وانتي بتحبيني؟ ومش هقولك صوتك تاني، ما يعلاش.

روح رجعت راسها تخبيه في صدره وتعيط. قاسم: بتخليني أخاف عليها بطريقة مش عارف مالي. لما أشوفها، كل اللي عارفه إنها لازم تبعد عني عشان قلبي يهدي ويبطل يدق. أنا مبحبهاش، ولا خايف عليها. أنا شدتها عشان متقعش ودماغها تتفتح ودم يترش على الأرض. قاسم بزعيق: بقولك طلعي. روح تنتفض وتكلبش فيه أكتر. قاسم فتح عينيه بصدمة وبص لروح اللي ماسكة فيه وبتعيط. روح بعياط: نزلني عند دادة عفاف.

قاسم بعدها عنه ببرود ومسك إيديها وبدأ ينزل السلم من غير ما يتكلم معاها. روزي بغل: لا، مش اللي أعمله في السنين دي كلها، تيجي بت هلفوتة زيك تضيع. قاسم: دادة عفاف، يا دادة. عفاف: إيه ده يا ابني. وتشهق: إيه اللي منزلك كده؟ قاسم بغيظ: الست هنا، متسيبهاش لوحدها. كنت هتدلق زي البرميل من على السلم. روح مدت إيديها: دادة، أنتِ فينه؟ عفاف تمسك إيديها: أنا هنا يا حبيبتي. روح: وديني الجنينة. قاسم بسخرية: على أساس هتشوفي الجنينة.

روح مردتش عليه وقررت تتجاهله: يلا يا دادة. قاسم بص لها بغيظ وطلع فوق يغير. وهو بيقفل القميص، دخلت عليه روزي. روزي بغضب: أنت بتحبها، مش كده؟ قاسم بيبص لزراير اللي بيقفلها: أحب مين؟ روزي بغضب: متستهبلش، أنت عارف كويس. طالما بتحبها، جوزتني ليه؟ قاسم شدها فجأة له وابتسم: ليه؟ روزي سرحت: ها. قاسم بعد عنها وببرود: دلوقتي مبقتيش متعصبة، أظن المشكلة اتحلت. باي. وسابها مصدومة وخرج. روزي بغيظ: الجيات كتير ماشية.

قاسم كان هيركب العربية، بس لفتت نظره روح اللي بتحاول تزرع وردة بيضة وبتعيط. عفاف بحزن: يا بنتي، أسعدك. روح بصراخ: لا، أنا مش عاجزة. هزرعها. قاسم لقي رجله ماشية في اتجاه روح وقعد قدامها على ركبته ومسك إيديها اللي ماسكة الورد وبدأ يزرعها وهو ماسك إيديها. روح بتملس على الأرض: هي اتزرعت يا دادة. عفاف ابتسمت: أيوه يا بنتي، وردة بيضة جميلة زيك. قاسم قام ببرود ومشيروح: هاتي الميه يا دادة. عفاف ناولتها الميه. روح

ابتسمت وهي بتسقي الوردة: أنا مش هعيط عشان أنتِ مبتحبيش العياط. أنا زرعتلك وردة. كل ما أبقى مضايقة، هاجي أقعد معاكي وأسقيكي ميه. أنا بحبك أوي يا ماما. عفاف سندتها: يلا عشان تاكلي. روح بحزن: مليش نفس يا دادة. معتز يفتح الباب: هتفضل كده كتير؟ خالد بخنقة: كله بسببك. أنت لو مكنش كلامك، مكنتش اتجوزت قاسم. معتز عقد حاجبه: قاسم مين؟ خالد بغل: قاسم الجندي. معتز بصدمة: هي اتجوزت قاسم بيه؟ خالد بص له باهتمام: أنت تعرفهم؟

معتز يبص لساعته: لما هاجي أحكيلك. أنا اتأخرت. باي. قاسم بغموض: ريماس، في اجتماع كمان ساعة. ريماس تبص في الورق اللي معاها: بس مفيش اجتماعات. قاسم قاطعها بصرامة: نفذي اللي قلته، وهاتي قهوة. روح ماشية وهي ماسكة عفاف: تعرفي يا دادة، أنا حبيتك أوي. عفاف ابتسمت: وأنا حبيتك. مش هتاكلي لقمة؟ روزي فردت رجليها، وقعت روح. روح مسكت رجليها بالم: آآآآه. عفاف بصتلها بغضب: ليه كده؟ هي عملتلك إيه؟ روزي تهز كتفها: سوري، مش قصدها.

روح بالم: خلاص يا دادة، أنا كويسة. روزي وهي معدية، داست بالكعب على رجلها. روح بعياط: آآآآه. عفاف بغضب: أنا هقول ل قاسم بيه. روزي ترجع شعرها لورا: قوليله. وسبتها ومشية. روح مسكة رجليه وبتعيط: يا رب، امتى أخلص من كل ده. قاسم قاعد على المكتبة، وفجأة حس بوجع في قلبه: آآآه. ريماس بصت له بخوف: أنت كويس؟ قاسم بيشيل كاس الميه وبيشرب منها: كويس، بس حسيت كأن. ريماس بتسأل: وكأن إيه؟ قاسم في سره: وكأن قلبي بيتألم.

ريماس: هييييي. سرحت في إيه؟ قاسم: هتصل بـ دادة عفاف. وبعدين كشر، وأنا مالي، مش هتصل. ريماس: أنت عندك انفصام، والمصحف. يقوم من على الكرسي: الاجتماع هيبدأ. ريماس: طيب، اجتماع إيه؟ قاسم بخبث: هتعرفي جواه. قاسم دخل وقاعد على الكرسي بتاعه وحط رجل على رجل. قاسم: طبعًا بتسألوا أنا جمعتكم ليه؟ شريف: أيوه يا فندم.

قاسم بعلمية: ممم. كل واحد فيكم ماسك قسم، وأنا جمعت مديري الأقسام. إضافة عليكم مستر معتز، اللي كلكم مستغربين وجوده. معتز بص له بتوتر: هو أنا عملت حاجة يا فندم؟ يقوم قاسم فجأة من مكانه ويقرب منه ويلف الكرسي له ويكيل عليه: تؤ، أنت شايف نفسك عملت حاجة. معتز اتوتر أكتر: أنا. قاسم يقاطعه: في حرامي بيسرق ملفات ومنقصات من الشركة. معتز بخوف: أنا. قاسم يقاطعه: أنا عايزك تمسك الحسابات. معتز يشاور على نفسه: أنا؟ قاسم

يبعد عنه ويبص له بغموض: عندك مشكلة في كده؟ معتز ابتسم وبسرعة: لا لا، أبدًا. أنا موافق. قاسم: ماشي، استلم من انهاردة. وفون قاسم يرن. يلتفت يبص للفون باستغراب: دادة عفاف. قاسم بجمود: الاجتماع انتهى. ريماس، استني انتي. الكل طلع، ومعتز طلع بابتسامة واسعة. قاسم: الوع. عفاف بخوف: الحقني يا ابني. روح. قاسم ببرود: ماتت. عفاف بحزن: حرام عليك، ليه كده؟ قاسم اتنهد: مالها؟ عفاف: وقعت على رجليها ومش عارفة أقومها. قاسم

خد حاجته من على المكتب: تولع، أنا مش فاضي. ها، أي كمان؟ عفاف بحزن: عشان خاطري يا ابني. قاسم بيشاور لريماس تلحقه: لو مكنتيش حلفتي، بس جي. ريماس تضحك وهي بتبص له. قاسم بغيظ: أنتي بتضحكي على إيه؟ ريماس: لا لا، ولا حاجة. يلا. عفاف بخوف: رجلك ورمت أول. روح: هي جت عليها. يلا. يقطعهم صوت عربية بتفرمل. قاسم شافها قرب منها وهو بيحاول يمسك نفسه: جيبني على مله وشي. ليروح بدمع: برضه اتصلت بيه؟

عفاف: يا بنتي، بصي رجلك. منها لله اللي كان السبب. قاسم بص لرجلها ببرود: إيده، إيده دي ورمة، شكلها اتكسرت. روح بعياط: اتكسرت يعني مش هعرف أمشي تاني؟ قاسم: هو أنا بقولك هتتشلي؟ يلا قومي، بلاش دلع. روح بعياط: أنت ملكش دعوة بيا. أنا بكرهك، بكرهك. قاسم: مكتوب عليا قطمة الوسط. يا معين، ويوطي يشيلها. تمسك روح فيه وتعيط: أنا، أنا. قاسم ضحك: أنتي إيه؟ روح سرحت في صوت ضحكته. قاسم: إيه؟ اتخرستي كمان؟ ويشهق: أوعى تكوني اتشليتي؟

روح تضحك: هو أنت عايز تجيب أجلي وخلاص؟ قاسم المرة دي اللي سرح. حرف ضحكتها وشكلها. روح: أوعى تكون أنت اللي اتشليني يا نظري. قاسم ابتسم: أنا نظرك. روح: مين قال؟ قاسم: ما أنتي لسه قايلتي. روح مسكت رجليها بعياط: رجلي. قاسم: لا، أنتي بتسهوكي. انزلي، مش فاضيلك. روح بطفولة وهي بتعيط: رجلي والله بتوجعني، مش بمثل عليك. وبطني بتوجعني وحاسة بصداع. قاسم: بس بس، يخربيتك. أنتِ تروحي تدفني نفسك. ريماس.

ريماس: اتصلت بالدكتور، وزمانه على وصول. قاسم ببرود: متتصرفيش من دماغك، لما يجي، خلي يطلع فوق. روح بخوف: فوق فين؟ قاسم بص لهدومها: وأنتي عايزة تكشفي بالمسخرة دي؟ أنتِ ولا رقاصات شارع الهرم. روح بنفعلان: أنا مش مسامحاك. قاسم يهمس لها: وطّي صوتك، أحسن أطلعك فوق. روح بلعت ريقها بخوف. قاسم: هطلع أعلقها فوق، أقصد أقلعها. يووه، أرزعها فوق، ابقو هاتوا الدكتور. روح بخوف: دادة عفاف، تعالي معايا.

قاسم وهو طالع بيها: متجيش يا عفاف، ها؟ متجيش. روح بخوف: أنتِ، أنا بص، يعني. قاسم: جمعي بعدين أكلمك. يحط روح على السرير. روح بطفولة: ده مش سريري. قاسم بينقي بنطلون وتيشيرت من الدولاب وبيقرّب منها. روح: أكيد جري للبومة بتاعتو، وأنا مالي، أصلًا، يارب يولعوا وهما قاعدين. قاسم كان هيضحك. حط إيده على بؤقه. روح: مين؟ مين هنا؟ قاسم بصوت أنوثي: أنا يا ست هانم. روح في سره: إيه الصوت الوحش ده؟

قاسم بنفس الصوت: أنا ممرضة عشان أبَدل لك هدومك. روح: طيب. يقرب قاسم منها ويمسك إيديها. روح: قاسم. قاسم قلبه دق وسرح، وبعدين فاق وبصوت أنوثي: قاسم مين ده؟ الغيرة اللي بره. روح: متستاهلش، ده جوزي. قاسم وهو بيغير لها هدومها وبنفس الصوت: بقا القمر ده متجوز التور اللي بره؟ روح ضحكت: ضحكتيني، يا اسمك إيه؟ قاسم بمياصة: اسمي كوكي. ويقعد على ركبته ويرفع رجليها. روح بالم: آه، تتشكّي في رجلك يا روز، الكلبه. قاسم

يجز على سنانه وفي سره: ماشي يا روز. ويغير لروح هدومها. روح بابتسامة: متشكرين يا قاسم. يقرب وشه من وشها وبصوته: على إيه؟ روح تفتح عينيها بصدمة: أنت. قاسم ببرود: أنا. روح بنفعلان: أنت اللي غيرتلي؟ قاسم ببرود: هي دي، شكرًا يا محترم، يا بنت الناس. روح بغيظ من بروده: يا برودك، يا اجي، أنت إيه؟ أنت إزاي تقرب مني؟ عيييي. قاسم ببرود: عادي، ده أنا جوزك، قرة عينك. وعمل اللي على هوايه. روح بغيظ: هات إيدك.

قاسم مد إيده: مفيش داعي تبوسيها كشكر. لو مصممة، خدي. روح تمسك إيده وتعضها بغضب. قاسم بصراخ: آه، يا بنت العضاضة. روح بتشفي: تستاهل. قاسم يمسكها من قفاها: يابنت، أنت مفكش حتة سليمة. اتقي شر. روح بعياط: أنت ليه بتعمل فيا كده؟ أنا عملتلك حاجة؟ الدكتور يخبط: قاسم بيه. قاسم يغطي روح ويلم شعرها اللي كانت مسيباه: خش يا دكتور. يدخل: عاملة إيه دلوقتي؟ قاسم: أنت إيه جابك هنا؟ يوسف بغيظ: مش جاي عشانك، جاي عشانها. قاسم

بص له ببرود وقاعد بعيد: شوف شغلك يا كوتشي. يوسف بيرفع الغطا. قاسم برفع حاجب: من فوق الغطا. يوسف بصدمة: ده اللي هو إزاي؟ قاسم ببرود: زي السكينة في الحلاوة. من فوق الغطا، يعني من فوق الغطا. روح بعياط: سيبوا رجلي، وامسكوا في الغطا. يوسف: ممكن تسبني أشوف شغلي؟ قاسم ببرود: وأنا، أنا ماسك إيدك. شوف شغلك.

يوسف بداء يشوف رجلها: لا، لازم تستريح، وما تدوسيش عليها كتير. هكتب لك علاج تمشي عليه لمدة أسبوعين. لو مفيش تحسن، ساعتها هنجبسهاله. روح بعياط: طب، هفضل مش شايفة كتير. يوسف حط إيده على كتفها: تعالي المستشفى بعد أسبوعين، وأنا كلمت دكتور عيون صاحبي، وهيتابع حالتك. قاسم: أجيب اتنين برتقال ونخلة. يوسف بغيظ: أستأذن أنا. قاسم يقفل الباب ويقرب منها بغيظ: بقا بتمسكي إيده. روح بعياط: أنت عايز مني إيه؟ يا عفاف، يا بلة عفاف.

قاسم يقرب منها: عيطي، العياط بيغسل الذنوب. روح بدموع: أنت بتعملني كده ليه؟ قاسم يقرب منها لحد ما نفسهم تختلط. روح بتوتر: أنت مقرب مني كده ليه؟ قاسم سرحان في عينيها: خايفة مني؟ روح تبتدي تدمع: أنت لازق فيه كده ليه؟ والله لو قربتلي، هموت نفسي. قاسم: أنتي عيوطة ليه؟ متنشفي شوية كده. كل حاجة عياط، عياط، دموع. دي مبتخلصش. أنتي بومة ونكدية كمان. وهبص لك على إيه يا حسرة. روح بنفعلان وعياط: ومين قال عايزك تبصلي؟

أنت عيال مريض، بتطلع عقدك عليا. قاسم يشدها له ويقرب، وبفحيح: مريض؟ لو أنا مريض، أنتِ السبب في اللي عملتيه. روح بصراخ: نفسي أعرف عملت إيه؟ أنا بتُحاسب على إيه؟ قاسم بوجع: على إيه؟ عايزة تعرفي؟ أنا هقولك. أنتِ و...