رواية كاسري الفصل السابع 7 - بقلم فاطمة وجيه

الفون رن في إيدها. روح: إيه العبيط ده، بيرن وإحنا في بيت واحد. بتبص للفون، ملقيتش عليه رقم. روح: ألو. صوت: جوزك هيموت. الفون وقع من إيدها بصدمة. روح: يستحيل. أكيد ده معتز. أنا هنزل أقول لقاسم. وطت خدت الفون، لقت الخط لسه شغال. صوت: روح، يا روح. روح بشك: خالد. خالد: أيوه يا روح، خالد اللي لسه بيحبك وأكتر من الأول. روح بزعيق: يا أخي اطلع برا حياتنا بقى، متقرفناش. خالد: الأيام هتثبت لك. اسمعيني، معتز عايز يقتل قاسم.

قفلت روح في وشه السكة وهي ماسكة راسها. روح: امتى نخلص بقى يا ربي. طلعت هدوم من الدولاب وغيرت ونزلت. قاسم وقف، مديها ضهره وبيتكلم في الفون. قاسم: إيه، لا لا تلغي. أيوه، اسمعني بس، انتي فاهمه غلط. لا، مش مجوز. روح وقفت مكانها بصدمة. قاسم بيكمل وهو مديها ضهره: أسبوع، أسبوع بكتير وهكون عندك. طيب، باي. لف وشاف روح، ابتسم. روح غصبت نفسها وابتسمت. روح: كنت بتكلم مين؟ قاسم: لا، ده تبع الشركة، متشغليش بالك. جاهزة؟

روح: ما خلينا هنا ومش لازم نخرج. قاسم: مش عايزة تخرجي معايا؟ روح: لا، مش كده. قاسم: خلاص، خلاص. أنا طالع أنام. وسابها وطلع. روح بعصبية: عبيطة. قاسم: أهو، زعلتي؟ يعني بتعترفي إنك عبيطة؟ قاسم واقف على التربيزة. روح جريت حضنته. روح: أنا ما كانش قصدي اللي فهمته. قاسم خرجها من حضنه. قاسم: أمال؟ روح: هو معتز... قاسم يقاطعها: معتز تاني؟ ياروح، مش قولنا نطلعه برا حياتنا؟ روح: أيوه بس...

قاسم: الفون منور في إيدك، حد بيتصل ولا إيه؟ روح تخبي الفون في الفستان. روح: ها، لا، أكيد صباعي جه عليه. أنا بقول نقعد ونخلي الخروج يوم تاني. قاسم: نقعد نعمل إيه؟ روح: فيلم. وتبتسم. نشوف فيلم. قاسم: أمري لله. روح: أنا هطلع أغير. وجريت على فوق. قاسم قاعد على السلم وحاطط إيده على خده. قاسم: أنا اللي جبتو لنفسي. روح نزلت وهي لابسة شورت أبيض وتيشرت نبيتي فوق بطنها ومن غير حملات. قاسم: إيده، إيده وبتنور كمان. روح تضحك.

قاسم: حلو. قاسم: سبحان العاطي الوهاب. بعد الشبشب... روح تقاطعه بغيظ: بقا كده يا قاسم. قاسم: أنا بمدحك. روح راحت قاعدة على الكنبة بغيظ. قاسم طلع على فوق وهو بيضحك. قاسم: اعملي حاجة ناكلها من غير ما تحرقي المطبخ. روح: نينينينين. مسكين، ما يعرفش قدراتي. روح قاعدة تدور. فتحت دولاب المطبخ وابتسمت. روح: هو ده الكلام. قاسم نزل وهو بيعدل شعره. قاسم: أنا شامم ريحة حلو. هي القيامة هتقوم؟ روح بغرور: عشان تعرف قدرتي.

قاسم بص للأطباق وعقد يضحك. قاسم: ما شاء الله على قدراتك. روح بغيظ: وبعدين معاك. قاسم: ده إندومي. وده إيه اللي هناك ده؟ روح بغيظ: فشار بالماجي. قاسم يمسك بطنه من كتر الضحك. قاسم: هايل. وده إيه الأخضر اللي هناك ده؟ روح بضيق: أنت بتضحك على إيه؟ تصدق إني غلطانة. قاسم يحط إيده على بؤقه. قاسم: معلش. روح بنفعال: قاسم، متقوليش معلش. قاسم يقرب منها فجأة. قاسم: هو أنا قولتلك إن خدودك حلوة قبل كده؟ روح ابتسمت. روح: ها.

قاسم بخبث: مقولتيش. إيه الأخضر اللي هناك ده؟ روح جزت على سنانها: تتفرج على إيه؟ قاسم ياخد طبق الفشار. قاسم: ممم. هتلاقي فيلم UNREST. شغله. روح برفع حاجب: ده رعب. قاسم بستفزاز: أيوة. أنتي خوافة؟ هاتي كرتون. روح بنص عين: هشغله. قاسم بياكل الفشار. قاسم: أوعي تكوني خايفة. روح حطت إيديها على وسطها. روح: خفة. قاسم يبرق: إيه اللي وراكي ده؟ روح تنتفض وتقعد تنط وهي مخبية وشها. روح: عيييي. عفريت. قاسم يضحك بصوت عالي.

قاسم: يلا يا خوافة. روح نطت عليه. روح: هموت يا غتت. قاسم بألم: منك لله. هتموتيني. روح تقرب منه. روح: نطيت جامد؟ أي بيوجعك؟ قاسم يحط إيده على قلبه. قاسم: قلبي. روح: لا ياشيخ. قاسم حط راسه على رجليها. قاسم: نتفرج بقى. روح: والاندومي؟ قاسم: طلبت بيتزا. روح كشرت وخدت الطبق وقعدت تاكل. قاسم: إيه القرف دي؟ إيه اللي بينقط عليا ده؟ روح وهي بتاكل: دي ميه. قاسم بصدمة: بتاكلي برسيم ياروح؟ روح بوزت: دي خضراء. قاسم: وات؟

إفر إنتي معزة عشان تاكلي برسيم. روح: تدوق. قاسم: أنتي اتجننتي؟ يستحيل آكل البتاع ده. بعد شوية. روح: ينهار ألوان. أنا خايفة. قاسم ماسك طبق الخضراء وبيتفرج. قاسم: ده دم ده؟ تاخدي بقدونس. روح: تؤ. هات شبت. طعمه أحلى. قاسم: معزة قاعدة جنبك. روح بضحك: وأنت الجدي. قاسم يبص لطبق الخضراء ويحدفه على روح. قاسم: منك لله ياشيخ. فجأة النور قطع. روح خافت ومسكت في قاسم. روح: هو. قاسم بعدم فهم: هو مين؟ أنا هشوف قاطع الكهرباء.

روح تمسك إيده. روح: لا، خليك. فجأة النور رجع. قاسم: مالك؟ شكلك مش مظبوط. روح بخوف: لا، أنا تعبانة وعايزة أنام. قاسم: أنا مش عايز. تجي نرقص؟ روح بضحك: نرقص؟ قاسم يمشي إيده على شعرها ويشدها لحضنه. قاسم: مممم. نرقص. روح: مالك يا قاسم؟ قلبت رومانسي فجأة، مش لايق عليك. قاسم يبوس خدها. قاسم: عندي نقص حنان. روح بنص عين: شوف إزاي. قاسم ببراءة: إيه. روح بضيق: ما فيش. قاسم يقف. قاسم: أنا لي حاسك مش مبسوطة.

روح: لا، تعبانة شوية. وفون قاسم يرن. روح تمسك إيده. روح: لا، متردش. قاسم: في إيه ياروح؟ ده تليفون. هرد وأجي. روح تشده لفوق. روح: لا، يلا ننام. قاسم ضحك. قاسم: طب براحة. روح في سرها: أقوله ولا مقولوش؟ أقلقه على الفاضي؟ لا، لا، أكيد مجرد كلام. قاسم: مين واخد عقلك؟ روح بصتله. روح: أنت. قاسم ابتسم وهو باصص فوق. روح بضحك: يغتي. بطة بتتكسف. قاسم ضربها بالمخدة. قاسم: بطلي رخامة بقى. روح بصتله. روح: تعرف؟ قاسم ابتسم.

قاسم: أعرف. روح: إيه؟ روح: إني بحبك. قاسم: طيب. روح: طيب إيه؟ وأنت؟ قاسم: أنا. روح بحزن: ولا حاجة. قاسم لف وشها ليه. قاسم: أنا لم أتجاوز لهفة البداية. يبدو أنني سأحبك بهذا الاندفاع للأبد. روح ابتسمت. روح: مانت بتقول كلام حلو أهو. قاسم يغمزلها. قاسم: وبعرف أبوس. أبوسك. روح بضحك: نام يا قاسم. قاسم بوز. قاسم: يعني بعد الرومانسية دي كلها مش هبوس؟ روح نامت وادته ضهرها. روح: نام يا ض.

قاسم يحضنها من ضهرها ويدفن راسه في رقبتها. روح قلبها بيدق. روح: أنت بتعمل إيه؟ قاسم يرفع راسه. قاسم: إيه؟ بنام. روح بضحك: وبعدين معاك. قاسم سند راسه على كتفها. قاسم: بقولك. روح: مممم. قاسم: مش النهاردة عيد الأم. روح: يعني عايز إيه؟ قاسم: أصل أمي كان نفسها في أحفاد هدية. روح بضحك: هتتلم ولا أسيبك؟ روح تنام في أوضة تانية. بعد شوية. قاسم: روح. روح بنوم: مممم. قاسم همس ليها. قاسم: سأحبك دائماً، وللأبد. روح لفت وحضنت.

روح: تعرف إنك رومانسي أوي. قاسم يحضنها جامد. قاسم: وتعرفي إنك تعبتي قلبي أوي. تعرفي. روح تدفن نفسها في حضنه. روح: مممم. قاسم: قولت لو حبيتك تاني أبقى حمار. روح تضحك في حضنه. روح: يعني أنت حمار؟ قاسم بضحك: نام يا قليلة الأدب. روح بنعاس: ينفع أبوسك ولا عيب؟ قاسم: لا عيب. أبوسك أنا. ولثم شفاتها في أول قبلة لهما. معتز بغضب: يعني إيه مش عارف توصلها؟ أكيد عند عمها. تقب وتغطس تجيب لي روز من تحت الأرض. خالد: أنت هتعمل إيه؟

معتز بغل: هقتله. قاسم وقته خلص. لحد هنا. خالد قفل تسجيل الفون وبصله. خالد: هتقتله إزاي؟ معتز ابتسم بخبث. روح ماسكة وردة وبتماشيها على وش قاسم. قاسم كشر. قاسم: وبعدين. روح تقرب وشها منه وهمست. روح: شكراً إنك في حياتي. قاسم يفتح عين ويغمض التاني. قاسم: متشكرنيش. بوسيني. روح بضحك: تصدق إنك فصلتني. قاسم يقوم فجأة ويشدها ويميل هو عليها. قاسم: فكرة. قبل كده قولتلك. روح بصلته بحب. روح: إيه؟

قاسم: قولت إني هتجوز وأجيب منك جيش من الأولاد. روح بضحك: وتجوزنا أهو. قاسم ميل أكتر ليفصل بينهم انش واحد. قاسم: فاضل الجيش. روح بضحك: حاسة إنك قليل الأدب سيكة. قاسم يبعد عنها. قاسم: يلا قوم البس. روح: ليه؟ قاسم سابها ودخل الحمام. روح بغيظ: الانفصام هيشتغل. الباب خبط. روح راحت تفتح. لقت صندوق كبير دهبي. روح شالته وحطته على السرير وفتحت. روح بفرحة: فستان. واو. وده إيه ده؟ قاسم فتح باب الحمام وحضن روح. قاسم: عجبتك؟

روح بضحك: ناوي على إيه؟ قاسم: هسيبك تجهزي. روح مسكت الفستان وقعدت تلف ولبسته وحطت ميك أب خفيف ولمت شعرها. قاسم بص لها بابتسامة. قاسم: جامدة. ومفيش إلا إحنا. روح بضحك: وحلوين. ومفيش إلا الأحلى. قاسم يقرب منها ويفك شعرها. قاسم: مترفعيهوش تاني. روح بزعل: كده بوظت التسريحة. قاسم يمشي إيده على رقبتها. قاسم: محدش يشوف شماتي عشان بغير. روح بضحك: ماشي. أقنعتني. قاسم: إيه الأحمر ده؟ روح تحط إيديها على شفايفها.

روح: ربط جملته بقبلة عنيفة. وهو يجذبها من خصرها. قاسم بعد عنها وهو بيتنفس بصعوبة. قاسم: قولتلي إيه ده؟ روح بغيظ: كان روحي. قاسم بغيرة: ميطحتش تاني. وإيه اللي في خدودك ده؟ روح بخوف: والله ده طبيعي. قاسم قرب وعض خدها. قاسم: تصدقي طبيعي. روح تضرب كتفه. روح: متتلم بقى. قاسم بضحك: ماشي. وطلع قماشة وربط عينيه. روح: أنت بتعمل إيه؟ قاسم: مش قولتي قبل كده إني نظرك. روح ابتسمت. روح: إيه؟ قاسم: تقبلي أكون عينيكي النهاردة؟

روح مسكت إيد قاسم. روح: وطول العمر. قاسم ميل وشالها وطلع بيها. روح بصريخ: إييييي يابن المجنونة! أنت سايق بسرعة كده ليه؟ قاسم: بت طرشتيني. اتهدي بقى. روح بخوف: طب براحة. هنموت. يخربيتك. قاسم بضحك: متخفيش. روح بصويت: يلهوي. الحقوني. خطفني. قاسم: يخربيتك. هيصدق. روح: وقفت ليه؟ قاسم نزل ونزل روح. قاسم: اقلعي الجزمة. روح: ليه؟ هتمشيني على فحم؟ قاسم بضحك: إيه يا بنتي؟ هو أي تعذيب وخلاص.

روح: يبقا هترميي من فوق السطح. وكده تكون انتقمت مني. قاسم بضحك: متخفيش. روح: ضحكتك حلوة. قاسم ابتسم. قاسم: شيلي القماشة. روح شالتها وبصت حواليها. روح: أنت روحت فين؟ لقت على الأرض تلت ورد على شكل سهام. مشيت وراهم. لقت أوضة بابها متزين بالبلالين ومكتوب عليه افتحي. فتحت الباب. كانت كلها ورد وبلالين بيضة. وفي نص الأوضة متعلق فستان أبيض كب. بفتحها من الجنب ومن غير ضهر. مفيش غير رباطها رقيقة وبفتحة صدر كبيرة. وعلي تاج ماس.

روح بضحك: الواد انحرف. شالت الفستان ولبسته. روح بضيق: هربط إم الربطة دي إزاي؟ فجأة النور قطع. روح بخوف: هو. هو في إيه؟ البلالين البيضة نورت ضوء خفيف. بقت الأوضة كلها منورة من البلالين. روح بتبص حواليها بفرحة. روح: واو. بقيت أميرة البلالين. وقعدت تضحك. قاسم فتح الباب وهو لابس بدلة سودة جميلة وماسك بوكيه ورد أبيض كبير مغطي نصه اللي فوق. قاسم: أنا هناك. انظري. روح ابتسمت. روح: فين؟ قاسم يبعد البوكيه ويغمزلها.

قاسم: في قلبك دائماً. حط البوكيه على السرير وقرب منها. روح تبصله بحب. قاسم لفها ليه وبدأ يربط الفستان. قاسم: تعرفي دول مش خمس ربطات من فراغ. روح: إيه؟ قاسم وهو بيربط أول ربطة: الأولى. ده أول رباط بينا. مش من دلوقتي، تؤ، من زمان. من أول ما اندفعتي لحضني وقلبي دق. عرفت إنك تخصيني. روح ابتسمت. روح: والتاني؟ قاسم يربط التاني. قاسم: وده يوم لما كنت بربيكي وبقيتي بتحتلي قلبي بطريقي مخيفة. وعرفت إني وقعت ومحدش سماني.

روح ابتسامتها زادت. روح: والتالت؟ قاسم يربط التالت ويضحك. قاسم: يوم ما أمك شافتني. كنت عايز أصرخ في وشها وأقولها دي بتاعتي. عايز تاخدي روحي مني يا وحشة. روح بضحك: والرابع؟ قاسم تخونه دمعة. قاسم: يوم ما كسرتي قلبي. قولت خلاص حبك مات لحد كده. بس إزاي يموت وأنا قلبي لسه بيدق؟ روح دمعت. روح: والخامس؟ قاسم ابتسم. قاسم: إني كنت بعدك للحب كارها. لكن. روح بلهفة: لكن؟ قاسم يشد على الربطة.

قاسم: لكن ابتليت بيكي من جديد. ابتلاء جميل. روح لفت وحضنت. روح: بحبك. قاسم بضحك: بعد كل ده بحبك. بس إيه ده؟ طب مش مكمل. روح بضحك: هو لسه في تكملة؟ قاسم مسك إيديها. قاسم: تعالي. روح: على فين؟ قاسم: القاعة. روح بصدمة: كده؟ ده الفستان عريان وشفاف. قاسم يشدها: أنتي مكسوفة وأنا معاكي، عادي. روح ماشية معاه بذهول. قاسم فتح باب القاعة. روح دخلت وهي بتضحك. روح: هما دول المعازيم؟ قاسم بضحك: مش عاجبينك.

روح بصت للدباديب اللي قاعدين على الكراسي والورد بيقع عليها. روح: هو أنا قولتلك بحبك. الأغاني اشتغلت وقاسم شدها. وبدأوا يرقصوا سوا. قاسم بحب: بحبك. روح مسكت وشه بإيديها. روح: تعرف؟ قاسم: إيه؟ روح بضحك: أنا هبوسك واللي يحصل يحصل. أنهت جملتها ببوسها رقيقة. قاسم قاعد على ركبته وطلع الخاتم. قاسم: بحبك. روح بصت للخاتم. روح: أنا مش عايز ده. أنا عايز القديم. قاسم ابتسم وشال الخاتم رماه وطلع التاني ولبسهولها.

روح بابتسامة: دلوقتي نقدر نجيب جيشنا. قاسم شالها وقعد يلف بيها. روح بضحك: الأصح فين الناس؟ قاسم بص للدباديب وضحك. قاسم: في الصبحيه أقولك. روح بغيظ: مش هنخرج بقالنا تلت أيام في الأوضة دي وعلى السرير ده. قاسم بضحك: نخليهم أربعة. مش حوار. روح بغيظ: قاسم خرجني. قاسم قام بتافف. قاسم: ماشي. ودخل الحمام. روح بضحك: لازم أتعصب يعني. وصلت رسالة على الموبايل. روح: ده فون قاسم. أما أبص بصاية. لأ، لأ، عيب. عادي يعني ده جوزي.

شافت الرسالة من برا. روح: حبيبي، فاضل تلت أيام. أنا منتظراك. فجأة الموبايل اتشد منها. قاسم بحده: أنتي بتعملي إيه؟ روح مش قادرة تتكلم وبتحاول تمسك دموعها. قاسم بص في الموبايل ملقاش حاجة. قاسم: روح، في إيه؟ روح: مفيش. أنا، أنا كنت عايزة أطمن على دادة عفاف. وسبته. ومشيت. قاسم مسك إيدها ورجعها قدامه. قاسم: أنتي بتكذبي. روح: مين سند؟ قاسم: بتفتشي في موبايلي؟ روح: ده مش جواب. قاسم: ولا ده جواب.

روح بنفعال: أنا مفتشتش. أنا شفت الرسالة من برا. بتخوني. قاسم خد قميص ولبسه وخرج من غير ولا كلمة. روح حدفت الكوباية على المرايا. كسرتها. قاسم: الأحسن لما يبقا الطرفين متعصبين إن واحد فيهم ينسحب. روح: غبية، متسرعة. فون روح رن. روح جريت ردت. روح: قاسم، بس آسفة. ارجع. خالد: أنا مش قاسم. روح بغضب: مش قولتلك متتصلش تاني. خالد: أنا بعتلك حاجة. شوفيه. روح قفلت. لقت رسالة على الواتس. فتحت التسجيل وبرقت. روح: هيقتل.

ورجعت اتصلت بخالد. روح: وأنت مبتقوليش ليه؟ خالد: عشان لسه بحبك. أنا مش وحش يا روح. هستناكي في ***. لو بتحبي بجد هتيجي عشان أقولك تنقذي إزاي. وقفل. روح بحيرة: أروح؟ لا، قاسم لو عرف مش هيسكت. بس ده عشان... روح لبست بسرعة وطلعت برا الفندق. قاسم داخل وهو ماسك علبة شوكولاتة وبوكيه ورد. قاسم: هقولها على كل حاجة. هي مبتخبيش عني حاجة. وابتسم. قاسم: ياروحى، ياروح، أنت يا بنت. راحت فين دي؟ أكيد في الحمام.

قاسم رن عليها وعقد حاجبه. قاسم: مقفول. فجأة فون رن برقم روح. قاسم ابتسم ورد. قاسم: آسف. معتز بضحك: يعني بتعترف إنك غلطت في حق. قاسم قام بفزع: أنت بتعمل إيه بفون روح؟ معتز يبص لروح اللي مربوطة في الأرض. معتز: تؤ تؤ. مراتك أغبي مما تتصور. خالد بيكلمي. جريت على شكلك مش مسيطر. قاسم بألم: أنت كداب. معتز: عيب. لا بجد عيب. قاسم بغل: أنت فين وأنا أجيلك. معتز بخبث: في ***. قاسم نزل جري وخد عربيته وساق بسرعة وعينيه احمرت.

قاسم: يستحيل تكسري بخطري من تاني. مش هسمحك يا روح. وبصراخ: فاهمة؟ مش هسمحك. قاسم وصل. نزل من عربيته. روح قاعدة على الأرض بتعيط. قاسم بصلها. بص لـ معتز بغل ولكمه. روح: قاسم. وجريت عليه حضنته. قاسم مكون إيده ومثبتها جنبه. روح مسكت إيده. روح: يلا نمشي. قاسم سحب إيده. قاسم: أنتي كنتي بتكلمي خالد؟ روح: أنت مش فاهم. أنا. قاسم بزعيق: أيوه ولا لأ. روح انتفضت. روح: إيه؟ قاسم رجع خطوتين لورا. قاسم: وجيتي هنا عشان هو قالك؟

روح تعيط: والله أنا. قاسم عينيه احمرت من الدموع وبعصبية: أيوه ولا لأ. روح تعيط أكتر: إيه؟ قاسم يقعد على ركبته. قاسم: هايل. أنت دمرتيني أكتر منهم. روح تقرب منه بعيط. روح: قاسم، أنا. قاسم بصراخ: أنت تخرسي خالص. أنا عملت لك إيه عشان تعملي فيا كده؟ عا ده أنا حبيتك. يشيخه ده محبكيش ربع حبي. معتز بحزن: تصدق اتأثرت. قصة حب حزينة. قاسم بص له ببرود. قاسم: وأنت عندك دم وبتتأثر. معتز صوبه عليه. معتز: متستفزنيش. ممكن أقتلك.

قاسم: اضرب لو راجل اضرب. معتز: ومين قال إنك هتموت من غير ما تمضي على دول. قاسم بضحك: لا، واثق. همضي. معتز يحط المسدس على راس روح. معتز: وكده. قاسم مكون إيده. قاسم: سيبها. معتز: هعد لـ خمسة. مش هتمضي صدقني. هموتها. وكده كده هيتقبض عليا. قاسم بص لروح. قاسم: أنا بكرهك. لو لي وعدي لأمي كنت سبتك هنا تموتي. روح بتعيط: بس أنا بحبك. معتز: أربعة. قاسم بصراخ: ماشي. همضي. روح تحاول تشد المسدس من معتز. قاسم بخوف: حسبي.

روح ميلت المسدس ومعتز داس على الزينات وخرجت رصاصة. روح صرخت: قاسم. قاسم حط إيده على صدره ورجع لورا بصدمة. وفجأة وقع. روح جريت عليه ومسكت إيده بإيديها الاتنين وبعيط. روح: لا، لا. متسبنيش. قاسم بصلها بدموع. قاسم: أنتي كسرتي قلبي من تاني. إيده تفلت منها. روح تميل وتمسكه بخوف. روح: لا. والله. لا أنا بحبك. قاسم بألم: سيبيني. روح تهز راسها. روح: لا. أنت هتطلع وتبقى كويس. نسيت جيشنا. قاسم بص لها بدموع. قاسم: أنا بحبك.

وفلت إيده من إيديها. روح بصراخ: لا يا قاسم، لا. وجت تنط وراه. خالد جري مسكها. خالد: أنتي مجنونة؟ خلاص مات. روح بصت لتحت بعيط. روح: لا. قاسم عايش. وبصوت عالي: قاااسم.