رواية كبرياء حب الفصل السادس 6 - بقلم ندى أحمد

فأحد الملاهي الليلية على وإيهاب ومازن قاعدين بيضحكوا، فجأة كريم راحلهم. كريم: إيه ده؟ إيه ده؟ العريس بيعمل إيه هنا؟ المفروض تكون مع العروسة ولا إيه؟ مازن: عادي يعني، هنخرج بكرة تكون ارتاحت وكمان هي منمتش. كريم باستفزاز وهمس في ودنه: لو مش عارف تتعامل معاها قول لي وأنا أقول لك، أصلي أعرفها من زمان. وسابه ومشي. مازن كان في كاس في إيده اتكسر من كتر عصبيته، ومسك كريم وفضل يضرب فيه، وعلى وإيهاب سلكوا بينهم.

مازن: أنا ماشي، سلام. *** في فيلا الشازلي ميرنا قاعدة في الجنينة وبتعيط. مازن دخل الفيلا وعفريته طالعة، راح ناحيتها. اتعصب أكتر لما لقاها بتعيط. مازن شد ميرنا من شعرها. مازن بعصبية: بتعيطي عشان شفتي كريم حبيب القلب؟ أجبولك يسكتك؟ ما هو معاه كل مفاتيحك. ميرنا بعياط: مازن سيب شعري، آه آه. إنت بتقول إيه؟ أنا مش فاهمة حاجة. مازن: اعملي فيها مش عارفة بقى؟ كريم اللي لما جه سلم عليكي في الخطوبة خوفتي ومسكتي فيا؟

واللي بيقول لك يا ميمي؟ ها؟ انطقي! قول لي لموته في إيدي. ميرنا بعند: طب ما إنت عرفت كل حاجة أهو، عايز تعرف إيه تاني؟ لقت ميرنا قلم نازل على وشها، داخت من قوته. مازن: مش أنا اللي أبقى متجوز واحدة ودماغها في واحد تاني. أنا لولا إني عامل حساب أبويا وأبوكي كنت وريتك أعمل فيكي إيه. وسبها ومشي. فضلت قاعدة مكانها عمالة تعيط. على دخل الفيلا لقى ميرنا بتعيط، راح عليها. على: ميرنا؟ فيه إيه؟ مالك؟ إيه اللي عمل فيكي كده؟

وشك ماله ورم كده ليه؟ ميرنا اترمت في حضن علي وفضلت تعيط وحكتله على اللي حصل. على: طب مقولتيليش ليه يا حبيبتي؟ ... ميرنا، بصي، فيه حاجة لازم تعرفيها عشان تعرفي تتعاملي مع مازن. مازن من كام سنة كده كان بيحب واحدة وكانوا بيحبوا بعض أوي، وكان بيبقى فيه خناقات بينهم بسبب إن مازن بيغير أوي. وواحد صاحبه كان بيجي يحكيله عن صحبته وإنه هيخطبها وكده. وجه يوم الخطوبة لقى إن هي العروسة. هي لما قابلها وقال لها ليه؟

قالت له إن هو بيضر اللي بيحبها بسبب غيرته وشكه. ونصحتُه إنه ما يرتبطش عشان أي واحدة هيحبها هتتأذى بسبب غيرته وشكه. هو عمل كده فعلاً عشان شاف إن هو السبب في إن هي تبعد عنه. ميرنا: آه، مازن شكاك أوي فعلاً، بس لما ربنا يبعت له واحدة تحبه بجد هتتفهم ده وهتحبه حتى بشكه. على: أهو بقى. ميرنا: أنا هطلع أنام عشان هروح الشركة بكرة. تصبحي على خير. على: وأنتي من أهله. على طلع على أوضة مازن. على: إنت يا متخلف؟

إيه اللي إنت عملته ده؟ مازن بكل برود: عملت إيه؟ على بعصبية: إزاي تضربها كده من غير ما تعرف الأسباب؟ مازن: مرضيتش. على: عشان إنت غبي يا مازن، غبي. ... مازن، فاكر اليوم اللي رجعت فيه أنا ومرنا وإنت فضلت تزعقلها عشان خرجت ومقالتلكش؟ مازن: أيوه. على: ساعتها كانت مخنوقة عشان شافت كريم. مازن: إزاي؟ حكاله علي كل حاجة. على: اتفضل بقى شوف عميلك بدل ما تحسسها بالأمان وتخدها في حضنك بس عملت إيه.

مازن حاطط إيده على وشه: خلاص هصالحها بكرة. على: إنت حر، هي مراتي ولا مراتك. وسابه ومشي. *** في الفندق عند أمجد حسام: اللي إنت طلبته حصل. ماجد: تمام أوي كده. حسام: وأنا بحاول أوصل للي قولت لك عليه، يبقى ضربنا الاتنين في بعض. ماجد: تمام. *** في صباح يوم جديد صحت ميرنا من النوم. ارتدت بنطلون أسود بوي فريند وتوب حمالة أسود وجاكت أسود وعملت شعرها ذيل حصان ولبست نظارة الشمس وخلخال وهيلز أسود.

مازن ارتدى بنطلون بيبي بلو وتيشيرت أبيض. نزلت ميرنا لقتهم كلهم قاعدين عشان يفطروا. ميرنا: صباح الخير. الكل: صباح النور. قعدت وفضلت لابسة النظارة. إبراهيم: حبيبتي اقلعي النظارة، مفيش شمس. ميرنا: عيني وجعاني يا بابا من الميك أب بتاع امبارح، مش قادرة أبص للنور. مازن عرف إن هي عملت كده عشان عينها ورمة من كتر العياط. منى: حبيبتي إيه اللي في وشك ده؟

ميرنا: ده من امبارح وأنا وشي كده، تلاقي من المسكات. أنا همشي أنا بقى، سلام. مازن: استني. وخد حاجته وخرج وهي معاه. *** في الجامعة بالتحديد عند علي وليلى على: ليلى أنا عايز أقولك حاجة بس خايف من رد فعلك. ليلى باستغراب: إيه ده؟ ليه؟ فيه إيه؟ على: ليلى بصي، هو أنا... هو أناااا. ليلى: متخلص يا علي، فيه إيه؟ إنت علقت. على: اصبري بس عليا كده، اهدى، هي هتيجي لوحدها. ليلى: طيب اديني قاعدة.

على: ليلى، هو أنا لو كلمت إيهاب وتقدمت لك هتوافقي؟ ليلى قامت وقفت فجأة: أنا لازم أمشي. على مسك إيدها: أفهم من كده إنك هترفضى؟ ليلى ودموعها في عينها: معلش، أنا لازم أمشي. *** عند أمجد أمجد: حسام، الشحنة دي لو متسلمتش كمان 3 شهور هنروح في داهية. اتصرف. حسام: حاضر يا أمجد، بحاول أشوف سكة، ما إنت عارف الكمية كبيرة أوي. أمجد: طيب. *** في شركة الشازلي في مكتب إيهاب

ياسمين: مستر إيهاب، فيه واحدة اسمها كاميليا عايزة تقابل حضرتك. كاميليا: إيه يا هوبا؟ موحشتكش؟ إيهاب: يخربيتك! إنت إيه اللي جابك هنا؟ كاميليا راحت ناحية إيهاب وباسته بوسة خفيفة على شفايفه: وحشتني. ياسمين شهقت بخضة من اللي حصل: عن إذنكم. إيهاب: الله يخربيتك! إيه اللي هببتيه ده؟ اطلعى برا يا بت انتي، ومش عايز أشوف وشك تاني. ياسمين أول ما خرجت جريت على الحمام وفضلت تعيط لحد ما هديت وقالت في نفسها: انتي زعلانه ليه؟

انتي مالك؟ يعمل اللي يعمله، انتي اصلا ولا حاجة، هو مش شايفك اصلا، انتي شغالة عنده وبس. انسى الأوهام اللي في دماغك دي. ومسحت وشها وخرجت. لقت تليفون المكتب بيرن، إيهاب عايزها، راحت المكتب. إيهاب شاف عينها حمرا، اتأكد من كلام علي. إيهاب: ياسمين، عايز الفايل بتاعة صفقة الصياد. ياسمين: حاضر يا فندم. *** في العربية عند ميرنا ومازن مازن مش عارف يقول إيه وميرنا سرحانة. ميرنا: إنت رايح فين؟ ده مش طريق الشركة.

مازن: آه، ما أنا عارف. ميرنا: إنت موديني على فين؟ مازن: هنروح مكان نتكلم شوية. ميرنا: نتكلم؟ ليه تتكلم ليه مع واحدة خاينة أصلاً؟ مازن وقف العربية: ميرنا، أنا عارف إني غلطان، أنا آسف، حقك عليا، بس واللهي غصب عني. وغمض عينه: بصي، نوصل ونتكلم. بعد نص ساعة وصلوا للنش. قعدوا في اللنش واللنش اتحرك. مازن مسك إيدها وباسها: حقك عليا، أنا آسف، أنا المفروض كنت أتكلم معاكي الأول وأفهم، بس علي فهماني. ميرنا عمالة تعيط ومش بتتكلم.

مازن راح حضنها وباسها مكان ما ضربها: حقك عليا، أنا آسف، بس واللهي غصب عني، أنا مش بعرف أتحكم في غيرتي، وواحد جاي يقول لي لو مزعلاك قولي وأنا أقولك تعمل إيه؟ أنا معايا مفاتيحها. ميرنا طلعت من حضنه: مازن، بص، إحنا هنتطلق كده كده، فبلاش نعيش مع بعض السنة دي كلها خناق، خلينا نبقى صحاب عشان نعرف نتعايش مع بعض السنة وتعدي على خير من غير خساير لا مني ولا منك. مازن بص لها بصة طويلة: مااااشي، أنا موافق. ...

بم إننا صحاب بقى، ممكن تحكي لي على موضوع كريم؟ ميرنا: حاضر عشان أريحك. ميرنا حكت له اللي علي حكاله لها، وأضافت: أنا من ساعتها وأنا مش عايزة أي راجل في حياتي، مش عايزة حد يدخل حياتي، مش عايزة أتجرح تاني. شايفه إن كله مش بيهمه غير نفسه وبس، لاكن أنا أحس بإيه؟

لا. وكله يهمه إنه يتبسط على حساب اللي معاه وبس. شايفه إن أي حد هيدخل حياتي هيجرحني تاني، مش عايزة حد في حياتي، وشايفه إن أنا لوحدي أحسن وأقوى، على الأقل مش هجرح نفسي، مش هدي لنفسي ثقة ومكونش قد الثقة دي، مش هبقى خايفة من نفسي. إنت فاهمني يا مازن؟ مازن في نفسه: د أنا هأتعب معاكي أووووي. مازن: فاهمك يا ميرنا. ميرنا: بس أنا واللهي مش بحبه، أنا بقيت بكره أي حد اسمه حتى. *** علي راح الفيلا. دخل علي أبوه.

علي: بابا، أنا عايز أتجوز. أحمد: دي مين اللي أمها داعية عليها دي؟ علي: ليلى، أخت إيهاب. أحمد: إيهاب صاحب مازن؟ علي: آه. أحمد: واللهي البنت محترمة ويعتبر إحنا اللي مربيينهم. خلاص أنا هكلم إيهاب. علي: لاااااا. بص، أنا جيت آخد موافقتك وأنا هتصرف في الموضوع، بعد إذنك. أحمد: مع إني مش فاهم حاجة، بس ماشي. خرج علي من الفيلا. *** إيهاب في الشركة. لقى علي بيدخل عليه المكتب.

علي: بص، ما إنت هتجوزني أختك، يعني هتجوزني أختك، يا هخطفها أو أقتلها. إيهاب: يخربيتك! إيه ده؟ مين قال لك إني موافق عليك أصلاً؟ علي: خلاص هخطفها. إيهاب: ولا! اخلص، في إيه؟ علي حكاله على اللي حصل. إيهاب بيضحك جامد: بهييييييييم. علي بتريقة: لييييييه؟ إيهاب: عشان أختي لما بتتكسف جامد بتعيط. علي: أختك هبلة يعني؟ إيهاب: ولا! احترم نفسك، دي أختي. ... إنت عايز إيه دلوقتي؟

علي: أنا قولت لأبويا وهو وافق، وأنا قولت له إني أنا اللي هكلمك، فانت بقى زي الحلو كده تشوف رأي أختك عشان أجيب الوالد والوالدة وأجي أتقدم لأختك. إيهاب: بس أنا مش موافق. علي: بطل هزار بقى يا إيهاب، أنا بتكلم جد. إيهاب: وأنا بتكلم جد واللهي. علي بصدمة: ليه؟ إيهاب: عشان أختي لسه بتدرس. علي: ما أنا عارف، هتكمل في بيتي، مش هقعدها، متخافش واللهي هخليها تكمل. إيهاب: هشوف يا علي، واللي فيه الخير يقدمه ربنا. ***

في اللنش عند ميرنا ومازن بيتكلموا وبيضحكوا على غير العادة. هو بيعلمها الصيد، فواقف وراها وهي واقفة في حضنه عشان بيعلمها إزاي تمسك الصنارة. ميرنا بتضحك وبتبص له وهو الاتنين فضلوا باصين في عيون بعض. مازن قرب منها وباسها من شفايفها. فجأة ميرنا بعدت وقالت له: مازن، عايزة أروح. مازن: ميرنا، أنا آسف واللهي. ميرنا: خلاص يا مازن، عايزة أروح. وطول الطريق ساكتين ومازن عمال يأنب نفسه.

مازن في نفسه: يعني هي لسه قايلالك إزاي معندهاش ثقة في أي راجل وإزاي وإزاي، وأنت تعمل كده؟ غبي، غبي. وصلوا الفيلا، نزلت ميرنا وهو مشي. *** عدى تلت أيام على أبطالنا ومفيش أي جديد. *** في صباح يوم جديد في فيلا الشازلي نزلت ميرنا السلم وهي ترتدي سلوبيت بنطلون جينز مقطعة وتيشيرت أبيض بنص وكاب جينز وشوز رياضي. ومازن قميص أخضر زرعي وبنطلون جينز. ميرنا نازلة بتجري. ميرنا: صباح الخير. الكل: صباح النور. علي: إيه يا أسطا؟

رايح على الورشة ولا إيه؟ ميرنا: ها ها ها، يا خفيف. طب بس لأنفخك بقى. إبراهيم: صحيح يا ميرنا، إيه اللي إنتي لابساه ده يا بنتي؟ إنتي مكنتيش كده يا حبيبتي. ميرنا: إيه يا بابا؟ إنتوا كلكم عليا؟ منى: لا يا بت، حلو، سيبك منهم، إنتي حلوة في أي حاجة أصلاً. ميرنا: يا مظبطاني انتي. و راحت بستها. ميرنا: سلام بقى، لحسن هتأخر. مازن: ميرنا، استني. ميرنا: طب انجز. وراحوا الشركة. *** في الشركة في مكتب إيهاب

ياسمين: حضرتك كده مضيت على كل الأوراق، حضرتك عايز حاجة تاني؟ إيهاب: ياسمين، تتجوزيني؟