رواية كبرياء حب الفصل التاسع 9 - بقلم ندى أحمد

مازن فضل مستني ميرنا أكتر من ساعة، راح دخل شاف عاملة من المطعم تشوف ميرنا، ملقهاش في الحمام. فضل يزعق في كل الموجودين، وراح شاف كاميرات المراقبة، وشاف إن فيه اتنين خانوها وهي خارجة من التواليت. اتصل بشادي صاحبه وهو شغال في المباحث. مازن: شادي الحقني مراتي اتخطفت. شادي: طب اهدى يا مازن، أنت فين؟ مازن: ......... شادي: أنا جي حالا. *** في المكتب عند إيهاب. ياسمين: إيهاب أنا عايزة أطلق.

إيهاب: يالا يا ياسمين بطلي هزار وقولي مالك. ياسمين: إيهاب أنا مش بهزر، أنا عايزة أطلق. إيهاب بصدمة: انتي بتتكلمي جد؟ ياسمين: آه. إيهاب: طب ليه؟ ياسمين: مش عايزك. إيهاب: ياسمين إيه، مالك، أنتي واعية للي بتقوليه ده؟ ياسمين: آه، أنا مش عايزك، ولو سمحت ورقتي تجيلي. وسابته ومشيت وهي عمالة تعيط، وقفت قدام باب الشركة. ياسمين لنفسها: يارب أنا عملت كده عشان بحبه وخايفة عليه، مش عايزاه يتضر بسببي يارب. ومشيت.

إيهاب في المكتب مصدوم من اللي حصل ومش عارف يفكر. جاله مكالمة من مازن، حكاله اللي حصل، وراحله بسرعة. *** في شقة في أحد الأماكن المهجورة. ميرنا قاعدة ومربوطة على أحد الكراسي. أمجد: مش قولتلك جاي آخد الحاجة اللي تخصني؟ واديني خدت الحاجة اللي تخصني. ميرنا عمالة تعيط. أمجد: باااااااس، أنا ما أحبش أشوف دموعك دي أبداً. وفضل يمشي إيده على وشها وشعرها. أمجد: أبوكي فاكر لما يجيبك هنا مش هعرف أوصلك؟

اديني وصلتلك. وأنتي فاكرة لما تتجوزي هخاف؟ لااا، أنا لما بحط حاجة في دماغي وتعجبني بآخدها لو في بطن الحوت، وخصوصًا لو الحاجة دي بالجمال ده. وفضل يمشي إيده على جسمها. ميرنا: ابعد إيدك عني يا حيوان، أنت فاكر لما تعمل كده إني هحبك؟ أنا بكرهك، أنا مش بطيقك، أنت إنسان مريض، عايز تتعالج؟ وأنا مش بحبك، أنا بحب مازن جوزي، ده هيجي وهيموتك يا حيوان أنت. *** عند مازن.

مازن بزعيق: محدش يقولي اهدى، مراتي مخطوفة، وانتوا تقولولي اهدى. شادي: إحنا يعتبر قربنا نوصلهم خلاص، لما عرفنا إن الولدين اللي خطفوها شغالين لصالح أمجد. وأنت فكر كده، عن طريق إيه ممكن نوصل بيه لأمجد؟ مازن: فيه واحد كنت مشغله يتجسس عليهم، هتصل بيه. اتصل بيه. مازن: ما تعرفش فين أمجد؟ المجهول: ......... مازن: طب اعرفلي، قدامك ساعة. المجهول: ......... مازن: هيرد علينا بعد ساعة. *** في بيت ياسمين.

سعاد: عملتي اللي قالك عليه برضه يا بنتي؟ ياسمين بعياط: ما قداميش حل تاني يا ماما، ما قداميش حل تاني. *** عند أمجد وميرنا. أمجد: إيه رأيك يا حبيبتي تدخلي تاخدي شاور حلو كده وتلبسي القميص ده وتيجي عشان ناكل؟ ميرنا عمالة تعيط وبتبصله بخوف. أمجد قرب منها وضربها قلم خلا بوقها يجيب دم، وقرب عليها ومسكها من شعرها. أمجد: بلاش تعصيني عشان هعمل حاجات مش هتعجبك. وسابها ومشي. *** تاني يوم عند مازن. بيتحدث مع المجهول.

مازن: يعني هو هناك دلوقتي؟ المجهول: ......... مازن: تمام. مازن خد المسدس وحطه في جيبه وقالهم: أنا عرفت مكان ميرنا. شادي: طب يالا نتحرك، وأنا هقول للقوات تيجي ورانا. إيهاب ومازن: يالا. *** في بيت ياسمين. سعاد: أنتي رايحة فين يا ياسمين؟ ياسمين: هشوف شغلي وأأكد على إيهاب إنه يبعتلي ورقة طلاقي. سعاد: مبلاش يا بنتي. ياسمين: والنبي يا ماما، أنا فيا اللي مكفيني. سلام.

سعاد في نفسها: أنا مش هقعد أتفرج عليكي يا بنتي وأنتي بتدمرى حياتك عشانا. *** عند أمجد وميرنا. أمجد فك ميرنا من الكرسي وقومها. أمجد عمال يقرب عليها وميرنا تبعد. أمجد: إيه يا سكرتي؟ ده أنتي بتاعتي أصلاً، خلاص بقيتي بتاعتي. ومسك ميرنا من وسطها وزقها على السرير وقطع أجزاء من هدومها وهو يحاول الاعتداء عليها. وصويت ميرنا وهي بتنده على مازن.

وصل مازن وشادي وإيهاب والقوات، كسروا الشقة بعد مقاومة مع الحراسة في كل العمارة. اتجه مازن للأوضة اللي فيها ميرنا، شد أمجد وفضل يضرب فيه. دخل إيهاب وشادي سلكوا وخدوه. ومازن حضن ميرنا وهي عمالة تعيط واغمى عليها. قلع التيشيرت بتاعه ولَبَّسُهولها، وشالها ووداها العربية واتجه لأقرب مستشفى. *** في المستشفى. الدكتور: هي الحمد لله كويسة، بس فيها كدمات كتير بسبب إن الاعتداء. مازن: دكتور، هو فيه سؤال عايز أسأله.

الدكتور: اتفضل. مازن: هو الاعتداء حصل ولا لأ؟ الدكتور فهم قصده: لا الحمد لله، هي مفيش فيها حاجة. مازن بارتياح: طب شكراً يا دكتور. دخل مازن للأوضة. ميرنا نايمة على السرير أثر المهدئ اللي خدته. إيهاب خارج الأوضة لقى التليفون بيرن. إيهاب: مازن أنا همشي عشان عندي مشوار. مازن: ماشي. بس اوعى تغلط وتقول لليلى على اللي حصل في الفيلا، عارفين إننا في شرم. إيهاب: ماشي. *** في فيلة الشاذلي.

منى: قلبي مقبوض على العيال أوي يا أحمد. أحمد: فيه إيه يا منى؟ ما هما في شهر العسل وبيتفسحوا، تلاقيهم نسوا التليفونات في الأوضة ولا حاجة. علي: يا أختي اقعدي. يا مازن يا ابن المحظوظة اتجوزت أنت وسايبني أنا بعد شهرين كمان، ماااااشي. أحمد: هو إيه ده ابنك اللي هيتجوز على نفسه ده؟ منى بضحك: مش عارفة واللهي. *** في المستشفى. ميرنا فاقت. ميرنا أول ما فتحت عينها فضلت تعيط.

مازن: بس يا ميرنا، اهدى، اهدى يا ميرنا، أنا مازن، اهدى يا ميرنا. وخدها في حضنه وفضل يطبطب عليها. ميرنا هديت وفضلت حضناه ونامت تاني أثر المخدر. *** ياسمين قاعدة في حديقة وعمالة تعيط، لقت التليفون بيرن. إيهاب: الو. ياسمين: الو. إيهاب: أنتي فين يا ياسمين عشان نروح نطلق؟ أنا كمان شايف إننا مينفعش لبعض. ياسمين بتكتم عياطها وبتحط إيدها على بقها: أنا ف... إيهاب: طب أنا جيلك عشان نخلص. *** ميرنا فاقت لقت مازن قاعد.

ميرنا: أنا فين؟ مازن: حبيبتي، أنتي كويسة؟ أنتي في المستشفى. ميرنا عايزة تقعد. مازن عدلها وقعدها وخدها في حضنه. ميرنا: هو اتحبس؟ مازن: آه، خلاص خلصنا منه ومبقاش فيه خوف. ميرنا ابتسمت وفضلت تعيط: كنت خايفة أوي. مازن: بس خلاص، أنا معاكي، مفيش خوف تاني، اهدى. *** وصل إيهاب عند ياسمين وخدها وراح بيها الشقة عنده. ياسمين: أنت جايبني هنا ليه؟ إيهاب: اخرسي خالص، مسمعش صوتك. وفتح الشقة ودخلها. أول ما دخلت.

ياسمين: إيه ده، أنتوا إيه اللي جابكم هنا؟