رواية كبرياء حب الفصل الثالث عشر 13 - بقلم ندى أحمد

ايهاب: طب بالراحة نزل المسدس ده. بطريق وقع منه المسدس. وايهاب ضربه ودخل البوليس. ايهاب جرى ياخد ياسمين وليلى المنهارين في حضنه. وفجأة عزت مسك المسدس وضرب بيه ايهاب في دراعه. جات عربية الإسعاف وراحوا المستشفى. كله قدام أوضة العمليات مستني. على: حبيبتي اهدى، إن شاء الله هيبقى كويس، اهدى يا ليلى. ليلى بعياط: أبويا قبل ما يكون أخويا، أنا خايفة عليه أوي. على خدها في حضنه وفضل يحاول يهدّي فيها.

ميرنا: ياسمين اهدّي، مش كده، إن شاء الله هيخرج وهيبقى كويس. ياسمين: أنا قولته في الأول: طلقني عشان متتأذيش بسببى، وها أنا السبب في أذيته. ميرنا: إيه اللي بتقوليه ده يا ياسمين؟ ده قدر يا حبيبتي، استهدي بالله كده ودعيله. خرج الدكتور من العمليات. مازن: إيه يا دكتور؟ الدكتور: لا الحمد لله، دي كانت رصاصة سطحية في دراعه، والحمد لله بقى كويس، هو يفوق بس وهننقلُه أوضة عادية، ولو عايز يخرج بكرة كمان. الكل: الحمد لله.

في أوضة ايهاب في المستشفى. الكل: حمد الله على سلامتك يا ايهاب. ياسمين عمالة تعيط، وليلى قاعدة وحاضنة أخوها وبتعيط. ايهاب: إيه يا جماعة؟ أومال لو كنت موت كنتوا هتعملوا إيه؟ بطّلوا انتوا وهي عياط. ليلى بطلت عياط، وياسمين عمالة تعيط. ايهاب: إيه يا ياسمين؟ هتفضلي تعيطي كده لحد ما أموت؟

ياسمين بعياط: ايهاب، أنا قولتك طلقني عشان متتأذيش بسببى، وها أنت كنت هتتأذي وتموت بسببى، وها هي جت سليمة الحمد لله. أنا عمي وولاده مش هيسكتوا، وأنا مش عايزك تتأذي تاني بسببى. ايهاب: أنا ملزم، إنتِ مراتي ولازم أحميكي حتى لو على روحي، مش كل واحد مراته في خطر هيطلقها. ياسمين بطّلي تفكيرك ده وبطّلي تشيلي نفسك الذنب، عشان ده قدر يا حبيبتي. ياسمين راحت حضناه: ربنا يخليك ليا. على: لحظة، سوف أبكي. أومال معاك منديل يا مازن؟

مازن: لا يا ابني واللهي... إلا هو أنا محدش بيعمل عليا كده ليه؟ على: أوعدك أول ما تاخد رصاصة كده ولا كده هتلاقينى بنعمل معاك كده. ايهاب: إيه يا خفة أنت وهو؟ مازن: خفة إيه؟ لسه خارج من العمليات وكنت مبين إيدين ربينا يا شيخ، وخارج عمال تحب وتسبل. ايهاب: يالهوي على القر. إيه يا عم؟ متحبش وتسبل في مراتك؟ ماهي جمبك أهي.

على: ايهاب حبيبي، أنت هتتشقلب وتفوق كده عشان إحنا الفرح بعد ٤ أيام، وياما وربنا لأتجوز أنا وأنت. خلّص مع نفسك. ايهاب: لا لا، إن شاء الله هيبقى كل حاجة تمام. خرج ايهاب من المستشفى، وياسمين بتغير له على الجرح كل يوم زي ما الدكتور علمها. أول مرة جت تغير له على الجرح، هي قاعدة قريبة منه عشان تعرف تغير على الجرح. ايهاب عمال يبصلها جامد أوي، وهي وشها عمال يحمر من الكسوف. وجت تقوم راح ماسكها وباسها من شفايفها.

محستش بحاجة غير بإيده اللي بتتحرج على ضهرها. راحت زقاه وقامت. ياسمين: أنت قليل الأدب على فكرة، وأنا مش هغيرلك على الجرح تاني، هخلي ليلى تغيرلك. ايهاب بضحك: ياسمين، أنا جوزك، قليل الأدب إيه بس؟ أنا معملتش حاجة. ياسمين اتعصبت وسبته ومشيت. فات يومين وايهاب بقى كويس، والبنات قرروا إن هما اللي ينزلوا يجيبوا الفساتين لوحدهم. ف صباح يوم جديد. ميرنا ومازن صحيوا وراحوا الشركة.

ميرنا قاعدة في المكتب وجالها سكرتير جديد، فبتعلمه الشغل. مازن كل ما يروح لها المكتب يلاقيه عندها. ميرنا والسكرتير في المكتب. ميرنا والسكرتير بيضحكوا. ميرنا بضحك: لا لا بجد، خلاص مش قادرة، ده أنت مصيبة. مازن دخل شاف كده، الدم ضرب في عروقه. مازن: أنت اطلع برا. السكرتير طلع. مازن راح ناحية ميرنا. مازن بعصبية: الأخ بيوزع نكت ولا حاجة؟ ميرنا: إيه ده؟ فيه إيه؟ مالك يا مازن؟ مازن: مالي؟

إنتِ إزاي تقعدي تضحكي كده مع الكائن ده؟ ميرنا: عادي، كنا بنشتغل وحصل موقف ضحكنا. مازن: ميرنا، إنتِ مراتي، واللي هيقرب منك هنسفُه، ماشي؟ ومتضحكيش تاني. ميرنا: إيه يا مازن ده؟ مازن: ميرنا، أنا مستحملش إن حد يشوف ضحكة مراتي، ماشي؟ لو شفتك ضحكتي تاني هتزعلي. ميرنا احمرت من الكسوف: ماشي. مازن باسها من خدها: شاطرة. ف فيلا الشاذلي، في جناح مازن وميرنا. ميرنا: تصبح على خير، مش قادرة، هموت وأنام.

مازن: وأنتِ من أهله، أنا كمان هدخل أنام. وميرنا لسه هتدخل الأوضة بتاعتها عشان تنام، مازن شد إيدها. مازن: الزوجة مكانها جنب جوزها. ميرنا بصت له باستغراب. راح شدها ونيمها على السرير ونام جنبها وحضنها. مازن: هتنامي هنا بعد كده جنب جوزك. يالا نامي، أنتِ هتفضلي مبحلقة كده كتير؟ صحيوا تاني يوم الصبح. أول ما مازن وميرنا نزلوا. أحمد: مازن، ميرنا، تعالولي المكتب. مازن: خير يا بابا؟ فيه إيه؟

أحمد: خلاص دلوقتي، ميرنا، إحنا مبقاش عليها خطر، وأمجد محبوس، والحمد لله. مازن: يعني إيه؟ إبراهيم: يعني خلاص يا ابني، إنتوا أصلاً متجوزين، ومفيش حد فيكم عايز التاني، فتطلقوا، وكل واحد فيكم يشوف حاله، عشان كمان أنا هاخد ميرنا وهنرجع تركيا بعد شهور العدة لما تخلص على طول.