رواية قدر اخي الفصل الحادي عشر 11 - بقلم ديدا الشهاوي

يااامن.. حلوه الفيلا دي خلاص أنا حبيتها. _علي طول كده... خلينا نشوف حاجة أحسن. _ومتشطبة. _لاا... عجبتني أوي... وأحلى حاجة فيها... إنها لسه مش متشطبة. _يعني كل حاجة هنعملها بمزاجنا... وكل حاجة هتبقى من اختيارنا. _آه كده وفرتي علينا مهندس ديكور. _بس بسرعة بقى عشان عاوز اتجوز بأقرب وقت يا بشمهندس. _نورا... بتصنع... وليه حضرتك... التشطيب هياخد وقت. وهنا يامن اقرب من نورا، ومسك إيدها وباسها. _أصلي بحب خطيبتي أوي...

ونفسي يجمعنا بيت واحد... ونخلف بنات وولاد... يملوا علينا الفيلا دي. _نورا بتصنع... حيلك يا دكتور. وهنا نورا قربت من يامن وطبعت قبلة على خده وكملت. _أوعدني يا يامن إننا عمرنا ماهنسيب بعض مهما حصل. وهنا يامن كان هيرد. نورا رفعت إيدها على شفايف يامن. _سيبني أكمل. _أوعدني... هتكون السند والحبيب والابن... أنا بحبك... لا... أنا عشقتك... أنا متيمة بيك. وهنا يامن حضن إيد نورا وقبلها بشغف.

_أوعدك حبيبتي هتكوني الحبيبة والزوجة والابنة... أنا مغرم بيكي... أوعدك عمري ما هسيبك... لأي سبب غير الموت. يااامن كان في أوضته... بيفتكر مقابلته لنورا في العيادة... وكان قلبه موجوع لحالها... وإنه السبب في اللي حصلها اللي أذاها أخوه... وكان حاسس بتأنيب الضمير... إن اللي حصلها ده ماكنش هيحصل لو ماعرفتهمش. يامن... ذكرياته مع نورا كانت محوطة تفكيره... واللي واجع قلبه...

هو أخوه وخداعه ليها واتهامه الزور إنه ممكن يتعدى على خطبته. يامن كان في سريره... رافض التعامل مع حد... من ساعة ما قابلته مع نور. وهنا باب أوضته خبط. _ممكن أدخل. _طبعًا حميد... تعالي يا حبيبي... ادخل. _عامل إيه... وأخبارك دلوقتي. _هعمل إيه يا حكيم... أنا هتجنن... حاسس إني متكتف... شايف الغدر والخيانه من أخويا... وأذيته لنورا... وساكت... مش عارف أتكلم... مش عارف أدافع عن نفسي قدام أمي... وقدام حبيبتي...

وقدام الناس كلها... أنا أدم الكل هربت... وغدرت بالكل. وهنا كانت عيون يااامن كلها دموع. _قولي يا حكيم... أعمل إيه... هقدر أسكت على حالة نورا... دي... هقدر أسكت على ظلم أخويا. _حكيم... اهدي وهنشوف هنعمل إيه... بس اللي أعرفه قدر لو عرف إنك لسه عايش... هيخلص. _يااامن... بضحكة أسى... هيخلص مني... هي موتني لثاني مرة. وهنا يامن قام... وبعصبية وبصوت مخلوط بوجع. _على أساس أنا عايش... أنا مت من زمان.

وهنا جات مكالمة لحكيم واللي كان قدر. _أيوه يا قدر. _انت فين.... الحقني يا حكيم... حصلني على المستشفى، نورا وقعت من على السلم واتنقلت في الإسعاف. _انت بتقول إيه.... نورا مالها..... طيب.... أنا جاي حالا. حكيم كان سامع المكالمة ولما سمع المكالمة واسم نورا انتبه. وهنا حكيم قفل معاه... وكمل كلامه مع ياامن. _أنا لازم أمشي... _نورا... مالها... يا حكيم. _معرفش... بيقول وقعت من على السلم. _أنا جاي معاك. _إزاي بس....

ومن غير سبب. إزاي ياامن بغضب وانهيار. _اعمل حاجة... لازم أطمن عليها يا حكيم... عشان خاطري... دي نورا يا حكيم... نورا. وهنا حكيم اتأثر من حالة ياامن. _طب يلاا.... بسرعة. في المستشفى... في عربية الإسعاف واللي كانت متجهة للمستشفى... واللي كانت نورا منقولة فيها... ومعاها قدر بعربية الإسعاف... أما عربية حكيم كانت واقفة بعيد وفيها حكيم... وياامن... وياامن في قلق... وخوف على نورا.

عربية الإسعاف وصلت ودكاترة الاستقبال كان في انتظار العربية خارج المستشفى. قدر نزل... وفي حالة خوف والمساعدين ينقلوا السرير الحامل بنورا. _براحة..... براحة..... بسرعة... دكتور. وهنا المدير... دخلوها بسرعة العمليات. وهنا حكيم هينزل من العربية. _هنزل أشوف الأخبار وأجي أطمنك. _لا هنزل معاك... مش هستحمل. _طب إزاي ياامن... قولي. _معرفش... معرفش.... اتصرف... مش هقدر. وهنا حكيم استسلم ليامن... ونزلوا الاتنين ودخلوا المستشفى.

وهنا قدر كان منتظر... بره غرفة العمليات... واستغرب لما شاف حكيم ومعه الياس أو ياامن. _حكيم... اتأخرت ليه... وهو في إيه. _بتوتر... معلش وأنا جايلك... دكتور إلياس كلمني... كان بينا معاد في المستشفى... ونسيته لما كلمتني. حكيم بعدم ارتياح لحكيم... ودكتور إلياس. _أهلاً دكتور إلياس... انت شايف الظروف هنضطر نلغي الميعاد... لظروف نورا زوجتي في العمليات. حكيم حس... ويامن... إنه قدر عاوز دكتور إلياس يمشي بإلغاء ميعاده معاه.

وهنا ياامن. _ولا يهمك المهم نطمن على مدام نورا... إن شاء الله تطلع بالسلامة. _بعدم ارتياح... قدر شكراً. الكل متوتر... ومنتظرين دكتور يطلع يطمنهم... ويامن كان في قلق... وخوف على نورا بس بيحاول... يخبي عشان قدر ما يحس ولا يكشفه. وهنا خرج دكتور أحمد... واللي جري عليه حكيم وقدر ويااامن. وهنا بدأ يستغرب قدر تصرفات دكتور إلياس. _أخبار نورا... إيه طمني.... انطق. _جالها ارتجاج في المخ...

واتخبطت في حافة تسببت في فتح جوه الجمجمة... والخبطة تسببت في تكتل دموي... ولازم نعالجها ومحتاجة للعملية. _بغضب وصوت جهور... طب مستني إيه... ولا مستني أجيب دكتور يا دكتور. هنا الدكتور أحمد... بقلق. _حاضر... بس عمليات المخ... والتعامل فيها كان من اختصاص دكتور ياامن... هو تخصصه جراحة... بمهارة. وهنا..... الكل... بص لبعضه... وحكيم حاول يتهرب من نظرات قدر... وياامن. قدر بصوت جهور. _يعني إيه لو مافيش ياامن...

المستشفى تخرب... انت اتجننت. وهنا ياامن... قطع كلام قدر. _أنا ممكن أعمل العملية. هنا قدر... معرفش ينطق... ومستغرب وجوده. وهنا حكيم حاول يفادي الموقف. _قدر... لازم نلحق نورا... خليه يعملها. وهنا خد قدر على جنب بعيد عن مدير المستشفى. ويامن. _قدر... خليه يعملها.. ده دكتور أجنبي واكيد شاطر انت عارف إنهم ممتازين. قدر كان ساكت مش عارف يقول إيه... وبص لحكيم. _هو إيه اللي مخليه معانا... حسابك معايا يا حكيم. _مش وقته...

لازم ناخد قرار.... حالا. _خليها يعملها. وهنا حكيم... جري على دكتور... إلياس ومدير المستشفى. _يلاااا. بسرعة.... اعملوا العملية. قدر واقف. وهنا يااامن... بص لمدير المستشفى. _جهز فوراً غرفة العمليات. في غرفة العمليات... كان يامن يستعد.. لتحضير واول مادخل غرفة العمليات. لبس ملابس معقمة... واللي كانت نورا على سرير الغرفة واللي كانت تحت جهاز التنفس... ومش باين... غير عيونها اللي حس ياامن... إنها مليانة دموع.

قرب منها يامن وبصوت هامس. _حبيبتي.. أنا جنبك... ومعاك.... عمري ماهسيبك... ولازم أجيب لك حقك. وهنا بدأ المساعدين يدخلوا العمليات... ومعاهم دكتور احمد مدير المستشفى... وبدأ يااامن في العملية... وعدى ساعة من الوقت. كان قدر... وحكيم منتظرين بره. _نورا وقعت إزاي ووقعة إيه اللي تخلي دماغها يجيله ارتجاج. _بتوتر... عادي... اتزحلقت. _قدر... بطل استهبال... إيه اللي حصل بينكم.

_كنا بنشد في الكلام وكانت عاوزة تمشي وهي نازلة وقعت. _بس.. ده اللي حصل... انت مفكرني عيل... لو مش مرتاحين مع بعض... سيبها. _ليه بتقول كده.. إحنا كويسين. _متأكد... شوف نورا معاك... ولما كانت مع أخوك. _بغضب.... انت عاوز إيه.. تعصبني وخلاص. وهنا غرفة العمليات انفتحت... وخرج يامن ودكتور احمد.. والمساعدين. يامن. _لقدر وحكيم... حمد لله على سلامتها.... نص ساعة وهتكون في غرفتها... عن إذنكم. وهنا يامن دخل غرفة الدكاترة...

وهو بيغير هدومه... لاقي دكتور دخل عليه. _دكتور إلياس... عملية مبهره... صوابعك كانها صوابع عازف... مهارتك.. بتفكرني بدكتور يامن. _اشكرك... اشكرك. عند قدر وحكيم. _عملية مبهره... بصراحة فكرتني بعمليات دكتور ياامن لما كنت بدخل معاه. _حكيم بتوتر... الحمد لله.... عدت. _عايزين نطمن على نورا. _هتفوء إمتى.... _نص ساعة بالكتير. في غرفة نورا بعد ما تم نقلها من العمليات والكل منتظر عشان يطمن عليها. قدر... وحكيم وياامن...

ودكتور احمد. وهنا نورا بدأت تفوء وبدأت تتكلم. _يااامن..... ياااامن. قرب الدكتور احمد. _حمد لله على سلامتك مدام نورا... _آه... دماغي..... صداع... أنا حصلي إيه. وهنا قرب قدر من نورا. _حمدا لله على سلامتك حبيبتي. وهنا نورا بدأت تنتبه... وأول ما شافت قدر..... بدأت في حالة هياج وصريخ. _ابعدوه...... ابعدوه.... عني..... ابعدوه... لااااااا عاوزه أمووووت... ياااامن..... الحقني.