رواية قدري الفصل الخامس 5 - بقلم رقة فراشه

سليـم بصوت عالي خلا كل الموجودين يتنفضوا من أماكنهم: وقفسيف بعد إيده عنها وبصله: نعم ومين حضرتك؟ سليـم بص لـِ ملك بصة غضب شديد وبصوت جهوري: عرفيهم. ملك بخوف: آآآه دا.. دا خط.. خطيبي. سليـم وهو يغادر المكان: ورايا. خرجت ملك وهي في كمية التوتر والخوف والعصبية. *** زينب بقلق: أنا خايفة على سليـم جداً يا ياسمين. ياسمين بهدوء: متقلقيش يا خالتي إن شاء الله يرجع بالسلامة.

زينب: يارب يا حبيبتي، بس أنا عندي إحساس كبير إن عصبية كلها بسبب ملك. ياسمين باستغراب: ليه بتقولي كده؟ زينب: أنا كتير قلت لسليـم إن الخطوبة دي أنا مش مرتاحة لها، ولكن هو بيحبها وكان مصمم. وزي ما انتِ شفتي طلع من الفيلا وهو متضايق جداً وكان بيسوق بطريقة مجنونة. ياسمين: يا خالتي ممكن يكون حاجة في الشغل، انتِ متقلقيش. زينب: يارب. ياسمين: أنا هقوم أعملك حاجة تاكليها، ده وقت أكلك. زينب برفض: لا يا ياسمين، ماليش نفس.

ياسمين بابتسامة: يا حبيبتي تفائلي خيراً تجديه، وإن شاء الله السبب اللي مخلي سليم يتعصب كده يتحل، بس انتِ دلوقتي لازم تاكلي. أنا هروح أعملك حاجة خفيفة وأجي. (وسابتها ومشيت) *** ملك بعصبية: أنت إيه اللي عملته يا سليم؟ أنت كسفتني قدام أصحابي. سليم باستغراب: كسفتك؟ ملك بعصبية: آه، كسفتني. ده زميلي أوكي. سليم بعصبية وصوت جهوري: مفيش حاجة اسمها زميلك يا ملك. زميلك يمسك إيديكي؟ وبعدين أنا 100 مرة أقولك المكان ده مترحيش فيه.

ملك بعصبية: لا هروح يا سليم، ودي حاجة متخصكش. سليم بصدمة: انتِ عارفة بتقولي إيه؟ ملك بنرفزة: أنت السبب يا سليم في كل اللي إحنا فيه. أنت إمتى هتفهم إن ليا مكاني وقيمتي؟ أنا بنت صاحب شركات الأوسط يا سليم، ولازم علاقتي تبقى ممتازة مابين أصحابي إذا كانوا ولاد أو بنات. سليم بهدوء وراه بركان: إممم قصدك إيه؟ ملك: قصدي آه، أنا بحبك وانت كذلك، وإحنا مخطوبين. ولكن إنك تتحكم فيا بالشكل ده أنا مش هقبل.

سليم بعصبية: افهمي يا ملك، أنا عاوز مصلحتك وبس. عاوز شريكت حياتي تكون شبهي يا ملك. انتِ ليه بتاخدي المواضيع إن أنا بتحكم فيكي؟ ليه بتحسبيها كده؟ ليه متحسبهاش إن بس عاوز نكون أنا وانتِ شبه بعض في كل حاجة؟ عاوزك بدل ما انتِ دايمًا بتظهري جمالك لأي حد، تغطيه وتظهريه ليا أنا بس. ملك: ده مش هيحصل يا سليم، أنا كده ومش هتغير. سليم وهو بيبص على الطريق: يبقى مش هينفع نكمل مع بعض يا ملك. ملك بصدمة وصوت عالي: أنت بتقول إيه؟

سليم وهو مكمل سواقة: ده اللي عندي. يا إما تختاريني يا ملك، يا إما تختاري أصحابك ولبسك ومتعتك. ملك: سليم، بطل الكلام ده، انت عارف أنا مستحيل أبعد عنك. سليم: ولكن لو فضلتِ زي ما انتِ، هضطر أعمل كده. ملك: سليم، بس دي حيات... قاطعها سليم: فكري براحتك يا ملك. *** ياسمين: بالهنا والشفاء يارب. زينب: تسلم إيدك يا حبيبتي. ياسمين بابتسامة: سلمك الله من كل سوء. زينب: أنا قلقانة على سليم يا ياسمين.

ياسمين بابتسامة: طيب رني عليه تاني، يمكن فتح موبايله. ومسكت زينب لتدق على ابنها، ولكن أوقفها صوت... يتبع...