رواية قدري الفصل الرابع 4 - بقلم رقة فراشه

سليم: ياسمين أنا بفكر أجيب داده تساعد أمي، إيه رأيك؟ ياسمين: إممم، فكرة كويسة. سليم: طيب، ممكن تحاولي تقنعيها؟ ياسمين: حاضر. (وسبته ومشيت) في الصالون سليم: حمد لله على سلامتك يا قلبي. زينب: الله يسلمك يا حبيبي. سليم: عاملة إيه دلوقتي يا ماما؟ زينب: الحمد لله يا حبيبي، كويسة. سليم: ماما، أنتِ من دلوقتي محتاجة تهتمي بأكلك وتعملي روتين صحي لأكلك عشان متتعبيش أكتر. زينب: حاضر يا سليم، متقلقش يا حبيبي، ههتم بأكلي.

سليم: وفي حاجة كمان. زينب: هي إيه؟ سليم بص لياسمين بمعنى: اتكلمي. ياسمين: أنتِ كمان يا حبيبة قلبي محتاجة متضغطييش نفسك. زينب: قصدكم إيه؟ ياسمين: قصدنا نجيب داده تهتم بشغل البيت. زينب: لا يا ياسمين، أنا بقيت كويسة وأنا تعبت شوية يعني مش محتاجة ده كله. ياسمين: فعلاً أنتِ كويسة، بس لو أنتِ مرنتيش عليا ولحقتيني في الوقت المناسب كان هيحصل أضعاف كتير لا قدر الله.

زينب: بس يا حبيبتي أنا كويسة دلوقتي ولو احتجت حد يساعدني هقول لسليم يجيب داده. ياسمين: يا حبيبتي الدادة هتهتم بشغل البيت وكمان هتونسك لما أنا وسليم نكون في الشغل بدل ما بتكون قاعدة لوحدك. زينب: بس يا ياسمين... ياسمين: أنا وسليم أغلب الوقت في الشغل وأنتِ بتكون قاعدة لوحدك، ولكن الدادة هتونسك يا حبيبتي. زينب: حاضر. سليم: موافقة. زينب: أها، موافقة. سليم بص لياسمين: شكراً بجد يا ياسمين. ياسمين: لا شكر على واجب.

سوزان: شوفتي أنا قلت لك مش هيجي ولا حتى يعبرك. ملك: كفاية بقى يا مامي. سوزان: إنتِ إمتى هتفهمي، أنا عاوزة مصلحتك وبس. ملك: وأنا مصلحتي سليم يا ماما. سوزان: لا يا ملك، بيتهيأ لك. ده سليم مش مصلحتك. ملك: مامي، ممكن حضرتك تفهمي إن أنا بحب سليم ومستحيل أبعد عنه. سوزان: هفضل أقولها يا ملك لغاية ما تتأكدي إن سليم مستحيل يكون مناسب ليكي. ملك: مامي، أنا بجد تعبت من الجدال، ممكن كفاية.

سوزان: مع سليم مش هتعيشي حياتك يا ملك. من ساعة الخطوبة أنتم مش بتخرجوا وكل يوم تتخانقوا بسبب لبسك، والنهاردة طلع بحجة إن مامته تعبانة. أنا عاوزة مصلحتك يا ملك، عاوزاكي تعيشي حياتك وتستمتعي بيها. كل أصحابي بناتهم كل يوم في مكان شكل وخروجة غير يا ملك. ملك سكتت وفضلت تدور حديث أمها. ملك: صح يا مامي، أنا المفروض أعيش حياتي. سوزان: طيب، أول خطوة لازم تعمليها تمنعي سليم منعاً باتاً إن يتحكم فيكي وفي لبسك.

ملك: إممم، صح. وبعدين؟ سوزان: قومي اخرجي مع أصحابك، فرفشي على نفسك. ملك: فعلاً. (وقامت حضنت أمها ومشيت) سليم: طيب، أنا دلوقتي أجيب منين الدادة دي؟ زينب: من المجلس. سليم: أنا بتكلم بجد، منين أجيبها دي؟ ياسمين: أنا هجيبها. سليم: مين هي؟ ياسمين: جت النهاردة الصيدلية وابنها كان تعبان، وباين عليها ست كويسة وطيبة. سليم: إزاي هتتواصلي بيها؟ ياسمين: متقلقش، أنا إن شاء الله هقدر أتوصل لها. سليم: تمام. في مكان شبه الديسكو

ملك: هاي يا شباب، عاملين إيه؟ صديق: فل يا لوكا، وأنتِ أخبارك إيه؟ ملك: تمام يا روحي. صديق: صحيح، ليه بطلتي تيجي؟ ملك: معايا شغل كتير في الشركة. صديقة: في ولد مز قوي قوي يا لوكا بقى. ملك: وأنا مالي؟ صديقة: هههه، يا بت انتِ هبلة، بقولك جامد أوي. صديق: طيب، اسكتوا عشان شكل عربيتهم وصلت. صديقة: بجد والله.

صديق: شدخل هذا الشاب والعيون كلها عليه. حتى ملك كانت تتمنى سليم يلبس مثله. كان يرتدي بنطلون مقطع وتيشيرت ربع كم، ويكون مثله، ولكن سليم يختلف عنه بـ 360 درجة. صديقة: هههه، المخطوبة سرحت. صديقة: أصلًا صحيح يا لوكا، إيه أخبار خطيبك ده؟ ملك: تمام. صديقة: تمام إيه بس، أنتِ من ساعة ما دخلتي ما ضحكتيش حتى. صديق: هههه، صحيح، معاكِ حق. صديقة: بصراحة، نفسي أعرف إزاي ملك حسن الهميمي تنخطب لشخص كئيب كده. ملك: بطلوا رغي بقى.

صديق: أنتم مش ملاحظين أنا الولد ده من ساعة ما دخل هياكل ملك. شاب: أنا؟ صديقة: حظك يا عم. ملك: أنا مخطوبة وبحب خطيبي، انتِ اتجننتي. صديقة: اتنيلي يا شيخة، بلا حب بلا نيلة. صديق: الولد جاي ناحيتنا. تقدم هذا الشاب وهو يبتسم لملك بخبث. الشاب: أهلاً يا شباب. وبص إلى ملك وكمل: ممكن نقعد مع بعض شوية؟ ملك كانت هترفض، ولكن صديقتها همست لها. صديقة: روحي يا ملك، عادي ابقي أصحاب، عيشي حياتك. افتكرت ملك كلام مامتها. ملك: أوكي.

مد يده ليمسكها، ولكن فجأة قطعه صوت مثل الرعد والبرق. ....... : وقف.