رواية قدري الفصل العشرون 20 - بقلم حبيبه عيد

عند حبيبة كانت بتاخد المحاضرة وهي مش مركزة خالص لحد ما بيخلص وقت المحاضرة. حبيبة بتخرج بس فجأة دوخت جامد وكانت هتقع بس حسّت بحد سندها. "انتي كويسة يا آنسة؟ حبيبة بتعب: "أيوا أنا كويسة، شكراً. بعد إذنك." حبيبة سابته ومشيت وهو كان نظره عليها لحد ما بعدت عن نظره. "= أي يا يوسف مالك متنح كده ليه وبتبص على إيه؟ يوسف: "هااا مفيش." "في أي يا أحمد." أحمد بخبث: "مفيش إزاي، أمال مين الصاروخ اللي كنت ساندها دي؟

يوسف: "أحمد احترم نفسك." أحمد: "لا لا دا إحنا بقينا بنغير وكمان من أول نظرة." قالها وهو بيغمز. يوسف: "أنا ماشي وسيبك." وبيمشي. أحمد: "يوسف يا يوسف خد بس يا عم هقولك... (يوسف الحديدي: 25 سنة، معيد بكلية الهندسة، طويل وعينه لونها بني، وبشرته قمحية شوية وشعره بني) وأحمد دا يبقى صاحبه. عند حبيبة في الكافتيريا بتاعت الجامعة. حبيبة بتعب: "لو سمحت ممكن كوباية قهوة." الويتر: "حاضر يا فندم."

فجأة لقت حد قعد على نفس الطاولة اللي حبيبة قاعدة عليها. "القهوة غلط على البيبي." حبيبة بصدمة وزعيق: "انتي بتعملي إيه هنا؟ إيه اللي جابك؟ "اهدي بس واسمعيني، أنا بصراحة جاية أعتذر منك وموفقة على أي حاجة تقوليها انتي وعمر." حبيبة هدّت شوية. حبيبة: "تمام، تقدري تتفضلي يا ياسمين." ياسمين: "يعني خلاص سامحتيني؟ مش زعلانة مني؟ حبيبة بجمود: "آه هي."

ياسمين بدموع ومسكت إيدها: "أنا والله كنت بحب عمر من واحنا أطفال صغيرين وفجأة لقيت حد بياخده مني، فغصب عني الشيطان لعب في دماغي وأنا بجد ندمانة على اللي عملته. هاخد ماما ونشوف أي شقة ونقعد فيها." حبيبة بطيبة: "لأ، تقدري تقعدوا زي ما انتوا عايزين في الفيلا." ياسمين راحت حضنتها: "بجد شكراً، أنا مش عارفة أقولك إيه، أنا بجد بعتذر على أي تصرف مش كويس حصل مني." حبيبة: "تمام، حصل خير." ياسمين: "يعني خلاص سامحتيني؟

حبيبة بطيبة: "آه خلاص، مفيش حاجة." ياسمين بفرحة: "يبقى خلاص بقي تيجي نشرب عصير بدل القهوة بتاعتك دي." حبيبة بابتسامة: "تمام، تعالي." عند عمر في الشركة. عمر بتفكير: "طب أعمل إيه بس أصلحها بيه؟ بس جتلي فكرة بس هعرف منين؟ عمر بياخد الفون وبيكلم بسمة. عمر بجدية: "تعاليلي حالا." بسمة: "في إيه بس أنا... (لسه مكملتش كلام وعمر قفل في وشها) بسمة وهي بتكلم نفسها: "استر يا رب." بسمة راحت لعمر المكتب. بسمة: "خير، في إيه؟

عمر: "تعالي اقعدي." بسمة قعدت: "قعدت أهو، في إيه؟ قلقتيني." عمر: "إيه أكتر مكان حبيبة بتحبه؟ أو بلاش، إيه أكتر مكان حبيبة عايزة تروحه؟ بسمة: "آه، انت عايز تصالح حبيبة." عمر: "بالظبط كده." بسمة بتفكير: "تمام، بس بشرط." عمر: "يادي النيلة، شرط إيه كمان؟ بسمة: "شرط صغيور مش كبير." عمر بنفاذ صبر: "إيه هوا الزفت؟ بسمة بضحك: "خلاص خلاص، متتعصبش." "عايزة شوكولاتة كتير."

عمر: "حاضر، هجبلك كتير. إيه هوا بقي المكان اللي حبيبة عايزة تروحه؟ بسمة: "إسكندرية، ونفسها تشوف البحر اللي فيها." (بصراحة أنا اللي عايزة كده 😂🙃) عمر: "اممم، تمام. يلا اطلعي بره." بسمة: "نعم؟ بتكلمني أنا؟ عمر: "أمال بكلم خيالك؟ بسمة بصتله بقرف ومشيت. عمر: "يااااااه يا حبيبة، بس كده، عنيا ليكي يا حبي." في مكان تاني. أول مرة يوسف وهوا داخل البيت. "السلام عليكم." الجميع: "وعليكم السلام." إلهام (أم يوسف)

: "تعالي يا حبيبي." يوسف راح قعد جنبها. يوسف: "نعم يا ست الكل، عايزة تقولي إيه؟ إلهام بضحك: "وانت عارف إني عايزة أقول حاجة منين بقي؟ يوسف بغرور: "عيب عليكي، دا أنا سيف." إلهام: "طيب، معاك حق. أنا عايزة أقولك على حاجة." يوسف: "إيه هي بقي؟ إلهام: "عايزاك تفرح قلبي بيك وأشوف أولادك قبل ما أموت." يوسف: "بعد الشر عليكي يا ماما." ثم أكمل بتفكير وهو بيفتكر حبيبة: "بس قريب أوي إني أفرحك يا ست الكل."

إلهام: "ربنا يخليك ليا يا حبيبي." يوسف حضنها وهو بيفتكر حبيبة. يوسف بتنهيدة: "آه، ادعيلي يا ماما." إلهام: "ربنا يعطيك اللي نفسك فيه وبتتمناه." يوسف: "يارب يا أمي." عند حبيبة في الجامعة. حبيبة: "أنا لسه ورايا محاضرة، لو هتتأخري امشي انتي." ياسمين: "ماشي يا حبيبتي، سلام." حبيبة راحت محاضرته.

مر عليهم حوالي أسبوع، والمعاملة مع حبيبة وعمر تكاد تكون معدومة، وياسمين قربت من حبيبة. ويوسف اعترف لنفسه أنه بيحب حبيبة من أول يوم شافها وبقى تايه في عيونها اللي شبه لون البحر وبيفكر فيها كتير. في يوم جديد مليء بالأحداث. حبيبة لبست أدناء لافندر وعليه خمار أبيض، كانت قمر أوي. حبيبة وهي واقفة قدام المراية وبتحسس على بطنها اللي بدأت تكبر شوية. حبيبة بدموع: "باباك لسه ما يعرفش إنك موجود، ينفع كده؟ خدت كتبها ونزلت.

حبيبة: "صباح الخير." الجميع: "صباح النور." فريدة: "تعالي يا حبيبتي افطري." حبيبة: "معلش يا ماما أنا هروح الجامعة عشان متأخرش على المحاضرة." فريدة: "ماشي يا حبيبتي." ياسمين: "هوا ممكن آجي معاكي يا حبيبة؟ حبيبة: "تمام، تعالي، أنا أصلاً ماليش غير محاضرة واحدة." ياسمين: "تمام، يلا." فريدة: "بالسلامة يا حبايبي." حبيبة وصلت الجامعة تحت عيون بترقبها (أكيد عرفتوا مين الواد يوسف العاشق الولهان 😂) وربما عيون أخرى 👀.

حبيبة: "طيب، أنا هدخل المحاضرة، تحبي تيجي تقعدي؟ ياسمين: "لأ، أنا بصراحة مش بحب محاضرات الهندسة دي، بحسها كئيبة." حبيبة بضحك: "خلاص، براحتك. أنا هدخل قبل ما الدكتور يجي." ياسمين: "تمام." حبيبة دخلت المحاضرة، وياسمين قعدت تتمشى في الجامعة. في مكان تاني. أحمد: "في إيه يا عم؟ مالك كده؟ يوسف: "في إيه؟ أنا كويس أهو." أحمد وهو بيضيق عينه: "بصراحة مش شايف كده. انت بتحب؟ يوسف بفرحة: "بجد؟ طب وما قولتلهاشي؟ يوسف: "لأ."

أحمد: "لأ ليه؟ يوسف: "هي مش شافتني خالص إلا مرة واحدة." أحمد: "طب اسمها إيه؟ يوسف: "حبيبة مراد." أحمد: "طب ما تروح تقولها، هي صعبة يعني؟ يوسف: "البنت في حالها دايماً وملهاش اختلاط بحد خالص. أنا بتمنى إنها تكون ليا." "= واللي يخليها تكون ليك مقابل حاجة صغيرة؟ يوسف: "نعم؟؟؟ عند حبيبة. خلصت المحاضرة وطلعت، كانت بتدور على ياسمين بس ملقتهاش. فجأة سمعت صوت من وراها بيندلها. "$لو سمحتي... حبيبة بتلتف: "نعم، حضر...

فجأة ضربها برأسيه في رأسها وفقدت الوعي.