رواية قدري الفصل الثاني والعشرون 22 - بقلم حبيبه عيد

سليم. كنت عايز أحدد معاد الفرح أنا والبت بسمة أختك. عمر. مش موافق. سليم. ننننننننعممممم. عمر. بس يلا وطي صوتك يا حيوان ودني. سليم. أنا عايز أحدد المعاد على طول. عمر. ما تهدي على نفسك شوية. سليم. طبعاً ما الباشا متجوز هنقول إيه بقى. عمر. لما أرجع أبقى أحدد المعاد. وقفل في وشه. سليم بذهول. ده قفل. أكيد قاعد هو والمدام بيهيصوا وإحنا هنا طالع عنينا.

فريدة بضحك. معلش يا حبيبي كلها يوم ولا يومين ويجي. واعملوا الفرح براحتكم. سليم بص لبسمة. ينفع اللي أخوكي بيعمله فينا ده؟ بسمة ضحكت وسكتت. سليم. اضحكي يا أختي اضحكي متكتمهاش. بسمة ضحكت جامد عليه. عند حبيبة وعمر. عمر وهوا حاضن حبيبة وبيلعب في شعرها. صباح الخير يا حبي. حبيبة ببسمة. صباح النور يا حبيبي. هقوم أحضر الفطار. عمر وهوا بيقوم ويشيلها. تعالي نعمله مع بعض. حبيبة بابتسامة. أشطا يلا. عمر. بتقولي إيه؟

حبيبة ببراءة. أشطا. عمر ضحك بصوت عالي. يالهوي على أشطا بتاعتك يا قمر. حبيبة ضحكت بكسوف وهي حاطة راسها في رقبته. عمر حطها على الرخامة وقعد يعمل الفطار. حبيبة وهي حاطة أيديها على بطنها. حبيبة. عمرر. عمر. نعم يا قلب عمري. حبيبة. مالك عايز فراورة. سوري يا جماعة اللدغة دي عندي أنا بس مش مهم بقى. عمر كان بيقطع طماطم. بطل تقطيع وبصلها. اسمها إيه يا حبيبتي؟ حبيبة. فراورة. عمر بصلها شوية. بعيداً عن فراورة بتاعتك دي مين مالك؟

حبيبة وهي بتشاور على نفسها. ابني. عمر. ابنك؟ حبيبة وهي بتشاور على عمر. ابنك إنت كمان. عمر. لا إله إلا الله. بدأت هرمونات الحمل تظهر. حبيبة بقمصة. بقي كده يا عمر مش عاوز حاجة خلاص. عمر. لأ يا روحي مقدرش. بصي افطري وأنا هنزل أجيب لك الفراولة اللي عايزاها. حبيبة وهي بتحضنه. ربنا يخليك ليا يا حبيبي. عمر حط الفطار وهوا وحبيبة قاعدين يفطروا. حبيبة. عمر أنا عايزة أنزل البحر. مش هينفع نيجي إسكندرية ومش أنزل البحر. عمر. كحكح.

حبيبة بخضة وهي بتناوله مية. في إيه مالك؟ عمر. هتنزلي كده. حبيبة. كده إزاي مش فاهمة. عمر. يعني هتنزلي بالبطيخة دي. حبيبة زعلت وقامت دخلت وقفت الباب. عمر. حبيبة. يا حبيبة. طب افتحي طيب. حبيبة قعدت تعيط جوا الأوضة. عمر كان سامع صوت عياطها وكان بيلعن نفسه ميت مرة على اللي عمله. بعد شوية سمعت صوت قفل الباب فخرجت. حبيبة بدموع. بقي كده يا عمر أنا بقيت بطيخة. ماشي أنا هوريك البطيخة.

حبيبة دخلت جابت من الدولاب دريس لونه أحمر شفاف من عند الذراع وطويل وواسع من تحت كان شكله يجنن عليها. لبسته وراح وقفت قدام المرايا وحطت ميكب خفيف وحطت روج أحمر وفردت شعرها الطويل وحطت توكة لونها أحمر. كانت حرفياً قمر كأنها ملاك نازل. وبرغم بطنها اللي بارزة إلا أنها كان شكلها جميل أوي. حبيبة. ما إحنا قمرات أهو. إيه المشكلة بقى. ماشي يا عمر يا ابن فريدة. حبيبة دخلت عملت نسكافيه وجابت كتاب وقعدت في البلكونة تقرأ فيه.

حبيبة وهي مندمجة في الكتاب مسمعتش صوت فتح الباب ودخول عمر. عمر كان متنح لما شافها. حبيبة ببرود. اقفل بؤق عشان الدبان يا عسل. عمر فاق على كلمها. إيه الجمال ده. هوا إنتي بجد كده؟ حبيبة ببرود. متنساش البطيخة يا خويا. عمر. أخوكي إيه بس. خدي. يا ستي حقك عليا. حبيبة. لأ أنا زعلانة. عمر وهوا بيبوسها من خدها. وأنا مقدرش أزعل حبي. حبيبة بدموع. طب ما إنت زعلتها. عمر وهوا باصص لعيونها. هي عينك دي بجد ولا لينسيز؟

حبيبة. لأ عيني الحقيقة. عمر. سبحان الله تبارك الخالق. طب معلش سؤال كمان هي خضراء ولا زرقة؟ حبيبة. فيروزي. خضرة وزرقة الاتنين مع بعض. عمر. إنتي جميلة أوي يا حبي. حبيبة بدموع. و بطيخة صح؟ عمر بضحك. خلاص بقى ميبقاش قلبك أسود. حبيبة. أنا اللي قلبي أسود. عمر. خلاص يا ستي أنا اللي قلبي أسود. تعالي شوفي جبتلك إيه. حبيبة. إيه؟ عمر. طلع فراولة ودريس وطرحة كبيرة مش خمار. حبيبة بإنبهار. الله جميل أوي. عمر. وهيبقى عليكي أجمل.

حبيبة قعدت تاكل فراولة لحد ما بهدلت نفسها بس كان شكلها جميل وطفولي أوي. عمر قعد يصورها صور كتيرة. حبيبة بتنهيدة وهي بتحط أيديها على بطنها. آه خلاص أنا كلت. عمر. طب يلا ادخلي غيري عشان ننزل. حبيبة بنعاس. لأ أنا عايزة أنام. عمر. طيب. واخدها حطها على السرير ونامت وهو قعد يخلص شغله. الحياة كانت حلوة بين حبيبة وعمر وحبيبة بقت في الشهر الخامس. ويومها نزلوا من إسكندرية للقاهرة. حبيبة بصوت عالي. يا أهل البيت اللي هنااااا.

الكل خرج لما سمع صوته. بسمة. راحت حضنتها. عاملة إيه يا حبيبتي وإخبار البيبي؟ حبيبة. كويسين والله يا قلبي. فريدة من وراها. أوعي يا بت أما أشوف مرات ابني. فريدة بدموع. إيه ده دا إنتي حامل. حبيبة بدموع وهي بتحضنها. مكنتيش هنا لما عرفت إني حامل والله يا ماما ومعرفتش أقولك. فريدة بطيبة. حصل خير يا حبيبتي تعالي ارتاحي. حبيبة دخلت لقت كله العيلة جوا. حتى هبة مامتها وأخوها محمد وأمل صحبتها وسليم ابن خالتها.

حبيبة بضحك. مجمعين عند النبي إنشاء الله. سليم بسرعة. أمال فين عمر؟ حبيبة بقرف. اهدي يا خويا هنجوزك البت متقلقش. سليم بأحراج. هوا لدرجة دي أنا مكشوف؟ حبيبة. أوووي بصراحة. الجميع ضحك عليه. حبيبة سلمت على مامتها وأخوها وقعدوا يتريقوا شوية على حبيبهم. محمد. نونو حامل في نونو. أمل. هتبقي هي والنونو في طول بعض. حبيبة بصت لهم ببرود. حبيبة. بقولك يا حماتي. فريدة. قولي يا حبيبتي. حبيبة. أنا عايزة آكل عشان ابنك وأكل أكلي.

فريدة. بجد حالا يا حبيبتي أجيب لك اللي إنتي عايزاه. حبيبة. عايزة جبنة قديمة مش يعني. فريدة ضحكت. بس كده من عنيا. فريدة. سعاد يا سعاد. سعاد. نعم يا هانم. حبيبة. إزيك يا بت يا سعاد عاملة إيه؟ سعاد. الحمد لله يا حبيبة. ألف مبروك على الحمل. حبيبة بطيبة. الله يبارك فيكي يا حبيبتي. فريدة. جهزي الغدا وهاتي طبق جبنة قديمة معاكي. سعاد. من عنيا يا هانم. فريدة. طيب يا حبيبتي روحي.

الجميع قعد يهزر مع بعض وعمر دخل عليهم وحددوا معاد الفرح. عمر. مش بدري شوية المعاد ده؟ سليم. بدري إيه دا لسه يومين على الفرح. عمر. يابني اهدا على نفسك شوية في إيه. هوا إيه هيصة وخلاص. لسه في حاجات قد كده. سليم. حاجات إيه القاعة جاهزة والهدوم جات وكل حاجة جاهزة. عمر. ااااااه يعني كل حاجة مترتبلها. سليم. بالظبط كده. عمر. طيب على بركة الله. يوم الفرح. حبيبة بزهق. عمر اقفلي السستة بتاعت الفستان. عمر. حاضر تعالي.

حبيبة بدموع. هوا أنا تخنت يا عمر؟ عمر وهوا بيبص على خدودها اللي احمرت. ابدا يا حبيبتي والله إنتي بقيتي أجمل وشكلك عسل. ويسهل من خدها. حبيبة. طيب يلا عشان إحنا دايماً كده آخر ناس. عمر. مين قال كده. يالا. حبيبة. مسكت إيد عمر ونزلوا هما الاتنين. كانوا قمرات. عمر كان واقف هوا وحبيبة وحبيبة كل ما تروح ترقص عمر يشدها جنبه. عمر وهوا بيهمس لحبيبة. اهدي شوية لتولدي هنا وبطلي رقص اللي هحسبك عليه لما نطلع بعد ما الهيصة دي تخلص.

حبيبة بصتله بخوف. وعمر ابتسم لها. بعد شوية عمر ساب حبيبة مع الستات وهوا راح وقف مع الرجالة. عند حبيبة. يخربيت الملل. إزيك يا آنسة حبيبة. حبيبة التفت له دكتور يوسف. يوسف بصدمة أول ما شافها. إنتي متجوزة؟