تحميل رواية «قدري المر» PDF
بقلم سارة فتحي
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
جميعًا نولد بصفحات بيضاء، ونتذبذب بينهنا وهناك، وتبقى النفس هي العدو الأول لك، فالنفس أمارة بالسوء فعليك أن تجاهدها وتروضها على الثبات بأن تلجمها دائمًا حتى لا تقع في غياهب المعاصي والشهوات والمنكرات، فتصبح حينها مسخًا مشوهًا بسير على خطى الشيطان، فالنفس دائمًا تزهو بما تروي وبما يجود الساقي. *** حل الليل وسط ترتيبات حفل الحناء لتصنع أجمل صورة تسُر الناظرين أمام بيت آل رشوان. كانت تجلس بجوار حماتها تستقبل الضيوف بملامح هادئة، أو بالأحرى جامدة، هي لا تبالي لنظراتهم أو تعليقاتهم. كأنها في عالم آخر...
رواية قدري المر الفصل الحادي عشر 11 - بقلم سارة فتحي
حين تنصدم بقسوة الأقربين إليك، تحتاج لوقت طويل لتستوعب بشاعة الوجه الذي تقاسمت معه الذكريات. لتتغير أنت لتصبح فقط رد فعل، وتتمنى لو يصبح القلب فارغًا لترتاح قليلًا ويهدأ ما بداخلك كي تتفادى الكثير والكثير من العذاب.
كان يبذل قصارى جهده محاولًا النوم ليذهب لعالم لا يوجد به اشتياق أو وجع، لا يوجد به ظلم أو خذلان. ما عاد يثق بأحد، نعم لا يثق بأحد سواها فالروح تطمئن في وجودها وتألفها، وكأنها رفيقة عمر. لا يعلم كيف انقلب حاله هكذا في ليلة وضحاها. روان قلبت حياته، جعلته يفكر بها. انتشلته من كل العالم ليكون لها وحدها. تجذبه إليها ببراءتها، أما النمش الذي بوجهها فأه منه، وكأن نجوم تضيء بعد سنوات من ظلام كئيب.
أغمض عينيه وهو يتذكر أول قبلة بينهما وكم كانت ناعمة. بين يديه ويتذكر أيضًا كلامه الجارح. يتلوى بين سرايا الأوجاع.
نهض من مكانه فقد جافاه النوم. ذهب إلى مكانه المعتاد، فوجد خاله. فتقدم نحوه يجلس بجواره في صمت.
بعد مدة حدثه خاله:
- مبروك يا مروان يتربى في عزك يا ابني.
مال بجذعه للأمام يبكي بحرقة وهو يغطي وجهه براحته هاتفا:
- نار في قلبي يا خال، نار من كل ناحية نار. ريان كان ابني، مش بس أخويا الصغير. موته كان غدر في يوم فرحه. بدلته لسه في دولابي يا خال. جبته بإيدي. ذنبه إيه ابنه يتولد من غير أب؟
ربت خاله على كتفاه هاتفا بحزن:
- قضاء ربنا يا ابني مش هنعترض عليه، مالناش يد فيه. ندعيله بالرحمة. أما مروان، انت أبوه يا مروان.
وضع يده على قلبه هاتفًا بحرقة:
- مروان انتهى يا خال. مروان اللي عمره ما ظلم بني آدم في حياته. ظلم البني آدمة الوحيدة اللي قلبي مال ليها يا خال. أنا تعبان قوي. أنا عايزها تسامحني.
- ما أنا قولتلك من الأول يا مروان خلي بالك.
- طب والله كان غصب عني. أنا كان نيتي كلها الستر. ليه بس لما ابتديت غصب عني أتشد ليها بقيت حاسس إني عايز أصرخ فيها. أحاسبها. ليه فرطت في نفسها. ليه ما صنتش نفسها للحلال. قلبي كنت ببقى مدبوح. لما كانت تكلم راجل تاني كنت بموت وأنا مش قادر أعبر عن اللي جوايا. قولي أعمل إيه.
ضحك خاله هاتفا:
- يعني تفضل رافض الجواز كدا ولما تحب تتدهول كدا. ربك يا مروان لو أراد هيألف القلوب. ادعي وقول يارب. فين مروان الصغير؟
- يارب يا خال يارب. مروان عندها وديته ليها. هي الوحيدة اللي هتعرف تهتم بيه. أمي تعبانة ومش هتقدر عليه.
قهقه خاله وهو يقول بخبث:
- طلعت مش سهل يا مروان بردوا. واخد العيل ليه تعلقها بيه؟
- كل شيء في الحب مباح. وأنا طالب الحلال لعل قلبها يحن عليا.
******
بعد مرور أسبوع. كان يقف أمام باب بيتها. يشرف بنفسه على الذبح. فتحت باب البيت وولجت مندفعة هامسة من بين أسنانها:
- أنت إيه اللي بتعمله دا؟! وبعدين أنت معندكش دم؟ أنت جيت سيبت ابن أخوك هنا ومشيت. أنت مش طبيعي صح؟
- ابن أخويا معاكي في أمان وفي إيد أمينة. ومش هلاقي أكتر منك آمنه على لحمي ودمي يا روان.
رغمًا عنها كلماته تدغدغ روحها. ابتلعت ريقها لتسأله بجمود وهي تنظر نحو العجل المذبوح متسائلة:
- إيه اللي بتعمله هنا؟ بتدبح عندنا ليه؟
نظر في عينيها هامسًا بنبرة عاشق محمومة:
- بدبح لله وبدعي يحط محبتي في القلوب. بدبح إنه فدا مروان الصغير من كل شر. وعقبال مروان الكبير.
جاء رجل من خلفه يسأله:
- إحنا العجل خلصناه تقطيع. نوزع إيه ونخلي إيه؟
- وزعه كله ما تخليش حاجة. كله يتوزع. لعل حد فيهم أقرب إلى الله مني وله دعوة لا ترده.
همس بصوت خفيض بالكاد وصل إليها:
- لعل حد أقرب مني لله دعوته ترحم قلبي من العذاب اللي أنا فيه.
ابتسم الرجل بسعادة هاتفا:
- ربنا يرزقك الحلال ويرزقك راحة البال ويوسع عليك.
انصرف الرجل فتأوه مروان هامسًا:
- وراحة القلب كمان.
رفعت بصرها تنظر لطوله المديد، وبشرته الخمرية ورموشه الكثيفة. فتنهدت وهمت لتحدثه فقاطعه هو وهو يرمقها من أعلاها لأدناها هاتفا:
- فين خمارك؟ خارجة كدا إزاي ببهدوم البيت؟
- أنا لابسة حجاب مش بشعري. ودي جلابية بيت عادي.
نظر حوله ثم جز على أسنانه هاتفا:
- ادخلي جوا بقولك.
توترت ملامحها وتسارعت أنفاسها هامسة:
- أنت مالكش حكم عليا. ومتنساش اللي بينا. أما ابن أخوك فأنت لازم تأخده عشان أنا هنزل شغلي.
- شغل؟! مافيش شغل أنتِ فاهمة؟!
انزلقت دمعة حارقة على وجنتها وهي تقول:
- كفاية بقى كفاية. أنا تعبت من كل اللي حصل الفترة دي. كفاية وسيبني في حالي. أنا عايزة أبدأ حياتي من جديد.
أنهت كلماتها وهي تهرول للداخل. تنهد وهو يرفع رأسه للسماء يدعو الله في صمت. كيف السبيل لوصالها؟ كيف سيكفر عن ذنبه؟
*****
مرت الأيام ثقيلة بعد أن أخذ منها مروان الصغير. قلبها يتمزق لأشلاء، خصوصًا بعد مكالمة خال مروان لها التي أخبرها فيها أنه أخذ مروان الصغير للطبيب. القلق ينهش قلبها على مروان. ترى ما الذي حدث له؟ هل يوجد أحد يراعيه جيدًا؟ هل اشتاق الصغير إليها بقدر ما اشتاقت إليه؟
أخذت سيارة أجرة وذهبت إلى بيته ولم تستطع الصمود أكثر. دقائق وكانت تخرج زوجة خاله حاملة الصغير بيدها. فنهضت مسرعة تحمله منه تقربه إلى أنفها تستنشق رائحته ثم قبلته بوجع هامسة:
- أنت وحشتني قوي.
همست زوجة خال مروان بقهر:
- إحنا لسه راجعين بيه امبارح من المستشفى. كان تعبان قوي بيرجع. دا غير إن الصفرا زايدة.
ابتلعت ريقها بخوف وهي تجلس والصغير بين ذراعيها. ثم وضعت يدها على بطنه المنتفخ:
- بطنه منفوخة جامد عشان كدا بيرجع الأكل. هيدخل فينه؟ وكمان الصفرا لازمها رضاعة كل ساعتين.
ثم تابعت:
- في دوا ممكن حد يجيبه من الصيدلية. أنا أصلا مربية أخواتي الصغيرين وعارفة.
بعد مرور أكثر من ساعتين كانت تحمل الصغير وتغني له بسعادة وهي تجوب به الغرفة. ولج مروان يقف على باب الغرفة وهو يهمس لنفسه: آه من عذاب العشق. ليته لم يقع أسيرها.
تحمحم فأستدارت مسرعة تسحب خمارها لتضعه على رأسها ثم وضعت الصغير على الفراش لتضبط حجابها. زفر بحرقة فويلًا لقلبه من هذه القسوة.
أقترب أكثر يسألها عن حالها بوهن حقيقي قد بدا عليه:
- عاملة إيه يا روان؟
فأجابته بتلعثم:
- الحمد لله. أنا جيت لما خالك كلمني وكان بيسأل على الأدوية بتاعة مروان. عشان راح بالليل للدكتور. سبت الشغل وجيت أطمن عليه.
غمغم بشراسة وهو يقول:
- بردو نزلتِ الشغل. أنا كل دا سايبك براحتك عشان نفسيتك. لكن كدا كتير. أنا ابقى قاعد في بيتي ومعرفش حاجة عن مراتي.
- مش مراتك. أنا رافعة دعوة عليك وهكسبها.
في ثانية كان يجذبها لصدره العريض ليرتفع جسدها عن الأرض وشفتاه تداهم شفتاها بشوق مجنون. كانت تحاول التخلص منه لكنه ثبت يدها خلف ظهرها وتابع تقبيلها بشغف. ابتعد وهو يحاوط وجنتيها براحتيه وأنامله يمررها على النمش هاتفًا:
- مفيش قضية. المحامي دا ابن خالة مها وزميلنا من زمان. ومافيش حاجة هتبعدك عني. أنتِ مراتي لحد آخر نفس في عمري. وقلبك بيحبني أنا متأكد. سامحيني. أنا ومروان محتاجينك يا روان. ألتمسي العذر ليا. أنا حتى لو غلطت فأنا تبت وربك بيقبل التوبة.
همست بضعف وهي ما زالت تقاوم هجومه:
- يعني إيه؟ كنتوا بتستغفلوني؟ تاني بردو تاني؟ بتحركوني على مزاجك.
- أبدًا. أنا بعتلك مها وطه لما شفت حالتك. لما جيتِ غبت في الإتصال ساعتها لأني كلمت طه ومها. أنا كنت خايف عليكي وطلبت يستنوا تحت أول ما تنزلي.
- طلقني أنت لأني هاروح أدور على محامي تاني.
تطلب منه المستحيل. هي أول من حركت مشاعره. لم يذق حلاوة قربها، فكيف تبتعد عنه؟! كيف سيكمل الحياة بعدها وكيف سيتحمل دقات قلبه الملتاعة.
همست هي بوجع:
- طلقني لو فعلا حبتني. طلقني دا الحل الوحيد لكرامتي.
- إنها ترجعلي.
- أنا متأكد إنك حبيبتيني. ليه ترضي بوجع قلبي وقلبك؟
- أنا قلبي واجعني فعلا.
اقترب أكثر يضمها هامسًا بصدق:
- خليكِ جنبي ورب الكون أنا هاضمد وأداوي قلبك. يكون هدفي. خليكِ معايا يا روان.
- صعب. صعب.
- وأنا صعب أطلق. خدي وقتك شهور سنين وأنا ومروان مستنين.
*****
تجلس في مكتب المحاماة. سالت دمعة من عينيها فمسحتها سريعًا قبل أن تقول لها السكرتيرة:
- اتفضلي أستاذ رائد مستنيكِ.
جوما أن ولجت جلست أمامه صامته. عقد رائد حاجبيه بعدم فهم وهو يسألها بقلق:
- روان أنتِ كويسة؟
انطلقت الدموع من عينيها تردد الكلام دفعة واحدة وقد شعرت بروحها تكاد تفارقها من فرط الوجع:
- هو أنت ليه عملت كدا؟ مش المفروض كلمتك كمحامي شرف؟ إزاي تقبل إنك تتفق معاهم عليا؟ أنا بسحب القضية وهشوف محامي تاني.
نهض من على مقعده سريعًا هو يحاول استيعاب كلماتها. عن أي اتفاق تتحدث؟ ثم حدثها بلين:
- ممكن تهدى. أنا ما اتفقتش مع حد. الحوار كله مها قالتلي أديكِ وقت عشان أنتِ مذبذبة. بس أنا كنت مستني الزيارة دي. وأنا في أول جلستين هجبلك الطلاق. بس بلاش دموعك.
توترت نظراتها مشيحة بوجهها بعيدًا عنه وهي تقول:
- أسفة على طريقتي بس حسيت إنه خسرت القضية.
- متقلقيش. أنا عمري ما هخذلك.
ضمت حقيبتها إلى صدرها ثم نهضت واقفة لتنصرف وهي تقول بخفوت:
- معلش جيت من غير ميعاد. عن إذنك.
- طب استنى هوصلك أنا.
هزت رأسها بالنفي سريعًا وهي تتجه للخارج. حتى كادت أن تتعثر في سجادة لكن كان كل ما يشغل بالها الهروب من نظراته.
*****
بعد مرور أسبوع. كان يجلس في مكتبه وأمامه ظرف. مد يده ليفتحه لتتملكه الصدمة. إعلان من المحكمة بجلسة طلاقهما. جن جنونه. لم يتوقع ذلك. كيف حدث؟ بدأ يرمي بكل شيء أمامه وهو يزمجر بشراسة. فولج طه مسرعًا يسأله:
- إيه يا مروان؟ في إيه؟ أنت اتجننت ولا إيه؟
- أنا لأ لسه بس هتجنن. رائد رفع دعوة طلاق روان.
- مش قولت مها كلمته؟
هز طه رأسه بالإيجاب هاتفا:
- أيوه يا عم والله كلمته قدامي. مش عارف والله إيه اللي يخليه يعمل كدا.
فرك مروان رأسه وصدره يعلو ويهبط به هياجًا قائلًا:
- يبقى روان راحتله من ورايا. روان مش عايزة ترجع عن رأيها. بس والله لأطلع بروح رائد.
تحرك مروان منصرفًا. فتنهد طه بثقل وهو يقول:
- العاقل اللي فينا ضاع. لا وكان عامل نفسه تقي. استنى يا مروان استنى يا جدع.
*****
ولج مندفعًا لمكتب رائد ومن خلفه السكرتيرة محاولة إيقافه. وجده أمامه فحدجه بنظرات نارية غاضبة تكاد تحرقه في مكانه. ليتلقاها هو بابتسامة باردة لا تزيده إلا غضبًا واشتعالًا. ألقى مروان الورقة بوجهه متسائلًا:
- إيه الزفت دا؟! إيه اللي عملتوا دا؟
تناول رائد الورقة يقرأها بصوت مرتفع وما أن أنهى قرأتها وضعها أمامه متسائلًا:
- مالها دي؟ قضية طلاق. روان طالبة الطلاق.
زمجر بغضب وهو يقول:
- متجبش اسمها على لسانك يا رائد.
- ليه؟ روان موكلتي.
تحولت عينيه بلحظة إلى اللون القاتم وراح يقبض على تلابيب قميصه هاتفًا:
- تبعد عن روان يا رائد والقضية دي تنساها. وبلاش تحط نفسك معايا في حتة ضلمة.
- هو بالعافية يا مروان؟ هي جت وعيطت هنا وعايزة تطلق. مش عايزك. وأنا قررت مش هخذله.
لكمة قوية أطاحت به أرضًا. فانتفض رائد لينقض عليه تزامنًا مع وصول طه الذي وقف بينهم يدفع مروان للخارج حتى لا يفتك به. ثم استدار ينظر لرائد باستنكار هاتفًا:
- أنت يا جدع أنت اتجننت؟ مالك ومال راجل ومراته؟ مش قولنا القضية أي كلام؟ ولا هو أي حاجة عشان تشد معاه زي عادتك؟ دا مش ماتش كورة. ديه مراته فاهم؟ تقبل حد يبص لمراتك لو اتجوزت؟ بطل استفزاز بقى.
- هي اللي جتلي تاني وطلبت أمشي في الإجراءات. طبيعي بعد ما عرفت حواركم ولسه مصرة.
نظر له طه بملامح صارمة غاضبة يعقد حاجبيه قائلاً:
- آخرك يا رائد.
- أخرى لو روان دخلت المكتب دا تاني مصرة على موقفها في أسبوع هكون طلقتها. وكدا أبقى عملت بأصلي.
- هو غباوة وخلاص. مش واضح قدامك إنها بتحبه؟
رواية قدري المر الفصل الثاني عشر 12 - بقلم سارة فتحي
انتِ روحتِ لرائد تاني؟
لحظات لتستوعب روان هذه الجملة. بالتأكيد صوته هولكن كيف ولج إلى غرفتها؟ استدارت تنظر إليه وقد تبدلت ملامحها على الفور وسألته بحدة:
- هو إيه؟ بقيت تدخل البيت على مزاجك؟ عايز إيه؟!
جذبها من ذراعها وهو يجز على أسنانه هاتفًا:
- روحتِ لزفت تاني ليه؟
- ما يخصكش.
اتسعت عيناه بصدمة ليزمجر بغضب وهو يقرب وجهها أكثر هاتفًا:
- أنا مش قولتلك أن موضوع الطلاق دا تنسيه؟
أنتِ قاصدة تجننيني ولا تختبري صبري ولا عايزة إيه بالظبط؟
نظرت لعيناه التي تتفاقم بالغضب مشتعلة بطريقة دبت الرعب في قلبها لتقول بثبات:
- عايزة الطلاق ولا أختبر صبرك ولا نيلة.
ولعلمك رائد وعدني أنه خلال جلستين هكون اتطلقت.
- إياك تجيبه اسمه قدامي سامعة.
نظرت لعروق رقبته النافرة وعينيه القاتمة، وأرادت أن تثأر لانوثتها التي جرحها سابقًا هاتفة:
- ما أجيبش اسمه ليه؟ رائد المحامي بتاعي وحد ذوق ومحترم وبيعرف يميز بين ولاد الناس.
لم يتوقع ما قالته أبدًا. صعقته نظر لها بصدمة ثم ضغط على يدها بقوة أكثر قائلًا:
- قصدك إيه؟! أنا مش محترم ومش ذوق؟
أنتِ ناسية أنك واقفة قدام جوزك وبتتكلمي على راجل تاني؟
ضربته في صدره بكل ما تملك من قوة وهي تنطق كلماتها هاتفة:
- أنت عايز مني إيه ها؟! مش كنت متجوزني عشان غرض معين وخلاص؟ ابعد بقى، وطلقني. ولا أنت خلاص عجبك عذابي؟
نظر لها بحزن من اتهامها ليشيرا لنفسه هاتفًا:
- أنا يا روان.
ثم تابع بعجز:
- بموت في اليوم ميت مرة ومش عارف أكفر عن غلطي معاكِ. ليه مش حاسة بيا؟ مش حاسة بحبي ليكِ؟ كفاية قسوة. أنا بقالي سنة مستريحتش كفاية.
أنا أقسملك كانت نيتي الستر. اخر كلامي خدي وقتك، لكن طلاق لأ. وإياك تتواصلي مع رائد تاني يا روان.
تراجعت للخلف تجلس على الأريكة تضم نفسها تدفن رأسها بين قدميها وشهقاتها تعلو. اغمض عيناه يشعر بمدى قهرها، يشعر ببشاعة تصرفاته التي تركت بداخله ندوب، ندوب ليس بالسهل محوها. اقترب منها وما أن لمسها انتفضت هي هاتفة:
- لو سمحت امشى. أنا محتاجة أكون لوحدي.
***
نهارًا طويلًا وليلًا أطول هكذا كانت الأيام، تمر بثقلها؛ مرة كالعلقم، حزينة مؤلمة، بطيئة. كانت تنتظر كليوم رسالة كي تطمئنها على مروان الصغير من زوجة خاله. حتى ذلك اليوم، طرق الباب فتوجهت لتفتح فوجدت خاله أمامها هاتفًا:
- عاملة إيه يا بنتي؟ ممكن أدخل أتكلم معاكِ؟
أفسحت له الطريق بإبتسامة هادئة هاتفة:
- طبعًا يا خال أتفضل.
ارتشف آخر رشفة من كوب الشاي ثم وضعه أمامه موجهًا الحديث لوالدها:
- ممكن أتكلم مع روان شوية لوحدنا؟
أجابه والدها بإستياء:
- ممكن بس إحنا عايزين نخلص من الموضوع ده. طالما مفيش رجوع يبقى طلاق. أنا بنتي مش هتفضل متعلقة كدا وكلام الناس يكتر عليها.
- ربنا ميجبش شر إن شاء الله. أنا هاتكلم معاها وربنا يصلح الحال.
امتعضت ملامح والدها ونهض على مضض فتحمحم:
- أخبارك إيه يا بنتي؟
- الحمدلله بخير.
- ديما يارب. عايزك تسمعي كلامي وتفهميه كويس وتعرفي أنك في الأول وفي الآخر زي بنتي. مش هاجي عليكِ عشان ربنا ميرضاش بظلم وأنا بخاف الله. دلوقتي مروان الصغير تعبان أوي مش بيبقى كويس غير معاكِ. أنا حابب إنك ترجعي معايا بيتي. أنا عندي شقة فاضية وجاهزة تقعدي فيها عشان مروان الصغير على الأقل يكون شد حيله ومنها تدي نفسك فرصة أخيرة. عشان يابنتي الطلاق مش سهل. مش هقولك مروان كانت نيته خير ودا عذره. ها أقولك غلط وطلب السماح وربك بيغفر ويسامح. قولتي إيه؟ مروان الصغير محتاجك.
ابتسمت بشحوب ثم قالت بحزم:
- عشان مروان الصغير بس يشد حيله وبعد كدا أنت يا خال أنت ملزم أنك تطلقني منه.
لم يكن لديها أي شكوك حيال خاله، فقد كسب ثقتها من أول لقاء. شاكرة أن لا زال في حياتها شخص تثق به.
هز رأسه بإبتسامة واسعة كان متأكدًا من نجاح زيارته.
همس لها:
- طب يلا قومي إجهزي وبلغِ والدك إني في انتظاره.
ولج والدها يجلس أمامه هاتفًا:
- خير؟
- خير إن شاء الله. روان هترجع معايا وإن شاء الله مفيش طلاق ونفرح بأولادهم.
تنهد والدها قائلًا:
- وإحنا نكره الخير يا مسهل.
***
- بجد يا خال يعني عرفت تخليها تشيل الفكرة من دماغها، بس ليه عندك في بيتك؟
تلك الجملة التي قالها مروان فأردف خاله:
- بلاش الطمع. أنا جيبتها وأنت وشطارتك.
- طمع إيه يا خال دا أنا طلعت عيني.
ربت خاله على كتفه مواسيًا:
- روح شغلك وهي معانا في أمان. وكل ما تعرف تعالوا واحدة واحدة تكسب ثقتها وقلبها. فرصة أوعى تضيعها.
وأمسك دا مفتاح الشقة بتاعها خليها معاك.
***
ولج من باب الشقة يراقبها في صمت. كاد أن يلتهمه حبها يسري بعروقه بل بشريانه النابض. كل ما يريده الآن قبلة لتهدأ مشاعره الجياشة نحوها. لا يعرف كيف يبقيها جواره. يعرف أنها تتألم مشتتة بين حيرتها وحزنها. كيف يخفف عنها؟ شعرها الذي تعقصه برباطللأعلى، النمش الذي يملأ وجهها تورط بها دون أن يشعر. متى وكيف لا يعلم. تنهد وهو يقترب منها هامسًا:
- روان.
انتفضت ثم استدارت هاتفة:
- مروان! أنت إزاي بتدخل فجأة كدا؟
سحبها بين ذراعيه يحيط خصرها يديه هاتفًا:
- قوليها تاني مروان كدا.
حاولت أن تتملص من بين ذراعيه، فقربها أكثر هاتفًا:
- متحاوليش مش هتفلتي مني. هما كلمتين ها أقولهم وهامشي.
ثم تابع وهو يشعر برجفتها بين يديه:
- أنا هاسافر عشان الشغل وهاسيبك ترتاحي واعصابك تهدا، وتحكمي قلبك، قلبك بس. وأنا متأكد طالما قلبك حن لمروان هيبقى هيحن لعمه. أنا كنت طول عمري هدفي الشغل وأني أجيب قرش. كنت مغرم بالموضوع والكل يقولي إزاي كدا. الصراحة ساعات كنت بتضايق ليه مش طبيعي أنا؟! ليه محبش واتحب؟! طب ليه معنديش نفس أكون أسرة؟! والإجابة كانت انتِ، عشان القدر كان لسهمجبكيش ليا. كل طريقتي كانت من غيرة راجل على الست اللي بيحبها وهو حاسس أنها فرطت في نفسها. أنا آسف بس دي الحقيقة. أنا هاأسافر وهاأرجع عشان آخدك انتِ ومروان إسكندرية، وكمان عشان ربنا يكرمنا بأخت لمروان. هاسافر وسايب قلبي أمانة عندك ياروان.
قبل أن تعترض كان يلثم جيدها بنعومة ورقة صعودًا وهبوطًا حتى شعر أن قدميها أصبحت لم تعد تحملها وعلت أنفاسها فاابتسم لتأثيره عليها. حملها بين ذراعيه ليضعها على الفراش هامسًا وهو يغمز لها:
- إرتاحي عشان لما أرجع مش هيبقى في راحة.
***
بعد مرور شهرين وقد عاد مروان، وقد تحسنت صحة الصغير حيث كانت تعامله بحذر ورعاية شديدة. وما أن جلس معه مروان انتفض بفرحة عارمة تنعش كل جزء فيه وجد نفسه يصيح لا إراديًا:
- روان تعالي بسرعة. هو مروان بقى يقعد لوحده؟ روان تعالي.
هرولت مسرعة لتتسمر مكانها وهي تراقب حماسه الجارف. كان يجثو على ركبتيه أمام الصغير، وابتسامته تكشف عن أسنانه البيضاء في اصطفافها الأنيق، وخصلات شعره المشعث. كانت تراقب فرحته كان مشهدًا شهيًا. ومروان الصغير يفتح ذراعيه وهو يضع رأسه بين يده هامسًا:
- احضن أوي. اجمد يا مروان عايزك راجل.
تبًا له، ولصوته الرجولي وضحكاته التي بعثرتها. بل تبًا لقلبها. شعر مروان بها فاستدار يرمقها. وهى تطالعهما فحمل الصغير وتوجه به إليها هاتفًا:
- تعالي نشوف ماما روان عملتنا أكل إيه؟
قطبت حاجبيها ثم تناولت منه الصغير هاتفة بحدة:
- هو أنت هتتغدا هنا؟
ابتسم وهو يقترب أكثر منها هاتفًا ببرود:
- آه، ها آخد دوش وهاخرج نتغدا مع بعض. وحشتوني.
ألقى جملته وخرج من الغرفة. بينما هي كانت تحبس أنفاسها تحاول ألا تظهر تأثرها بالكلمة. وضعت الطعام على الطاولة وجلست أمامه ومعها طبق صغير تطعم منه الصغير. كان يراقبها حيث أنه أصبح غارقًا في تفاصيلها. تعرف أنه يراقبها لكنها تخشى أن ترفع عيناها. فحدثها هو:
- أنا مبقتش عارف أقعد في الشقة هناك من غيرك. أنا حتى القهوة مبقتش عارف أشربها. طيفك بقى حواليا في كل مكان. لولا مكالمة الفون كل يوم كان زماني جرى ليا حاجة.
لم تجبه ظلت كما هي تنظر في الصحن أمامها، فهي أيضًا أصبحت غارقة في ملامحه طريقة حديثه. أصبح يسرقها من نفسها بحديثه اللين كل ليلة، لتغرق كلها فيه كله. فتحمحم قائلًا:
- الأكل يجنن. تسلم إيديكِ وعينيكِ.
همست بخفوت وهي تجيبه بإرتباك:
- شكرًا.
- آه من عينيك ياروان. وحشوني.
- نعم؟
- بقولك جهزي نفسك هنخرج انهاردا.
قال جملته بلهجة آمرة فهزت رأسها بالنفى هاتفة:
- لأ مش هينفع. مش ها أقدر أسيب مروان.
ألتوى ثغره فهي تتحجج بالصغير. فاجابها:
- هنسيبه مع مرات خالي. أصلا أمي عايزة مروان. هنسيبه معاهم. اتفقنا؟ قدامك ساعة وتجهزي.
***
خرجت من السيارة تطالع المكان حولها. كان مطعمًا هادئًا. جلست على إحدى الطاولات وجلس مروان في المقعد المقابل. فمد يده يمسك يدها فاأنتفضت وسحبت يدها. فقهقه قائلاً:
- إيه ياروان بكهرب أنا؟
أجابته بتوتر وإرتباك:
- لأ بس إحنا في الشارع والناس بتبص.
- ما يبصوا. انتِ مراتي، وحبيبتي. أمسك إيديك عادي.
رفعت بصرها نحوه قائلة:
- أنا عايزة أروح.
- هو أنا خاطفك يا روان؟ الجو جميل وهنقضي السهرة مع بعض.
بعد مرور عدة ساعات تحدثت هي عن حياتها ووالديها واخواتها. كانت كالمسحورة وهو يشجعها بإبتسامة واسعة. بعد أن أنتهت قدم لها علبة صغيرة مخملية بها خاتمين للخطبة:
- إيه دا؟
- دول دبلتين. مش معقولة هتمشي كدا من غير دبلة في إيدك. دا غير في مفاجاة تانية.
- لازمتها إيه؟ أنا كدا كدا ها أطلق منك.
قالت جملتها بإعتراض فاأردف وهو بحدة قائلًا:
- طب وماله عشان لما نتطلق ترميها في وشي؟
نهضت واقفة وهي تقول:
- مروان زمانه بيعيط. إحنا الوقت سرقنا.
جلس بجواره في السيارة يرمقها بطرف عيناه ثم يتابع الطريق. مد يده وجذب يدها نحوه وتخلل أصابعه بأصابعها. ثم لثم يدها، يبثها شوقه. مزيج من الخجل والذعر اضطرمى في داخلها فسحبت يدها سريعًا. فضحك قائلًا:
- إيه هنا بردو في ناس؟
- لأ كدا عيب. إحنا في حكم المطلقين.
وقف السيارة فجأة وهو يقول بصوت محموم معذب:
- انتِ بتقولي أن عذابك عجبني، بس الحقيقة العكس. انتِ اللي عايزة تعذبيني وتحرقيني بكلمة الطلاق دي.
انتفض جسدها من صراخه وارجعت رأسها للخلف. فهمس بكل الاعتذارات:
- آسف. آسف بس الكلمة دي بقت بتوجعني. بحبك. ومتأكد من حبك. بس انت مش قابلة تدي قلبك فرصة.
ظلت تنظر في عينيه، لتتشابك نظراتهما بحديث صامت نداء قلبيهما الذي يعجز كل منهما عن تلبيتها.
غمض عيناه ثم عاد فتحهما وحرك السيارة ثانية.
بعد مرور عدة دقائق هتف:
- ممكن طلب؟
نظرت نحوه ثم أجابته:
- أتفضل.
- ممكن نروح لبيتنا عند والدتي. هي تعبانة ومحتاجة مروان الصغير. حالتها صعبة خصوصًا بعد ما عرفت أن رامي اللي ربته زي ابنها هو اللي غدر بريان.
قبل أن تجيبه أكمل:
- عارف عايزة تقولي إيه. طول الفترة اللي فاتت جهزت شقتي في البيت هناك يعني هتبقى ليكي شقة لوحدك كاملة كل حاجة فيها جديدة. وأنا عرفت أمي كل حاجة يا روان لو سمحتِ وافقي.
- تمام.
***
ما أن ولجت من باب البيت مد يده لها بمفتاح الشقة هاتفًا:
- دا مفتاح الشقة.
- شكرًا بس أنا مش هقعد في الشقة.
فرك وجهه بإرهاق هاتفًا:
- خلي معاكِ مفتاح الشقة بتاعتك، وحابة تقعدي في أوضتي هنا براحتك.
هزت رأسها بالإيجاب ثم اجابته بخبث:
- أيوه هقعد هنا، بس مش في أوضتك. الأوضة التانية.
شعر النيران تتأجج بصدره هاتفًا:
- دي أوضة ريان. هتتدخلي فيها ليه؟
- لأن الأوضة التانية كلها ذكريات مش حابة افتكرها. أما الأوضة دي صاحبها الله يرحمه من غير ما يعرفني أو حتى يعاشرني كان جواه ليا كل خير. شاف اللي جوايا من أول مرة.
توسعت عيناه من هجومها الشرس ومن طريقتها التي أول مرة تنتهجها. حدجها والشرار ينطلق من عينيه:
- قصدك أنك توجعني؟ قلبك دا إيه مش عارف؟ مفيش حاجة بتقصر فيه؟ حجر صوان.
انصرف من أمامها يقطع الردهة بغضب. بينما هي الندم يأكلها لكنها تريد أن يشعر ما شعرت به عندما تزوج الثانية.
في الساعة الواحدة بعد منتصف الليل يدور في غرفته كنمراً حبيس ونيران الغيرة تلتهمه. نجحت في إشعال النيران بداخله ومن من؟! أخيه المتوفى.
اندفع نحو باب الغرفة ليقتحم غرفتها. فتسمر مكانه تنام تلك النومة الملائكية تغنيه عن العالم كله. وبجوارها مروان. تحولت ملامحه ثانية عندما تذكر كلماتها. وضع يده أسفل رقبتها والأخرى أسفل قدميها وحملها ليتجه به نحو غرفته.
رمشت بعيناها محاولة أن تستوعب الموقف. وما أن وضعها على الفراش سألته بفزع:
- إيه اللي بيحصل دا؟
قالت جملتها وهي تحاول الاستقامة فمال بجذعه هامسًا:
- مفيش نوم هناك. النوم هنا جنبي. لو مش عاجبك هنطلع فوق. غير كدا معنديش. فاهمة يا روان؟ عشان كدا صبري نفد. واعملي حسابك أنه مش هيبقى نوم بس.
أنهى كلماته وهو يطبع قبلة على طرف شفتاها هامسًا:
- هروح أجيب مروان وأجي.
تهدجت أنفاسها وهي لا تعرف كيف تجيبه. نظرت له بصمت.
***
كانت تقف في المطبخ تعد الطعام. تناولت البطاطس لتضعها في مقلاة الزيت وهي تبتعد للخلف قليلاً. فارتطمت بصدره. فهمس هو بصوت خافت:
- اسم الله عليكِ.
استدارت له هي تبتلع هاتفة:
- أنت لازق فيا كدا ليه؟ لو والدتك جت هتفهمنا غلط.
- بالعكس هتفرح. طول النهار تقولى نفسي أفرح بعوضك قبل ما أموت يا مروان.
شهقت بخجل وهي تقول:
- أنت قصدك إيه؟
قهقه وهو يتناول إحدى صوابع البطاطس المقلية:
- بظبط زي ما وصل ليكِ كدا. أمي مستنية وأنا خلاص مرحلة الصبر نفذت.
أنهى كلماته وهو يزيح خصلات شعرها عن رقبتها ويقبلها بشغف. أصابه التوتر فور فعلته الهوجاء ولم يقبل بإفلاتها. وهى بالأساس لم تريد الابتعاد. هي لا تكرهه الآن فقد أثبت حبه لها. همست بتقطع:
- أنا بحمر البطاطس عشان أغدي مروان.
- مروان الصغير جدته أكلته خلاص. ركزي مع مروان الكبير.
اقترب يقبلها ثانية، فتشبثت بقميصه وهي تبادله قبلاته بخجل. شعر بذلك اللهيب ضمها أكثر وكأنه يريد أن يحفرها بداخله. في ثانية كان يحملها وهو يتجه بها للأعلى من أجل بداية جديدة وحياة جديدة.
***
بعد مرور عدة ساعات فتحت عيناها وهي تشعر بثقل فوق صدرها. رمشت بعيناها وهي تتذكر ما حدث باستيحاء. نظرت إلى ملامحه الوسيمة واخذت تتذكر كل ما مرت به فهبطت دموعها. فشعر بها فاعتدل من نومته يرمقها باستنكار:
- ليه يا روان دموعك دي غالية أوي على قلبي.
هزت رأسها هاتفة:
- بس مستغربة كل تدابير القدر، وكل اللي إحنا مرينا بيه.
تنهد وهو يجذبها لأحضانه مقبلًا وجنتها ورقبتها قبلات متفرقة. هو يهمس بصوت مشحون بالمشاعر:
- إنسي كل اللي عدى وركزي معايا وبس. أنا حجّزت لينا كام عشان نسافر ونغير جو.
***
بعد مرور عدة أيام ولج مروان للغرفة يحمل الصغير بين يده ويبكي بحرقة كطفل صغير يهمس بتقطع:
- النهارده حق أبوك رجع يا مروان والمحكمة قالت حكمها. أبوك اللي مات غدر يا مروان. أبوك اللي حرق قلبي.
أدمعت عيناها تبكي رغمًا عنها وهي تتوجه إليه لتحمل منه الصغير وتضعه جانبًا. ووقفت أمامه لا يقول أحدها شيئًا. كانت كل كلمات العالم في هذه اللحظة سخيفة. مدت يدها تمسح دموعه برفق فتناول يدها يلثمها وهو ممغمض عينيه هامسًا:
- موجوع أوي.
همست روان بنبرة مرتجفة:
- بعد الشر عليك من الوجع. بعد الشر.
ضمها لصدره أكثر فشعر بتوترها ونظراتها الخجلة ضربت ثباته. فمال على شفتاها يقبلها برقة هامسًا:
- النهارده المحكمة أصدرت الحكم. مش ناوي قلبك كمان يصدر حكم بالعفو عني؟
أسدلت أهدابها ثم رفعت بصرها إليه. ولم يكن بحاجة لنطق فنظرة عيناها وكفى. حتى أنه لم يكن بحاجة ليسمع اعترافها بحبه. فحملها بين ذراعيه فهي كبئر مياه عذبة وهو الظَمآن وقد حان موعد الارتواء.
بعد عدة دقائق كانت بين ذراعيه تلف يدها حول خصره فهمس هو:
- بحبك.
أطرقت رأسها بإستيحاء قائلة:
- بحبك.
تمت بحمد الله.