رواية قدري انت الفصل الثاني عشر 12 - بقلم رحمة محمد

فهد بغضب: يلا اخرجوا. ريم بسرعة وبصت لجاسر: يلا يلا. رجال فهد ساعدوهم عشان يمشوا. وأول ما طلعوا من المكان وقفوا مصدومين لما شافوا عساكر كتير وظابط قرب منهم. الظابط بجمود: انتوا متهمين في قضية قتل. وبص لجاسر: وكمان تجارة مخدرات. جاسر بلع ريقه بصعوبة وبص لفهد اللي واقف مربع إيده وبييبصلهم بابتسامة ظاهرة بجانب شفايفه. ريم بخوف: إحنا معملناش حاجة.

وسمعت صوتها جاي من اتجاه فهد. بصت بسرعة لقت فهد مشغل فيديو على التليفون وهما بيعترفوا بقتل مازن، وكمان جاسر هو اللي كان بيجيب لهم المخدرات. فهد قرب من الظابط: ده الدليل. وبص لريم وجاسر: تقدر تاخدهم. الظابط شاور للعساكر، وقربوا وخدوا ريم وجاسر. جاسر بخوف: فهد أنا آسف، ارجوك خليهم يسيبوني يا فهد. ريم بصوت عالي: فهد! ساعدني، خليهم يسيبوني.

العساكر خدتهم ومشوا كلهم خلاص. وفهد عيونه دمعت لما افتكر مازن. كان بيتمنى يكون موجود معاه. فهد بعدها ركب عربيته وساق بسرعة. وبعد فترة كان وصل للقصر. عفاف بحنان: كنت فين يا حبيبي من الصبح كده؟ فهد بابتسامة وحكى ليها اللي حصل. عفاف بدموع: حسبي الله ونعم الوكيل فيهم، حرقوا قلبي عليه وحرموني منه. وحضنت فهد جامد وفضلت تعيط. فهد حضنها: ربنا يرحمه. بعد فترة عفاف بطلت عياط: رنيم لسه نايمة فوق. فهد باستغراب: لحد دلوقتي؟

دي علطول بتصحى بدري. هطلع أشوفها. فهد ساب عفاف وطلع الأوضة بتاعته. كانت رنيم نايمة، كانت شبه الملاك. فهد فضل باصص ليها وبص جنبها، كان في مخدات كتير قاسمَة السرير. ضحك وافتكر اللي حصل بعد ما كتبوا الكتاب. فلاش باك فهد باستغراب: إنتي بتعملي إيه؟ رنيم: هنام على الكنبة. فهد باستغراب: ليه؟ رنيم: هنام جنبك. فهد بخبث وقرب منها: طب وفيها إيه؟ مش إنتي مراتي؟ رنيم رجعت ورا خطوة: احم، أيوا. فهد قرب منها: طب نامي على السرير.

رنيم اتوترت وكانت هترجع بس لزقت في الحيطة: لا نام انت على السرير وأنا هنام على... فهد قرب وشه منها وبقى قدام وشها: روحي نامي على السرير وإلا... وبص على شفايفها. رنيم برقت وحطت إيديها على بقها بسرعة وهزت راسها بالإيجاب. فهد ابتسم: هتنامي على السرير. رنيم هزت راسها بالإيجاب. فهد بعد عنها: يلا روحي. وسابها ودخل الحمام. ورنيم اتنهدت. وبعد ما خرج لقاها حاطة مخدات كتير في النص. فهد باستغراب: إيه ده كمان؟

رنيم بتوتر: الله يكرمك خليهم كده. فهد ضحك جامد: إنتي هتشحتي، ماشي يستي. باك فهد ضحك جامد ورنيم انتبهت للصوت. رنيم بنوم: وطي صوتك يا فهد، عايزة أنام. فهد كتم ضحكته وقرب منها: إنتي كويسة؟ رنيم بصتله بنص عين كده: كويسة إزاي يعني؟ فهد نزل لمستواها: عشان كل يوم بتصحي بدري. اشمعنى النهارده؟ قومي يلا، عملتلك مفاجأة. رنيم فتحت عيونها بسرعة: بجد؟ إيه هي؟ فهد ضحك على طفوليتها: اجهزي يلا وتعالي. رنيم: هنروح فين؟

فهد: هتعرفي لما نوصل، يلا. رنيم بابتسامة وقامت نطت من على السرير: أوكي. فهد ضحك عليها وقعد على السرير. وبعد فترة رنيم طلعت من الحمام وكانت جاهزة. رنيم: يلا أنا جاهزة. فهد بص ليها بابتسامة: يلا. ونزلوا من القصر ركبوا العربية بتاع فهد. رنيم: إحنا هنروح فين؟ فهد: قولتلك مفاجأة. فضلوا ساعات ماشيين على الطريق. رنيم بطفولية: أنا زهقت. فهد بصلاها بابتسامة: قربنا نوصل أهو. وبعد فترة طويلة وصلوا قدام بيت.

رنيم بصتله بصدمة: ده بيت أهلي. فهد بابتسامة: أنا عارف إنهم وحشوكِ وجبتك تشوفيهم. رنيم بفرحة: إنت أحسن واحد في الدنيا دي كلها. وطبعت بوسة على خده ونزلت بسرعة من العربية. فهد اتصدم من ردت فعلها وبعدين ابتسم ونزل وراها. رنيم وفهد دخلوا البيت وأهلها كانوا فرحانين أوي إنهم شافوها. ومام رنيم فضلت تشكر فهد كتير. مام رنيم وهي بتحضن فهد: شكراً ليك يا ابني، بجد فرحت قلبي إنك جبتها. فهد باسها من جبينها: مفيش شكر، إنتي أمي.

مام رنيم: تسلم يا حبيبي. رنيم: أيوا إيه ده بقى؟ هو فهد هياخدك مني ولا إيه يا حاجة؟ فهد ومامتها ضحكوا. ومامتها حضنتهم الاتنين: وحشتيني يا قلبي. رنيم بصت لفهد بفرحة: شكراً. وفضلوا قاعدين يضحكوا ويهزروا. وفجأة دخل والد رنيم عليهم. وأول ما شاف رنيم ابتسم بفرحة. والد رنيم: رنيم وحشتيني أوي يا بنتي. رنيم بصتله بضيق وبعدين بصت في الأرض. والد رنيم بدموع: تعالي في حضن أبوكي، إنتي وحشتيني أوي.

رنيم بوجع: أيوا أبويا اللي باعني وخد بدالي فلوس. فهد بابتسامة وراح وقف جنب أبو رنيم: رجعلي الشيك. رنيم بصدمة: إيه؟ فهد: أيوا يا رنيم، رجعلي الشيك. تاني يوم وكان عايزني أطلقك عشان ترجعي معاه، بس أنا اللي رفضت. رنيم بصت لباباها: يعني إنت بتحبني؟ والد رنيم بدموع: طبعاً بحبك، هو فيه أب بيكره بنته؟ حقك عليا، أنا آسف. رنيم جريت عليه وحضنته بفرحة وهو حضنها جامد أوي. وقربوا أخوات رنيم وحضنوهم. وكان حضن عائلي حلو أوي.

إنتي هتفضلي كئيبة كده؟ قومي يا بت ارقصي شوية. ريم بخوف منها: ارقص إيه؟ ابعدي عني. نهار أسود! إنتي بتعصي أوامر المعلمة؟ قومي يا بت. ريم قامت وسط ستات السجن: بقولكم إيه؟ ابعدوا عني، أنا مش ناقصاكوا. المعلمة: لا هنخاف إحنا! يلا يا ستات. وتلموا عليهم كلهم وفضلوا يضربوا فيها وريم تصوت. أما جاسر، بقى راح المصحة يتعالج. رنيم: أنا مش عارفة أشكرك إزاي. فهد لف ليها: إنتي مراتي، وده واجبي. وسكت شوية وبعدين كمل: رنيم.

رنيم بصتله: نعم. فهد قرب منها وبص في عيونها: أنا بحبك. رنيم ابتسمت بفرحة: بجد يا فهد؟ فهد: بجد يا قلب فهد. رنيم بكسوف: بصراحة وأنا كمان. فهد بخبث: وإنتي كمان إيه؟ رنيم بصت في الأرض بكسوف. فهد رفع وشها ليه: قوليها. رنيم بصت في عيونه: بحبك يا فهد. فهد ابتسم وحضنها جامد: وأنا بحبك يا قلب فهد.