رواية قضية شرف الفصل التاسع 9 - بقلم هنا حسين

مريم بعصبية: سيب إيدي، أنت اتجننت؟ ونس: اسكتي خالص، مش عاوز أسمع صوتك. دخل بيها على شقتهم. راجية بصدمة: في إيه يا ونس؟ جايبها ليه؟ ونس بهدوء: مريم يا هتعيش معانا هنا. راجية: أنت اتجننت؟ أنت بتقول إيه؟ ونس: اللي سمعتوه، مريم هتعيش معانا هنا وتبقى تحت عيني، كفاية الكلام اللي بسمعه من صحابي عنها. مريم: كلام إيه ده؟ وأنت فاكر إنك هتمشي كلامك عليا؟ أنا همشي من هنا وهتجوز مرسي، ووريني هتعمل إيه.

ونس: أنا لحد دلوقتي بتكلم بهدوء، أنتِ هتنقلي هنا. راجية: لا بقا، أنا هتصل بأبوك وهو ييجي يتصرف معاك. عند راجية بتتكلم في الفون. راجية: أهدي يا فايز، البنت عنيدة شوية، لاكن طيبة وهتسمع كلامي. فايز: اعملي حسابك جواز ابني على حساب جوازنا، وإلا كل واحد يروح لحاله. راجية بقلق: ماشي يا فايز، هتيجي من الجامعة وأجبها وأيجي. وقفلت معاه. مرسي: قالتلك إيه؟ فايز: ما تقلقش، هتيجي.

مرسي بغيظ: ما تشوف البت كانت بتكلمني إزاي وقتها، كنت عاوز أكسر مناخيرها. فايز: هيحصل. مسعد ابن فايز: يا بوي، ما كانش له داعي كل اللي بيحصل ده. فايز: مالكش دعوة أنت، بعدين إحنا عاوزين نستر البت، أنت مالك؟ مسعد: يا بوي، أنا عارف كل حاجة وبقولك بلاش. مرسي: وأنت مالك؟ أنت عايش حياتك ومتجوز ومخلف ومعاك ورشة، سبني أعيش حياتي. مسعد: تعيش حياتك بعرقك، مش على قفاه. فايز: أنت مش وراك شغل؟ يلا، طرقنا.

قام مسعد وقال: براحتكم انتو بقا. مهدي: ممكن أعرف إيه اللي بيحصل هنا ده؟ ونس: بابا، مريم تبقي بنت أخوك وبنت عمي، وأنا مش قابل فكرة إنها تقعد لوحدها في شقتها، وعاوزها تعيش هنا وسطنا. راجية: مستحيل أخليها تقعد، أنت عاوزها تبوظ أخلاق بنتي؟ مريم بضيق: ومين أصلاً قالك إن أنا عاوزة أقعد معاكم؟ وما تخافش يا ونس بيه، الناس ما هيقولوش إنكم رميتوا لحمكم، لأ، إنكم سبق وعملتوها. ونس: أنا اللي عندي قولته.

مهدي: خلاص يا ابني، زي ما تحب. راجية: كلام إيه ده؟ مهدي: بعدين نتكلم، وأنت يا مريم، روحي جيبي هدومك وتعالي. مريم: بس أنا مش موافقة أعيش هنا. قرب منها ونس ومسك إيدها وسحبها على شقتها وقال بضيق: أنا من وقت ما شفتك وأنت شيلتني ذنوب، من مسكة إيدكم. مريم بضحك: هههه، لأ بجد، معلش يا حضرت الشيخ. وكملت باستفزاز: بعدين أنت اللي بتحب تمسك إيدي، أعمل إيه؟

ونس نفخ بضيق منها ومتكلمش، وخبط على الباب وفتحت راجية اللي اتصدمت لما شافتهم مع بعض. راجية بغضب: عاوزة أفهم اللي حصل، إزاي ابنك مصر كده عليه؟ مهدي: أهدي بس وأنا هشوف حل، أنت عارف إن ونس قلبه طيب. راجية: ما أنا مش عارفة أعيش إزاي أنا والبنت دي تحت سقف واحد. مهدي: أنت مكبرة الموضوع كمان، إحنا كمان، إحنا مش عاوزين نبان قدام ابننا إننا وحشين ونعملها كويس. راجية: عاوز تعملها أنت براحتك، لاكن أنا لأ، مش هقدر أتعايش معاها.

مهدي: براحتك. راجية: في إيه؟ ونس: هناخد هدومها وهتيجي تعيش معانا. راجية: كلام إيه ده؟ لأ طبعاً، بنتي هتمشي معايا وهتتجوز. قاطعها ونس: أنا بنت عمي هتفضل في بيتي وتخلص دراستها، ووقتها أشوف موضوع الجواز ده. راجية: وأنت يا مريم، رايك إيه؟ مريم بتفكير، ونس فكر إنها هترفض، لاكن خيبت ظنه لما قالت: مريم: أنا موافقة يا ماما أروح أسكن معاهم. راجية بصدمة: أنت بتقولي إيه؟

مش ونس ده اللي بتضيق لما تسمعي اسمه دلوقتي، عاوزة تعيشي معاه تحت سقف واحد؟ مريم: ماما، أنا مش عاوزة أتكلم في تفاصيل. راجية: براحتك يا مريم، أنا همشي ومش عاوزاكي تكلميني تاني. بعد ما مشيت راجية. ونس: ما تيلا يا هانم، هو أنتِ هتجيبي العفش معاكي ولا إيه؟ مريم باستفزاز: ياريت ميبقاش كلام يا حضرت الشيخ، وتخليك في حالك. ونس: ربنا يستر من الأيام الجاية، وما أرتكبش جريمة فيكي.