رواية قضية شرف الفصل الثالث 3 - بقلم هنا حسين

راوية بصدمة: إزاي ده يا دكتور؟ الطبيب: زي ما قولتلك، بنتك لسه بنت. راوية: يا دكتور، اتأكد. أنا شفتها، أنا عارفة بنتي. كانت غرقانة دم. الطبيب بزهق: أنا اللي عندي قولته. وسابها ومشي. مهدي: -أيوه يا حضرة الظابط. الظابط: -ماتقلقش، أنا ظبطت كل حاجة. اتفقت مع الدكتور اللي بعتيه ليه، وكله تمام. مهدي: -شكراً يا حضرة الظابط. الفلوس هتوصلك على حسابك. قفل مهدي وبص على ابنه وقال: مهدي:

-وأنت تطلع على أول طيارة. وما تجيش هنا غير لما أقولك. فاهم؟ مافيش حل غير كده. راوية رجعت على القسم. الظابط بعصبية: -طب أنا أعمل إيه يا ستي؟ ماهو الدكتور اللي بعتك ليه قال إن بنتك سليمة. راوية: -يا حضرة الظابط، أنا ست وأكيد أعرف الحاجات دي. حضرتك مش مستوعب، بقولك ابن عمها اغتصبها. وجاتلي هدومها كلها دم، بس أنا قلعتها لها. الظابط: -والطبيب الشرعي أثبت إن ده كله كذب. وإن البنت سليمة، مافيهاش حاجة، ولا حتى أثر للمقاومة.

راوية: -دي طفلة، تقاوم إزاي أصلاً؟ هي ماكنتش تعرف إيه بيجرالها. الظابط نفخ في ضيق: -يعني أنا أعمل إيه دلوقتي؟ راوية: -تيجي معايا نقبض على ونس مهدي وناخد حق بنتي. الظابط: -تمام، يلا. خبط الباب. فتح مهدي. مهدي: -أفندم يا حضرة الظابط. الظابط: -المدام راوية متهمة إن ابنك اغتصب بنتها. مهدي: -بتقول إيه حضرتك؟ مستحيل. أصلاً ابني مسافر ليه أسبوع بيكمل دراسة برا البلد. راوية بصدمة: -أنت بتقول إيه؟ أمال مين كان امبارح؟ مهدي:

-راوية، يا ريت المشاكل اللي بينا ما تكبرش لدرجة إنك تجري في شرف بنتك. راوية: -أرجوج، لو حصل كده يا حضرة الظابط، يا ريت تدور على المتهم الحقيقي. الظابط: -أصلاً البنت سليمة، مافيهاش حاجة. والطبيب الشرعي أثبت ده. راوية بعصبية وزعيق: -انتوا اتفقتوا سوا. منكم لله. حق بنتي هرجعه. وهرفع عليكم قضية شرف. وابنكم ده هوديه في داهية. واستأذن الظابط وخرج. مهدي: -اهدي يا راوية واقعدي نتفاهم.