رواية خادمة الالفي الفصل الثاني والعشرون 22 - بقلم زهرة الندى

كان طاقم التزيين يزين الحديقة. ما بين كان يوجد طاوله بعيده عنهم بمسافه. وكان جالس على رأسها عاصم، وعلى يمينه أمينه، وعلى شماله أدم. فقال عاصم لامينه: = امال هتبدتي شغل في الشركه امتى يا أمينه؟ عشان أقول للي عندي يحضروا لك مكتبك. أمينه بحيرة: = والله الوقت اللي يناسب حضرتك يا عاصم بيه. عاصم: = خلاص يابني، يبقى أقول للي عندي يحضروا لك المكتب و... فجأة قاطعهم أدم باستفسار وقال:

= شغل إيه اللي تشتغليه في الشركه وإنتي لسه بتدرسي أصلا؟ نظرت له أمينه بتعجب لسؤاله. فقال عاصم: = أمينه كانت بتدور على شغل كـتربية في أي شركة ومن مرتبها تصرف على نفسها ودراستها. وأنا قلت ليها كتير متشلش هم الفلوس ده، وأنا هأسس ليها مصروف شهري وتفوق لدراستها. بس هي مصممة برضو تشوف شغل. فقولت ليها خلاص تيجي تدرب في الشركة المشتركة ما بيني أنا وشركائي. هناك محتاج مدير حسابات يدير ليا الحسابات هناك وملقتش أحسن من أمينه.

ابتسمت له أمينه بشكر لكلامه. فقال أدم برفع حاجب: = ودي تفهم إيه دي في الحسابات يا بابا؟ وبعدين دي بنت ولو اتعملت مع شركائك دول هيكلوها يا عاصم بيه وإنت عارف كدا كويس. فكر عاصم في كلام أدم. فقالت أمينه بثقة من نفسها: = لااااا، إنت لسه متعرفنيش كويس يا أدم. اللي ياكلوني، اللي... أنا لحمي مر يا با وعضمي ناشف واللي يقرب لي آكله أنا ومن غير ما أتسمى كمان. فضل أدم وعاصم يضحكوا جامد على كلام أمينه.

فنظرت لهم أمينه وهي رافعة حاجبيها بتعجب. فقالت: = إنتوا بتضحكوا على إيه؟ أدم: = على الهبل اللي بتقوليه ده. اللي قولتي ده تحتفظي بيه لنفسك عشان محدش يتريق عليكي تاني يا ماما. نظرت له أمينه بغيظ. فقال عاصم: = أدم معاه حق يا أمينه. مش عارف مخدتش بالي إزاي من الموضوع ده. يستحسن إني أشوف لك شغل في شركة تانية غير الشركة دي ويكون بعيد عن الناس دي. لأني أنا نفسي مش ضامنهم ومش عاوز أحطك في الوش يابني. أمينه بهدوء:

= تمام اللي تشوفه يا عاصم بيه، مفيش عندي أي مشكلة حضرتك. أدم بنظرات ماكرة: = وليه تشوف ليها شغل عندك من الأساس يا بابا وشغلها موجود أصلا؟ أنا محتاج حد عندي في الشركة بيكون بيفهم في الرسم. وإنتي قولتي قبل كده إنك عاوزة تشتغلي شغلانة ليها علاقة بالرسم والشغلانة دي هتفيدك أوي وأوقات الشغل مناسبة لدراستك. إيه رأيك؟ عاصم باقتناع:

= طيب دي يبقى أحسن لك يا أمينه ومش هيكون فيه تعب أدي كده ليكي وعشان برضو تركزي في دراستك يا بنتي. كانت أمينه تنظر لآدم بحيرة من تلك النظرة الماكرة اللي ينظر لها بها. فنظرت له بنظرات تمتلأ بالتحدي. وقالت بابتسامة تمتلأ بالتحدي: = أكيد موافقة يا عاصم بيه. كفاية إن الباشمهندس أدم بنفسه هو اللي بيطلب مني أشتغل عنده. أستأذنكم بقى دلوقتي عشان طالعة أشوف أفنان منزلتش ليه. وقامت أمينه. ابتسمت بتحدي وهي ماشية نحو الفلا.

فقالت لنفسها: = أنا مش عارفة إنت عاوز توصل لإيه بالظبط يا دومي بس خليني معاك لآخر الطريق ونشوف طرقنا هيوصلنا لفين. ومشت أمينه. وكان أدم ينظر لها بمكر. فنظرت عاصم له. ونظرت لضيف أمينه. وقال بخبث: = إنسانة طموحة وجميلة أمينه يا أدم. صح؟ أدم بتوتر: = هااا... احم اه اه ية بابا. عشان كده عاوز استفاد منها في شركتي. عاصم بمكر: = بسسس... أدم بحيرة: = اااه بس... احم أنا قايم بقى لأني لسه هاحلق عشان الخطوبة. عن إذنك.

وقام أدم بسرعة ومشى. وعاصم ينظر له بابتسامة ماكرة. تسريع الأحداث في الأمس. كانت حديقة الفلا تمتلأ برجال الأعمال وسيدات الأعمال وشخصيات مشهورة كتير. وكمان كان يوجد البعض من الضباط زملاء سيف. والكثير من صديقات تارا. وكانت الحفلة تمتلأ بالبهجة. وعاصم وإسماعيل وحورية عاملين يرحبوا بالضيوف. وكان عمر وأدم وأمير واقفين يتحدثون مع زملاء سيف. وكانت تارا عاملة تتصور مع صديقاتها بفرحة تملأ وجهها اللي بيبتسم بسعادة لا توصف.

وهي متألقة بفستان لبني برسمات لامعة جميلة وديق برسمة صدر جميلة وبحمالة واحدة. وعند الخصر كان يوجد ديل طويل بنفس لون الفستان. وكوليه من حبات من اللؤلؤ الأبيض. وكانت فارده شعرها بحرية وعاملة ميك أب كامل. وكانت في غاية الجمال. فقالت إحدى صديقات تارا: = يخربيت عقلك يا تارا، ولا طلعتي مش سهلة. عملتيها إزاي دي وخلتي سيف الألفي يقع في غرامك. تارا بابتسامة ثقة: = أنا معملتش حاجة. هو الحب كده بيجي في ثانية.

وأنا وسيف بنحب بعض واخترنا نكمل حياتنا مع بعض. عقبالك يا حبي. صديقتها: = اممم إن شاء الله يا حبيبتي. جت حورية وقالت بلطف: = معلش يا بنات هاخد منكم العروسة ثانية. واخدت حورية تارا بعيد عن البنات. فقالت تارا بفرحة: = أنا فرحانة أوي يا مامى، مش مصدقة إن النهارده خطوبتي أنا وسيف. حورية بنظرة تمتلأ بالحنان والحب وقالت: = ربنا يسعد قلبك دايماً يا قلبي ويخليكم لبعض وأشوفك أجمل وأحلى عروسة في الدنيا دي كلها.

ابتسمت تارا بحب وحضنت أمها بفرحة. ففي الوقت ده دخل مصطفى الخولي وهو متألق ببدلة رمادية وهوا ماسك في إيده بنت جميلة جداً بعينين خضراء واسعة وشعر أصفر طويل يصل لخصرها ومصففها على شكل ديل حصان. وكانت متألقة بفستان ديق يصل لفوق الركبة وبكم باللون الأسود اللامع. وعملت ميك أب كامل وكان وجهها مزين بابتسامة مصطنعة. فجأة اختفت ابتسامتها عندما اقترب منهم عاصم الألفي بابتسامة. وقال بترحاب: = أهلاً وسهلاً بيك يا مصطفى بيه.

أنا سعيد إنك قبلت دعوتي وجيت حفل خطوبة ابني. مصطفى بابتسامة ماكرة: = إزاي بس أرفض دعوت حضرتك يا عاصم بيه. (ثم كمل بحقد مالي قلبه ويخفيه بنفس الابتسامة) وبعدين أنا جيت أبارك بنفسي لابن حضرتك البطل اللي حامي بلدنا من كل المجرمين. آه أحب أعرفك بالقمر دي، وبتكون أختي هيدي الخولي. عاصم بترحاب: = أهلاً وسهلاً بيكي يا آنسة هيدي. ما شاء الله، مكنتش أعرف إن ليك إخوات قمرات كده يا مصطفى بيه. هيدي بكسوف مصطنع:

= مش للدرجاتي يا عاصم بيه. وبعدين مصطفى كتير بيحكي ليا عن حضرتك، بس مكنتش متخيلة إني أقابل شخصية مهمة ولطيفة زيك يا عاصم بيه. ابتسم عاصم لها بلطف وفضلوا يتكلموا لحد ما دلهم عاصم إلى الطاولة بتاعتهم. فجلسوا وتركهم عاصم ليشوف ضيوفه. فتحولت نظرات هيدي للحقد والغل وهي تنظر لتارا الحديدي. فراح مصطفى مسك ذقنها ولفها نحوه وقال بابتسامة مصطنعة: = خففي نظرات الحقد دي شوية يا كوكي.

لكل نهاية وبكرة تشوفي عيلة الألفي وهما مدمرين واحد واحد وعلى أيدينا إحنا ياااا كيندا. نظرت له كيندا بابتسامة خبيثة وقالت: = مش قولنا هيدي يا مصطفى، ولا إنت عاوز اللعبة تنكشف قبل ما تبتدي يا چو؟ ابتسم مصطفى بخبث وتذكر اليوم اللي اتقابلوا فيه. Flash Back... قعدت كيندا على الطاولة وقالت بملل: = يلا قول اللي عندك لأني مش عاوز حكايات كتير في اللاشئ. مصطفى بتعجب: = مالك داخلة جد كده ليه؟

ما براحة يا ست كيندا وإنتي تعرفي إيه اللي عندي ووعدك إنك مش هترفضى بعد ما تعرفي. كيندا بانتباه: = سامعاك!! مصطفى ببرود: = مش الأول نطلب حاجة نشربها ولا إيه؟ وطلب مصطفى النادل وطلب مشروب ليه ولكيندا وهي تتابعه بضيق. فاخرج مصطفى صورة من جيب جاكتة ووضعها أمام كيندا على الطاولة. ففنظرت كيندا للصورة باستغراب شديد. ولقت الصورة لبنت جميلة بيضاء البشرة وبعيون خضراء وشعر أصفر طويل. فرفعت كيندا عينيها لمصطفى برفع حاجب. وقال:

= مين دي؟ مصطفى بحزن: = أختي هيدي الخولي. ماتت من سنتين. ماتت بسبب عاصم الألفي. كيندا بتعجب: = عاصم الألفي؟ اختك إنت ماتت بسببه؟ إيه اللي حصل بالظبط؟ مصطفى بحقد مالي قلبه: = والدي كان راجل أعمال كبير وكان ليه اسمه في السوق من سنتين وكان فيه ما بينه شغل هو وعاصم الألفي. لحد ما في يوم جت صفقة كبيرة ليهم وكانت هتدخل ربح كبير جداً لشركت والدي وشركة عاصم الألفي.

بس كل اللي عمله عاصم الألفي إنه طمع في الصفقة دي لوحده وقرر يغدر بأبويا. وأجر ناس يحطوا ليه أكياس بودرة كوكايين في درج مكتبه وبلغ عنه. وجت الحكومة وأخدته من وسط بيته بسوقها هرب أبويا منهم ليرجع حقه. بس وقتها فضيحة والدي بقت على كل لسان. وأنا كنت مسافر في الأوقات دي ورجعت على الخبر. بس اللي مكنتش متوقعه مو*ت أختي المفاجأة. بسبب إنها كان عندها مشاكل في القلب وكانت وقتها محتاجة عملية مهمة لتبقى أحسن.

بس لما عرفت الخبر ماتت ووراها مات أبويا قبل ما يرجع حقه. عرفتي بقى ليه عاوز أنتقم من عاصم الألفي؟ ولا لسه فيه حاجة تانية عاوزة تعرفيها؟ كيندا بتنهيدة: = لا معاش عاوزة أعرف حاجة تانية. كده حلو، وأنا معاك يا مصطفى. بس أي حاجة هنعملها في عيلة الألفي تكون بعيدة عن سيف. مفهوم؟ ابتسم مصطفى بخبث وقال: = مفهوم. كيندا ببرود: = وإنت إزاي بقى هتدخل بيا لعيلة الألفي إن شاء الله وأنا في القانون مدفية؟

ولا ناوي تستخدم الكام ورقة المزورين اللي معايا لقيد مش قيدي وشخصية مش شخصيتي يا چو؟ ابتسم مصطفى واقترب شوية وضرب بصبعو على الصورة وقال: = لأ الورقتين بتوعك دول بليهم واشربى ميتهم يا حبي. إنتي هتدخلي في وسط عيلة الألفي بصفتك هيدي الخولي، أختي المدفية، بأوراق رسمية. لأن أختي لما ماتت ماتت بره البلد في أمريكا واتسجلت هناك إنها اتوفت. بس هنا في البلد لسه متثبتش إن هيدي الخولي فعلاً متوفية. ومتخافيش محدش هيكشفك حتى سيف.

لأني بعملية بسيطة خالص هتكوني نسخة تانية من هيدي أختي. هااا إيه ردك؟ فكرت كيندا شوية وبعد تفكير قالت: = موافقة طالما حاجة في أذى عيلة الألفي وبعيد عن سيف يبقى أنا معاك للآخر يا مصطفى. ابتسم مصطفى بخبث مالي عيونه وهو بيفكر في اللي جاي. Back... كانت كيندا تنظر لتارا بحقد مالي عينها وهي تتذكر عندما عرفها مصطفى بحفل خطوبة سيف وتارا.

ووقتها كانت تريد تحرق الأخضر باليابس وتموت هي الفتاة ولكن مسكت نفسها بالعافية وهي تستعد لكسب تارا لتعرف إزاي تدمرها وتندمها على اليوم اللي حبت فيه سيف ووافقت على الجواز منه. فكان مصطفى يتابعها بسخرية. ونظر حوليه ببرود ليفتح عينيه بانبهار وإعجاب عندما رأه بنت جميلة نازلة من على درج الفلا وهي متألقة بفستان أسود لامع يصل للركبة بدون حملات وبفرو أسود من عند الصدر.

وكانت فارده شعرها بحرية وترتدي كوليه بحبات سوداء وإنسيال في إيديها. وكانت ترتدي حذاء كعب عالي وعاملة ميك أب خفيف يليق لها جداً. وكانت تلك الجميلة هي أمينه. فكان أدم واقف يتحدث مع زملاء سيف. فأول ما رأه أمينه فتح عينيه بصدمة من شدة جمالها. فقترب منها. وكانت أمينه تنظر حولها بتوتر لتتفاجأ بأدم أمامها. فقال بانبهار: = برغم شكلك لافت أوي وعكس لبسك، بس زي القمر على فكرة. ابتسمت أمينه بخجل وقالت:

= حبيت أغير شوية من لبسي عشان محدش يتريق علينا ويقول لبسنا بيئة ولا حاجة يا أدم الألفي. ضحك أدم وقال: = ماشي يا ستي، بس اللبس ملوش علاقة باحترامك لنفسك يا أمينه. وإنتي كنتي أجمل باللبس المحتشم. عشان كده متتحوليش تغيري من لبسك عشان كلام أي حد. يو*لع الكل المهم إنتي. ابتسمت له أمينه بخجل وهم ينظرون لبعض. ولم تنتبه أمينه لنظرات مصطفى لها اللي متشلتش من عليها من أول ما نزلت. فقترب عاصم من أدم. وقال:

= أدم، أمال سيف فين كل ده بيلبس؟ أدم بهدوء: = لسه شيفه يا بابا وثواني وهتلاقيه نازل. اومأ له عاصم وعاد مجددًا لضيوفه. فنظرت أدم لأمينه بهيام وهي عاملة تنظر حولها بتوتر شديد. فجأة جت بالصدفة على مصطفى. فابتسم لها مصطفى. فاستغربت أمينه وردت له الابتسامة بتعجب. فنظرت أدم بغيره لهم. وقال: = بتبتسميلو ليه؟ أمينه بتعجب: = بصيت ليه بالصدفة فلقيته بيبتسم لي فرديت له الابتسامة. هو كده غلط؟ أدم بحدة: = آه، ومعادش تتكرر، تمام.

ابتسمت أمينه رغم عنها وقالت: = تمام يا باشا. ابتسم أدم لها وهم ينظرون لبعض. .. في غرفة سيف .. أرتدى سيف جاكت بدلته وهو ينظر لنفسه في المرآة باختناق شديد. وكان يرتدي بنطلون أسود وقميص أسود وفوقيه جاكت رمادي داكن ومصفف شعره بطريقة خيالية. فظبط سيف ياقة البدلة وهو يتنهد بضيق شديد وغضب شديد من نفسه ومن كل اللي بيحصل ومن أفنان. فقترب من شباك الغرفة ونظر بضيق للحفلة. ونظر بندم لتارا وفرحتها. فحرك ايديه في وشه بضيق.

وفجأة لقى باب غرفته بيتفتح ودخلت أفنان من باب الغرفة. فنظر لها أدم بضيق وقترب منها. ونظر بألم يملأ قلبه لعيونها المنتفخة من شدة البكاء وهي تنظر له بكسرة. فأخذ سيف نفس عميق باختناق شديد. ونظر لها من تحت لفوق. فكانت ترتدي فستان أحمر طويل نازل على شكل ديل سمكة وبحمالات ونازل على ذراعيها بسلسلة من الفرو الأحمر. وبفتحة صدر على شكل مثلث ولديه فتحة من الجهة الشمال من عند الركبة للأسفل.

وكانت فارده شعرها بحرية وعاملة ميك أب خفيف جداً. وكانت آية من الجمال. ولكن كان جمالها ناقص بالدموع اللي بتلمع في عينيها الرماديتين وملامحها اللي كانت تمتلأ بالحزن والوجع. فقال سيف: = هه، اللي يشوفك ويشوف جمالك يفكر إن إنتي العروسة مش تارا. إيه جابك يا أفنان؟ عاوزة إيه؟ أفنان بكسرة: = جيت أبارك لك. ضحك سيف بسخرية وقال: = تباركي لي؟ أمال مش شايف ده في عيونك ليه؟ إنتي عارفة إني شايف إيه؟ أفنان بوجع وكسرة: = شايف إيه؟

قول اللي إنت شايفه يا سيف لو تقدر تقوله صح يا ابن الألفي. فضل سيف ينظر لعيونها باختناق. فظلت الدموع تلمع في عيون أفنان حتى خانتها دمعة ونزلت بألم وهي معدتش قادرة تداري كسرة قلبها ووجعها أكتر من كده. وسيف ينظر لعيونها بوجع مالي قلبه على وجعتها والكسرة اللي شايفها في عينها دي. فرفع سيف ايديه يمسح دمعها ولكن وقف فجأة ايده في الهوا وبعد عنها بغضب. وقال: = إنتي عاوزة إيه بالظبط يا أفنان؟ إنتي عاوزة تجننيني بطريقتك دي؟

لا عاوزة تريحيني ولا تريحي نفسك. كأنك حابة نعيش في المرار والوجع والكسرة دي لحد ما حد فينا يموت عشان ترتاحي. أفنان بابتسامة ساخرة من وسط دمعها: = ما يمكن يكون نهايت كل ده بمو*تي يا سيف. ويمكن يكون على إيدك. زي نهايت من قبل على حبك الأولاني بإيدك برضو. نظر لها أدم بسخرية وراح لها ومسكها بغضب من ذراعها وقال: = مين قالك على الكلام ده؟ عرفتي منين؟ حكيتي الأولانية. أفنان: = عرفت من اللي عرفته. المهم إن دي الحقيقة.

عندك طريقة سهلة استخدمتها قبل كده يا سيف لتخلص من حبك الأولاني، وبإيدك نهيت كل شيء. عشان كده عاوزة بإيدك تنهي حبك التاني كمان يا سيف. بص لها سيف بصدمة. فبصت أفنان حولها وراحت جابت مسد*س سيف اللي كان محطوط على التسريحة وحطته في إيد سيف. ورفعت إيد سيف بالمسد*س على قلبها وهي تبكي بحرقة. وسيف ينظر لها بدهشة. فقال: = إنتي اتجننتي؟ إيه اللي بتعمليه ده؟ أفنان بانهيار وكسرة: = أنا بتأرجى تمو*تني يا سيف.

أنا مكسورة أوي من الدنيا واللي فيها وعاوزة أرتاح. فأرجوك ريحني من الدنيا دي بقى. أنا هكون مرتاحة حتى لو مـ*ـت على إيد الإنسان اللي بحبه 😭. نظر سيف بصدمة لعيونها وشد إيده منها ورمى المسد*س على الأرض بغضب وهو ينظر لها بدهشة. وقال: = أنا اللي بقولهالك أهو يا أفنان. ابعدي عني عشان مأذيكي. ابعدي عن شرّي يا أفنان ماشى. ابعدي خالص. وتركها سيف وخرج من الغرفة. فقعدت أفنان على الأرض تبكي بحرقة.

فسند سيف على الحائط بصدمة وزهول وهو مش مستوعب اللي بيحصل. فحط سيف إيديه على ودنه عشان ميسمعش صوت بكاء أفنان. فتقدم سيف من الغرفة ليذهب لها ويضمها داخل ضلوعه ويحاول ينهي ذلك العذاب. ولكن وقف سيف مكانه بحيرة زي اللي لا طايل لا سما ولا أرض. فسند على الباب باختناق ونزل بسرعة لأسفل هرباً من كل شيء خلفه. فأول ما نزل سيف نظرت له تارا بفرحة. وبينما تجمعت دموع الشوق في عيون كيندا وهي تنظر له.

فقامت لتذهب له ولكن بسرعة مسكها مصطفى. وقال: = خليكي مكانك يا كيندا. لو عملتي أي حاجة دلوقتي ممكن يشك فيكي. فاصبري وكل حاجة هتيجي واحدة واحدة. تمام؟ كيندا بصوت مبحوح: = تمام... تمام. أما عند تارا وسيف. مسكت تارا إيد سيف وقالت باستغراب: = إنت كويس يا سيف؟ سيف باختناق: = أيوا كويس... أء احم يلا نسلم على ضيوفنا. تارا بحب: = تمام... يلا. ومسكت تارا إيد سيف بتملك.

وهي تنظر للكل بثقة وسعادة بأن بعد اليوم سيف الألفي حلم كل بنت راح يكون لها وبس. فكانت كيندا تنظر لها بغضب مالي عينها وغِل. وفي الوقت ده جت العيون بإعجاب شديد على الدرج أول ما نزلت أفنان بتوتر. فتجاهلتهم أفنان بارتباك. واقتربت من أمينه اللي كانت مزالت واقفة مع أدم. فكان أمير ينظر بعشق لأفنان وعيونه لم تنزاح عنها بحب. فنظرت لها أدم باستغراب من وجهها الشاحب بشدة. وقال: = إنتي كويسة... مالك؟ أفنان بخنقة: = مفيش حاجة...

أنا كويسة... بس تعبانة شوية عشان كده وشي متغير. اومأ لها أدم بعدم اقتناع. فقالت أمينه بهمس: = لا ده مش تعب يا أفنان... قوليلي مالك يا قلبي. أفنان بضيق: = قولتلك كويسة يا أمينه... الله. وتركتهم أفنان وقررت الابتعاد عن الكل شوية باختناق شديد. وأعين سيف تتابعها. فخبطت أفنان بالغلط في إسماعيل وهي ماشية. فقالت بأسف: = أنا آسفة. إسماعيل بحدة: = مش تفتحي وإنتي ماشية؟ إيه البلاوي دي. وتركها إسماعيل ومشى. فقالت أفنان بغيظ:

= والله منا ناقصة سماجة أهلك ياخويا 😠. وجت تمشي أفنان لتتفاجأ بأمير أمامها. فنظرت له أمير بإعجاب وقال: = تصدقي طالعة زي القمر يااا مرات الغالي. أفنان بضيق: = شكراً يا أمير... عن إذنك. ومشت أفنان وتركته. فقال أمير وهو يطبع قبلة في الهواء لها: = إذنك معاكي يا حبي 😘. فضلت أفنان ماشية لحد ما وصلت لجسر في الحديقة كازينو. فوقفت عليه وخانتها دمعتها للمرة الثانية بألم وهي تستمع صوت موسيقى الحفلة وتهاني الكل.

أما في الحفلة ففضل سيف وتارا يرحبوا بالكل. وعيون سيف بتدور على أفنان في الحفلة كلها بحيرة. فهي اختفت وراحت فين. فقال إسماعيل: = خلاص بقى يا ولاد كفاية ترحيب ويلا عشان تلبسوا الدبل... ولا إنت رأيك إيه يا عاصم بيه؟ عاصم برحب: = طبعاً طبعاً يا إسماعيل بيه. ثم نده عاصم لمدام عنايات عشان تجيب الدبل. فوقف سيف وتارا جنب بعض. وسيف ما زال بيدور على أفنان بعيونه. وهو يتمنى من قلبه إن يحصل أي حاجة تمنع الخطوبة دي.

فكانت كيندا تنظر له باختناق وهي مجمدة يديها بغضب يكاد يحرق الأخضر واليابس بجنون. فمدت مدام عنايات بعلبة الدبل لسيف. فأخذها سيف وأخذ منها الدبلة. ونظر قليلاً لتارا بحزن. ولكن لا يعرف هل هذا الحزن على حاله ولا على تارا اللي ملهاش ذنب ولا على روحه أفنان اللي بتتألم الآن وكل كلمة قالتها له تطعنه في قلبه 100 طعنة بدون رحمة. فأخذ سيف نفس عميق ولبس لتارا الدبلة. وكذلك تارا لبسته الدبلة بحب وفرحة.

وفضل الكل يبارك لهم بسعادة لأجلهم. فاشتغلت أغنية أجنبية لرقصة السلو. فحطت تارا إيدها في إيد سيف ليرقصوا سوا. وراحوا لساحة الرقص. وقام خلفهم كل قابل ليرقصوا معهم. فترك مصطفى كيندا وذهب نحو أمينه اللي كانت واقفة لوحدها. فقال: = هاي.. أمينه باستغراب: = هاي. مصطفى بلطف: = هو ممكن ترقصي معايا الرقصة دي يا هانم؟ كانت لسه هترد أمينه بالرفض. لكن فجأة مسك إيدها أدم وقال: = لا سوري يا مصطفى بيه، أصل الهانم هترقص معايا أنا.

مصطفى بغيظ داخله: = آه سوري مكنتش أعرف يا أدم بيه. أدم بابتسامة سامجة: = لا عادي ولا يهمك. شد أدم أمينه لساحة الرقص وهي بصت له بصدمة. فقترب منها أدم وحاوط خصرها. وهي تلقائياً حطت إيدها على كتفه وهي مزالت مصدومة. فقالت: = إيه اللي إنت عملته ده؟ أنا محبتش أحرجك قدامه بس أنا لا عاوزة أرقص لو معاك ولا معاه. أدم ببرود: = مينفعش. هو مكنش هيسكت لو قلت له ليه لا. فعشان كده أخدك أنا عشان مش مرتاح للراجل ده. أمينه بمكر:

= حتى لو مش مرتاح ليه، فدي حاجة تخصك. أما أنا لو حسيت إنه هيتطاول عليا أعرف إزاي أوقفه عند حده يا أدم. أدم برفع حاجب: = بلاش بس جو الشبحنة ده. مش لايق على شكلك بأمانة. أمينه بضحك وهي بتقلّد صوت أحمد السقا: = بأمانة... أدم بضحك وهو بيقلّد محمد هنيدي: = أيوا أمانة هههههههههه 😂. وفضل أدم وأمينه يضحكوا جامد لحد ما أنهوا ضحكهم وهم ينظرون لبعض بصمت. فكان مصطفى يتابعهم بغيظ. فقتربت كيندا منه. وقالت بسخرية:

= وده حب من أول نظرة ولا من ضمن مخططاتك يا چو؟ مصطفى ببرود: = خليكي في حالك شوية يا كيندا ياريت. كيندا باستفزاز: = تؤ تؤ تؤ... قولنا هيدي يا چو مش كيندا يوووه. نظر لها مصطفى بغيظ وفضل الصمت بضيق شديد وهو يتابع نظرات أمينه وأدم لبعض.