رواية خادمة الوحش الفصل السابع والعشرون 27 - بقلم سارة محمد

رعد بابتسامة: مش عارف امتى وإزاي، بس اللي عارفه إن حبي ليكي ملوش نهاية ولا له حد. ليلي، تسمحيلي أكون شريكك وونيسك؟ تسمحيلي أكون ضهرك وسندك في الدنيا دي؟ ليلي، تقبلي تتجوزيني؟ قال جملته، ثم أخرج من جيبه علبة جميلة بها خاتم وقدمها لها قائلاً: تقبلي تتجوزيني يا ليلي؟ ليلي بدموع وابتسامة جميلة أومأت له، ثم لبسها الخاتم. فجأة ظهر جاسر وأدهم وفارس. أدهم: لولولولولولولولوى، وربنا ما مصدق. دا الدمعة كانت هتفر من عيني.

الجميع: هههههههههههه. فارس: هههههه، وأخيرًا نطقت. طلعت عيننا يا راجل. جاسر: هااا، الفرح امتى بقى؟ ليلي: لا، لازم آخد رأي الحج والحجة الأول. نظر لها الجميع باستغراب. الجميع: نعم يا أختي! رعد: مين الحج والحجة معلش؟ ليلي: بابا وماما. رعد: نعم يا أختي، ودا هنعمله إزاي بقى؟ ليلي: هقولك. في اليوم التالي. في المقابر.

ليلي: بابا، ماما، وحشتوني أوي. أنا النهارده مش جاية لوحدي، معايا ضيف عايز يتعرف عليكم. بابا، دا رعد، حكيتلك عنه قبل كده. بابا، رعد طلب إيدي، وأنا بصراحة يا حج موافقة. هو قالي إنه بيحبني، وأنا كمان يا حج بحبه أوي. آه والله يا حج، أنا متأكدة إني لو لفيت الدنيا كلها مش هلاقي حد يحبني ولا يخاف عليا قده. يا بابا. كل هذا ورعد يتابعها بابتسامة، ثم جلس بجانبها قائلاً:

رعد: عمي، بوعدك إني أحمي ليلي وأحبها وأحافظ عليها. بنتكم غيرتني أوي يا عمي، هي أحلى حاجة حصلت في حياتي، هي روحي وحياتي. بتمنى إني أكمل معاها عمري كله. بعد مرور أيام. في القصر. أدهم بابتسامة: أنا عزمت كل الموظفات اللي في الشركة. ليلي: ومين قالك تعزمهم؟ أدهم: جري إيه يا لولو، فرح المدير لازم يكونوا حاضرين، أومال. ليلي: لا والله، فرح المدير! آه، إيه رأيك بقى لو شفت واحدة منهم هنا، هنفخك، فاهم؟ أدهم: احم احم، فاهم، فاهم.

فارس وجاسر: ههههههه. ليلي تربية وإصلاح، هو دا الإصلاح. رعد: قولتي هتعزمي مين يا ليلي؟ ليلي: سندس وأصحابي من الكلية. رعد: تمام. أدهم: ليلي، ليلي، أصحابك دول فيهم بنات؟ ليلي: كلهم بنات. أدهم بابتسامة: ربنا يخليكي لينا يا لولو. رعد: قولي العناوين وأنا هبعتلهم عربيات تجيبهم لحد هنا. ليلي: حاضر. في اليوم التالي. في القصر. الباب يدق باستمرار. يفتح فارس الباب. فارس: إيه، في إيه؟ أهدي شوية.

وقفت أميرة متحننة قائلة: أنت حقيقي صح؟ فارس وهو يرفع أحد حاجبيه: مجنونة دي ولا إيه؟ فارس: انتي مين؟ أميرة: هااا، أنا، أنا مش فاكرة. أتت فاطمة قائلة بصراخ: بت يا أميرة، كده تسيبنا؟ يا جزمة، رحتي فين يا بت؟ فاطمة: انتي هنا؟ أنا وهند بندور عليكي. لاحظت فاطمة وجود فارس. فاطمة: لو سمحت، هي ليلي موجودة؟ فارس: ههه، أيوا، انتوا أصحاب ليلي، مش كده؟ فاطمة: أيوا، إحنا، هي فين؟ فارس: هي جوه، مستنياكم. اتفضلوا.

فاطمة: لحظة، البت هند راحت فين؟ لحظة وظهرت هند قائلة: أيوا يا بطة، أنا جيت أهو، معلش اتاخرت. فارس بابتسامة: اتفضلوا، اتفضلوا. دخلوا الثلاثة. نظروا للقصر بانبهار. هند: إيه ده، كله بيت حلو أوي أوي. أميرة وهي تنظر لفارس: آه، حلو أوي يا بت هند. فارس: أفندم؟ أميرة: ابدا، مفيش. هي ليلي فين؟ فارس: ثواني، هنده عليها. ثم اختفت من أمامهم. أميرة بابتسامة: حلو أوي.

فاطمة بغضب: أميرة، احترمي نفسك أحسن أجيبك من شعرك وأمسح بيكي بلاط القصر دا بلاطة بلاطة، فاهمة؟ أميرة: خلاص، خلاص، سكت. فاطمة: بت يا هند، اقعدي يا بت، متلعبيش في حاجة. هند بفرحة: إيه ده، حلو أوي، يلا يا بطة. ولسه مكملتش الكلمة، وقعت. فاطمة: يا أختااااااي! أنا جايبة معايا أطفال، أعمل إيه فيكي دلوقتي؟ أعمل إيه؟ هند وهي على وشك البكاء: واييه، ما قصدي، وقعت غصب عني يا بطة. في هذه اللحظة أتت ليلي هي وفارس.

ليلي بفرحة: وحشتوني أوي، اتاخرتوا ليه؟ هند وهي تجري ناحية ليلي قائلة بفرحة: يويو، وحشتني أوي أوي. ليلي بضحك وهي تحتضنها: وانتي أكتر يا هند. بطة، أميرة، وحشتوني أوي أوي. بطة: آه، عشان كده كنتي بتسألي عننا، مش كده؟ ليلي: حقك عليا يا حبيبتي. أميرة: أميرة، بت يا أميرة. أميرة فقط تنظر لفارس. فارس: احم احم، طيب، ليلي، أنا هروح أشوف الشباب، عن إذنكم. ثم ذهب فارس. فاطمة بغضب: سيبني يا ليلي، سيبني على البت دي.

هند: انتوا مش هتبطلوا خناق بقى؟ فضحتونا. ليلي: بس بس، تعالوا تعالوا. ثم ذهبوا باتجاه غرفة ليلي. في المكتب. رعد موجه كلامه لفارس: مين اللي جه؟ فارس: هههه، أصحاب ليلي، بس إيه، مشكلة. أدهم: حلوين صح؟ فارس: اااه، حلوين ودمهم خفيف أوي كمان. على طاولة الغداء. ليلي بابتسامة: أقدم لكم يا جماعة، فاطمة وأميرة وهند، صحابي وعشرة عمري. ليلي: دول بقى إخواتي، جاسر وفارس وأدهم. أدهم وهو يشاور لفاطمة ويبتسم قائلاً: هااا؟

فاطمة وهي تنظر له وهي ترفع أحد حاجبيها قائلة: أهلاً. ليلي: ودا بقى جوزي المستقبلي، رعد. رعد بابتسامة: أهلاً، نورتونا. فاطمة وهند وأميرة: دا نورك. هند: هو انتوا أخوات يا رعد؟ رعد: هه، ولاد عم. هند: ااااه، وعايشين في البيت ده، ليه لوحدكم؟ رعد بابتسامة: أيوا. هند: يويو، ينفع أقعد في الجنينة شوية؟ ليلي بابتسامة: اتفضلي. هند: عن إذنكم. ثم خرجت. بعد مرور بعض الوقت. في الجنينة. حيث تجلس هند.

جاسر: احم احم، ممكن أقعد هنا شوية؟ هند: اتفضل. جاسر: ههه، شكراً. جاسر: انتي وليلي أصحاب من زمان؟ هند: اااه، من زمان أوي، يويو زي أختي تمام.