رواية خادمة الوحش الفصل السادس والعشرون 26 - بقلم سارة محمد

رعد فقد السيطرة على نفسه، أخذ يضربه بشدة. رعد يمسك سلاحه ويوجهه ناحية الشيطان قائلاً: "هقتلك، هقتلك! الشيطان بخوف: "لا، لا، لا." ولكن في اللحظة الأخيرة، جاسر رفع يد رعد عالياً قائلاً: "لا يا رعد." رعد بغضب: "سيبني يا جاسر، سيبني." جاسر أشار لفارس وأدهم الذين أتوا وأخذوا الشيطان. جاسر محدثاً رعد قائلاً: "إحنا عمرنا ما قتلنا حد يا رعد." جاسر: "خلاص، إحنا أخدنا حق اللي راحوا خلاص، هنبعد عن كل ده يا رعد، خلاص نرتاح."

رعد وهو يحضن جاسر: "هنرتاح من العذاب ده." ثم خرجوا، وجدوا فارس وأدهم ومعهم ألبرت في انتظارهم. رعد بابتسامة موجهاً كلامه لألبرت: "شكراً لك يا صديقي." ألبرت بابتسامة: "لا تشكرني، هذه الأوراق التي طلبتها بخصوص الشيطان، لقد انتهينا الآن منه وحان الوقت أن نعيش هذه الحياة كما تمنينا دائماً." رعد بابتسامة: "معك حق." ألبرت: "ماذا ستفعل مع الشيطان قبل أن تسلمه؟ رعد: "فقط سأذكره بما فعله معي." ألبرت:

"أهذا صحيح، أنك لم تقتل الزعيم أو اللورد؟ رعد بابتسامة: "نحن لا نقتل أحد." ألبرت: "أنا فخور بك يا صديقي، على الرغم من دخولك هذا العالم لم تلوث يدك بالدماء، حقاً فخور بك." "والآن اسمحوا لي." ثم تركهم وذهب. أدهم: "أومال ليلي فين؟ فارس: "أيوا صح، راحت فين؟ رعد: "في القصر." جاسر: "إنت جبتها معاك؟ رعد: "مسكت فيا زي الطفلة." رعد: "جيتوا في وقتكم صح." فلاش باك. رعد في طريقه إلى قصر الشيطان. فجأة يرن هاتف. رعد: "الوو." جاسر:

"رعد، إنت فين؟ رعد: "رايح له." جاسر بغضب: "أوعى تروح، ارجع." رعد: "متقلقش، أنا مجهز كل حاجة." جاسر: "الشيطان عارف بكل حاجة، عارف بخطتك إنت وألبرت." رعد: "مش هينفع أرجع النهارده، نهايته حتى لو فيها موتي." ثم أغلق الخط. جاسر: "رعد، رعد! أدهم: "في إيه؟ جاسر: "قفل الخط." فارس: "والحل، لازم نلحقه." أدهم: "الرجالة كلهم جاهزين." جاسر: "تمام." باكر. رعد: "بس إنتو عرفتوا إزاي؟ جاسر:

"في واحد من الحرس بيشتغل لحساب الشيطان وكان بيوصل له كل حاجة، مسكناه وخلناه يتكلم، وبعد ما عرفنا جينا هنا على طول." رعد وهو يحتضن إخوته قائلاً بابتسامة: "وأخيراً خلصنا." جاسر بابتسامة: "صح، هنرجع النهارده." رعد بابتسامة: "أيوا النهارده." أدهم بابتسامة: "أيوا، بس لازم نحتفل وندلع نفسنا شوية." لم يكمل جملته بسبب كف ثلاثي الأبعاد نزل على مؤخرة رأسه. أدهم: "آآآآه، يخربيت اللي يهزر معاكم يا جدع." الجميع: "هههههههههههههه."

رعد بابتسامة: "مش هتعقل أبداً." أدهم: "وأنا مالي، أنا زي الفل." أدهم وهو يشاور على جرح رعد: "لازم تروح المستشفى عشان جرحك." رعد: "متقلقش، أنا تمام، المهم نروح القصر دلوقتي عشان ليلي زمانها قالبة الدنيا." ثم توجهوا الأربعة إلى القصر. في القصر. ليلي: "طيب يا رعد، بس أنا أشوفك والله لأوريك." قاطع حديثها دخول رعد قائلاً بابتسامة: "وأنا عملت إيه بس؟ ليلي بغضب: "كنت في... عاااااا إيه الدم، إنت كويس؟ حصلك حاجة؟ رد علي."

رعد بابتسامة: "اهدأ، اهدأ، أنا تمام، دا جرح بسيط، متقلقيش." ليلي بدموع: "مقلقش إزاي، إنت بتنزف." أدهم: "هي مش شايفانا ولا إيه؟ فارس: "هههههه، تقريباً كده." ليلي: "إيه ده، إنتو هنا من امتى؟ جاسر: "يعني من شوية كده." ليلي موجهة كلامها لرعد: "لازم تروح المستشفى." رعد: "ليلي، أنا كويس، هاتي بس شنطة الإسعافات وأنا هتصرف." ليلي: "حاضر." ثم اختفت من أمامهم. دقيقة واتت ليلي ومعها الشنطة قائلة: "اتفضل." جاسر بابتسامة:

"مش عايزة تعرفي إيه اللي حصل؟ ليلي: "أيوا صح، إيه اللي حصل؟ حكى لها جاسر كل ما حدث معهم. جاسر: "بس يا ستي، دا كل حاجة." ليلي بفرحة: "الحمدلله، الحمدلله." ليلي: "هروح أجهز الغدا، أكيد جعانين صح؟ الكل: "جدااااااا." ليلي: "من عيوني." ثم ذهبت. فارس موجهاً كلامه لرعد: "ها، نطقت ولا لسه؟ رعد: "احم احم، لسه ما اعترفتش بحاجة." رعد بخوف: "في إيه، بتبصولي كده ليه؟ وفجأة هجموا عليه الثلاثة وبدأوا يضربونه. رعد:

"هههههه، أوعي يا لااااا." تعالت أصوات ضحكاتهم حتى ملأت القصر. مساء. في القبور. رعد بابتسامة موجهاً كلامه إلى الشيطان الذي ينزف بشدة: "ها، أعجبك المكان هنا؟ لا يختلف كثيراً عن تلك الغرفة التي كنت تحتجزني بها، أليس كذلك؟ الشيطان: "ههههههههه، أجل، تشبهها كثيراً، كنت طفلاً جباناً للغاية، ترتجف حين تسمع خطواتي، كان هذا يسعدني كثيراً، ههههههه." رعد بغضب: "سأجعلك تتمنى الموت."

لحظات وسمع الجميع صراخ وتوسلات الشيطان بسبب تعذيب رعد له. بعد عدة أيام. في مصرف. في قصر الوحوش. جاسر: "لقينا مكان للشركة." ليلي: "شركة إيه؟ فارس: "بما أننا يا ست لولو سيبنا كل حاجة، قررنا نبدأ من جديد، قررنا نفتح شركة كده على قدنا." ليلي بفرحة: "فكرة حلوة أوي." أدهم: "طيب يا جماعة، الحق أروح أعمل المقابلات مع الموظفات الجداد." ليلي: "آه، بتتعب أوي يا أخويا." أدهم: "آه، بشتغل ليل نهار يا ليلي، ليل نهار، مش برتاح."

ليلي: "آه، ما أنا عارفة، ربنا يقويك." الجميع: "ههههههه." ثم ذهب أدهم. فارس قاعد يغمز لرعد عشان يكلم ليلي. فارس: "ليلي." ليلي: "نعم." فارس: "رعد عايز يقولك حاجة." ليلي وهي تنظر لرعد: "خير." رعد: "احم احم... ليلي، أنا... ليلي، أنا أنا عايز قهوة." ليلي بضحك: "دا كله عشان القهوة؟ حاضر، دقيقة وتكون جاهزة." ثم ذهبت. جاسر وفارس ينظرون له بغضب. رعد: "أقولها إزاي وانتوا قاعدين؟ جاسر: "ممكن أعرف هتقولها إمتى؟ رعد:

"النهاردة، النهارده، هقولها النهارده." فارس: "هنشوف." مساء. ليلي دخلت غرفتها وجدت فستان جميل للغاية وبجانبه ورقة مكتوب فيها: "مستنيكي كمان ساعة في الجنينة اللي ورا القصر... رعد." ليلي بصدمة: "معقول دا، مش مصدقة." ثم أمسكت الفستان قائلة بانبهار: "تحفة أوي." بعد مرور ساعة. خرجت ليلي إلى الجنينة الخارجية. وجدت رعد يقف يوليها ظهره. ليلي: "رعد."

رعد بابتسامة ذهب باتجاهها، أمسك يدها ثم بدأوا يمشون سوياً حتى وصلوا إلى مكان جميل ومزين بالكامل. ليلي: "واو، تحفة أوي." رعد بابتسامة: "كل دا عشانك يا ليلي." ليلي: "عشاني أنا؟ رعد بابتسامة: "أيوا، ليلي، أنا بحبك." نظرت له ليلي بصدمة.