رواية خادمة قلبي الفصل الحادي والثلاثون 31 - بقلم زهرة عصام

خبط جامد على الباب وصوت طفلة بيقول: -ما تصحوا بقي انتوا اية نايمين نومة أهل الكهف. ملك فتحت الباب ومسكتها من قفاها دخلتها ورزعت الباب وراها. ملك وهي ماسكاها من قفاها وبتتكلم: -انتي اية يا بنتي عملي الأسود في الحياة، هو كل يوم نفس الخبطة نفس الكلام مفيش مرة ننام مرتاحين منك. -حطت ايديها في وسطها وقالت: -سيبي بس البجامة عشان متتكرمش، وبعدين يختي إن حق عليا بصحيكم من النوم بدي عشان يبقي كلك نشاط وحيوية. ملك:

-وحد كان قال لأمك إني عاوزة أبقى نشيطة، أنا يا ستي كسلانة، غوري بقي عاوزة أنام. زقتها وراحت نامت على السرير تاني. -انتي بتزقيتي كدا، طب مبقاش أنا ملوك إن خليتك تنامي لحظة واحدة، ماشي يا ملك. وفجأة رمت نفسها عليها على السرير وهي بتقول: -ماااااميييي اصحي بقي. ملك زقتها على مالك وقالت: -غوري من وشي يا بنت الصر'مة بدل ما أقوم أرزعك علقة تاكلي الأرف. وقامت دخلت الحمام وهي بتبرطم. مالك لملوك:

-إحنا مش هنخلص من مسرحية كل يوم دي وإلا إيه، وبعدين أنا مش قولتلك متترميش عليها كدا تاني عشان مامي جوها نونو. ملوك بلوي بوز: -خليك أنت كدا مدلعها يخويا، أنا راحة لمنال هي اللي هتصفني في البيت دا. -ملوك خرجت وسابت مالك بيضرب كف على التاني، جريت راحت لمنال وقالت: -كله تمام يا معلمة، صحيوا. منال: -جدعة يا بت تربيتي، لازم تكوني كدا. المهم هتروحي تصحي وليد ومنه بقي. ملوك:

-يا منال آخر مرة وليد كان هيرميني من الشوباك كله عشان خاطر بنتك أم كرش دي. منه جت وسمعت آخر جملة وقالت بتوجس: -هي مين دي أم كرش. ملوك خرجت ليها لسانها وقالت وهي بتستخبي ورا منال: -انتي، هو حد بكرش غيرك، مخلص على نص أكل البيت. منه بغيظ: -شوفي عشان لما أضربها مترجعيش تقولي بتعملي عقلك بعقلها. مالك خرج وملوك جريت عليه، فشالها وقال بهمس: -خلصتوا مسرحية كل يوم وإلا لسة يا قردة. ملوك:

-قردة أنا مش هعمل حاجة لجل إنك أبويا، بس غير كدا كنت علمت عليك يا كبير. مالك بدهشة: -انتي يا بت متأكد إنك عندك أربع سنين، قولي لو عندك أكتر مش هزعل والله. ملوك بتزمر: -بابي انت كل يوم بتندهش بالسن لية، الله بقي سيبني يا راجل أطبق دروس منال. مالك: -منال امممم كدا وضحت أوي. منال من على بعد: -وضحت يخويا، هتعمل إيه يعني، طب تبقي تفكر تفتح بوقك. مالك بلوي بوز: -وهو أنا أقدر يا حماتي. وكمل بصوت واطي بعد ما نزل ملوك:

-كان يوم أسود يوم ما بقيتي فيه حماتي. ملك من وراه بغيظ: -إيه يا حبيبي، متنسوش الفولو يا حليوة، انت بتقول حاجة. مالك حضنها وباسها من خدها وقال: -وهو أنا برضوا أقدر أقول حاجة يا بسبوسة بالقشطة. وليد واقف على باب أوضته متابع الحوار كله. وليد بخبث: -راعي إن ساكن معاك ناس يا معلم، مش كل يوم نقول قبلة الصباح دي في أوضيتكم. ملك اتكسفت كحال كل يوم ومالك قاله: -وانت مركز معانا لية، اللي متغاظ مننا يا حبيبي يعمل زينا. وليد:

-أعمل زيك إيه يا منيل. وكمل بغمزة: -أنا بعمل أكتر من كدا. منه بزعيق: -وليد. وليد بخوف مصطنع: -بنضف الأوضة وكنسها وبغسل الهدوم، عندك هدوم يا ملك عاوزة تتغسل. ملك قررت تنتقم منه عشان كسفها فردت وقالت: -آه بالله عليكي يختي ابقي خدي حتتين الغسيل بتوع البت ملوك، أصل أنا تعبانة شويتين كدا. وليد بغيظ: -أختك، طب بالسلامة انتي بقي. ملك: -إيه يا كنافة بالمانجة، زعلت وإلا إيه، دا أنا بضحك معاك. وليد بصالها بقرف ومشي وهو بيبرطم.

ملك: -شوفت بيبص ليا إزاي عشان مترجعش تشتكي بقي. مالك هز رأسه على العيلة اللي عمرها ما هتعقل أبدا، سألهم وراح ناحية صورة جمعتهم كلهم ووقف قدمها وبقي يبص لحازم بشوف. وليد وقف جنبه وهو بيقول: -غيبته طولت أوي يا مالك. مالك: -أنا مش راضي أضغط عليه من بعد اللي حصل يا وليد، انت عارف إن شخصيته اتغيرت ١٨٠ درجة. وليد بأسف: -للأسف عارف يا مالك، بس هو وحشنا أوي. سمعوا صوت عياط وراهم، لفوا لقوا ملك، مالك اتنهد

وراح ليها حضنها وقال: -هيرجع يا ملك، هيرجع، أنا عارف إنك كنتي مرتبطة بحازم أوي، بس هو دلوقتي عاوز ياخد هدنة. ملك هزت رأسها وحضنته وهي بتقول: -كله من بنت الصر'مة دي، والله لو شفتها لهعمل منها كفتة محمرة. مالك بضحك: -يا بنتي إنتي خليتي البت تتحجز شهر في المستشفى. ملك بتزمر: -مش كفاية. مالك لسه هيرد لقي منال بتزعق وتقول: -الفطار يا غفر، إيه هتقضوها، تسيبي أم كرش قربت تخلص الأكل. منه:

-هو مفيش غيري في البيت دا، وبعدين أنا حامل ولازم أتغذى. وليد باس على رأسها وقال: -بالهنا والشفا يا حبيبتي، خلصي الأكل وأجيبلك غيره. منه بصتله بعيون لامعة وقالت: -ماشي. ملوك قعدت على رجل مالك وبياكلها. ملك: -ملوك اقعدي على كرسيكي كلي لوحدك. ملوك: -تؤ، مالك هيوكلني. مالك: -سبيها يا ملك، أنا بحب آكلها. ملك: -والله العظيم ما حد مبوظها غيرك. ملوك سألتهم وجريت على أوضة ملك وقالت:

-ماشي يا ملك، مسكت الميكب بتاعها وبقت تبص على الصورة وتحط زيها بالظبط، بعد نص ساعة خرجت ليهم. مالك أول ما شافها: -ينهار أسود، إيه دا. وليد بانشكاح قال: -جميلة صغيرة في بيتنا، اللهم صل على النبي.