رواية خادمة قلبي الفصل الثاني عشر 12 - بقلم زهرة عصام

وليد: قوم يا حازم شغل التلفزيون كدا عاوز أشوف نتيجة ماتش امبارح. حازم كان لسه هيقوم لقي ملك بتبرق ليه وبتقول: أنا مش مالية عينك وإلا إيه يا سعادة البيه كريم شانتيه. وبصت لوليد وقالت: الكورة حرام يا سعادة البيه كنافة بالمانجة، عاوز تتفرج اتفرج على قناة الرقص قصدي الغناء، يوووه اتفرج على المشايخ اللي زي حالاتي كدا. وليد لمالك بغيظ: لازم يعني تتنيل على عينك دي، متخلفة يا ابني راجع نفسك.

ملك: قضى الأمر، قوم يا سعادة البيه كريم شانتيه شغل قناة المجد للقرآن الكريم. حازم بص على السفرة بحسرة وقال: بقولك إيه يا جميلة، هو إيه الفطار دا، السفرة قبل كدا كانت بتبقى مليانة عن كُدا. ملك شهقت وحطت إيديها على

صدرها بحركة شعبية وقالت: أنت عاوزني آخد وزر يا سعادة البيه كريم شانتيه، طب يرضيك أنت يا سعادة البيه الحليوة آخد وزر المبذرين، الأكل دا هنتحاسب عليه، لازم أعيشكم حياة الفقراء عشان تحسوا بيهم ولو حتى يوم في الأسبوع. وليد بشماتة: قابل يا معلم، واحد بيفطرنا عيش وحلاوة، فكرانا في زنزانة هنا، يا بنتي إنتي صنف ملتك إيه أفهم، حاسس إن إحنا اللي شغالين عندك مش انتي.

ملك: خسئت يا سعادة البيه كنافة بالمانجة، إيه شغالة عندكم دي، لا يا مكنتش أتوقع منك كدا بعد كل الخناق بتاعنا دا وتقولي شغالة عندكم، أنا هنا الكل في الكل، أنا هنا مدبرة المنزل. وكملت في نفسها: وزوجة سعادة البيه الحليوة اللي خطف قلبي مستقبلياً. وليد بعند: برضوا خدامة وشغالة عندنا. ملك بصرامة: وليد. ملك: سيبه يا سعادة البيه الحليوة. وبصت لوليد وقالت بتكبر: تسمع المثل اللي بيقول خادم القوم سيدهم.

وليد: أيوه يعني إيه برضوا. ملك بصرامة: يعني أنا هنا يتقالي يا هانم. وليد بصلها بغيظ وحازم قال: ماشي يا جميلة هانم، أبوس إيدك متشغليش دماغك تاني وتعملي أكل من اللي إحنا كلنا عارفين الماضي بتاعه بس بنتناساه. ملك بفخر: متقلقش يا سعادة البيه كريم شانتيه، دا أنا ناوية النهاردة أطبخلكم طبخة مصرية أصيلة، معتش مستود خلاص. مالك بصلها بحب وقال: عشان خاطري أنا يا جميلة، اعملي أكل حلو النهاردة، معدتنا تعبت من الأكل التاني دا.

ملك بهيام هزت راسها وقالت: أنت تؤمر أمر كدا يا سعادة البيه الحليوة. حازم تنح لما لقاهم بيبصوا لبعض والوقت سارقهم، ووليد لاحظ كدا ضرب مالك برجله وقال: هنتاخر يا سعادة البيه الحليوة وهتبقى أول مرة تحصل في تاريخ الشركة. ملك: استغفر الله سامحني يارب، كانت نظرة بريئة. وبصت لوليد وقالت: فضلاً محدش يقوله سعادة البيه الحليوة غيري، معلش أنا احتكرت الاسم ليا. وليد: احتكرتي الاسم طيب. ولسه ياما هنشوف،

قام وقف وقال: يلا بينا يا حازم لحسن الموضوع أفوّر الصراحة. وكمل بخبث: أصل إحنا عارفين كل حاجة، واخدة بالك انتي يا جميلة. ملك: ما اللي يعرف يعرف، هو أنا كنت ضربتكم على أيديكم إلا أخدت منكم فلوس، بلا واكسة دا طالع عيني معاكم، بعلمكم تركي وبرضوا مش نافع. وليد بغيظ: إنتي إيه، كل كلمة وليها رد، مينفعش تسكتي أبداً. ملك حطت السبحة وقالت: مبداهاش بقي. قامت وقفت قدام وليد وحطت إيد في وسطها والإيد

التانية على دماغها وقالت: هنا قاموس يا سعادة البيه كنافة بالمانجة، قاموس ردح، تلاقي ترجمة، تلاقي خطط، تلاقي، ومش بس كدا، بعد الظهر ببقى جميلة المغربية لحلب الحبيب وتطفيـ.ـش الرجالة من مراتاتها، تحب تجرب، أنا لحد دلوقتي طيبة معاك، أنا بقولك أهو. حازم بفرح: بجد يا جميلة بتعرفي تجلبي الحبيب، طب بصي يا ستي أنا عاوزك تخلي البنت أحلام تحبني، أصلها تقيلة أوي يا جميلة.

ملك بسخرية: تقيلة أوي يا جميلة، قولها تعمل رجيم يخويا، ولو مش عارفة طريقه عندها اليوتيوب، أنت اتهبلت يا سعادة البيه كريم شانتيه وإلا إيه، قال خلي أحلام تحبني قال، يا أخي تباً لك ولأحلام. فين سبحتي. مالك مد إيده بالسبحة وهو هيموت ويضحك على منظرها. ملك

مشيت وسابتهم وهي بتبرطم: هو في حد هيجيب أجلي غيرهم، وخصوصاً اللي اسمه حازم دا، تباً للجميع و تباً لأحلام تباً ليا أنا شخصياً، استغفر الله يا رب سامحني، دا هما اللي خرجوني عن شعوري. *** مالك و وليد و حازم راحوا الشركة وكل واحد دخل على مكتبه. وليد قعد وسرح إزاي عرف إن جميلة هي ملك والمشكلة اللي كان هيعملها ليها، بس لما شاف لمعة الحب في عيون أخوه سكت. ***

مالك: دا كدا احلوت أوي، تزوير في أوراق رسمية يا ملك، بس إنتي فعلاً ملاك. وليد دخل على أخوه مرة واحدة وقال: بتعمل إيه. مالك: بكتشف مصايب جميلة، تعال شوف. وليد بصدمة: يخربيت دماغها، إيه دا بس، تزوير بطاقة دا، أنا هوديها في داهية عشان تبقي تتحداني تاني. مالك: لا يا وليد مش هتعمل كدا. وليد: هو إيه اللي مش هعمل كدا، أنت وقعت وإلا إيه يا بوب. مالك: مش عارف، بس أنا مش هستحمل حد يأذيها.

وليد بسخرية: اطمن يخويا، وقعت ولا حدش سم عليك. *** ملك: هتعملي إيه يا ملك في المصيبة اللي حلت على دماغك دي، وليد شكله مش سهل وكمان عرفني، ومالك كمان شاكك إنه عارفني، مهو أصل النحنحة اللي هو فيها دي من فراغ، لكن صبراً، كل شيء بأوانه، أحسن وقريب أوي هظهر ليهم بـ ملك مش جميلة، هستني بس اللحظة المناسبة. *** وليد راح لمالك المكتب وقال: وآخرتها يا مالك. مالك: هنعمل إيه يعني، سيبقي الوضع كما هو عليه.

وليد: تفتكر فهمت إننا عارفين. مالك: عرفت ومش هاممها عشان عارفة إننا مش هنعمل ليها حاجة، هي مش غبية يا وليد، بالعكس دي ذكية جداً. وليد: ربنا يستر من اللي جاي. *** ملك قاعدة تسرح شعرها وشايلة الميك آب، لقت مالك داخل عليها وبيقول: إنتي مين. ملك: أنا جميلة يا سعادة البيه الحليوة. مالك: إنتي فعلاً جميلة أوي. ملك بخجل بصت في الأرض ومرديتش. مالك قرب منها ورفع راسها وباسها. ملك بصت في عيونه وقالت: عيونك دول بغرق فيهم كدا.

مالك لسه هيرد عليها، ملك وقعت من على الكرسي وقال: أحيه، بجد بقي كل شوية بخيال، إمتي هتبقى حقيقة، والبوسة اتباستها، الله يخربيت الظلم بقي. وقامت تعمل الغدا. *** الشباب داخلة الفيلا شاموا ريحة مشموهاش من زمان. وليد: تفتكر وإلا حد من الجيران. مالك: افتكر ونص، دي دماغها مهلبية. حازم دخل جوه وهو بيقول: جميلااااااه.