رواية خادمتي البريئة الفصل الرابع عشر 14 - بقلم أسماء سليم

بعد لما كريم ورغد روحوا البيت، كريم قالها على ماضيه كله. رغد مكنتش مستغربة أوي، لأنها عارفة إن المرحلة دي خطر على أي شاب، بس مدام تاب فخلاص ننسى الماضي. كريم باحراج: هما عملوا فيكي حاجة؟ رغد باحراج لأنها فهمت قصده: لأ، معملوش. كريم: الحمد لله. رغد: هي سمر تعرف إني اتخطفت؟ كريم: بيتهيألي لأ، بس هي مسألتش. رغد: ممكن مخدتش بالها. يالا أنا هقوم أحضرلك الأكل. وفجأة حست إنها دايخة، وكانت هتقع لولا أن كريم لحقها ومسكها.

كريم: مالك يا رغد؟ فيكي إيه؟ رغد: مفيش، هتلاقيني من قلة الأكل. كريم: ممكن، بس انتي لازم ترتاحي ونروح نكشف عند دكتور ضروري، لتكوني خدتي برد ولا حاجة. رغد: مفيش حاجة، ده شوية تعب بسيط وهيروح. كريم: يا رغد، أنا عايزك ترتاحي، وقولتلك نجيب محفوظ رفضتي وقولتي إنك مش عايزة. رغد: خلاص يا كريم، سيبني على راحتي. وبعدين راحت تعمل الأكل في المطبخ.

رغد وهى عمالة تعمل الأكل، فجأة حست إنها عايزة ترجع وراحت على الحمام وقعدت تستفرغ. وبعدين راحت تاني للمطبخ، بس مقدرتش تستحمل الريحة فراحت للحمام تاني. وبعدين طلعت تقعد في الصالة ترتاح من كتر الاستفراغ. لكن كريم شافها. كريم: مالك يا رغد؟ شكلك تعبانة أوي، وشك أصفر. أنا قولتلك ارتاحي وانتي قولتي لأ ورفضتي تروحي للدكتور، بس دلوقتي لازم تروحي. رغد: معاك حق يا كريم، أنا مش مستحملة الريحة خالص.

وفجأة قربت من كريم وقعدت تشم في هدومه بطريقة غريبة. كريم: في إيه يا رغد؟ بتشمي هدومي كده ليه؟ دي مش أول مرة أحط برفان يعني. رغد بتوهان: من ريحته، الريحة جميلة أوي وأنا عايزة أشمها على طول. كريم كان مستغرب من تصرفاتها، بس رجح ده لأنها كانت مخطوفة وقلقانة وعايزة تحس بوجوده. لكن اللي صدمه أكتر طلب رغد. رغد: بوسني يا كريم. كريم: 😯😯😯 رغد: بقولك بوسني يا كريم دلوقتي. كريم: في إيه يا رغد؟ انتي سخنة ولا إيه؟ وقام

حط إيده على راسها وقال: بس حرارتك كويسة. رغد: والله مش عارفة مالي يا كريم، مش طايقة ريحة الأكل وخصوصاً التقلية وعايزة أشم ريحك وكمان دلوقتي بطلب منك إيه. كريم: ممكن برد في المعدة ولازم نكشف. وبعدين كمل بخبث: طب قولي إنك عايزاني من غير لف ودوران. رغد بكسوف: لأ أبداً، بس مش عارفة مالي. كريم: ماشي، المهم كنت عايزة إيه؟ رغد بكسوف شاورت على فمها. كريم بضحك: مش فاهم قصدك إيه، قوللي يلا. رغد: بوسني يا كريم.

كريم قبلها قبلة رقيقة جداً، لكن رغد كانت عنيفة في قبلتها، ودي أول مرة تحصل، ولكن كريم حب ده وتعمق في القبلة وبعدين ابتعد عنها. رغد عمالة تلعب في أزرار قميص كريم. كريم: مالك يا رغد؟ رغد: مش عارفة، حاسة إني عايزة أكتر من قبلة، أنا عايزك دلوقتي يا كريم، انت وحشتني أوي. كريم ابتسم على كسوفها ورقتها وقال: عادي يا روحي، انتي مراتي. وقام شالها وراح لغرفتها. *** عند سمر وعلي. سمر: هنعمل إيه؟

علي: مش عارف. انتي مش ملاحظة عليها أي علامات؟ سمر: لأ، مش ملاحظة حاجة، وكمان هي كويسة. علي: تمام. *** عند عادل. عادل قاعد على السرير وماسك صورة رغد. عادل: أنا مش مصدق نفسي إني لقيتك تاني يا رغد. أنا دورت عليكي كتير والحمد لله لقيتك ومش هضيعك مني تاني. **Flash back**

لما سمر قالت لعادل إنها عايزة معلومات عن واحدة وقالت إن اسمها رغد وكده. فأنا لما بحثت عنها ولقيتها، انتي فرحت كده وقولت انتي ليا أنا وبس. وبعدين كلمت سمر. سمر: الو يا عادل، جبت المعلومات؟ عادل: اه يا هانم، جبتها. هي… سمر: حلو، المهم إزاي هبعدها عن زوجي؟ عادل: بسرعة، أنا أخطبها… قصدي أنا أخطبها، وبكده هتبعد عن كريم. (طبعاً عادل اتكلم بسرعة لأنه كان مخطط لده كله) سمر: معاك حق، يلا روح اخطبها بسرعة.

وفعلاً تمت الخطوبة، بس للأسف رغد مكنتش مبسوطة بالزواج ده، وعادل لاحظ ده، بس لأنه مهووس بيها فهو رافض يسيبها وقرر يروح بيت كريم علشان يغيظ كريم لما يشوفهم مع بعض.

عادل راح لشغل رغد، وطبعاً قدر إنه يغيظ كريم. وعدى شهر في الخطوبة وجه وقت كتب الكتاب. وطبعاً عادل اللي استعجل كتب الكتاب علشان هو عارف إن كريم ورغد بيحبوا بعض. ولكن يوم كتب الكتاب، جه كريم وقال إن رغد مراته، والمأذون أكد كده، فقام مشي. لأنه عارف كريم كويس وعارف إنه مش هيقدر عليه لوحده. قرر يلعب في السر.

عادل مقلش لسمر إن كريم اتجوز رغد لأنه خايف على رغد. لتقتلها، لأنه عارف سمر كويس وياما عمل ليها خدمات، بس كله إلا القتل، لأنه بيخاف من الدم. وقرر إنه لازم يرجع رغد ليه، بس من غير قتل. *** عند كريم ورغد. رغد نايمة على صدر كريم. كريم في نفسه: يا ترى مالك يا رغد النهاردة؟ عمرك ما كنت كده، حتى في علاقتنا كنتي مش زي كل مرة وكنتي عنيفة جداً، شكلك تعبانة وأنا مش هسكت عن كده أبداً، ولما تصحي هنروح للدكتور. *** عند الغداء.

سمر: قابلت وكريم، وقالت فين الأكل؟ كريم: هنطلب دليفري النهاردة. سمر: برفع حاجب: ليه؟ هي المدام مطبختش ولا إيه؟ كريم: حسني كلامك معايا، ومليون مرة هقولك رغد دي زيها زيك هنا في البيت، يعني احترميها، وهي مش مطالبة إنها تعمل الأكل، بس هي عملت كده علشان عايزة تهتم بيا بنفسها، مش زيك، مش همك حاجة غير نفسك. افتكري كده آخر مرة سألتيني عامل إيه من قلبك وكده، لكن انتي كل اللي شغلك صحابك وخلاص. سمر: إيه يا كريم؟ كل ده؟

معقول شايل في قلبك كل ده؟ ومدام مش طايقني كده، ليه مطلقتنيش؟ كريم: انتي بتقولي إيه يا سمر؟ اعقلي كده. سمر: أنا دلوقتي بقيت المجنونة، والست رغد هي اللي عاقلة. ماشي يا كريم. كريم: يا سمر، أنا مش قصدي، بس انتي بتتكلمي عن رغد بأسلوب وحش. سمر بانفعال: أصلها مشافتتش اللي أنا شوفته من إهانات. كريم: وذل إيه؟ انتي عايشة ملكة يا سمر. سمر: مش كل حاجة الفلوس يا كريم. تخيلي بقى كل واحدة تقولي مخلفتوش لدلوقتي ليه؟ العيب عند مين؟

طب روحي لدكتور. وغير كده كتير. كريم: انتي ليه محسساني إني أنا السبب؟ مش ذنبي إني عقيم، وأنا قولتلك في الأول لو عايزة تطلقي مفيش مشكلة، بس انتي وافقتي علشان بتحبيني، مع إنك كنتي كل فترة تجرحيني وتفكريني وتقوليلي إن العيب مني. ده من عند ربنا، مش أنا اللي اخترت، وأنا خلاص جبت آخرى معاكي. سمر بخوف: قصدك إيه بـ "جبت آخرى معاكي"؟

كريم: قصدي إن مدام حضرتك مش قادرة تعيشي معايا وأنا عقيم وده مضايقة، فالأفضل لكل منا إننا ننفصل، وزي ما دخلنا بالمعروف نخرج بالمعروف. سمر: لأ يا كريم، أنا مش قصدي كده، أنا قصدي إن رغد تنشف شوية كده علشان تستحملك. كريم قاطعها وقال: الإهانات والذل بتاع الناس. سمر: أه، لسه رغد مشافتتش ولا سمعت كلام الناس، وهتعرف هي تستحمل تعيش من غير أطفال.

كريم: ممكن رغد متستحملش كلام ناس وممكن تزعل عشان نفسها في طفل، بس الأكيد إنها عمرها ما هتقولي كلمة تزعلني ولا هتشيلني الهم، ومن وقت للتاني تقعد تلومني وتحسسني إن ليها فضل عليا لأنها لسه معايا. ربنا قال "المال والبنون زينة الحياة الدنيا"، وأنا الحمد لله معايا المال وربنا مأردش بالبنون، فخلاص نرضى بقدره. سمر: بس في ناس معاها المال والأطفال.

كريم: وفي ناس مش معاها حاجة خالص. انتي على طول مش بتفكري إلا في نفسك، ولولا إني معايا فلوس كنتي سبتيني. سمر: أنا يا كريم. كريم: أه انتي يا سمر، عايزة كل حاجة ليكي وعمرك ما فكرتي فيا أبداً. وعشان كده أنا هنهي الموضوع وكل واحد يشوف حياته. سمر: لأ يا كريم. كريم: سمر، انتي طالق.