رواية خادمتي البريئة الفصل السادس 6 - بقلم أسماء سليم

رغد: اطلقني يا كريم. كريم: انتي بتقولي ايه؟ ايه اللي حصل؟ رغد: انا مش قادرة اعيش معاك، وانت اتجوزتني غصب وكمان معتبرني خدامة. انت بتعمل كل ده ليه؟ فهمني، حرام عليك. كريم: أنا ليا أسبابي ومقدرش أقولك عليها دلوقتي، بس أوعدك في الوقت المناسب هقولك عليها. رغد: تمام. كريم: المهم بقى، سيبك من "طلقني" وكده. أنا كنت جايلك عشان عايز أخرج معاكي نتعشى بره. رغد: أنا؟ كريم: بيبص حواليه يمين وشمال. هو في غيرك هنا؟

رغد: بس معقول مش مكسوف مني قدام الناس؟ كريم: حاوط خصرها بايده وقال: أنا اتشرفت بيكي قدام الناس، بس قولتلك في سبب لكل حاجة بعملها. رغد: اتكسفت وبعدت عنه وبعدين قالت: تمام، يلا عشان محدش يدخل ويفتكر في حاجة بينا. كريم: ما اللي يفتكر يفتكر، انتي مراتي. عارف يعني ايه مراتي؟ يعني كل حاجة فيكي تخصني. ولما أنا أبقى معاكي، متفكريش في حد غيري، مفهوم؟ ويلا عشان محدش يلاحظ، وهستناكي بالليل. رغد: حاضر.

كريم: بغمز. طب مفيش أي حاجة كده منك؟ رغد: بعدم فهم. حاجة ايه؟ كريم: خطف بوسة من شفتيها بسرعة وقال: زي كده. رغد: مصدومة من إنه بقى جريء معاها أوي كده. وبعدين قالت بدلع: طبعًا يا كيمو. كريم: اتفاجأ أنها بتدعيله. وبعدين قال: فين بقى؟ رغد: غمض عينك بس، وأنا هديهالك. كريم: حاضر. وبعدين غمض عينه. رغد: قربت منه وبدأت تحرك كام خطوة لورا. وكريم مغيب عن الواقع تمام. وفجأة رغد فتحت الباب وزقت كريم بره وقعدت تضحك.

رغد: انت مش هتاخد حاجة، ويلا بقى فكك. كريم: بيضحك عليها وبيقول: مجنونة، بس بحبها. *** جه الليل. كريم اتسحب لرغد عشان يخرجوا يسهروا بره. كريم دخل ولقى رغد لسه مالبستش. كريم: ايه ده يا رغد؟ معقولة لسه مالبستيش؟ رغد: كنت مفكراك بتضحك عليا وخلاص. كريم: لأ يا قلبي، أنا مستحيل أخدعك. رغد: مصدومة من كلام كريم الرومانسي معاها وبتقول في نفسها: معقول يكون حبني؟

وبعدين بتقول: لأ، هو بس عايز مني حاجة معينة. ولما ياخدها هيسبني ويرجع لمراته، حبيبته قلبه. كريم: لاحظ شرودها وبعدين قال: مالك يا رغد؟ رغد: مفيش. يلا اطلع عشان أغير. كريم: وفيها ايه لما تغيري قدامي؟ أنا جوزك، مش حد غريب. ولا محتاجة مساعدة؟ رغد: بكسوف وخدود حمرة أوي. لأ، مش عايزة. كريم: لاحظ كسوفها وبعدين قال: خلاص، أنا هختار ليكي الفستان اللي هتلبسيه. وفتح الدولاب واختار من الهدوم اللي اشتروها من المول أجمل فستان.

رغد: تمام. اطلع عشان أغير. كريم: تمام، بس متتأخريش. وبعدين طلع. رغد: لبست الفستان وظبطت نفسها وبعدين طلعت. كريم: أول لما شافها تنح من جمالها. رغد كانت لابسة فستان فيروزي جميل متناسق مع جسمها وطرحة مناسبة على الفستان. وكانت شبه الحورية فعلاً. كريم: انحنى لها وقال: لايق عليكي أوي. *** كريم ورغد راحوا مطعم. رغد: لاحظت أن مفيش حد غيرهم. رغد: كريم، هو مفيش حد غيرنا هنا ولا ايه؟

كريم: أيوه يا حورية، أنا حجزت المكان كله ليا أنا وانتي وبس. عشان نستمتع مع بعض ومحدش يشوفك بالجمال ده غيري ونتكلم براحتنا. رغد: اتكسفت من كلامه. كريم: أنا جبتك هنا عشان أجاوبك على أي سؤال انتي عايزاه عشان نبدأ مع بعض على ورقة بيضا. اسألي يا رغد أي سؤال انتي عايزة. رغد: انت ليه اتجوزتني؟ وازاي اتجوزتني؟ كريم: بصي. (Flash back) كريم قاعد في المكتب وشايط من الغضب وعمال يلف حوالين نفسه. عمال رايح جاي في المكتب.

كريم: أنا مستحيل أسيبك يا رغد، أو اسمح إن حد ياخدك غيري. مستحييييييل. طب أعمل إيه؟ وهي طبعًا هترفض. أصل دي كانت بتتقرف تقرب مني، فإزاي هتتجوزني؟ فأنا معنديش غير إني أتوزها غصب. ولما تبقى مراتي، أكيد هتحبني. وبعد شوية تفكير: كريم: خلاص لقيتها. بس أنا عايز توقيعها. وبعدين جت في دماغه فكرة وقال: مفيش غيرها. في يوم رغد وهي بتنظف، الجرس رن وقامت فتحت. ساعي البريد: ده بيت الأستاذ كريم الشناوي. رغد: أيوه، هو. خير؟

ساعي البريد: خير، بس الجواب ده جه للأستاذ كريم من قريبه. وحضرتك اتفضلي وأمضي هنا إنك استلمتيه. وبعدين رغد مضت وهي مش عارفة إنها مضت على ورقة زواجها من كريم. وبعدين كريم خد الورقة وثبتها في المحكمة وبقت رغد حرم الأستاذ كريم الشناوي. (End back) كريم: أنا قولتلك إزاي اتجوزتك. رغد: متفاجأة منه. وبعدين قالت: طب انت قولتلي إزاي اتجوزتني، بس مقلتليش إيه السبب اللي يخليك تتجوزني وانت متجوز أصلاً وبتحب مراتك؟

وانت عمرك ما هتبصلي أو تحبني عشان أنا خدامة ومش من مستواك خالص. كريم: أولاً يا رغد، الحب مش بالمناصب ومش شرط غني يتجوز غنية. عشان كلنا بشر ولينا مشاعر، والحب ده من عند ربنا وهو اللي بيزرعه في القلوب. يعني كل شيء مقدر إنه يحصل. رغد: تمام، أنا متفقة معاك. بس برده انت مقولتليش إيه اللي خلاك تتجوزني؟

كريم: عشان حاسس بمشاعر تجاهك ونفسي أكون معاكي على طول. ولما عرفت إنك اتخطبتي لعادل، ده خلاني اتعصبت قوي وقلت إنك هتكون ليا أنا وبس. رغد: فرحت بكلامه جداً وبعدين قالت: زي ما انت متجوز، وانت كده بتظلم سمر هانم وكمان مخبي عليها، وده حرام. ومتنساش إن مفيش أي واحدة تحب إنها تشارك زوجها مع واحدة تانية غيرها. كريم: عارف، بس الحب مش بإيدي. وأنا مقصرتش مع سمر خالص وهحاول أعدل بينكم على قد ما أقدر. وبعد فترة هقولها على زواجي.

رغد: فرحانة أوي من كلامه وأنه بيحبها وبيكن لها مشاعر. وده حاجة جميلة. كريم: لاحظ أنها ساكتة، ففكر أنها مش حباه عشان كده مش عايزة تكلمه. فقال: كريم بحزن: أنا عارف يا رغد إني ظلمتك بالجوازة دي، وإنك مجبورة عليها، وإنك مش بتحبيني ومش عايزاني أقرب منك خالص. وإن الشخص اللي بتحبيه هو عادل. بس ده غصب عني. أنا عايزك ليا لوحدي. رغد:

مسكت إيده بحنان وقالت: لأ، أنا عمري ما حبيت عادل. ولكن أنا وافقت عشان ماما شافته مناسب ليا وأنا مكنتش عايزة أزعلها وأرفضه. فعلشان كده وافقت عليه.

وبعدين اتشجعت وقالت: أنا مش بكرهك يا كريم. وعمر ما كان بعدي عنك عشان بكرهك ولا عشان قرفانة منك. ولكن ده عشان حرام القرب بينا ومفيش حاجة تربطنا. وكمان على ما كنت بخاف على مشاعر سمر هانم. عشان أنا ست وبحس بمشاعر الست اللي زيك. ومع إنها بتهيني طول الوقت، بس مفيش ولا واحدة تقبل إن زوجها يتجوز عليها. وكمان أنا برده عندي مشاعر تجاهك، وكنت بحاول أنساها عشان كنت مفكرة إن عمرك ما هتبصلي أو تكون ليا.

كريم: أول لما سمع كلامها قام من مكانه وحضنها ولف بيها وقال: يعني من كده يا رغد إنك بتحبيني؟ رغد: بإحراج وكسوف. أيوه يا كريم. كريم: أيوه ليه؟ رغد: أيوه بحببببك يا كريم. كريم: الله على اسمي من بقك. وبعدين ركع على رجله وقال: تقبلي يا حوريتي إنك تعيشي معايا لآخر نفس في حياتي، في السراء والضراء؟ رغد: مسكت إيده وقالت: أقبل طبعًا. كريم: بس يا رغد، أنا عايز أعرف انتي ليه طلبتي الطلاق النهاردة؟ عشان سببك مدخلش دماغي خالص.

رغد: أنا سمعتك وانت بتكلم واحد في الموبايل وانت بتقوله إنك خلاص عملت اللي عايزه وقدرت تحط راسها في الطين، وإنك هتهينها عشان اللي عملته معاك. وقولت: هي مفكرة نفسها مين دي؟ حتة خدامة لا راحت ولا جت، وحسابها معايا كبير، بس تصبر عليا.

كريم: يا حبيبتي، انتي فاهمة غلط. أنا كنت بتكلم عن حد تاني غيرك. دي صاحبة شركة منافسة ليا وحاولت تبوظ الشحنات بتاعتي عشان الناس تاخد عني فكرة وحشة والشركة تفلس. بس الحمد لله، في وأكد قالي وقدرت أصلحه. وبعدين أنا خدت منها كل الشركات اللي بتتعامل معاها وشركاتها قربت تفلس. فهمتي بقى يا حبيبتي؟ مش كل حاجة تسمعيها تكون صح، تفهمي الأول. رغد: معاك حق، وأسفة إني شكيت فيك. كريم: ماشي، بس هسامحك لو رقصتي معايا دلوقتي.

رغد: ماشي، بس أنا مش بعرف أرقص. كريم: متخافيش، أنا هعلمك. اعملي زي بالظبط. كريم مسك إيد رغد وحط إيده التانية على وسطها. ورغد حطت إيدها في إيد كريم واليد التانية على كتفه. وبعدين رقصوا. كريم ورغد قريبين من بعض أوي وعمالين يرقصوا على الأغنية ومحدش فيهم بيتكلم. بس بيسمعوا أنفاس بعض وحاسين إنهم في الجنة مش في الدنيا. كريم: أنا النهاردة أسعد يوم في حياتي. رغد: وأنا كمان. عمري ما تخيلت إن الدنيا ممكن تضحك ليا في يوم.

كريم: أنا دايماً هكون معاكي وهحققلك كل أحلامك. ومفيش حاجة هتمنع ده إلا موتي. رغد: حطت إيدها على بق كريم بسرعة وقالت: بعد الشر عنك. وربنا يجعل يومي قبل يومك عشان أنا مقدرش أعيش من غيرك، عشان انت الحب الأول والأخير في حياتي. كريم: قربها منه أوي وحضنها وبعدين لف بيها في الهوا. ورغد كانت مبسوطة أوي. (بس يا رب الفرحة دي تدوم عليا علطول عشان الدنيا مش ثابتة على حاجة) كريم نزل رغد وبعدين قعدوا ياكلوا وبعدين روحوا. ***

في العربية. رغد: ساندة راسها على كتف كريم وكريم سائق. كريم: الحمد لله، سوء التفاهم اللي بينا اتصلح. رغد: أيوه يا حبيبي. *** كريم ورغد وصلوا البيت. رغد: كانت داخلة أوضتها وبعدين كريم قرب منها. رغد: كريم، انت رايح فين؟ ابعد لحد يشوفك. كريم: اللي يشوف يشوف، أنا واقف مع مراتي. رغد: مينفعش كده يا كري... وقطع كلامها قبلة من كريم على شفايفها. وكانت بتعبر عن حبه ليها.

رغد: استغربت الأول لما كريم باسها، ولكن بادلته القبلة لأنها تحبه جدًا. بعد فترة: كريم: بعد عن رغد عشان النفس. كريم: تصبحي على خير يا حبيبتي. يلا ادخلي نامي، مع إن نفسي أنام معاكي، بس مرة تانية بقى. وبعدين باسها على جبينها وسابها ومشي. رغد: دخلت أوضتها وهي مبسوطة أوي. وبعدين حطت إيديها على جبينها وشفايفها وافتكرت قبلتهم مع بعض وابتسمت. وبعدين غيرت ملابسها ونامت.

كريم: طلع غرفته ولقى سمر نايمة. وبعدين غير وافتكر كل اللي حصل النهاردة وابتسم ونام. *** في الصباح. الكل استيقظ ورغد حضرت الفطار. سمر: يا حبيبي، متنساش إن عندك سفرية النهاردة ألمانيا عشان العقد الألماني هناك. كريم: بس أنا اتفقت مع مصطفى يروح هو.

سمر: بس الوفد طلبك انت مخصوص. ومينفعش ترفض طلبه أو تبعت حد غيرك عشان دي قلة احترام منك ليهم. وده هيأثر على أسهم الشركة. وانت عارف إننا داخلين أكبر صفقة في الوطن العربي ومحتاجين الدعم الألماني معانا. كريم: تمام يا سمر. هقوم أجهز هدومي وأمشي. وبص لرغد وقالك: كريم: رغد، اعمليلي قهوتي وهاتيها لي فوق. رغد: حاضر يا بيه. كريم: بيحضر شنطته فوق، وبعدين حد خبط. ولما قال ادخل، دخلت رغد.

كريم: أول لما لقى أنها رغد، قام قفل الباب بالترباس وحط القهوة على المكتب وقام حضنها جامد أوي. ورغد بادلته الحضن وقعدت تعيط بصوت ضعيف، ولكن كريم سمعه. وبعدين لفها لأ. كريم: متزعليش يا روحي. بس غصب عني مضطر أروح عشان الوفد ده مهم. بس متقلقيش، هكلمك طول الوقت. رغد: قعدت تعيط وبعدين حضنته تاني وقالت: أنا مش عايزك تسيبني وتروح، بس ده غصب عنك وأنا عارفة. بس برده مش هقدر أقعد هنا من غيرك.

كريم: إيه رأيك تروحي عند أمك الأسبوع ده؟ رغد: لأ، خليني هنا عشان مقلقهاش. كريم: بإذن الله هاجي علطول يا رغد. وكفاية عياط ومتصعبيش عليا السفرية. رغد: بدموع. والله غصب عني، بس أنا بحبك أوي يا كريم ومش هقدر أقعد من غيرك. ولو ينفع كنت خدتني معاك، بس عارفة إنه مينفعش. كريم: متقلقيش، هي يومين بالكتير. رغد: تروح وترجع بالسلامة يا حبيبي. وقامت باست خده. كريم: بمرح. بقى هي دي بوسة؟

ده أنا هقعد هناك كتير، فلازم بوسة تعوض كل ده وتكون قوية كده. رغد: ضربته على صدره وقالت بقلة أدب: بطل قلة أدب. انت إيه ولا إيه. كريم: حضنها من وسطها وقال: أنا معاكي بنسى نفسي يا رغد، مش الشغل بس. بس برده لازم آخد تصبيرة.

ولسه رغد هترد عليه، قام كريم بايسها من فمها قبلة تدل على شدة الشوق والحب. وقام واخد شفتيها السفلية في فمه. وقام عضها عضة خفيفة لدرجة نزلت دم بسيط. وقام لاحس الدم ده. وقام مدخل لسانه داخل فمها. ورغد مش عارفة تجاريه، هي فقط تحرك شفتيها. وبعدين بعد عنها وقال: كريم: انزلي دلوقتي يا رغد، وإلا انتي مش عارفة أنا بفكر في إيه. ولو نفذت اللي في دماغي، مش هتسافري لا النهاردة ولا بكرة.

رغد: فهمت كلامه وبعدين فتحت الباب ونزلت بسرعة. كريم: ضحك على تصرفها ده. وبعدين لم هدومه ونزل. كريم: سلم عليهم كلهم وبص لرغد نظرة حب وحزن. كريم: ركب الطيارة ونزل ألمانيا. *** كريم وهو رايح الفندق عشان يرتاح من السفر. مجهول: ازيك يا أستاذ هشام الدمنهوري؟ كريم: استغرب لما لقى حد نداه باسمه الحقيقي. وبعدين لف عشان يشوف مين الشخص ده. ولما لف اتصدم منه. كريم بصدمة: سعيد البهواشي؟!!! يا ترى مين سعيد ده؟ وإيه علاقة كريم بيه؟

وهل كريم وحش ولا إيه؟ وإيه اسمه ده؟