رواية خارج عن المألوف الفصل الرابع عشر 14 - بقلم نشوه عادل

اسمه مارد، واما بيظهر لشخص بيجيله في شكل أفعى ذو قرنين. أكيد هيجيلك قريب، أنا لسه لابسة التيجان. يوم صحيت ميرال على صوت صرخات ريم، ولما طلعت شافت ثعبان بقرنين بيلف حوالين ريم وبيكتفها. ميرال بخوف: لا ريم، اقرئي قرآن بسرعة. حاولت ريم تقرأ بصوت مرتعش من شدة خوفها. كان الثعبان، اللي هو أصلًا مارد، بيقرب منها ويبعد عشان يشتتها. ميرال كانت بتتابع كده، مسكت سكينة وحطيتها على إيدها وقالت: لو آذيتِ ريم، أنا هاموت نفسي.

كان مارد مصدوم، وفي ثانية اتفك من حوالين ريم. ميرال كانت مازالت واضعة السكينة على إيدها وقالت: أنا عارفة إنكم بتعملوا كده عشان ترهبونا وتخوفونا، بس ده بعيدكم. أنا موتي أكرملي من إني أغضب ربنا. اتحول مارد لشكل بشري وقال: وإنتي لما تموتي نفسك وتموتي كافرة كده، إنتي مؤمنة قوي؟ ميرال بضحكة مستفزة: مين اللي بيتكلم وبيقول موعظة، حفيد إبليس؟!

مارد: ميرال، اتعاوني معانا وصدقيني، إنتي وأهلك هتشوفوا عز وحياة تانية خالص، آخركم تحلموا بيها. طاوعيني، أنا عاوز مصلحتكم. ميرال: إنت عاوز مني مصلحة، مش عاوز مصلحتي. واللي عندي قلته ومش هييأس، أنا قوية بنفسي وبإيماني وبزياد. مارد بصوت مرعب: يبقى صدقيني، حكمتي على كل اللي حواليكي بالموت. كان ذياد نايم وشاف ميرال في حلمه. قام بسرعة، مسك الخرزة واستدعى ساتر اللي ظهر له فورًا. ذياد: ارجوك انقذ ميرال وريم منه.

ساتر: مقدرش أتدخل إلا في وجودك. ذياد بعصبية: يعني إيه؟ ده أنا على ما أوصلهم يكون أذى حد فيهم. ساتر أشار بيده باتجاه الباب، واتفتحت بوابة سحرية. وقال لذياد: عدي من البوابة دي، هتلاقي نفسك في شقة ريم. بس خلي بالك، هتسمع أصوات بتنده عليك، ومنهم أصوات مألوفة ليك. اوعي تفتح عيونك لحد ما تحس بقرصة في إيدك، وقتها بس افتح. بالفعل، دخل ذياد وهو مغمض العينين وحس أنه في دوامة.

وسمع صوت أمه وأبوه وجده بيندهوا عليه باسمه، لكنه قاوم فضوله وفضل مغمض. وفجأة حس بقرصة في إيده، فتح عيونه بسرعة ولقى نفسه ورا مارد. ذياد: مش هتقدر تمس منهم شعرة طول ما أنا موجود. مارد بصدمة: إنت... إنت جيت هنا إزاي؟ هو ساتر أكيد هو اللي ساعدك. ذياد: تصدق أنا مبسوط قوي إني شفت نظرة الخوف والرعب دي منك. مارد: ههههه، ليه الآية اتعكست ولا إيه؟ إنتوا اللي بتخافوا مننا. ذياد: وإنتوا تبقوا إيه؟

إنتوا مجرد مخلوقات من خلق الله زينا زيكم. مارد: إحنا مش زيكم، إحنا أحسن منكم. إنتوا مخلوقين من طين وتراب، لكن إحنا خلقنا من نار عظيمة مهيبة. ذياد: نفس كلام إبليس لما ربنا أمره يسجد لآدم. مفيش بينكم اختلاف. بس خلي بالك، مخلوقات النار ربنا خلق لهم نار أعظم وهي جهنم. مارد: دي حقيقة، بس اتخلقت لينا إحنا الاثنين، مش لينا إحنا بس. ذياد: أنا مش فاهم، أنا واقف أناقش معاك ليه وع إيه أصلًا.

في نفس الوقت، كان ذياد بيشاور بعيونه لميرال وريم عشان يخرجوا. لكن ميرال رفضت وطلبت من ريم تنزل هي. بس مارد كان أسرع وقفل الباب بسلاسل. ذياد: إنت مشكلتك معايا أنا، خليك منك ليا، وخرج هما من الموضوع. مارد: بس أنا مليش أي مشاكل معاك، إنت اللي مصمم تحط نفسك في مشكلة معايا وتفكر تاخد حاجة مقدر لها تكون ليا. ذياد: مقدر لها! وإنت قريت القدر وعرفته! مارد: محدش هيخرج

من هنا إلا في حالتين: يا السلام بأن ميرال تيجي معايا بهدوء، يا الموت ليك ولصاحبتها، وبرضه هاخدها. ذياد: معناها موتي الأول. صرخت ميرال: لا ي ذياد، لا. مارد بشر: إنت اللي اخترت. مد إيده باتجاه ذياد، وكانت إيده بتخترق جسم ذياد بشكل غريب ومرعب وموجع. حاولت ريم وميرال يبعدوه، لكن هو كان أقوى وجمدهم بحركة واحدة. وبسبب كده، اكتسب ذياد قوة واستدعى ساتر. لما وصل، قدر يبعد مارد عن ذياد.

مارد بغضب: إنت كده بتدخل في اللي مالكش فيه، وصدقني النهاية مش هترضيك. ساتر: إنت هنا عشان توصل لهدفك، وأنا هنا عشان أنفذ وعدي وأرد الجميل. وسواء هزمت أو اتهزمت، هكون راضي إني وقفت للنهاية. مارد بضحكة: إنت اخترت، وأنا أصلًا كنت مستني. دارت معركة بين ساتر ومارد، كانت الغلبة فيها لمارد اللي استنفذ جزء كبير من قوة ساتر. وقتها افتكر ذياد كلام صخر لما قاله: طول ما إنت وساتر كتف بكتف، قوتكم هتكون أضعاف قوة مارد.

وقتها قام ذياد، وقف جنب ساتر اللي قدر يمسك إيده. وبمجرد ما ده حصل، اهتزت الخرزة والبيت بأكمله، ولمع منها ضوء أخضر قوي خرج منه آيات قرآنية على شكل دوائر أحاطت بمارد. اللي قعد يصرخ برعب ويستنجد باسم إبليس. لكنه بعد فترة، اتفتت. واتفتحت بوابة سودة خرج منها فتات مارد ومعاه دخان خرج من جسم ميرال اللي وقعت على الأرض. جرى عليها ذياد بخوف. ذياد لريم: روحي هاتي كوباية مياه بسرعة. بالفعل جابت المياه، وفاقت ميرال وكانت كويسة.

وقتها أظهر ساتر نفسه لميرال وريم. ذياد: ده ساتر اللي حكيتلك عنه. ميرال: أنا متشكرة جدًا على مساعدتك ليا، بس هو ممكن يرجع تاني؟ ساتر: لا، هو ولا غيره هيرجعوا تاني خلاص. ميرال: إزاي؟! ساتر: البوابة اللي خرج منها مارد، والخدمة اللي كانت معاكي إنك تشوفي قرين الشخص قبل ما يموت، دي كانت البوابة اللي خرجوا منها بسبب جدك. وإنتي وذياد النهاردة قفلتوها للأبد. ميرال بفرحة: بجد... يعني مش هنشوفهم تاني ولا هيأذوا حد مننا؟

ساتر: لا. ذياد: الحمد لله، الفضل بعد ربنا كان ليك. ساتر: بالعكس، أنا قوتي ما كانتش هتكفي بدون وجودك. وبكده مهمتي خلصت. ذياد: مش هشوفك تاني؟ ساتر: نتقابل في الجنة إن شاء الله. اختفى ساتر داخل الخرزة، وبعدها اختفت الخرزة بجزء السلسلة، وكذلك الكتب. واتفتحت السلاسل. وجه اتصال لريم إن أمها فاقت من الغيبوبة ووووووو...