رواية خاينة الفصل العاشر 10 - بقلم احمد عبد المعز

جاسر قرأ رسالة البنك واتجنن. إيده علي قلبه وقال لنفسه: "إزاي؟ أنا مش فاهم حاجة." وقام جري وكان نازل يروح البنك. وبيفتح باب مكتبه وكان عمر في وشه. "إيه يا جاسر؟ انت بتجري كده ليه وإيه الخضة اللي علي وشك دي؟ "لأ مفيش يا عمر، أنا كنت رايح البنك عشان في غلط في حسابي." "بنك إيه يا راجل دلؤتي انت مش شايف الساعة كام؟ جاسر بص ف ساعته وخبط بإيده علي راسه وقال لعمر: "أيوا صحيح، مختش بالي."

"وإيه الغلطة اللي في حسابك اللي كنت رايح البنك عشانها؟ "لأ خلاص، متشغلش بالك، بكرة إن شاء الله أفوت عليهم بدري." "لأ يا جاسر مفيش بكره، انت عرفت ان فلوسك اللي في البنك اتسحبت كلها." "إيه ده؟ وعرفت منين؟ "يا جاسر الحق لازم يرجع لأصحابه، مش دي برده الفلوس اللي اختلستها من شركتي بعد ما خنتني وجوزتني واحدة بنت شوارع عشان تكملوا سرقة مع بعض؟ بس ربك أراد إنه يكشف ملعوبك الدنئ مع أعز أصدقائك يا خاين." "انت بتقول ايه؟

الكلام ده محصلش، أنا مش قاعد في شركتك لحظة واحدة." واتجه ناحيه الباب، بس فوجئ بخمس أشخاص من الأمن علي باب مكتبه زقوه بكل قوة دخلوه المكتب تاني. جاسر بص للمنظر وجلس علي كرسي وقال لعمر: "عشان كده خلتني عملت التوكيل ليك؟ يعني كنت بتضحك عليا؟ عمر راح ناحيه جاسر وراح لطمه علي وشه قلم جامد وقاله: "انت لسه ليك عين تتكلم؟ "طب انت مش خت فلوسك، عايز ايه تاني مني؟ ممكن تسبني أمشي؟

"متخافش يا جاسر، أنا هسيبك تمشي بس لما اخد حقي منك الأول." "انت مش خلاص خت الفلوس، عايز ايه تاني؟ "أنا كمان خت الشقة والعربية اللي انت شاريهم بفلوسي. أنا جبتك هنا شحات وهتمشي شحات." "انت كمان بعت لنفسك الشقة والعربية؟ عمر لطم جاسر قلم تاني علي وشه وقاله: "هات مفاتيح الشقة والعربية." جاسر سمع الكلام وخرج المفاتيح من جيبه واداهم لعمر. "هات التليفون." "والتليفون كمان." "وافتحه واكتب هنا الباسورد بتاعه."

جاسر كتب باسورد التليفون وسابه لعمر. "عايز حاجة تاني يا عمر بيه؟ "لسه بدري يا جاسر." عمر نده علي المحاسب سامح سليمان وقاله: "جهز بكل المستندات." "طبعًا يا عمر بيه." "اتصل بالبوليس ييجي ياخد الكلب ده." "عشان خاطري يا عمر، بلاش بوليس، حقك عليا." عمر بص كده لجاسر وقاله: "ممكن اسيبك بس تسمع الكلام." "أنا تحت أمرك بس بلاش بوليس."

عمر بص للمحاسب سامح سليمان ولأفراد الأمن وطلب منهم كلهم ينتظروه بره المكتب ويقفلو الباب وراهم. سامح سليمان خرج وخد معاه افراد الأمن وقفل الباب ذي ما عمر قاله بالظبط. عمر طلع تليفون جاسر من جيبه وراح فاتحه وقاله: "نفذ اللي هقولك عليه بالحرف وإلا هاحبسك." "تحت أمرك."

"عايزك تتصل برحاب شريكتك الخاينه وتطلب منها تجيب كل فلوسها وتيجي علي عندك في الشقه. وعرفها اني عرفت حاجات كتير عن المورفين اللي كانت بتحطه في القهوه وبلغها تيجي بسرعه قبل ما عمر يوصل البيت ويقتلها." "حاضر، حاضر. هاعمل كل اللي انت عايزه." جاسر اتصل برحاب. "الو يا رحاب اسمعيني كويس." "في ايه يا جاسر؟ "عمر عرف انك بتحطيله المورفين ف القهوه وقرر ينتقم منك." "انت بتقول ايه؟ وايه اللي عرفه؟

"عمر عرف حاجات كتير، مش وقته أفهمك، هاتي شنطة فلوسك وحاجتك بسرعه واطلعي علي شقتي قبل عمر ما يوصل عندك وينتقم منك." "حاضر، حاضر. سلام." جاسر قفل التليفون وراح عمر خده منه ونده علي المحاسب سامح والاستاذ شريف نجيب المحامي وقالهم: "اتصلتوا بالبوليس؟ "طبعًا يا عمر بيه وزمانه وصل." "استاذ شريف، كل اوراقك جاهزه؟ "طبعًا يا عمر بيه."

"خلاص، أنا نازل دلؤتي ولما ييجي البوليس سلموه الكلب ده والاوراق اللي معاك. وطبعًا يا متر أنا مش هوصيك تعمل ايه في المواقف اللي زي دي." عمر نزل خد عربيته وراح علي بيت جاسر وشاف عربيه رحاب مركونه. عرف انها وصلت. عمر طلع علي شقه جاسر وفتح الباب وشاف رحاب. رحاب وشها جاب ميت لون وقالت بصوت كله رعشه ورعشة: "عمر، انت ايه اللي جابك هنا؟ "دي شقتي يا رحاب، طبعًا جاسر ملحقش يبلغك." "شقتك؟ يعني جاسر كان بيضحك عليا؟

جاسر اتفق معاك عليا؟ "جاسر خلاص أنا حبسته عشان سرقني، وانتي كمان يا خاينه هاحبسك بالفلوس اللي ختيها من شركتي." "فين الفلوس؟ "اههه عندك في الشنطه." عمر فتح الشنطه وشاف الفلوس وراح عند رحاب لطمها علي وشها عدة لطمات. "هاتي مفتاح العربيه والموبايل يا كلبه، انتي لازم ترجعي لأهلك الشحاتين المتسولين ببجامة البيجامة." رحاب قامت من علي الارض خرجت من شنطتها مفتاح العربيه والموبايل وسابته لعمر.

عمر مد ايده في الشنطه وخد كل الفلوس اللي كانت موجوده معاها ف شنطتها عشان تمشي من غير فلوس خالص. "انتي طالق، طالق، طالق." رحاب سمعت كلمة طالق بصت في الارض ورايحه عند باب الشقه. عمر نده عليها: "استني، ليكي عندي امانة." راح طلع من جيبه المورفين وقالها: "مش ده المورفين اللي كنتي عايزه تخليني أشربه في القهوه كل يوم؟ شاء ربنا اني ابدله بسكر بودره، وأنا اللي اشربك منه انتي وعشيقك." "يعني انت كنت بتحطلي منه علي القهوه؟

"طبعًا لحد ما اصبحتي مدمنه." رحاب راحت عند عمر وصرخت في وشه: "جبان، جبان! " وعايزه تضربه بالقلم. عمر مسك ايدها وضربها علي وشها خمس اقلام ورا بعض وقال لها: "اطلعي بره يا خاينه." رحاب وهي خارجه من الشقه عمر قالها: "استني عندك، أنا هاعمل فيكي شئ انساني مع انك متستهليش. خدي علبة المورفين دي معاكي عشان كمان شويه هتخبطي راسك في الحيط لو مختيش الجرعة يا مدمنه." رحاب جريت علي عمر وخدت منه علبة المورفين وكانت فرحانه بيها أوي.

رحاب خدت شنطتها وعلبة المورفين ونزلت من العماره. بس للأسف عمر كان مبلغ عنها انها معاها شنطة تحتوي علي مخدرات واتقبض عليها تحت العماره.