رواية خداع العشق الفصل العاشر 10 - بقلم عائشة الكيلاني

مروان مسكه من قميصه بغضب ممزوج بعصبية: ـ انت اتجننت يا روح امك يعني أي عايز تتجوزها؟ انت عارف إني بحبها تقوم تتجوزها يا قاسم؟ هو أنانيتك وصلت إنك تاخد حاجة مش ليك؟ انت فاكر إني هسيبك؟ انسا. الأب بغضب: ـ مروان، انت نسيت نفسك؟ إزاي تتكلم مع أخوك بالشكل ده. مروان بجنون: ـ آه اتجننت، ما لازم أتجنن لما ألاقي أخويا عايز يتجوز البت اللي بحبها وهو عارف ده. ابقى اتجننت؟ هو انت معرفتش تكسب هنادي والرهان؟

جاي تدخل في رهان مع أخوك يا واطي؟ انت إيه يا أخي؟ شيطان طايح في الكل. ومن قذارتك رايح تبلغ عن صاحبك بتهمة انت ملفقها له ودبست الموضوع لهنادي، صح؟ ولا انت معرفتش تاخد اللي عايزه؟ هطلع عقدك علينا. الأم ضربت إيديها على وشها بصراخ: ـ الكلام ده حقيقي يا قاسم؟ انطق. قاسم بغضب: ـ ده حقي ومش هسيبه. سامعين؟ وهنادي هاخدها هاخدها. أما سها بقا ف هتبقى قصاد عينيك ومش هتعرف تقولها ازيك حتى. هي تستاهلني أنا مش واحد فاشل وهايف زيك.

مروان ضربه كف قوي جداً لدرجة إنه وقع على الأرض. خرج مروان من الفيلا وركب عربيته ومش. مروان: ـ عايز أشوفك. سها باستغراب: ـ حضرتك كويس؟ مروان بغضب وسرعة: ـ تتجوزيني يا سها. سها سكتت لثانية بتوتر ممزوج بفرح وخوف: ـ مروان، انت شارب حاجة؟ ده جواز، انت مدرج كلامك. مروان: ـ تمام. اجهزي وأنا جاي آخدك. سها قفلت السكة في وشه. حطت الفون على قلبها بفرح وقلق: ـ بس إزاي؟ أنا دادة وهو دكتور. إزاي ممكن يكون مش في وعيه؟

ده مجنون بجد. معرفش هو وقاسم إخوات. إزاي بس هو أحسن. سها فتحت الدولاب، طلعت فستان بتاعها واتجهت لى التواليت. بعد شوية كانت جهزت. هنادي فتحت الباب بعصبية وغضب: ـ انتي إيه؟ إيه؟ عايزة إيه مني؟ عجبك الدبيسة دي؟ انتي السبب في كل المصايب اللي حصلت. سها بعدم فهم: ـ هنادي، أنا عملت إيه لكل ده؟ انتي كويسة؟ هنادي بغضب: ـ بقا تتصلي بمصطفى وتقوليله إني مسافرة؟ ها؟ ومش بس كدا، كمان تتصلي بيه وتديه عنوان مدرسة ابني؟

ده هشرب من دمك، انتي فاكرة إن ده صح؟ ده تخلف. هنادي زقت سها بغضب وعصبية. سها بهدوء: ـ عملت كدا عشان خايفة عليكي. حازم محتاج أب يسمعه ويحس بيه. انتي لوحدك ولازم هو كمان يشيل شوية. وحقه يشوف ابنه. هنادي: ـ وإنتي مالك؟ انتي تتصرفي على أساس إيه؟ ها؟ انطقي. انتي مش أختي ومش خالة حازم. ولازم تعرفي إني أنا الهانم وإنتي الشغالة ولازم تلزمي حدودك. فاهمة؟ اطلع بره. سها بصدمة: ـ هنادي، انتي بتهزري؟ اطلع بره؟ أروح فين؟

أنا معرفش حد، مليش حد غيركم. هنادي بغضب: ـ اتصرفي. المهم تطلعي بره حياتي. مفهوم؟ وإياكي تيجي ناحية ابني. هنادي خرجت. سها وقفت مصدومة ودموعها بتنزل. مسحت دموعها وجريت بره القصر. كان مروان جاه، خدها. وبعد وقت تم زواج مروان وسها. عند هنادي: هنادي بعصبية: ـ قافلة تلفونها. البت مش بترد عليا. مصطفى بسخرية: ـ حنينة أوي انتي. ده انتي مسحتي بكرامتها القصر وعايزة ترجع. هنادي رجعت شعرها لورا: ـ أنا هنزل أشوفها.

مصطفى مسكها من دراعها: ـ انتي اتجننتي؟ انتي عارفة الساعة كام دلوقتي؟ هنادي بجنون: ـ مش مهم. المهم أنزل أشوف البت. ليكون حصل ليها حاجة. البت ملهاش حد غيرنا. لازم أتصرف. هنادي غيرت ومصطفى نزل معاها. بعد وقت في الفيلا: هنادي: ـ فين سها؟ الأم ببرود: ـ مع مروان. شوية وجاي. قاسم: ـ هنادي، اهدي. هي كويسة. هنادي بصت له بغضب وهوب كف نزل على وشه. أشرف بغضب: ـ هنادي! هنادي:

ـ عمري ما اتوقع إن القذارة توصل بيك لكدا. بس انتوا الاتنين شبه بعض. اطمن على البت الأول وبعدين هشوف شغلي معاكم. الأم بغضب: ـ انتي نسيتي نفسك؟ بتمدي إيدك على ابن خالك. هنادي بغضب: ـ ابن خالي اللي كان هيسجن جوزي. ابن خالي اللي رايد ليا الفضيحة. ابن خالي راهن عليا. قاسم بص لمصطفى وقال ببرود وسخرية: ـ لا، وإنتي البريئة. يحرم؟ هو مش انتي برضو روحتي لوحد قذرة عايشة في مكان قذر زيها؟

روحتي وكتبتي ملايين عشان تفضحي جوزك وأبو ابنك؟ ولا أنا بتبله عليكى حتى؟ آه. أشهدو يا جماعة لو كنت غلطان. قاسم شغل الفون لأنه كان مسجل لهنادي. الجميع بص ليها بصدمة، ومنهم مصطفى اللي كان على آخره. فجأة جاه مروان وسها. الكل جري عليهم. هنادي جريت على سها وحضنتها بخوف ولهفة: ـ كنتي فين؟ ها؟ لا قافلة الفون. مروان سحب إيد سها وقال بابتسامة فرح وانتصار:

ـ باركولي يا جماعة أنا وسها اتجوزنا. ولسه جايين من عند المأذون. يعني مراتي رسمي.