رواية خلخال حليمة الفصل الثالث عشر 13 - بقلم اية عرفات

محمد: انت شكلك شارب ومكتر في الشرب. بعد اذنك يا كريم خد احمد واطلع بره. انا مش عايز اعمل معاكم مشكلة. كريم: هو انت بتسمع ولا مابتسمعش؟ انا قولتلك اخر كلام عندي. محمد: انت كده هتخليني امد ايدي عليك وانا مش عايز كده. كريم: ابعد عن طريقي كده خليني ادخل لمراتك ادلع نفسي. محمد لف ضهره علشان يفتح باب اوضة نور. محمد: انت مش ناوي تجيبها لبر بقى؟ محمد: مرة واحدة زق كريم وقعو على الارض.

كريم واحمد قاموا وفضلوا يضربوا في محمد لحد ما شافو فازة ورد وكسروها على دماغه. كريم واحمد اول ما شافو محمد بينزف دم والدم مغرق البيت كلها خافوا جدا وطلعوا يجروا بره البيت. محمد كان عمال يصرخ من الوجع. نور فتحت الباب وطلعت تجري على محمد وفضلت تصوت. ماكانتش عارفه تعمل ايه والد*م مغرق هدوم محمد. نور كلمت الدكتور وجاله البيت. الدكتور: مين اللي عمل فيه كده؟ نور: انا ما اعرفش، انا كنت جوه معرفش ايه اللي حصل بالظبط.

الدكتور: انتي لازم تعملي محضر لاني ده يعتبر جري*مة ق*تل وكمان لازم يتحول على المستشفى عشان يعملوا اللازم. نور: عشان خاطري يا دكتور انا مش حمل مستشفى ومحضر والكلام ده كله. اعتبرني اختك، انا ماليش حد في الدنيا غير محمد اخويا الكبير معرفش فين وانا مليش حد جنبي مش عايزه اتمر*مط في المستشفى.

الدكتور: تمام حاضر فهمت كلامك. انا حاليا قفلتله الجر*ح اللي في راسه. لو الـ 12 ساعه دول عدوا على خير من غير اي مشاكل هيبقى الحمد لله كده يكمل علاجه في البيت عادي. لكن لو لا قدر الله حصل اي مش*كله هنضطر نحوله المستشفى. لازم تبقى جنبه طول الليل وتلاحظي لو في اي تطورات او اي حاجه وحشه كلميني على الرقم ده. نور: حاضر يا دكتور شكرا جدا. الدكتور خرج ونور فضلت سهرانه جنب محمد.

محمد طول الليل ما كانش على لسانه غير اسم نور. طول الليل بيحلم بيها وهي كانت مستغربة ليه بيكرر اسمها وهو نايم. في القصر عند عزيز وحليمة. عزيز كان مخنوق ماكانش بيتكلم مع حليمة وحليمة فضلت تتكلم معه وهو مايردش عليها. حليمة: هتفضل واخد جنب مني كده كتير؟ عزيز: واخد جنب منك ليه؟ حليمة: امال مالك متغير معايا من ساعة ما جينا من النادي؟ عزيز: لو سمحتي ممكن ماتتكلميش كتير معايا.

حليمة: انا لازم اتكلم معاك، مينفعش ما تتكلمش. انت واخد فكرة وحشة عني وانت اصلا ما تعرفش أي حاجة عني. عزيز: وما يهمنيش اني انا اعرف حياتك وانتي حرة فيها. انتي نسيتي احنا مع بعض ليه والمده قد ايه؟ حليمة: لا منسيتش بس مش عايزة اقضي المده مع بعض وانت شايل مني. انا هحكيلك كل حاجة. عزيز لف بضهره. عزيز: قلتلك مش عايز اعرف اي حاجة. حليمة: لازم احكيلك وانت لازم تسمعني. عزيز: هتقولي ايه يعني؟ كل حاجة كانت واضحة زي الشمس.

حليمة: ممكن بلاش تجريح في كلامك. عزيز: طب تقدري تقوليلي مين اللي خط*ف*تك وجريتي في النادي اول ما شوفتيه؟ حليمة: اللي انت شوفتو في النادي وكان بيحاول يتكلم معايا ده كان طليقي. عزيز واقف قدامه ومسكه من شعره. عزيز: قلتي مين؟ حليمة: عزيز انت بتعمل ايه؟ سي*ب شعري. عزيز: وايه اللي جاب طليقك النادي؟ وايه عرفه اصلا مكانك غير انكم متفقين مع بعض؟ انتي نسيتي يا ست هانم انك على ذمة راجل.

حليمة: ارجوك بلاش تفهمني غلط. انا عمري ما جرحتك ولا جرحت رجولتك. عزيز بيضغط علي شعره. عزيز: انطقي كان عايزك ليه؟ حليمة: سيب شعري مينفعش كده. عزيز ساب شعره وزقه*ا على الارض. حليمة: اللي حصل بين طليقي صعب أي حد يصدقه. عزيز: ردي عليا قوليلي ايه اللي جابه وراكي؟ كان عايز منك ايه؟ وليه اتكلمتو بعيد عني؟ انتي بتستغفل*يني علشان انا ما بشوفش؟

حليمة: انا عمري ما استغفلتك. انا والله العظيم ما كنت اعرف ان هو في النادي. هو جالي مرة واحدة وكان عايز… عزيز: كان عايز ايه؟ ردي يرد عليا. حليمة: كان عايز اننا نرجع لبعض تاني. عزيز كان مصدوم من اللي حليمة قالت. حليمة: ممكن احكيلك على كل حاجة؟ اقعد على الكرسي. عزيز قعد على الكرسي وحليمة قعدت على الارض ومسكت ايد عزيز.

حليمة: انت عارف اني انا عمري ما عملت معاك حاجة وحشة. انت معايا بقالك شهرين تعرفش عني اي حاجة. لما قربت منك حسيت انك انسان كويس وقررت اني انا احكيلك كل حاجة. عزيز: اتفضلي احكي قبل ما الدم يج*ري في عروقي وارتكب جر*يمة. حليمة: انا كنت متجوزة من ست شهور بالضبط على حب استمر 10 سنين. عزيز: كنتي بتحبي جوزك؟ حليمة: لو في حاجة اكبر من كلمة حب كنت قلتها. انا كنت بعشقه. بقولك حب 10 سنين. عزيز: بدام بتحبي اوي كده اطلقتي ليه؟

حليمة: كان كويس*ين مع بعض لحد اليوم اللي أي واحدة تتمناه في الدنيا. فرحت ولبست الفستان وكانت أسعد واحدة في الدنيا. جوزي جه وخدني على البيت. اول ما دخلت البيت اتحول احسن يوم في حياتي لأوس*خ يوم في حياتي. عزيز: ايه اللي حصل؟ حليمة: بدأت ايديها تر*تعش في ايد عزيز وعزيز حاسس انه خايفة. عزيز: مالك في ايه؟ حليمة: اول ما دخلت اوضة النوم كنت حاسه اني طايرة من الفرحة. اول ما دخلت لقيت تلات رجالة. عزيز: ايه اللي حصل؟

وكانوا بيعملوا ايه الرجالة دي؟ حليمة: خلاص يا عزيز لحد هنا وماقدرش اكمل. عزيز: بس انا عايزة اكمل. ممكن تكملي؟ حليمة: عشان خاطري بلاش. عزيز رجع مسك ايديها وبدأ يطمنها. عزيز: اتكلمي. انا جنبك. حليمة: لقيت تلات رجالة خدوني واغت*صب*وني قدام عيون جوزي. عزيز: نعم؟ قلتي ايه؟ عيدي كده تاني اللي انتي قلتيه. حليمة: زي ما سمعت. عزيز: ازاي؟ انا مش فاهم؟ وجوزك كان فين؟ ازاي يسمح لنفسه كده؟

حليمة: امه هي اللي عملت فيه كده. هي ما كانتش بتحبني وهو ما كانش يعرف بالخط*ة اللي امه عاملاها عليا. عزيز: وبعدين؟ حليمة: امه خلته يطلقني ومن ساعتها وهو عايز يرجعلي بس انا اللي مش راضية ارجعله. عزيز: وهو ازاي يسمح لنفسه ان هو يرجعلك بعد اللي عملو فيكي؟ حليمة: هو مالوش ذنب في اي حاجة. ده كان من تخطيط امه. عزيز: وانتي لسه بتحبي؟

حليمة: بجد ماعرفش. مش عارفة اذا كنت بحبه ولا كرهته. في احساس من جوايا بيقولي سامحيه اني هو ملوش ذنب واحساس تاني بيقولي بلاش عشان هو مش هيقدر يحميكي. عزيز بدأ ي*جز على ايده ما كانش متحمل الكلام اللي هي بتقوله. حليمة: سكت ليه يا عزيز؟ عزيز: خلاص يا حليمة. لو انتي فعلا لسه بتحبيه هطلقك وارجعيلو. حليمة: هي بالسهولة دي؟ انا مابقتش احس معاه بالامان تاني. عزيز: خلاص سيبيه وربنا يعوضك بغيره.

حليمة: مش قادرة اطلعه من دماغي. ده حب 10 سنين. عزيز بصوت عالي: يوه خلاص اعملي اللي انتي عايزاه. ما تقرفنيش بقى. حليمة مرة واحدة رجعت لورا وعيونها بدأت تدمع. حليمة: انا اسفة. فكرتك هتحس بيا وطبطب عليا، لكن انت من اول مشكلة زهقت من قر*في. حليمة مرة واحدة طلعت من الغرفة جري على الجنينة وعزيز مكنش قادر يستحمل وكان مخنوق جدا من الكلام اللي قالو ليها. عزيز: انا ليه بغير عليه اوي كده؟

لا انا لازم افوق. انا عمري ما احب واحدة زي دي. انا لازم امشيه من القصر واطلقه وأخرجه بره حياتي قبل ما اتعلق بيه اكتر من كده. في الشقه عند محمد ونور بعد مرور 12 ساعه. محمد فاق من البنج. محمد: اه دماغي. انا مش قادر. نور جريت على السرير. نور: مالك يا محمد؟ محمد: حاسس بايه؟ محمد: دماغي. حاسس اني بموت. نور: لا بعد الشر عليك. ده مسكن خد*ه وهترتاح. محمد خد المسكن وبعد شويه ارتاح. نور: الحمد لله بقيت احسن. محمد: الحمد لله.

محمد مسك ايد نور. محمد: شكرا جدا علي كل الي عملتيه معايا. نور: لا ده انا الي بشكرك اوي علشان حافظت عليا من الكلاب دول. محمد: انا حافظت على شرفي. انتي مراتي. نور كملت. محمد: انتي اكيد كنتي سهرانه طول الليل. ادخلي نامي. نور: مش هنام غير لما اعرف مين نور اللي اسمه على اسمي دي. محمد: مش فاهم. نور: انت طول ما انت في البنج مفيش على لسانك غير نور نور. يبخته. محمد: فعلا يبخته. لانه شكلها خدت قلبي.

نور: يسلام يسلام. لينا قعده مع بعض بس لما تقوم بسلامة. محمد: هقوم واسيبلك الاوضة تنامي براحتك. نور: تقوم فين يا عم انت قادر تكح اصلا؟ انت مش شايف نفسك؟ محمد: نعم؟ تحب اوريك؟ نور: متفتحش صدرك اوي كده. انت قادر تقف على رجلك؟ محمد قام وشالها على ايديها وفضل يبص في عينيه. محمد: تحبي تشوفي اكتر من كده؟ نور دفنت راسها في حضن محمد من الخجل. نور: نزلني. محمد: نزلها. محمد: ياريت بقا تتكلمي على قدك.

نور: طب ممكن تنامي علشان انت فعلا تعبان. محمد: خلاص انا هنام بس انتي كمان لازم تنامي. نور: لا مش هنام واسيبك. محمد: خلاص عندي حل يرضي جميع الأطراف. نور: ها قول يا عم. محمد: هنام انا وانتي على سرير واحد. نور: انت بتقول ايه ياض انت؟ محمد: ايه يا عم اهداي شوية. هتضربني وإلا إيه؟ نور: انا ازاي هنام جنبك يا عم؟ محمد: انتي بجد مش هتكوني مطمنة وانتي نايمة جنبي. نور: بجد انا فعلا بحس بالامان وانا جنبك.

محمد: خلاص تعالي نامي جمبي انتي شكلك تعبانة. نور نامت جمب محمد ومحمد طول ما هي نايمة سرحان في جمالها. في القصر عند عزيز وحليمة. عزيز كان مستني حليمة في الغرفة. حليمة دخلت الغرفة. عزيز: انتي جيتي؟ حليمة: في حاجة؟ عزيز: ايوه انا كانت عايزك في موضوع مهم. حليمة: اتفضل. عزيز قاطعه البواب. البواب: لو سمحتي يا مدام حليمة في واحد عايزك بره. حليمة: واحد مين واسمه ايه؟ البواب: بيقول انه اسمه مراد. عزيز: هو؟

حليمة: ايوه نشوفه عايز ايه وارجعلك. عزيز: لا استني خديني معاكي انا عايز اتكلم معاه. حليمة: مابلاش انا همشي وهرجع علطول. عزيز: انا عايز اجي معاكي. خديني يله. حليمة مسكت ايده ونزلو وكان مراد قاعد في الصالون. حليمة: انت عايز مني ايه؟ متسيبني في حالي بقى. مراد: انا مش همشي غير وانتي معايا. عزيز: استني انتي ومتتكلميش. مراد: انا مش همشي غير وانتي معايا.

عزيز: حليمة انا النهارده بديكي الحرية. انتي بتحبي مراد وهو بيحبك. ودلوقتي اهو انا بخيرك بيني وبينه. لو اخترتيه انا اوعدك هسيبك تعيشي حياتك. انا مش عاوز اكون عق*بة في حياتك. حليمة: ايه الكلام اللي انت بتقوله ده؟ مراد: وانا اوعدك لو اخترتك انت انا هخت*في من حياته. عزيز بضحكة خبيثة. عزيز: لا هي هتختارك انت. مراد: اختاري يا حليمة. يا انا يا هو. عزيز كان ماسك نفسه وكان متأكد انه هتختار مراد.

حليمة: ذكريات مراد وحبهم لبعض كان شريط بيدور قدام حليمة. عزيز: اختاري يا حليمة. حليمة: بدأت تحن لمراد. حليمة: انا اخترت…………….