رواية خطة 707 الفصل الحادي والعشرون 21 - بقلم ميرنا ناصر

« ماهر بتفكير» البنت دي مش سهلة على فكرة. = إيه اللي خلاك تقول كده يعني. انت راجع متلخبط ومش مظبوط. « مراد بسخرية» إيه يااض حنيت ولا إيه. « ماهر بتعب» أنا هروح حاسس إني تعبان جدًا. = مالك يا ماهر ما أنت كنت كويس من شوية. حاسس بتعب فجأة وصداع رهيب. زي ما اتفقنا بنت خالك دي بتسمع لأمتار بعيدة يعني مراد متتكلمش معايا خالص لأننا قصادهم لحد بس ما نرجع الصعيد. أوعى تنسى. = برافو عليك يا ماهر أنا نسيت أحذر مراد.

« مراد ساخرًا» يا جدعان حسستونى إنها جهاز مخابرات، متهولوش الموقف بس. واه ياسيدي فاكر ومش ناسي إن ممكن تسمع لأكتر من 100 متر يعني هتسمع كل الكلام اللي بنتكلمه في الشقة لأن مفيش بينا وبينها عشرين متر. = استنى يا مراد، أنت عرفت التفاصيل الـ 100 متر إزاي والكلام ده أنا معرفش. = مساءك فل يا هيما. = رحيم الغالي عامل إيه حمدلله على السلامة يا رايس. « مراد يمزح» صورة حية لتقابل الأكس والعريس لايف. « ماهر»

والله أنت فايق يا مراد. « مراد ضاحكًا» طيب أنت عمرك شفت صداقة بين الأكس والعريس؟ « رحيم» بصراحة هي بعيدة شوية، بس آه من بنات حواء هنعمل إيه. وبعدين مبقتش اسمها إكس ولا عريس. إحنا ضحايا يابني في لغز كبير اسمه يُسر. « ماهر» أنا هسيبكم تكملوا بقى وأروح. المفتاح أهو يا مراد خلص سهرتك ولازم ترجع بدري تنام شوية عشان أنت الصبح اللي هتوصلنا. أنا مش هقدر أسوق بحالتي دي. وأنت يارحيم اتشرفت بمعرفتك خالص. « رحيم بإمتنان»

حبيبي يا ماهر ألف سلامة عليك، وشكرًا على الفندق اللطيف ده واستضافتك تعبناك معانا. « ماهر» لا أبدًا متقولش كده. السلام عليكم. « الجميع» وعليكم السلام. « رحيم بزفير» ياساتر يارب أنا مش عارف يا مراد، أنت وماهر إزاي أخوات؟ « مراد بضحك» أنا قولته يبطل أسلوبه الكاتم ده بس مبيسمعش، أصله واخد طبع الصعايدة أوي. « رحيم» يعني قال أنت اللي مش صعيدي؟ « مراد»

يعم أنا من الصعايدة الفرفوشين أصحاب النكتة الحلوة، والقعدة المرحة والحياة بتاعت عيشها وطنشها. لكن ماهر تؤ تؤ حاجة تانية خالص رومانسى وعاطفي وهادي جداً ومثقف جداً جداً. وإنت بتحكيلنا كل اللي حكيتهولك يُسر. شوفت بنفسك إنه عنده على الأقل معلومتين تلاتة على كل قدرة عند يُسر. « رحيم» أنت عارف نوع ماهر ده صيظه حلوة أوي لـ يُسر؟ يعني لو أخوك طول يومين مش بعيد يُسر تضمه للستة بتاعتنا. « مراد بسخرية شديدة» ماهر؟ وصيدة!!

هههههه يا أخى ياريت جدًا يمكن تفكهولنا شوية. أنا بفكر نعمل خطة بديلة غير الانتقام. ويمكن يقع ويحب فعلاً. ماهر ضد المرأة ومبيعرفش يتعامل، على الرغم من إنه مؤمن بالحب جدًا ورومانسى جدًا جدًا إلا إنه لغاية دلوقتي محبش ولا اتجوز ولا هبب حاجة. أنت عارف سنه 35 سنة ولسه بيقولك أصلاً أنا متخطفش، ملقتش اللي تخطفني. « رحيم» مش بقولك صيظه سهلة أوي. إبراهيم.. هو أنت ساكت ليه انت مش معانا خالص. « إبراهيم بصوت مبحوح» أنا تعبان.

أنا مش عارف اللي بنعمله ده صح ولا غلط. انت متخيل أنا بتفق على بنت خالى عشان انتقم منها، هل دي رجولة فعلاً. « رحيم بعصبية» لما تاخد حقك من واحدة دمرت لك حياتك ولغاية وقتنا هذا مش عارف تتعافى يبقى دي الرجولة بذاتها. ولما أنا كمان انتقم من واحدة لعبت عليا ومثلت عليا الحب بمخططات شيطانية من أساليبها يبقى أنا كمان راجل وابن راجل. « مراد بإحتواء» استهدى بالله يارحيم. إيه يا إبراهيم في إيه مالك؟ انت ليك يومين أه هنتقم.

لا دي وصية. آه هموتها، هشرب من دمها وبعدين أترجع. « إبراهيم» أنا حاسس إنه.. أنا تعبان، تعبان جدًا أنا حاسس إنه ــــــــــــ « مراد» إبراهيــــــــــــــــــم.. إيه اللي حصله يا رحيم. دا شكله مات. « رحيم» أهدى هننقله للمستشفى حالًا. مات إيه بس لاقدر الله. دا إغماء إن شاء الله مفيش حاجة وحشة. رن على الإسعاف بسرعة. لأنه مش بيفوق. « صعد ماهر إلى شقته وإذ به فجأه يترنح ليسقط على الأرض ويصرخ» إيه الصوت ده. إيه اللي حصل.

إسعاف حد ينقذنا إسعـــــــــــــــــاف. = لو سمحت يا آنسة امسكي الموبايل ورني على رقم متسجل بـ مم مراد. أنا مش قادر أشوف حاجة من الموبايل. = إحنا لازم نوقف نزيف ونرن على الإسعاف. هو مراد ده هيعملك إيه؟ ثانية واحدة بس هكلم الإسعاف وأطلع أشوف لحضرتك بُن نوقف الجرح ده. « ينظر إليها ماهر بتمعن يحاول أن يثبت نظره بصعوبة شديدة نتيجة التربنة التي حدثت له ليراها تركض مسرعة وهي تتحدث مع الإسعاف وبيدها البُن» هو انتِ اسمك إيه.

= أنا.. أنا اسمي شم.. شمس. = آنسة شمس. = الإسعاف وصلت ارتاح. أنا هطلع أجيب موبايلي وهنزل معاك علطول.