رواية خطة 707 الفصل الرابع عشر 14 - بقلم ميرنا ناصر

أنا.. يعنى.. بفكر.. تستخدِمي موهبتك وتسمعيها لما بتشوفينا بنحكي عنها إيه للبنات.. بصراحة كدا أنا معجب بيها ومش عايز أقولها وتطلع في الآخر النظرات دي مجرد بيتنمروا عليا هي وأصحابها. = اطلع بره. _هتساعديني؟ = إطلع بره ياواد يا تافه إنت. لأول مرة أدرك مرارة الغيرة وقسوتها. حاسك متضايقة مني من وقت ما فتحت موضوع حبيبة. = حلو الكوفي، كنت محتاجاه جدًا. _بتهربي من السؤال؟

= قاعدة ساعة على حفلة عيد ميلاد رانيا وأظن إننا مجهزناش. يُسر مالك؟ = بتحبها؟ _احم.. ما أنا قولتلك.. إني يعني.. أنا. = بتحبها؟ _عارفة يا يُسر لما يكون فيه شخص متجمع فيه كل الصفات، اللطف، والطيبة، والحنية، وخفة الدم والاحترام وأخلاق وتدين هحتاج إيه تاني بجد؟ = محكيتليش ليه من الأول؟ _كنت خايف تضحكي عليا، وكنت خايف إن يكون شعور عادي عشان كل اللي حواليا جربوا الحب إلا أنا. = ورانيا؟ _أختي.

= بنت خالتك، مش أخت.. متقارنيش حد بيا. يُسر مش ملاحظة إنك متنشنة شوية؟ = أنا عايزة أعيط. _لا أنتِ بتعيطي فعلاً.. تعالي هنا يابت انتِ هاتِ إيدك الحلوة دي.. ممكن تقوليلي بتعيطي ليه؟! هو يسور زعل يويو في حاجة؟ = أنت هتحبها أكتر مني، وهي.. هـ هي هتبقى معاك مش أنا.. أنت هتنساني.. _ههه ياعبيـ طة.. تعالي.. تعالي جنبي هنا، يُسر انتِ هتقارني نفسك بيها بجد؟!! معقول هحبها أكتر من روحي وتؤامي وحياتي كلها. = توعديني؟

_أوعدك بـ إيه؟ = إنك تفضل تحبني بنفس مقدار الحب، وإنها متاخدش مكاني ولا قلبي يحبها أكتر مني. _أنتِ عبيــ طة انتِ محتاجة وعد بـ ده. = أيوه. _أوعدك. = بحبك يا أحلى أخ في العالم. _وأنا كمان بحبك يا أحلى أخت وصاحبة وأم كمان بتحتويني وتسمعني. إتفضلي. = الله شيكولاته.. أحلى يسور في الدنيا. _طيب إفتحيها. = بشرب كوفي.. وأكل شيكولاته؟ _مهي جواها مفاجأة تانية مش بس شيكولاته. = كامب في سينا؟!

_للأسف هتسمعي صوت ست أشخاص بس منهم أخوكي، وهتاخدي ريست من العالم كله زي ما بتتمني. = تخيل بقا بكل الحلاوة والحنية اللي فيك حد ياخد منك. _دا بُعدها.. الأميرة ست الحسن تتفضل لإستعداد حفل عيد ميلاد بنت خالتها يلا. = يلا يا أحلى يسور. ها سامعة حاجة. = مش لما أعرف مين فيهم الأول. _يُسر.. إحنا هنستهبل ماقولتلك اللي لابسة دريس أصفر. = طيب بذمتك ودينك دي أشكال تدخلها عيلتنا؟ _مالها عيلتنا؟ شايفاها الواو أوي.

= مليانة عاهات ياحبيبي مش ناقصة.. المستشفى مش ناقصة مرضى. _هههه، إنجزي بقا. = أهدى متوترنيش.. هيألي الجو بقا. _إتفصلي يابرنسيس.. = الله بقا يخربيتك يا يسور وبيت جمالك .. _إيه.. قالت حاجة.. صح صح؟! أعجبت بشياكتي؟ قالت كدا فعلاً! = لا بيتكلموا على بنت خالتك وتكبرها.. أنت نكرة مجبوش سيرتك لحد دلوقتي.. أنا اللي معجبة بالاوت فيت بتاعك. _والله!! .. سلام يا يُسر. = اهو بيتكلموا بيتكلموا..

_هااا.. بيقولوا إيـه.. بيقولوا إيـه. = الحبيبة دي بتقول " أهو جه.. جه يابنات واقف جنب أخته " صحبتها بترد عليها وبتقولها.. وبعدين أخته العقربة دي مش هت.. _إيه عقربة أنا عقربة أقسم بالله هروح ألبسها الجاتوه اللي بتطفحه في وشها. = أبوس إيدك، أبوس إيدك أنا مالي بصحبتها؟! .. إنجزي وقولي لي حبيبة بتقول إيه عني. _مش هسيبها هخلص الحوار واخد حقي...

الحبيبة الغربية دي بتقول " بصوا يابنات شكله مركز معايا صح " صاحبتها ام أزرق اللي مشتمتنيش شكلها محترم بتقولها " روحي إتعرفي ع أخته شكلها لطيفة وأهي بما إنها مش واقفة غير مع حد معاه يبقى خلاص هتعرفي عليهم وهيحصل حوار بينك " حبيبتك ردت وبتقولها " لا هتكسف وبعدين هروح الزق لهم.. وممكن يُسر تضايق ".. رديت صاحبتهم اللي ماتتسمى وقالت" معرفش سموها يُسر ليه كانوا سموها لزقة "

= أنا لزقة دا ليلة أهلها سودة.. حبيبة ردت وقالت " لزقة إيه دي لطيفة أوي وشكلهم بيحبوا بعض أوي " أنا موافقة على البت صفرا دي خلاص. _كدا البت بتكراش عليا؟ = واضحة وضوح الشمس .. روحلها بقا. _أروح لمين؟ = للبنت دي حبيتك.. اتعرف عليها.. هي كمان طلعت واقعة.. على فكرة بتتغزل فيك حالياً. _بجد؟! يُسر بتقول إيـه قول لي.. = بتقول " بصوا حلاوته، وكاريزمته قمر ياناس ". _اتجوزها بقا خلاص.. = يلا روح اتعرف عليها؟

قولها حبيبة محتاج من وقتك دقيقة على جنب واعترف بقا. _لازم صح.. أنا هتعرف عليها واروح واقولها ياحبيبة عايزك ف موضوع وافاتحها. = برافو.. يلا خد نفس كدا وتقدم.. ياحبيبة أنا عايزك على جنب. _أنا ماشي بقا.. هروحلها أهو.. يا حســـــــــام بقولك يا ابن خالتي. = هتفضل طول عمرك كدا والله.. مَكنتش متخيل أبداً إنك هتروحي لحد حبيبة وتتعرفي عليها ومش بس كدا تناديني وتعرفيني عليها؟ = إنسانة لطيفة. _يُسر إنتِ كويسة.

= مش عارفة.. أنا بس متلخبطة شوية. _بس ربنا خد لك حقك البت العقربة صاحبة حبيبة دي الطبق اللي كانت ماسكاه لبس فيها لبسة غير عادية هي كانت رافعاه وبترقص بيه وفجأة نزل على راسها دش كان منظرها مُهلك.. بس إيه اللي ينزل الطبق من إيدها ما كلنا رفعناه بنفس الطريقة؟ = أنا. _إنتِ إيه؟ = أنا.. أنا.. أنت شفت لما وقعت من على الكرسي والكرسي اتشد.. احم.. اتحرك من تحتها. _هههههه أيوه البت إتبهدلت أوي.

= ياسر.. هو أنا ممكن أقولك حاجة ومتخافش مني. _إيه، هخاف منك إيه كمان، بقيتِ تسمعي لمسـافة ١٠٠ متر؟ = أنا اللي عملت دا في ياسمينة. _ياسمينة مين صاحبة حبيبة.. اللي وقع عليها الطبق واللي وقعت في الأرض لما الكرسي اتشد. = أيوة. _أيوه إيه؟! انتِ كنتِ جنبي أنا وحبيبة لما حصلها كدا، وبعدين اللي حصلها قضاء وقدر يعني.. طبق وقع وكرسي إتشد. = أنا اللي عملت كدا إفهم.. _أفهم إيه انتِ هتتسلي بيا؟