رواية خطايا الماضي الفصل السادس عشر 16 - بقلم حبيبة الشاهد

الساعة اتنين بعد منتصف الليل صحي غيث ورفع ايديه يحطها نزلت على السرير. فتح عينيه متلقهاش جنبه. دور بعيونه عليها في الأوضة واتعدل على السرير وخرج من الغرفة. دور في كل مكان مكنش ليها أثر. دخل المطبخ لاقاها قاعدة على رخامة المطبخ ماسكة ببرطمان الشوكولاتة والمعلقة في بؤها. قرب عليها بهدوء: بتعملي إيه؟ رفعت وشها بخضة: غيث. خفت عصبيته وخوفه عليها عند سماع اسمه منها. ارتخت ملامحه وهمس بحنان: بتعملي إيه في الوقت ده؟ رفعت

يدها بالبرطمان ببراءة: زي ما أنت شايف باكل شوكولاتة. همس بابتسامة وحنان: جعانة. بصتله بعيون شبيها للقطط: أممم. قرب عليها وحط ايديه على الرخامة حاوطها بحنان: ينفع اللي أنتي بتعمليه ده؟ بصت في عيونه بتوهان. تأمل غيث عينها اللي سحرته وتشبه عيون الغزل بعشق. ومال قبـ..لها على خدها: خليكي قاعدة وأنا هعملك حاجة تاكليها. هزت رأسها بخجل. بعد عنها غيث وشغل النور وبدأ في تحضير الطعام.

بعد فترة قعد على الأريكة وهو يضع صنية الطعام على الطاولة أمامه. جأت غزل تقعد سحبها غيث بقوة. وقعت في حضنه. حاولت تبعد. سحبها ليه أكتر. غزل بخجل مفرط: غيث أبعد. ابتسم بحب على خجلها منه: لا مش هبعد ويلا كل. همست بضيق طفولي: هاكل إزاي وإحنا كدا. مد يده أخذ البعض من الطعام ووضعه في بؤها: خلاص أكلك أنا. ميلت برأسها مبتسمة. بخجل مفرط أنهى أطعامها ودفن وجهه في عنقها. شعرت بماسة كهربية في جسـ..دها أثر حركته: أنت بتعمل إيه؟

قبل عنقها وهمس بصوت متحشرج أثر قربها: سيبتك تاكلي براحتك ودلوقتي دوري. عقدت حاجبيها بتعجب فهي لم تفهم ماذا يقصد. تفاجئت وهو يحملها. لفت زراعيها حول عنقه بخوف. دخل غيث غرفته وأغلق الباب خلفه. تاني يوم صحيت غزل. فتحت عينيها ملقتش غيث جنبها. قامت بضيق وظهرت شبه ابتسامة على وشها عندما تذكرت ليلة أمس. بصت على الكومود عند سماع رنين هاتفها. سحبت

الهاتف وأجابت على الفور: أنا صحيت الصبح اتلقيتك نايمة مردتش اصحيكي وسبتك نايمة براحتك. غزل بخجل ظاهر على نبرة صوتها: اممم علشان معرفتش أنام كويس امبارح. : قومي افطري أنا حضرتلك فطارك قبل ما أنزل علشان عارف أنك هتكسلي تفطري ما دام أنا مش موجود. بعد ما تخلصي فطارك خدي العلاج وأنا قربت أخلص شغل. أكمل بحذر: يلا قومي خدي شاور وافطري معاد العلاج بتاعك عدى. : ليه هي الساعة كام؟

: الساعة اتنين يا هانم. أنا هقفل أنا علشان عندي شغل سلام. قفلت الهاتف بسعادة من معاملة غيث اللي اتغيرت معاها. قامت أخذت حمام دافئ وخرجت تناولت فطورها وأخذت أدويتها وراحت تنظف البيت. رجع غيث في المساء. دخل الشقة استغرب من عتمت المكان. قفل الباب وشغل النور وأتسمر في مكانه من شكل غزل. بلع ريقه بصعوبة وقرب عليها وهو مسحور بجملها: أنتي عاملة في نفسك إيه؟ بصت على ملابسها ورفعت نظرها إليه بتوتر: ماله لبسي مش عاجبك؟

غيث بتلقائية: لا. غزل بدموع بتلمع في عينيها: معجبكش. : مش قصدي بس أنتي أول مرة تغيري البجامات اللي بتلبسيها دايماً. خدودها اتوردت من فرط خجلها. كانت لابسة فستان بيتي بحمالات رفيعة طويل متجسّم عليها. رجعت خصلة شارده من شعرها وهمست بخجل: الأكل جاهز غير هدومك عقبال ما أحطه على السفرة. مال برأسه ودخل الغرفة غير ملابسه وخرج. قعد على السفرة. قعدت غزل قدامه بتوتر وتناولت الطعام. بعد انتهائهم.

غزل بتوتر من نظرات غيث: نتفرج على فيلم؟ : و تعملي زي المرة اللي فاتت؟ : لا حاجة تانية. : زي إيه؟ : نشغل كرتون. : أو نشغل أغاني. : تمام أغاني بعد كدا كرتون. : ماشي. غيث شغل أغنية وقرب على غزل ومد ايديه. إيديه رفعت ايدها ووضعتها بين كفوفه برقة. سحبها غيث. قامت ووضع ايديه على خصرها. اتوترت غزل وبصت في عينيه. ابتسم غيث: بتعرفي ترقصي؟ هزت رأسها بهدوء: لا. : طب امشي معايا خطوة بخطوة.

بدأت في الرقص على أغنية. فضلوا يرقصوا بسعادة وحب وهما في عالم تاني لحد ما خلصت. قعدت غزل على الكنبة وجنبها غيث. ضحك ضحكة رجولية بسعادة. بصتله غزل وضحكت معاه وفضلوا يضحكوا. وشغلوا فيلم وغيث أحضر لحاف وسحب غزل في حضنه ونام من غير ما يحس. في الصباح قام غيث وهو يمسك رقبته بتعب من نومة الأريكة. وجد غزل نائمة في حضنه. أتحرك علشان يقوم. فاقت غزل على حركته. فتحت عينيها وفركت فيها بنعاس: صباح الخير.

: الصباح النور. أيه اللي حصل امبارح؟ : شكلنا نمنا واحنا بنتفرج على الفيلم. بعد عن حضنها وقام بتعب: أنا داخل آخد شاور وانتِ حضريلي الفطار لأني خارج. : رايح فين؟ انهاردة أجازة. : عندي مشوار مهم. : أهم من إنك تقعد مع مراتك. ابتسم غيث على ذكر لقبه "زوجتك" فهو لم يسمعها من حين تزوج بها من سنتين: لا مفيش حاجة أهم من مراتي بس دا مشوار مش متأخر فيه كتير. قامت غزل بضيق: أنا رايحة أجهزلك الفطار.

سحبها غيث من خصرها بمكر: بس انتِ مصبحتيش عليا. شاورت بصبعها على الأريكة مكان مكانت جالسة: ما أنا لسه مصبحة. قطعها وهو بيقبلها برقة وهمس قدام شفايفها: الصباح بيبقى كدا يا قطة. دخل غرفته ومنها إلى المرحاض. وقفت غزل في صدمتها مما فعله. فاقت على قول: فوقتي من صدمتك ولا أجي أفوقك بطريقتي. خجلت بشدة وذهبت إلى المطبخ أحضرت السفرة. خرج بعد فترة قرب عليها وميل قبـ..ل

رأسها وهي قاعدة: معلش يا حبيبتي افطري انتي وأنا همشي لأني إتأخرت. : هتخرج من غير فطار؟ طب أشرب الشاي حتى. : هفطر برا. مع السلامه. غزل بعدم ارتياح: سلام.