رواية خطايا الماضي الفصل الثالث 3 - بقلم حبيبة الشاهد

بصيت على القصر بخوف ورعب ودخلت بتوتر ورا غيث. المنزل وجدت والدته في انتظارهم هي وباقي العائلة. عبير بصتله بلهفة واشتياق: حمدالله على السلامة يا ابني، كدا تغيب عليا كل ده. قرب عليها بابتسامة، مال بوجهه قبل ايديها بحب: الله يسلمك، انتي عارفة الشغل واخد كل وقتي. العيلة كلها رحبت بغيث. واتجهتله وجودها كانها شئ شفاف قدامهم. وغزل تتابعهم من بعيد بحزن على معاملتهم السيئة معاها. اتنهدت بتعب وابتسمت بنكسار على فرحته بجوزها.

أتجمعوا على السفرة ماعدا هي. فضلت واقفة مكانها بخجل ودموع. شاور غيث على الكرسي اللي جنبه لغزل بالجلوس عليه. قربت بتوتر وقعدت جنبه وبصيت للطبق بخجل من نظراتهم الغضبة. نزل الجد، قام الكل باحترام. بصتله غزل باستغراب وقامت عملت زيهم. قعد عثمان على أول السفرة وشاور باصبع من أصابعه بالجلوس. قعد الكل وغيث قرب منه وقبل ايديه باحترام. قربت غزل وانحنت براسها، مسكت يده لسه هتقبلها زي غيث.

سحبها عثمان ايديه بحدة ولف وشها الجانب الآخر. عثمان بجمود وحدة: يلا افطر يا غيث علشان تطلع تستريح، انت جاي من سكة سفر طويلة. بصت في الارض وهي بتحاول تمسك دموعها واتكلمت بصوت متحشرج: احم، عن اذنكم هطلع الجنينة. خلصت كلامها وخرجت بسرعة من قدامهم. قعدت في الجنينة وبدأت في البكاء. مسحت دموعها لما شافت الخادمة جايه عليها: غيث بيه بيقولك تعالي علشان تستريحي من السفر. هزت راسها بحزن ومشيت وراها ودخلت القصر.

وصلتها الخادمة لغرفة غيث. فتحت الباب ودخلت وهي بتشكر الخادمة. دخلت وقفتلت الباب خلفها. بصيت للاوضة باعجاب من شكلها، فهي لاول مرة تدخل قصر الغرباوي. قربت على الشنطة، طلعت بيجامة ودخلت الحمام. غيرت ملابسها وخرجت. كان غيث داخل من البراندة وهو يرتدي سروال فقط. نزلت وشها الارض بخجل مفرط: أنا هنام فين؟ قرب غيث على السرير ومدد جسمه عليه وحط ايديه اسفل رأسه وشاور على الأرض بايديه التانية ببرود. غزل بصدمة وذهول: على الأرض بس؟

قاطعه غيث وهو بيبصلها بغضب: بس أي اللي أقوله يتسمع، انتي فاهمة. هزت راسها بحزن وراحت على السرير. أخذت مخدة حطتها على الأرض ونامت. ضمت نفسها وبدأت في البكاء من تعامله معاها بالقسوة دي بسبب ذنب لم ترتكبه. بصلها بدون ان يشعر بأي تأنيب ضمير وشغل المكيف وشد الغطاء عليه ونام. بعد فترة صحيت غزل وهي حاسه بالبرد الشديد. قامت من على الارض نامت على طرف السرير بتردد وخوف وشدت الغطاء عليها. لم يمر ثواني وكانت نامت من الارهاق.