رواية خطفتها ثم أحببتها الفصل الثامن عشر 18 - بقلم هاجر جمال

نزل أحمد إلى الأسفل ودخل على والدها. أحمد: حمد الله على السلامة. فتحي بابتسامة: الله يسلمك. أحمد: بابا ريماس رجعت. فتحي بصدمة وفرحة: إيه بجد؟ هي فينا؟ أحمد: نامت دلوقتي بس في أوضتي. فتحي: ليه كدا؟ أحمد حكى له ما حدث في غرفتها. فتحي بصدمة: ليه عملت كدا؟ أحمد بكذب: مش عارف الصراحة. فتحي: طيب أنا هطلع أبص عليها. أحمد بمنع: لا يا بابا أرجوك سابها تعبانة. فتحي: مش هعمل حاجة، هبص عليها. فعلاً طلع يبص عليها من الباب.

فتحي لنفسه: (أنا آسف يا بنتي على كل حاجة وهحاول أعوضك) خرج فتحي من البيت خالص. بعد ساعات فاقت ريماس من النوم، لاقت أحمد أمامها. أحمد بابتسامة: صحي النوم. ريماس بابتسامة: أنت يا أحلى أخ. أحمد بضحك: أيه دا؟ أنتِ عايزة حاجة صح؟ ريماس بزعل: أخص عليك يا أحمد. أحمد بضحك: بهزر.. أنا بس مش مصدق إنك قدامي، كنت بموت من غيرك. ريماس بمزاح: تلاقيك كنت مستريح مني. أحمد: لا طبعاً.. بس هزارك معايا واحشني أوي. ريماس: ماشي.

ريماس لاقت أحمد شالها على كتفه. ريماس بدهشة: أحمد بتعمل إيه؟ أحمد: هننزل ناكل.. أنا مأكلتش من ساعة ما غبتي عني. ريماس: طب نزلني طب.. هعرف أنزل لوحدي والله. أحمد: لا عارفك هتهربي مني. نزل بها تحت، كان فتحي ورحمة قاعدين. أول ما شافوا المنظر ضحكوا. رحمة: ربنا يخليكم لبعض. فتحي: آمين يا رب. أحمد نزل ريماس. ريماس بضيق: بعد إذنك يا أحمد أنا هطلع. فتحي بحنية: طب مش هتقعدي معانا؟ رحمة بحب: إزيك يا بنتي؟ واحشاني.

ريماس بحزن: أقعد معاكو؟ وبنتك؟ إيه التغير ده اللي ظهر ده؟ رحمة: طب ممكن تقعدي نتكلم؟ ريماس بصت لأحمد وقعدوا. فتحي: أنا رجعت أمك يعني كتبت عليها تاني وهنعيش مع بعض. ريماس بكسرة: بعد إيه.. خلاص فات الأوان. رحمة: يا بنتي إحنا آسفين، أنتِ أكتر واحدة اتظلمت بيننا. ريماس بعياط: يعني كان لازم يحصلي مصيبة عشان تعرفوا قيمتي؟ حرام عليكوا بقى، كفاية سيبوني في حالي. قام أحمد حضنها جامد وبهديها. أحمد: خلاص يا ريماس تعالي.

وخدها وطلع الأوضة. ريماس بعياط: فاكرين لما يقولوا آسفين هنسى كل حاجة في لحظة، ما يعرفوش ربنا جوايا إيه. أحمد: عشان خاطري بطلي عياط. ريماس: أنت يا أحمد الوحيد ليا. في مكان تاني، ذهب آدم إلى شوقي. شوقي باستغراب: آدم. آدم: إيه؟ اتفاجأت إني قدامك؟ أول ما عرضتك تبعني على طول تبيع ابنك الوحيد، أي نعم جاي من علاقة حرام بس ابنك الوحيد.. خليت أمي تموت من كتر خوفها منك لتموتها وتموتني.. عيشتني يتيم الأم ودخلتني في الإجرام.

شوقي ساكت مش بيتكلم. آدم: مالك ساكت ليه؟ بتفكر تقتلني صح؟ عموماً أنا هوفر عليك.. خد المسدس واقتلني، اقتل ابنك الوحيد. شوقي: آدم ممكن تقعد كده. آدم: لا مش قاعد، أنت بتكرهني، عمرك ما حبتني ولا حسستني بحنان الأب و.. شوقي بحزن: آدم أنا عندي كانسر آخر مرحلة. آدم بصدمة.