رواية خذلان الحب الفصل العشرون 20 - بقلم ميرفت سعيد

قطع تفكيرها خبط على الباب. حور باستغراب: معقول عمتو لحقت تروح وتيجي. راحت تفتح. حور بصدمة وخوف: انت. سليم: ايوه انا. حور: انت عايز ايه. سليم: طب مش هدخل. حور: لا.. يعني قصدي مينفعش أصل مفيش حد في البيت وانا قاعدة لوحدي. سليم: ااه عندك حق مينفعش.. طب كنت عايز اتكلم معاكي. حور: يعني لازم دلوقتي. سليم: لا مش لازم دلوقتي: بس انا عايز اتكلم معاكي. حور بتوتر: احم طب ممكن بكرا. سليم:

تمام بكرا بعد الشغل اجي اخدك ونروح كافيه. حور بسرعة: لا تجي فين. احم قصدي قولي على المكان وانا هاجي فيه. سليم: ليه خايفة مالك يشوفك. حور بحدة: سليم. سليم: خلاص بكرا بعد الشغل نتقابل.. سلام. حور بارتياح بعد ما مشي: ربنا يستر….. *************** سليم بعد ما مشي من عند حور قال بغضب: بقى خايفة للأستاذ مالك يشوفها. ماشي يا حور. ركب سليم عربيته ومشي رايح شقته. عند قمر قالت بملل:

هو انا هفضل كده قاعدة ما بين أربع حيطان مش عارفة أخرج… هو ايه الهبل ده ما خرج عادي هو انا محبوسة.. بس أخرج أروح فين بلاحسرة… حتى الراجل اللي حبيته واتجوزته مش بيحبني متجوزني علشان أدبس فيه. أخليه يحبني ازاي… ايه يابت كنتي وحشة ولا وحشة يعني ده انا قمر أربعتاشر.. انا بكلم نفسي يخربيتك يا سليم يا ابن أم سليم. سليم بضحك: طب انا مالي بتشتمي فيا ليه انتي اللي هبلة وبتكلي نفسك. قمر بخضوع من وجوده قالت بارتباك:

انت هنا من امتى. سليم: من ساعة قمر أربعتاشر. قمر: طب الحمدلله. سليم: طبخة لينا حاجة ولا انتي فشلة. قمر بشهقة: فشلة!! ثم قالت بغرور مصطنع: لا يا حبيبي انا ست بيت شاطرة. سليم: طب كويس طبتي ايه بقى. قمر: مطبختش. سليم: مطبختيش؟!! أمال ايه النفخة اللي انتي اتنفختيها دي. قمر: هو انت قولت ليا أطبخي. سليم برفع حاجب: هو انا لازم أقول أمال انتي بكلي منين. قمر: لا ما أنا بعمل لنفسي أكل بس بكله. سليم:

طب يا ستي اعتبريني جوزك واعمليلي معاكي. قمر: طيب المرة الجاية. سليم: جاية ايه؟ انا جعان. قمر: اعملك ايه انزل هات ليك كيسين إندومي. سليم: إندومي!! لا وعليه هطلب بيتزا. قمر: طب كويس اطلب اتنين. سليم: ليه انا هشبع من واحدة. قمر: وأنا ايه مليش نفس. سليم: مش انتي واكله. قمر: ايوه الكلام ده من ساعة بس انا جوعت تاني. سليم بسخرية: جوعت! يخوفي تجوعي تكليني. قمر: لا ما أنت لو مطلبتش ليا معاك هكلك. سليم:

لا وعليه انا لسه شب لسه عايز أدخل دنيا هطلبلك معايا. قمر: ان شاء الله هخرجك منها. سليم: بتقولي حاجة. قمر بابتسامة سامغة: لا. سليم: قومي جهزي طبقين علشان ناكل فيهم. قمر: طبقين ايه ناكل من العلبة وخلاص. سليم باستغراب: من العلبة. قمر: ايوه. سليم: ليه من قلة الأطباق. قمر: انت اللي هتغسل المواعين يعني. سليم بدهشة: يخربيت الكسل وتقوليلي ست بيت شاطرة. قمر بغباء: ايه دخل ست البيت بالمواعين. سليم: لا مفيش علاقة خالص. قمر:

شوفت انت اللي قولت اهو. سليم بنفاذ صبر: يا رب الصبر من عندك. ************** تاني يوم ليلى كانت بتلم حاجتها علشان تمشي دخل عليها صقر. صقر: تعالي أوصلك. ليلى: لا معلش هروح لوحدي. صقر: على فكرة انا مش بخيرك انا بقولك يلا. ليلى: وانا بقول لحضرتك يا أستاذ صقر هروح لوحدي.. عن إذنك. قالت كده ولمت حاجتها ومشت وهو اتنهد ومشي وراها. صقر مسك إيد ليلى ودخلها العربية برغم من اعتراضها. ليلى بغضب: انت ازاي تعمل كده. صقر ببرود:

طلبت منك بالزوق مردتيش خدك بالعافية. ليلى: يا سيدي انا مش عايزة أركب معاك انا حرة. صقر باستفزاز: معلش. ليلى بغيظ وصوت واطي: بارد. بعد شوية وصلوا أمام كافيه. ليلى: انت جايبني هنا ليه. صقر: هنشرب حاجة. ليلى: لا معلش روحني. صقر بصرامة: انزلي يا ليلى. ليلى: بقولك ايه انا وافقت ان تروحني بس مش عايزة أروح معاك في حتة انا حرة. صقر وهو بينزل: تمام. نزل وشدها ومسك إيديها ودخلوا الكافيه وهي كانت بتشد إيديها. صقر:

بطلي خركتك الناس هتلاحظ. ليلى سكتت وهما قعدوا. صقر: تشربي ايه. ليلى: مش عايزة حاجة. صقر وهو بيشاور للجرسون: انتي حرة. الجرسون: تشربوا ايه. صقر: هات قهوة مظبوطة وعصير جوافة. ليلى بعد الجرسون ما مشي: انا م ايه ده انا مش بحب الجوافة. صقر باستفزاز: هو حد قالك انه ليكي. ليلى نفت بضيق وسكتت. صقر: وبعدين. ليلى: بعدين ايه؟ صقر: اقصد بعدين انت مش هتنسي بقى يا ليلى. ليلى: صقر انا مش عايزة اتكلم في القديم. صقر: ليلى انا بحبك.

سكتت ليلى معرفتش ترد جواها فرحانة انه قالها بس في جزء رافض اللي بيحصل افتكرت كلامه زمان (صقر بسخرية: حب!! حب ايه اللي بتتكلمي عنه. شكل طبتي ومعاملتي معاكي كانت غلط خلت دماغك تفهم غلط. ليلى انا لو كنت اتجوزت بدري شوية كنت خلفت قدك) صقر عارف انها افتكرت كلامه فقال بحزن: ليلى انا آسف. ليلى: لو سمحت انا عايزة أروح. صقر: ليلى انا.. ليلى: لو سمحت انا عايزة أروح عن إذنك. ليلى مشت وصقر مشي وراها.

صقر روح ليلى وكان مضايق علشان مش هيعرف ينسي ليلى اللي حصل زمان وقرر انه مهما يحصل مش هيستسلم غير لما يصلح غلطته وليلى ترجع له. *********** عند حور خلصت شغل واتحججت لمالك بأنها مش هتعرف تروح معاه لأنها رايحة مع عليا مشوار وراحت تقابل سليم. حور راحت الكافيه لقت سليم موجود. حور: ممكن أعرف ايه الكلمتين اللي عايز تقولهم ليا. سليم: مالك مستعجلة ليه طب حتى أشربي حاجة. حور: سليم انا مش عازية أشرب حاجة قول يلا. سليم:

خايفة من مالك. حور بحدة: سليم. سليم: خلاص. ثم مسك إيديها وقال لها: حور انا بحبك. حور سحبت إيديها وقالت بغضب: انت اتجننت انت ازاي تعمل كده. سليم: انا مقولتش حاجة غلط. حور: لا غلط انا مخطوبة. سليم بغضب: لا مش مخطوبة ده مجرد كلام. حور: لا مش مجرد كلام انا من ساعة ما اتولدت انا مكتوبة على اسم مالك حتى لو بعدنا هفضل ليه هو وبس. سليم: صدقيني هيزهق منك ومن أول مشكلة بينكم هيسيبك وهيروح يتجوز. حور:

يبقى انت متعرفش مالك. مالك عمره ما هيتجوز ولا يعرف غيري. سليم: هتشوفي. حور: هما دول الكلمتين طب عن إذنك. سليم: حور استني. حور: نعم. سليم: تعالي أوصلك. حور: لا معلش. ومشت. سليم قعد بخبث: بس كده. ضمنت انك بقيتي لي يا حور. ************* عند مالك كان لسه في العربية وعلشان يروح بيته رن تليفونه برقم علي. مالك: انت فين يلا كده مختفي. علي: موجود يا خويا انت اللي معتش فاضيلي من ساعة ما حور هانم شرفت. مالك بضحك:

أمال انت عايز أسيب حوري وأشوفك انت. علي: ااه ما أحنا اتركنا على الرف.. المهم انا اتقدمت لعليا. مالك بصدمة وفرحة: ياوا طيب ومتقوليش. علي: ده موضوع طويل هحكيلك بعدين… المهم كتب الكتاب الخميس الجاي. مالك: الخميس جاي يخربيت عقلك وأمها وافقت. علي: أمال انا أترفض برده. مالك بحماس: ماشي ربنا يتمم بخير يا صاحبي. علي: يا رب يا حبيبي عقبال انت وحور. مالك باستغراب وشك: مع عليا فين. عليا: في بيتها مستنيها تلبس علشان أخرجها.

مالك وهو بيفتكر ان حور قالت له انها رايحة تقابل عليا. مالك: تمام انا هقفل سلام. علي باستغراب: مالك يا صاحبي؟ مالك: مفيش حاجة.. سلام. علي: سلام. مالك بحيرة: أمال حور راحت فين. قطع تفكيره صوت وصول رسالة وكانت الرسالة عبارة عن صور لحور وسليم وهو ماسك إيديها وقاعدين في الكافيه. نظر مالك للصور بصدمة وعدم تصديق وقرر انه…….