رواية قلب الفهد الفصل الخامس 5 - بقلم ندى رأفت

جيان: انت فعلا قتلت رقيه يا فهد؟ فهد: انتي جبتي الكلام دا منين؟ جيان: والده رقيه جت انهارده وقالت لي كل الكلام دا. لف فهد واتجه لجيان بخطوات ثابته. جيان كانت خايفه جدا. وبعد فتره وقف فهد قدامها وقال: وانتي مصدقه الكلام دا؟ جيان بسرعه: لا طبعاً. فهد: اومال بتسأليني ليه؟ وقبل ما جيان ترد، خرج فهد وسابها في الأوضة. جيان بعصبيه وخرجت وراه: هو أنا مش كنت بكلمك؟ فهد: الكلام خلص. وكان هيخرج من الفيلا. جيان: انت رايح فين؟

راح قفل فهد الباب. جيان بعصبيه: ماشي. وخرجت وراه وفتحت باب عربيته وقعدت على الكنبة اللي وراها وقالت: أنا راحة معاك بقى، أنا كدا كدا كنت لسه راجعة من الشغل، جاهزة. فهد: تيجي معايا فين؟ انتي فاهمة أنا رايح فين أصلاً؟ جيان: أي كان، هروح معاك برضه. فهد: براحتك. وركب عربيته ومشي. وبعد فتره وصلوا لمطعم فخم جداً.

نزل فهد وقال: أهو عرفتي رايح فين، خلاص بقى متنزليش من العربية غير لما أرجعلك، ولو نزلتي يا جيان مش هيحصل كويس، مفهوم؟ جيان: مش من حقك تأمرني، أنا أعمل اللي أنا عايزه. فهد: مش انتي اللي وافقتي تتجوزيني؟ يبقى أنا دلوقتي جوزك وأنتي تحت حكمي، يعني أعمل اللي أنا عايزه، وأنا كمان مقفلتش العربية عشان عارف إنك هتسمعي كلامي. جيان بشك: وانت رايح تقابل مين بقى في المكان دا؟ فهد: متقلقيش، مش بنت.

جيان بتوتر: ومين قالك إني قلقانة؟ قابل اللي انت عايزه، أنا مالي. ضحك فهد على تصرفها ودخل المطعم. وبعد فتره... جيان: يا ربي، هو كل دا فين؟ أنا زهقت من القعدة في العربية، وجعانة كمان، ياريتني كنت أكلت مع جدو، طب أنا هنزل آكل وأجي تاني. وكانت هتفتح الباب لكن رجعت تاني وقالت: لا، فهد عصبي ولو شافني مش عارفة ممكن يعمل إيه.

وبعدها راحت قالت: بس أنا جعانة ومعرفتش أفطر بعد الكلام اللي سمعته، وكمان متغديتش مع جدو عشان مستنية فهد يوضحلي، يبقى كل دا بسببه، يبقى أنا هنزل آكل وبعدها أرجع تاني، دا المفروض كمان ياكلني على حسابه. وبعدها فتحت جيان باب العربية ونزلت وقالت: إن شاء الله مش هيشوفني ومش هيحصل حاجة. وبعدها دخلت المطعم بخوف وفضلت تبص يمين وشمال. وفي اللحظة دي كان قاعد فهد مع رجل أعمال بيناقشوا في موضوع في الشغل.

فجأة راح قال رجل الأعمال: إيه دا إيه دا، شايف القمر اللي هناك دي. راح بص فهد واتصدم لأنها جيان. الراجل: مش بالذمة قمر يا فهد؟ أنا عايزها. اتعصب فهد وقام ورحلها ومسكها من إيدها وخرج من المطعم. اتخضت جيان جامد وقالت: فففهد. فهد بعصبية: هو أنا مش قولت متطلعيش من العربية؟ جيان بعياط: والله أسفة، كنت... جعانة والله. وفي الوقت ده طلع رجل الأعمال وقال

وهو بيبصلها بنظرة غريبة: بقى في حد يعمل في قمر زي دا كدا، دي حتى وهي بتعيط حلوة. راح اتعصب فهد جامد وضغط على إيد جيان جامد. وفجأة سمع فهد صوت وجيان صوتت جامد ومن كتر صويتتها طلع الناس اللي في المطعم. ساب فهد إيدها وبعد عنها. راحت جيان بصتله بتعب والدموع في عينيها وإيدها مش قادرة تتحرك. راحت غمضت عينيها ووقعت على فهد. فهد بخوف: جي.. جيان.. جيان ردي عليا، جيان. الراجل: إيه القسوة دي، في حد يعمل في حاجة حلوة زي دي كدا.

بصله فهد بغضب. وبعدها واحد من الناس قال: هو اللي حصل. وبدأت الناس تتكلم. لكن فهد خد جيان بسرعة وركب العربية ومشي. وبعد فتره وصل فهد الفيلا وخبط بهبد. جد فهد: مين اللي بيخبط كدا؟ دادة عبير: استر يا رب. وراحت فتحت وقالت بصدمة: الهانم الصغيرة مالها؟ مال إيدها؟ فهد بهدوء: وسعي يا دادة. دخل فهد وطلع جيان أوضته ونيمها على سريره وخرج. وقبل ما يخش أوضة التمرين. جد فهد: جيان مالها يا فهد؟ إيدها اتجبست ليه؟ كان فهد هيمشي.

الجد بزعيق: رد عليا. فهد بعصبية: أنا اللي عملت فيها كدا، ارتحت. وبعدها ساب فهد جده وهو في حالة صدمة وخرج من الفيلا. الجد وبدأت الدموع تنزل من عينه وقال: أظاهر مفيش فايدة، مفيش فايدة، أنا آسف يا بنتي والله. وبعدها دخل باس راسها ومشي. وبعد فتره دخل فهد الفيلا وطلع أوضته ودخل بهدوء. فلقى جيان لسه نايمة فراح قعد جنبها وقال بندم وقال: أنا.. آسف، والله آسف، انتي متعرفيش دموعك دي غالية عندي قد إيه.

علشان كدا قولت لجدي إني مينفعش أتجوزك، لكنه أصر على كدا، بس أنا دلوقتي بقيت خايف عليكي جداً مني ومن الناس، بس الناس أكتر. وبعدها قام فهد وخرج ونزل نام في أوضة الضيوف. الصبح. صحيت جيان بألم. فبصت على إيدها وبدأت الدموع تنزل من عينيها وقالت: أنا متوقعتش إنك ممكن في يوم من الأيام تعمل فيا كدا يا فهد. وحاولت تقوم بس كانت بتتألم جداً. وبعدها بصت على الأوضة وقالت: أنا فين؟ فهد: في أوضتي، وهتفضلي فيها طول عمرك.