رواية قلب بريئ الفصل الرابع 4 - بقلم لوريتا يونس

طلعت نيرة شقتها لقت أبوها جه عليها وضربها بالقلم. نيرة بصدمة: بابا. أبو نيرة بعصبية وزعل: انتي خليتي فيها بابا. مين يلي كنت نازلة من عربيته؟ بتتسرمحي مع مين وبتقولي إنك بتشتغلي. انطقي يبت. أم نيرة: أهدى بس يا أخويا. أبو نيرة بغضب: ملكيش دعوة انتي. قولولي مين ده؟ انطق. نيرة بدموع: يا بابا.. ده صاحب المطعم. أبو نيرة: صاحب المطعم يوصلك؟ بتاع إيه؟ نيرة: هوا بيته قريب من بيتي وعرض عليا إنه يوصلني.. مش أكتر من كدا.

بعد عنها ومسح على وشه بضيق. نيرة: صدقني يا بابا أنا عمري ما أخون ثقتك أبداً. مش عارف انت ليه فكرت فيا كدا. للدرجادي انت شايفيني كدا يا بابا. انت مش واثق في تربيتك ليا. بعد كل اللي أنا بعمله عشانكو وبرضو محدش بيقدرني. أبو نيرة: يا نيرة افهمي العالم برة مش بريء زيك كدا. الناس كلها خطر ومؤذية، وممكن حد فيهم يستغلك في حاجة مش كويسة.

نيرة: متخافش عليا يا بابا.. أنا واثقة في الناس اللي بشتغل معاها. أنا مش عيلة صغيرة يا بابا. أم نيرة بمزاح: منكو لله خربتو المفاجأة. اللحظة دي أنا كنت عاملة صنية بسبوسة تستاهل بقكم.. بمناسبة إن بنتي حبيبتي لقيت شغل. بس بعد جو أمينة رزق ده اتقفلت وهروح أرميها. نيرة بلهفة: لا لا يا ست الكل، يرضيك كدا يا بابا هترمي نعمة ربنا. أبو نيرة بضحك: خلاص خلاص روحِ حطلنا حتة. أم نيرة بابتسامة: من عنيا.

نيرة بابتسامة: خلاص بقى يا حج فرفش كدا مالك زعلان ليه. أبو نيرة: خلاص يحبيبتي مش زعلان منك يا نور عيوني.. بس أنا واثق فيكي. أوعي في يوم من الأيام تخوني الثقة دي يا نيرة.. هتبقي لا بنتي ولا أعرفك. نيرة: متخافش يا بابا اطمن.. يلا بقى ناكل البسبوسة. تاني يوم. عمر: الو.. الو يا نيرة منزلتيش ليه.

نيرة وهيا بتخفض صوتها: أيوا يا عمر بيه معلش ينفع تمشي من تحت البيت. قصدي يعني تقف في حتة بعيدة شوية. عشان بابا بيزعق لما بركب مع حضرتك. عمر: تمام ماشي. نزلتله وراحت الحتة اللي وقف فيها. نيرة: معلش أنا آسفة بجد بس بابا بيزعق. عمر: هوا انتي مش معرفاه إنك بتشتغلي معايا؟ نيرة بزعل: لا لو عرف مش هيرضى يخليني أشتغل معاك تاني وأنا مصدقت. أقصد يعني عشان مش لاقية شغل وكدا. عمر: يلا طب عشان الزباين قربت تيجي. نيرة: حاضر.

وقفت واشتغلت كعادتها وجت بنت قربت منها وقالت: لو سمحتي عايزة عصير أورانج. نيرة: تحت أمرك يا فندم. أخدت شنطتها من غير ما تاخد بالها وحطت إزازة الخمرة بتاعتها. واتكلمت بصوت عالي وشدتها جامد من دراعها والكوباية اللي في إيديها اتكسرت على رجلها. نيرة بوجع: آآه.. رجلي. البنت بعصبية: آآه إيه انتي هتمثلي يا حرامية. إزازة الخمرة بتاعتي بتعمل إيه عندك؟ رُدي يا زبالة بدل ما أحبسك.

نيرة بدموع: والله العظيم ما أعرف جت في شنطتي إزاي. والله ما سرقت حاجة. البنت بزعيق: فين مدير المكان؟ عمر: في إيه حضرتك بتزعقي ليه؟ وليه ماسكاها بالطريقة دي؟ طلعت من شنطة نيرة إزازة الخمرة وحطيتها قدام عمر. البنت: أنا لقيت دي في الشنطة بتاعتها ومكتوب عليها اسمي كمان. تقدر تفسرلي إيه ده؟ نيرة بدموع: يفندم والله. عمر بعصبية: بس خلاص. انتي مطرودة.