رواية قلب بريئ الفصل السادس 6 - بقلم لوريتا يونس

نيرة بحماس: ماشي عمر: هبدأ أنا.. أي لونك المفضل؟ نيرة: البني.. وانت أكيد الأسود صح؟ عمر بضحك: أكيد عرفتي من لبسي. نيرة بضحك: صح.. طب بتحب الروايات؟ عمر: كنت بحبها أوي زمان بس دلوقتي لأ. نيرة باستغراب: ليه بس.. دي جميلة أوي بحسها بتوديك لعالم تاني كدا. عمر بحزن: تعرفي إن دا كان كلامي من 3 سنين بس.. بس بعديها كل حاجة اتغيرت.. مابقاش عندي شغف لأي حاجة. نيرة بحماس: تيجي معايا بكرة؟ عمر بتساؤل: أجي معاك فين؟

نيرة بابتسامة: نجيب لبس.. أنا معنديش صحاب كدا زيك.. فلو أنت معندكش صحاب وأنا كمان يبقى ننزل مع بعض.. عشان خاطري يا عمر بيه. عمر: طب بشرط. نيرة بلهفة: شرط إيه؟ عمر: بلاش تقوليلي يا عمر بيه تاني.. قوليلي يا عمر بس.. بلاش ألقاب. نيرة بفرجة: ماشي.. بكرة هرن عليك وتيجي معايا نجيب لبس.. ماشي. عمر بابتسامة: ماشي.. تصبحي على خير يا يورا. نيرة بخجل: وانت من أهل الخير.

قفلت معاه وهيا في قمة سعادة مش قادرة تفسر سببها إيه. نامت وهيا بتفكر فيه. صحيت على مكالمته.. ونزلت من بيتها وأول ما نزلت الدنيا مطرت جامد. نيرة بزعل: يوه.. هوا دا وقته؟ هنُخرج إزاي كدا؟ عمر بابتسامة: متزعليش.. مش مشكلة نخرج بردو.. دي الخروجة مبتحلاش إلا بالمطر.. بالله عليكي مش شايفة حلو إزاي؟ نيرة بابتسامة: هوا أنت بتحب المطر يا عمر؟

عمر بسعادة: أوييي.. انتي تعرفي يمكن كل حاجة فيا اتغيرت إلا حبي للمطر.. بحس إنه بيرجعني طفل تاني.. انت تعرفي حاجة.. أنا ببان غامض وشكلي مخيف بس أنا أصلاً تافه. نيرة بضحك: طب يلا يا عم التافه عشان المحلات هتقفل. عمر بضحك: خدتي عليا أوي.. تعالي يلا. نيرة: إيه رأيك في ده.. هيطلعك جود بوي أوي.. بدل ما أنت شكلك زي قتا.لين القت.لة كدا.

عمر: تعرفي انتي لو جبتيلي اللبس ده من 3 سنين كنت هلبسه وش.. أما أنا دلوقتي حاسس إني هرجع وأنا بتفرج عليه. نيرة: حرام عليك دا حتى شكله كيوت أوي.. لونه أصفر كدا حلو. عمر بشمئزاز: أصفر! أصفر ليه يا نيرة يا حبيبتي.. حد قالك إني موزة.. هاتلي يا ستي حاجة من اللون الأسود. نيرة بغضب مصتنع: أسود أسود! كل حاجة أسود في إيه يا ابني.. البس كدا حاجة فرايحي.. إيه الألوان دي بالله عليك. عمر بفرحة: بصي كدا وراكي.

نيرة بصت وراها لقيت جاكت جلد بني. نيرة بقلة حيلة: تاني يا ابني.. ارحمني من الجواكت الجلد دي شوية.. جرب البس قمصان.. طب تيشرتات.. إيه حاجة. عمر: لا.. أنا عاجبني ده.. هشتريه.. تعالي بقى نجبلك حاجة. نيرة بسعادة: الله.. بُص يا عمر حلو إزاي البنطلون ده. عمر بغضب طفيف: نعم ياختي.. دا ديق. نيرة: وفيها إيه يا عمر.. ونبي عشان خاطري سيبني أجيبه. عمر: بقولك ديق.. لأ.. أقولك.. البسي فساتين.. هتطلع عليكي تحفة.

نيرة باستغراب: بس أنا حتى مش محجبة.. ألبس إزاي فساتين؟ عمر بابتسامة: مش لازم تبقي محجبة عشان تلبسي فساتين يا نيرة.. تعالي يلا أجيبلك واحد هدية. عمر: بصي دا جامد إزاي.. هيطلع عليكي حلو أوي.. خشي البسيه كدا. لبسته وطلعت هيا بتلف حوالين نفسها بسعادة. نيرة بفرحة: شكلي حلو؟ عمر وهوا بيشيل خصلة مش شعرها ورا ودنها وقال بابتسامة: أحلى من القمر يا يورا. بصت في الأرض بكسوف ووشها بقى أحمر.

عمر بضحك: ليه كل ما بقولك كلمة حلوة وشك بيحمر كدا؟ نيرة وهيا بتخفي زعلها بابتسامة: يمكن عشان عمر.. ما حد قالي كلمة حلوة قبل كدا.. فا بيبقى الموضوع غريب عليا شوية. عمر وهوا بيتكلم بصوت واطي: دا انتي طلعتي نفس معاناتي. نيرة: بتقول حاجة يا عمر؟ عمر: ها.. لا ولا حاجة يا نيرة.. تعالي بقى نحاسب ونمشي. نيرة: ماشي. خرجوا من المكان.. وقعدوا في حتة بعيدة وشغلوا نار وسط الشتا. نيرة بحماس: تعالى بقى نكمل اللعبة بتاعت امبارح.

عمر بابتسامة: ماشي يا يورا. نيرة: عمرك حبيت يا عمر؟ عمر وشه اتغير وافتكر منى واللي عملته فيه.. ومردش على نيرة. نيرة بزعل: أنا آسفة لو ضايقتك.. خلاص مش مشكلة.. هسأل.. عمر: لأ.. هجاوبك.. إحنا صحاب والصحاب مينفعش يخبو على بعض حاجة.. أنا يا ستي كنت بحب.