رواية قلب لايبالى شئ الفصل الخامس 5 - بقلم ندا أحمد

في شركة الجارحي، في إحدى قاعات الاجتماعات، يجلس كل من مالك ومازن وزياد يتفقون على الصفقة. زياد: الصفقة دي المفروض تتسلم بعد 3 شهور، وبأي تكليف. هو مش مهم عنده الفلوس، هو المهم عنده يكون خلصان بعد 3 شهور بالكتير أوي. مالك: تمام، كده العمال وكل حاجة هنخليهم يقعدوا وقت أكتر.

مازن: أو نجيب عمال زيادة في فترة الـ 3 شهور دول عشان المشاريع التانية كمان، ما إحنا عندنا مشاريع تانية برضو مش عايزين نهملها. وكمان عشان العمال والمهندسين ما ينهجوش مننا، وما نعرفش ناخد منهم شغل. إحنا نجيب عمال ومهندسين في فترة الـ 3 شهور دي. مالك: دي فكرة أحسن بكتير. زياد: لا، الفكرة كيفيتني بجد، لا دماغك شغالة. مازن: دماغي شغالة في الشغل، مش شغالة في السواد والغل على الناس وإني أمشي شغلي بأي طريقة حتى لو شمال.

زياد بعصبية: أنت قصدك إيه؟ مازن ببرود: أنا كلمتك. أنا بديل مثلاً يعني. مالك: طب، إحنا كده اتفقنا على كل حاجة. الاجتماع الجاي نجمع فريق العمل بتاع شركتك مع فريق العمل بتاع شركتي عشان يبقى فيه تناسق وكل واحد يعرف هو هيعمل إيه. زياد: تمام. سلام. في الصعيد، سليمان (أبو مالك) : مالك يا مروة، وشك أصفر كده، فيه إيه؟ مروة: البنات وحشوني يا سليمان، مش متعودة على بعدهم عني كده. سليمان: هما بعدوا راحوا فين يعني؟

دول اتجوزوا، ما هما دلوقتي مع جوازهم. ادعيلهم ربنا يهدّي سرهم يا مروة. في الفيلا عند حور وشمس. شمس: أنا ممكن أفهم بقى، أنتِ ليه مدخلتيش طب؟ ومتعقليش اللي قولتيّه الصبح ده عشان مش داخل دماغي يا حور. حور: مفيش حاجة يا شمس، مجموعة مجاتش. شمس: يا إسلام، ما هما كانوا هيدخلوكي خاص، متستهبليش. حور: طب وعلى إيه، مش مهم بقى، كبري دماغك يا شمس.

حور في نفسها: أنا أصلاً مش عارفة إذا كنتِ هكمل سنة حتى. ده أنا كل ما بشوفه داخل بقول هيقولي انتي طالق، أقوم أدخل كلية سبع سنين. شمس: ماشي يا حور، براحتك. في شركة الجارحي، في مكتب مازن. مريم: مازن بيه، فيه سكرتيرة هتبدأ من بكرة. مازن: تمام يا مريم، هتعبك معايا بكرة تقعدي معاها تفهميها كل حاجة. مريم: حاضر يا فندم، حضرتك تؤمر بأي حاجة تاني؟ في المساء، في الفيلا، يتجمع الكل على العشاء. ياسين: تسلم إيديكم.

شمس وحور: بالهنا والشفا. زين: حور، أنا قدمتلك في الكلية وهتبدأي أول الشهر. حور: شكراً يا زين. زين: بكرة يا حبيبتي هبعتلك السواق بالعربية هيوديكم مول تشتروا اللي أنتوا عايزينه، واشتري لبس عشان الجامعة يا حور. وحبيبتي، أنا بكرة قبل ما أنزل هسيبلك الكريدت كارت بتاعتي. شمس: هييييييييييه. ماشي. وباسته من خده. خلصوا أكل، وشمس وزين خرجوا، وأسين راح لأصحابه، ومالك خرج. حور فضلت قاعدة في الأوضة تعيط لحد ما نامت.

تاني يوم الصبح على الفطار، حور عينها ورمة وحمرا من كتر العياط. ياسين: إيه ده، عينك مالها يا حور؟ حور: حاسية عادي يا ياسين. شمس بشك: وأنتِ عرفتي منين إن دي حاسية؟ ما حصلتش معاكي قبل كده. حور: عادي يا شمس، هي أعراض حساسية، هي شوية وهتبقى كويسة خلاص. إيه بقى. زين: خلاص يا شمس. خلصوا أكل. زين: يلا يا شباب. مالك: اسبقوا انتوا وأنا جي وراكم. حور عايزك.

وطلع الأوضة، وأول ما حور دخلت، لقت اللي بيشدها من شعرها جامد وهي عمالة تعيط، وماسكة إيده اللي محطوطة على شعرها. مالك: بت، انتي الحركات اللي بتعمليها دي لو حصلت تاني متلوميش غير نفسك. ماشي؟ بتعيطي، عيطي. انتي غاوية نكد؟ لقيتي عينك كده تترزعي في الأوضة ومتنزليش، لاكن تبيني ليهم إني بعذبك بقى وإني معيشك في جحيم عشان لما أطلقك أبقى الوحش وانتِ ملاك. لا يا حبيبتي. ماشي. وراح زقها ووقعت على الأرض ونزل وراح الشركة.

في شركة الجارحي، في مكتب مازن. ايه: صباح الخير يا فندم. أنا السكرتيرة الجديدة لحضرتك. مازن بص لها وسرح في جمالها ورقتها. مريم: مازن بيه. مازن: احمم. تمام يا إيه، مريم هتعرفك كل حاجة. وهاتيلي القهوة بتاعتي مظبوطة. ايه: حاضر يا فندم. (ايه: بنت شعرها أسود في بني وعيونها سودا وواسعة وبشرتها قمحاوية بس بيضا شوية وجسمها مرسوم) عند حور وشمس في المول. شمس: يا بنتي، أنتِ ليه مش عايزة تشتري حاجة؟

حور: مش عايزة حاجة يا شمس، مش محتاجة حاجة. شمس: براحتك يا حور، بس أنا عايزة أجيب. حور: ماشي يا حبيبتي، ما أنا معاكي أهو. بعد لف ساعتين. شمس: أنا جعانة أوي، تعالي نروح ناكل في أي محل من دول. حور: لا، أنا مش جعانة. شمس: إيه يا حور، أنتِ مش عايزة لا تاكلي ولا تشربي؟ ده انتي جبتي بيبسي بالعافية يا بنتي. حور: معدتي تعبانة، فيه مقريفة شوية. (حور لنفسها)

: أعمل إيه يعني لما أكون ماشية معايا 100 جنيه وهو مكلّفش خاطره يسيبلي أي حاجة. يارب أنا تعبت. في الشركة، في مكتب مالك. مريم: مالك بيه، نانسي هانم برا. مالك: دخليها. نانسي: حبيبي، وحشتني، كده متسألش عليا. وراحت قاعدة قدامه على المكتب. مالك: مشغولة. نانسي: مشغولة عليا أنا برضو. وقعدت على رجله وباسه من شفايفه. فجأة باب المكتب اتفتح.