رواية قلب لايبالى شئ الفصل التاسع 9 - بقلم ندا أحمد

رجع مالك أوضة حور في المستشفى ومعاه الأكل. مالك: ياله يا حور عشان تاكلي. حور: أنا مش عايزة آكل، أنا عايزة أمشي. مالك: طيب كلي الأول وبعد كده نشوف موضوع المشي ده. حور بزعيق: أنا عايزة أمشي! أنا مش عايزة أشوفك، روحني! مالك: طيب بس خلاص، اهدّي. هروح أخلص إجراءات المستشفى. *** في شركة الجارحي، في مكتب مازن. مازن: إيه، اعملي حسابك إنك هتسافري معايا الأسبوع الجاي شرم عشان المشروع اللي هناك فيه مشاكل ومعرفش هتخلص إمتى.

إيه: حاضر يا فندم. *** في العربية، مالك وحور. حور لنفسها: إنتي اتضايقتي لما عرفتي إنه اتجوز؟ بأمر إيه؟ على أساس إنك مراته مثلاً؟

ده إنتي لو خدامة هيخاف يعملك كده. لتسيبيه وتشوفى شغل تاني. إنتوا هتفضلوا متجوزين ست شهور وهتطلقي، وفي الفترة دي هو في حاله وإنتي في حالك. عدي الفترة دي على خير يا حور. آه، إنتي بتحبيه من قبل ما تتجوزوا، بس إنتي مشوفتيش منه حاجة عدلة يا حور، لا كلمة ولا نظرة ولا حتى ابتسامة. ده إنتي مراته ومحولش يمسك إيدك؟ هو شايفني وحشة أوي للدرجادي؟

فوقي لنفسك يا حور وركزي في جامعتك ومستقبلك. وهو إنتي مش في دماغه ولا حتى معتبرك موجودة؟ ده حتى مستناش لما يفوت على جوازكم شهرين ولا حاجة وراح اتجوز. متزعليش على حد باعك يا حور. وخليكي مركزة في تحقيق وصية أبوكي. دموعها نزلت غصب عنها ومسحتها بسرعة. حور: ابيه، كنت عايزة أقول لحضرتك حاجة. مالك: قولي يا حور، بس بلاش ابيه دي. مش إحنا بقينا أصحاب؟

حور: معلش عشان أفضل فاكرة إنك ابيه. المهم، الدكتور عندي في الجامعة عامل تدريب للمادة بتاعته في شركة كده وأنا لازم أروح عشان عليها درجات وأعمال سنة، طبعاً لو حضرتك وافقت. مالك: مفهمش يعني إيه عشان أفضل فاكرة إنك ابيه؟ ... ماشي يا حور، روحي بدل حاجة لمستقبلك وهتفيدك. حور: شكراً. *** في الفيلا، في أوضة زين وشمس. زين: حبيبتي، عارف إني أهملتك الأيام اللي فاتت، بس أديقي شايفة عمايل أخوكي في حور. والله البت صعبة عليا.

شمس: ربنا يهديه. زين شدها من وسطها عليه ومبقاش فيه فرق ما بينهم. زين: إنتي عارفة إنتي وحشتيني أوي. شمس بتحاول تبعد عنه. شمس: زين مش وقته... بطبع قبله يعبر فيها عن مدى شوقه وعشقه لها، ونسيبهم لحد هنا. *** عدى أسبوع. الوضع كما يلي: زين يحب في شمس ويتوعد لمالك. ياسين في دنيا تانية خالص. مالك بيحاول يبقى صاحب حور، بس هي بتبعد. حور مركزة في جامعتها وقدمت على التدريب وقربت من لينا وحكتلها كل حاجة وبقوا صحاب أوي.

مازن بيحاول يتقرب من إيه، بس هي بتصده بكل الطرق. *** في صباح يوم جديد مليء بالأحداث. الكل يتناول الفطار في الفيلا. ياسين: فين حور؟ حور من على السلم: أنا أهو يا عم ياسين. أول ما شافها صفر: إيه ده؟ إيه كل ده؟ لا ده إنت تتعاكس يا قمر. حور: بس ياض. شمس: دي جننتني أنا ولينا صحبتها امبارح وإحنا بنشتري اللبس.

(حور كانت لابسة بنطلون خروج شروال بيج بحزام عريض فيونكة وجزمة بكعب سودا وبلوزة تلت كم نبيتي منقطة بلون البنطلون وشنطة سودا) حور: بس بقى خلوني آكل عشان ألحق. ده أول يوم يا ناس. زين: بت، صحيح الشركة اسمها إيه؟ حور: شركة الدالي. مالك وزين: نعم؟ حور: إيه؟ زين: دي الشركة المنافسة! إنتي ملقتيش غير دي؟ حور: الدكتور بتاع المادة ليه أسهم باين في الشركة وبيعمل كده كل سنة. مالك: طيب ماشي. حور: سلام. *** مازن: ألو.

إيه: أيوه يا فندم. مازن: هعدي عليكي بالعربية، إنتي بيتك فين؟ إيه: ملوش لازوم التعب يا فندم، أنا هرجع. مازن: ما أنا كده كده رايح، هشيلك على دماغي وكمان عشان يبقى حد معايا ونس. إيه: تمام. العنوان... مازن: تمام، نص ساعة وأكون عندك. *** في شركة الجارحي. مالك: يا زياد، فيه مشكلة في التصاميم عندكم؟ زياد: أنا مش عارف أعمل إيه. طيب... بص، تعالى طيب وشوف. مالك: تمام، أنا جاي. *** وصل كل من ليان وحور شركة التدريب.

المدير: أستاذة ليان، حضرتك هتتدربي مع أستاذ عادل. وحضرتك يا أستاذة حور هتتدربي معايا. المدير: اللي حضرتك تشوفه يا فندم. *** في العربية عند مازن وإيه. مازن: أنا معرفش أي حاجة عنك يا إيه، كلميني عن نفسك شوية. مازن: ليه؟ إيه: بابا وماما متوفين وعندي أخ كبير دكتور، إحنا الاتنين بس اللي عايشين مع بعض. مازن: هو اللي ساعات بيجيبك؟ إيه ضحكت جامد: آه، هو. مازن سرح في ضحكتها وبدون وعي: ضحكتك حلوة. إيه بكسوف: احم، شكراً. ***

وصل مالك شركة زياد. زياد: تعالى يا مالك... تشرب إيه؟ مالك: هاتلي فنجان قهوة بقى كده، ووريني فين المهندسين المتخلفين اللي عندك. زياد: طيب... اطلب ليه قهوة، وحضرولي أوضة الاجتماعات، واطلب كل مهندسين التصميم في بعد شوية. زياد: يلا على الاجتماع. دخل مالك الاجتماع وكله موجود، وبعد شوية الباب خبط ودخلت حور. حور: أنا آسفة جداً. زياد: تعالي ولا يهمك، اقعد.

زياد: أقدم لك يا مالك، حور متدربة هنا بس ليها مستقبل هايل، شاطرة جداً. حور: شكراً لحضرتك. مالك: إنت بتعرفني على مين دي؟ حور: ابن عمي.