رواية قلب لايبالى شئ الفصل الثاني 2 - بقلم ندا أحمد

في صباح يوم جديد في الصعيد، في دار الجارحي. مروه: حمد الله على السلامة يا ولاد، وحشتوني. إيه كل ده؟ بقالكم شهرين مش بنشوفكم، إيه نستونا ولا إيه؟ ياسين: حقك عليا يا أمي، وانتي كمان وحشتيني. بس نقول إيه، معلش نستحمله برضه. نجلاء: زين ابني وحشتني يا قلب أمك. زين: انتي كمان يا ماما وحشتيني. بصي يا مرات عمي، ابنك ده منه لله، ده بيطلع لي في الحلم وهو بيزعق. مالك: مالك؟ الجد: انتوا لو ماشيين عدل مش هزعق، ها؟

انت وهو هتسكتوا ولا أقول؟ الجد: ازيكم يا حبيبي، عاملين إيه؟ الثلاثة: الحمد لله يا جدي، وحشتنا. وكل واحد بيبوس إيد الجد. زين: جدي ارحمني من أبو لهب ده يا جدي. الجد: هههههههههه، بس ياض، لِيحدفك لجهنم. اسكت. مالك: حتى انت يا جدي؟ الجد: يلا اطلعوا ارتاحوا لحد ما الأكل يتعمل. زين: هما فين البنات يا جدي؟ الجد: نايمين. على ما ترتاحوا يكونوا صحيوا. *** في شركة الجارحي. مريم: صباح الخير يا حازم بيه.

حازم: صباح الخير يا مريم. هات لي القهوة بتاعتي، وهاتي وتعالي لي على المكتب، وندهي لي حسام. مريم: حاضر يا فندم. *** في أحد النوادي في القاهرة. نانسي: يلا يا بنات، أنا هروح بقى عشان أروح أغير وأروح لحبيبي الشركة. هاجر: اممم. إيه ده؟ هو حبيبك مقالكش إنه مسافر ولا إيه؟ اوووه يا حرام. نانسي بتوتر: سافر؟ ااااااه، ده قالي وأنا نسيت. بس انتي عرفتي منين؟ هاجر: مش مهم تعرفي. أنا ماشية، باي. نانسي: يا بن...

ماشي، أنا هوريك مين هي نانسي كابر. *** في الصعيد، في دار الجارحي. فتحية: يلا يا بنات اصحوا، ولاد عمكم جم من القاهرة. يلا عشان نفطر كلنا مع بعض. يلا. حور وشمس بسعادة: حاضر. كل واحدة لبست ونزلت. حور: حمد الله على سلامتكم. مالك: الله يسلمك. زين: الله يسلمك يا نجيبة. تعالي مبروك يا بت. أمال كان إيه العياط والرعشة اللي أيام الامتحانات دي؟ ده انتي دحيحة يا بت.

حور: بس يا زين، اسكت. ده و البت شمس بتقولي إن النتيجة طلعت. قلبي كان هيقف. كنت هموت. مالك: مبروك يا حور. حور: الله يبارك فيك يا ابيه. ياسين لسه نازل. شمس أول ما شافته جريت عليه وحضنته. زين لعليا: شايفه الإخوات؟ مش الناس السودة. عليا بصتله ومردتش عليه. ياسين: الصغير اللي مشرفني. حور: ياسين وحشتني. مش بتكلمنا ليه؟ ياسين: غصب عني. م أبو لهب مش عاتقني لا في البيت ولا في الشركة.

زين بيصطنع البكاء: آه واللهي، ده إحنا حالتنا صعبة. اسكتي يا أختي، اسكتي. الكل ضحك. مالك: تستاهل انت وهو. أحسن. انتوا لما بنسيبكم شوية بتتسرّحوا وتروحوا تقطعوا. زين وياسين: ده مالك ده، مفيش زيه. يا ريت كل المديرين زي مالك. فتحية: يلا عشان ناكل وبطلوا رغي. كلوا وخلصوا أكل. زين: جدي، عايز حضرتك في موضوع كده. الجد: تعالوا انتوا الاتنين. وبيشاور على مالك وزين. على المكتب، أصلاً عايزكم. *** في شركة الجارحي.

حازم: حسام، عملت إيه مع العميل بتاع السخنة؟ حسام: واللهي يا فندم، دي مطلعة عيني. مفيش حاجة عاجباها. وكل اللي بعملهولها، كل ما أوريها حاجة تقول لي: "لأ، مش حلوة". أنا قولت من الأول تخلو مالك هو اللي يمسك المشروع بتاعي، وأنا عمال أسايس فيها لما هطقش دماغها في الحيط. حازم: وبعدين بقى في الست دي... طيب، لما ييجي مالك أنا هتكلم معاها. اتفضل. حسام: عن إذنك يا فندم. *** في الصعيد، في أوضة حور.

ياسين: اللي انتي بتطلبيه ده يا حور، لو اتشقلبتي جدك مش هيوافق عليه. حور: يا ياسين، أنا عايزة أحقق أمنية بابا وماما إني أدخل الجامعة. ياسين: بصي، أنا معاكي في اللي انتي بتقوليه، بس جدك استحالة يوافق. نجلاء: بت يا عليا. عليا: نعم يا ماما. نجلاء: اتكلمي كتير مع مالك، قربي منه أوي، اهتمي بيه طول ما هو هنا. هو اللي ماسك كل حاجة، يابت. عليا: من عنيا. شمس واقفة في الجنينة. زين: ازيك يا شمس.

شمس: الحمد لله يا زين. انت عامل إيه؟ زين: أنا كويس الحمد لله. فترة صمت قطعها زين. زين: بتعملي إيه بقى؟ شمس: مش بعمل حاجة. زين: طيب، أنا هروح أشوف جدي. شمس: ماشي. عند الجد. الجد: ادخلوا. خير يا زين، عايز إيه؟ زين: بص بصراحة يا جدي. الجد: إيه يا زين، متخلص. زين: أنا عايز أتجوّز شمس بنت عمي. الجد: اممممممممم. أنا معنديش مانع طبعًا، بس القرار في إيد أبوها، وطبعًا موافقتها هي أهم حاجة.

زين: آه طبعًا يا جدي. أنا جيت أقولك الأول عشان يعني تمشي لي الموضوع. الجد: ماشي يا زين. مالك: خير يا جدي، انت قولت إنك عايزنا إحنا التلاتة. خير. الجد: مالك، انت هتتجوز حور بنت عمك.